Forum Replies Created
-
Replies
-
"This is also the only truck on the list still in production."
Þarf að segja meira!
Þarna rataðirðu á það, værir virðulegur á svifnökkva, allavega mun gáfulegri kaup en í þessum 2 síðustu…
Mér sýnist verkfræingurinn hafi hitt á naglann og útskýrt fræðin þannig að allir hljóti að skilja, en reyndar skildi ég ekki eitt í hans fræðum, þar sem talað er um "niðustaðan", er átt við að hljóðfræði sé beitt eða hvað?
Annars er það niðurstaðan í þræðinum að mér sýnist á öllu að strætó hafi gert grundvallarmistök í sýnu leiðarkerfi því af þessum vef að dæma virðast þeir helstir hafa áhuga (og ama) á þjónustu þeirra sem eiga Patrol í hlaðinu….!
Skúli, reyndar ekki en það er rétt hjá þér að svo var einu sinni. Þá var ég að sækjast eftir burði og tímdi ekki í loftið. Klossar undir "orginalann" voru því ekki "option" eins og eik ýjar að sé lausn mála. Auðvitað veit ég hvers kyns er hjá þér og eik kemur aðeins inná það með stífu gormana. Er viss um að hefðirðu sett afturí skott svona 20 (40kg/stk) sementspoka hefðirðu náð mun lengra á þessum gormum (nýtt samansviðið betur). Ef þú ert ekki að rogast með mikið farg alla daga er þess virði að setja td. county gormana undir, drifgetan batnar nebbilega líka við það.
Verki, sumt rétt, td. að hann er roskinn, en annað ekki og þú veist það vel trúi ég. Ég er nú bara þannig gerður einhvernvegin með alla mína þumla og hrukkur að mér hentar ekki að ferðast um í bómull. Sumir eru bara hraustari (eða klaufskari) en aðrir sko. Sama hvað þú segir um Rover, hann hefur staðist gríðarlegt áhlaup undanfarin ár betur en flestir aðrir bílar hefðu gert.
Ýktur: Held reyndar að sumt af þessum húmmör komi ekki til að góðu. Þetta er auðvitað ákveðin tækni til að bregðast við umfjöllun :).Sveitavargurinn klikkar ekki, jafnvel þó breskur sé.
Hvers konar spítukubbur er bíllinn hjá þér eiginlega? Hefði nú veðjað hærra skori á þig.
Margoft hafa birst hér skrif sem ekki eru allra. Það þekkja allir, og flest vefspjöll eru brennd sama marki. Það hefur þó ætíð verið og ER opinber stefna klúbbsins að halda vefspjallinu opnu. Það hefur ávalt verið niðurstaða umræðunnar og er að mínu mati skynsamlegt. Um þetta eru auðvitað skiptar skoðanir og allt í lagi með það. Nú hefur verið brotið blað sýnist mér í sögu spjallsins. Játa að það kemur á óvart og koma þá upp þessar spurningar:
1. Hvers vegna þessir?
2. Hvernig ber það að?
3. Hvaða hagsmunum er verið að þjóna?Þeir sem fylgst hafa með umræðunni síðustu misseri hafa auðvitað tekið eftir óvæginni gagnrýni og á stundum undarlega beinskeittum skrifum um ýmis mál, á alla bóga. Bæði á það við um þá sem lokað var á og eins marga aðra, ma. suma þeirra sem hafa verið til andsvars í þann og þann tíma, og er hluti "þotuliðs 4×4" þar engin undantekning.
Ég tek ekki afstöðu til réttmæti gagnrýninnar eða andsvara í einstökum málum hér eða framsetningu á málum sem aðilar máls hafa borið upp en tvennt er allavega ljóst. Annars vegar snertu einhverjir "kauninn" á einhverju fyrirmenninu sem ekki þoldi, og hