Forum Replies Created
-
Replies
-
Það hefur fallið dómur í máli vegna "utanvegaakstur" að Hrafntinnuskeri. "Utanvegaraksturinn" var dæmdur löglegur enda verið að aka veg sem lagður var fyrir ríkisfé (Landsvirkunar).
Líklega um 10 ár síðan þetta var. Grunur er að raunverulega ástæðan hafi verið að FÍ vildi ekki samkeppni á laugarveginum, vildi ekki trússferðir eftir honum (eða þannig hljómaði þetta allt allavega).
kv
Rúnar
Í DAG?? af öllum dögum..!
Var það ákvöðrun Svandísar? Var þetta kannski "eini" dagurinn sem hægt var að taka á móti undirskriftunum?
kv
Rúnar.
Þarf ekki fjarskiptanefnd að boða til erfidrykkju?
Setning eins og að minnka boostið og auka olíuflæðið til að "auka power" gefur ákveðið hint um að maðurinn viti ekkert hvað hann er að tala um. Annað er að stækkun á pústi hefur engin áhrif á max boost. Max boost er stjórnað af loka og er fast á ákveðinni tölu. Stærra púst getur bara haft áhrif á það hversu fljótt túrbínana nær þessu boosti, eftir það hindrar lokinn það að boostið verði of hátt (reyndar voru þessir lokar bilaðir í einhverjum af fyrstu pöttunum sem leiddu til overboosts á þeim og svona búmmi í húddinu…:)
Þessir mótorar höfðu fyrst einfaldlega ekki olíukælingu á stimplunum, sem gerði það að verkum að þeir bráðnuðu undir heavy load (að keyra á 120 kph á Patrol er "heavy load"
Quick fix var að auka olíumagnið í pönnunni svo mikið að stimpilstangirnar náðu niður í hana og svettu henni upp og útum alla vél (og kældu með því stimplana). Alvöru lausnin var síðan ný vélarblokk með olíukælingu á stimplunum.
Svona hef ég allavega heyrt þetta og þetta meikar meiri sense í mínum eyrum.
Annars væri gaman að heyra hvað GÞÞ hefur um þetta að segja…Hvað sem öðru líður þá virðist alvöru fixið hafa virkað, og virkað vel.
kv
Rúnar.
Þetta er eitthvað það mesta bull sem ég hef lesið lengi (eða alveg síðan í gær, að ég las grein eftir fyrrverandi biskup…)
kv
Rúnar.
Í mbl í dag:
"Vilja láta bæta aðgengi að friðlandinu í Þjórsárverum
Jón Vilmundarson, sveitarstjórnarmaður í Skeiða- og Gnúpverjahreppi, segist álíta að meirihluti sé á svæðinu fyrir stækkun friðlandsins í Þjórsárverum. En þá verði sveitarfélögin að fá einhverja aðstoð við að vakta svæðið og hugsa um það.
Aðgengi verði að bæta, gera vegi og stíga, setja upp útsýnisstaði og upplýsingaskilti. Svæðið hafi verið friðlýst en ekkert aðhafst til þess að gera það aðgengilegra fyrir þá sem vilja njóta þess.
Svandís Svavarsdóttir umhverfisráðherra segir í grein í Morgunblaðinu í dag að stækkun friðlandsins sé eitt mikilvægasta náttúruverndarmál á landinu til langs tíma"
Nú eða eins og ég hef sagt áður þá stefnir þetta þjóðgarða- og verndarsvæðabull allt, í að verða mesta umhverfisslys íslandssögunnar.
kv
Rúnar, náttúruunnandi.
Þetta sendi ég. Því besta frá Benna stolið og heilmiklu bætt við frá eigin hjarta:
Ég undirritaður elska land mitt og hef ferðast um það og notið þess akandi, gangandi, á allskonar skíðum, vélsleða, snjóbíl, fjallahjóli og sjókayak undanfarin 20 ár. Allar þessar tegundir útivistar gefa manni nýja sýn á landið, nýja upplifun, og get ég ekki sagt að nein þeirra sé merkari eða lakari en önnur, og engin getur komið í staðin fyrir aðra. Því mótmæli ég þeirri skerðingu og mismunum á ferðafrelsi fólk, sem verið er að setja inn með lokunum á akvegum og slóðum innan Vatnajökulsþjóðgarðs.
Ég mótmæli því harðlega að loka eigi akvegum og slóðum innan Vatnajökulsþjóðgarðs sem að eknir hafa verið í áratugi án þess að náttúran hafi borið skaða af. Þær leiðir sem um ræðir eru leiðir á Jökulheimasvæði, leið um Vonarskarð, Heinabergsdal og Vikrafellsleið. Flestar þessara leiða liggja um úfin hraun og foksanda þar sem að umferð manna, á hvern hátt sem hún er er vart merkjanleg nema í stuttan tíma eftir að farið hefur verið um. Jökulheimasvæðið hentar illa til gönguferða, þungt undir fót, foksandur mikill og nánast vatnslaust. Takmörkun akandi umferðar þar er því í raun almenn takmörkum á allri umferð um svæðið. Takmörkun sem er með öllu tilgangslaus.
Vonarskarð er stórt. Þar hefur legið akvegur um áratuga skeið án nokkurra vandamála og get ég ekki skilið hvernig hann á að verða að vandamáli í framtíðinni. Þarna er nóg pláss fyrir bæði gangandi sem og þá sem ekki eiga möguleika á margra daga gönguferðum.Með því að loka þessum leiðum er verið að gera einni tegund útivistar hærra undir höfði en annarri og jafnframt að koma í veg fyrir að mikill meirihluti áhugasamra ferðalanga geti notið þeirrar stórbrotnu náttúru sem að svæðið hefur upp á að bjóða. Ég er faðir tveggja ungra barna í dag sem njóta ferðalaga okkar sýst minna en ég. Með þessum lokunum er stórlega verið að takmarka möguleika mína til þess að ferðast með börnum mínum um svæðin, og þar af leiðandi er verið að draga úr áhuga mínum á því að ferðast um þar. Vil ég meina að svipað gildi um stóran hlut þeirra ferðalanga sem um svæðið ferðast í dag, og munu gera í framtíðinni. Ástæðurnar geta verið ýmiskonar, enda augljóst að mikill hluti ferðamanna sem koma mun í þjóðgarðinn hefur ekki líkamlega getu (eða einfaldlega áhuga) til margra daga gönguferða með búnað. Með þessu er því verið að fækka þeim ferðamönnum sem hafa áhuga á að ferðast um garðinn og hlítur það að vera andstætt markmiðum hans sem og hagsmunum allra hagsmunaðila. Það að halda þessum leiðum opnum hefur þar að auki engin áhrif á ferðamöguleika okkar sem viljum ganga um svæðið. Það er hægt að útfæra endalaust margar skemmtilegar gönguleiðir án þess að til árekstra komi enda liggja allar skemmtilegustu gönguleiðirnar þar sem bílar almennt komast ekki.
Jafnframt mótmæli ég þeim ákvæðum verndaráætlunar að þjóðgarðsverðir megi loka ákveðnum svæðum án rökstuðnings. Við þurfum ekki geðþóttaákvarðanir einstakra aðila í þessum þjóðgarði. Það hefur þegar sýnt sig að slíkar geðþóttaákvarðanir landvarða á fjallabakssvæðinu hafa valdið úlfúð og jafnvel kærum.
Ég mótmæli því einnig að akandi ferðamönnum sé ekki heimilt að tjalda á sömu stöðum og gangandi ferðamönnum. Slíkt er einfaldlega brot á jafnræðisreglu og ég efast um að það standist fyrir dómi að mismuna fólki á þennan hátt og er þess einnig fullviss að á það verður látið reyna ef þetta fer óbreytt í gegn.
Ég mótmæli því einnig að ákveðnir slóðar verði einungis opnir þeim sem hafa hagsmuni af honum vegna atvinnu. Það er ólíðandi að landið sé einkavinavætt og fært ákveðnum ferðþjónustufyrirtækjum á þennan hátt. Það eru gæði og verðmæti fólgin í því að fá að ferðast frjáls um landið, hluti af lífsgæðum okkar íslendinga, – það á ekki að færa ferðafélögum og fyrirtækum þau verðmæti að gjöf á kostnað almennings.
Á sama hátt mótmæli ég því að ákveðnar leiðir verði einungis opin veiðimönnum á veiðitíma – slíkt er á nákvæmlega sama hátt brot á jafnræði að aðrir en vopnaðir menn með veiðileyfi upp á vasan fái ekki að ferðast um viðkomandi svæði.
Ég mótmæli einnig öllum hugmyndum um frekari lokanir fyrir akstur á snjó og frosinni jörð í Vatnajökulsþjóðgarði sem og akstur á jökli. Nú þegar eru lagðar allt of miklar takmarkanir á akstur um jökulinn á besta ferðatíma um hann. Slíkar lokanir eru með öllu tilgangslausar. Þoli einstaklingur ekki að sjá hjólför í snjó eða fjölskyldufólk á ferðalagi á jökli, þá er það vandamál sem viðkomandi á að eiga við sjálfan sig. Slíkt sálfræðilegt vandamál einstaklings á ekki að nota sem afsökun til að banna öðrum að ferðast. Sjálfur hef ég sem betur fer ekki orðið var við þetta sjónarmið hjá því göngufólki sem ég hef hitt á jökli, þvert á móti. Því skil ég ekki löngunina hjá sumum að loka stórum svæðum jökulsins fyrir vélknúinni umferð.
Ég mótmæli því einnig að ekki hafi verið haft samráð við fulltrúa allra útivistarfélaga við gerð verndaráætlunarinnar. Fulltrúar útivistarfélaga hafa á flestum stöðum verið fulltrúar Ferðafélags Íslands og einungis og augljóslega haft hagsmuni þess félags og þeirrar ferðamennsku sem þar er stunduð að leiðarljósi. Þó er það þannig að stærstan hluta ársins eru það félagsmenn jeppa- og vélsleðafélaga sem ferðast mest um jökulinn og nágrenni hans, en verndaráætlunin ber þess augljós merki að lítið samráð hefur verið haft við þá hópa, og fær maður á tilfinninguna að markmiðið sé frekar að útiloka þessa hópa frá svæðinu.
Ég hvet alla hlutaðeigandi að setjast aftur að vinnuborðinu og í þetta sinn með opnari huga og meiri samstarfsvilja en áður. Landið okkar er algjörlega einstakst á heimsvísu og með öllu ólýðandi að aðeins einstaklingum með áhuga á ákveðinni tegund ferðamennsku verði heimilt að njóta þess til fulls.
Ekki veit ég hvort satt er en heyrði þó að fyrstu 3.0 lítra vélarnar hefðu einfaldlega ekki haft olíukælda stimpla (smurolíu sprautað á þá neðan frá), eins og flestar alvöru vélar. Quick fixið var að hella nógu mikilli olíu í pönnuna svo að stimpilstangirnar færu ofaní hana og skvettu upp olíu með því (skvettumótor eins og gamall rútukall sagði og brosti). Svo 2003 komu nýjar blokkir með innbyggðri olíukælingu.
IH tók mjög alvarlega á þessu og menn fengu nýjar vélar í umvörpum gratis. Sem má sjá á pósti Agnars hér að ofan en hans vél virðist hafa verið kominn út fyrir hina lengdu 5 ára /150.000 km ábyrgð sem þær fengu vegna þessa galla.kv
Rúnar
3 lítra mótorarnir voru með nokkur leiðindi fram til 2003 að ég held. Eftir það hafa þeir verið til friðs.
Ertu búinn að athuga hjá Toyota sjálfum?
Í rútunum er einfaldlega settur upp loftlásari sem blæs stöðugt hreinu lofti inn í lestarnar. Þar sem engin er svo útgönguleiðin fyrir loftið, þá myndast yfirþrýstingur í lestunum. En þar sem lestarnar eru svo náttúrulega ekki alveg loftþéttar þá blæs stöðugt út loft um allar glufur og hindrar þannig að rykugt loft (eða vatn) komist inn. Einfallt í raun en sennilega vandamál að fá aðgang að hreinu lofti kringum fellihýsið..!
kv
Rúnar.
Hefur einhver reynt að yfirþrýsta húsin til að halda rykinu úti? Svona eins og rútukallarnir gera til að halda ryki út úr lestunum á rútunum?
Kv
Rúnar
Ódýrast er að brenna þetta sjálfur undir
Annars eru flestir í þessu. Ertu með fellihýsi?
Föst í botni? Hvað er eiginlega svona vont við það? Aldrei skilið allt þetta hype út af föstum benzíngjöfum.
Kv
Rúnar.
Ég myndi byrja á skipa/báta verslunum.
Er með nýlegan Ægis-tjaldvagn sem ég setti undir 15" felgur og loftpúða og þetta er bara snilld. Orginal flexitorinn, þótt hann sé rosalega góður og sterkur og allt, er bara í besta falli fyndinn í samanburði við loftið (og eyðileggur svo allt útilegudótið manns, keyri maður eitthvað á fjallvegum).
Með loftpúðunum fer vagninn ekki að hreyfast fyrr maður er farinn að keyra á slóðum með ofanýburð með kornastærð á stærð við fótbolta. Eiginlega keyrir maður bara eins og enginn sé vagninn aftaný.
Fínpússning , íshellu 2 Hafnarfirði., S 553 2500.
Malað Basalt. Selt í 30 kg pokum, fínt verð.
Var reyndar full grófur fyrir mig svo ég sigtaði hann bara með bökunarsigti konunnarSvo er held ég Poulsen einnig að selja eitthvað í þessa áttina líka.
kv
Rúnar.
Orginal er fjöðrunarsvið hliux líklega um 20 cm, þannig að þegar kerran hjá þér er lögst saman þá eru fjaðrirnar rétta að leggjast á burðarblöðin. Möguleikar í stöðunni? Setja loftpúða með fjöðrunum, hækka kerruna (t.d. með því að síkka fjaðrirnar), nota miklu stífari fjaðrir (gera kerruna fjöðrunarlausa), eða nota hjámiðju hásingu (þ.e.a.s. lækka hásingarrörið á nöfunum, ef það er þá hægt).
Ef þetta eru fjaðrir af double cab diesel, þá er sá bíll gerður til að bera 1.6 tonn á afturhásingunni.
kv
Rúnar.
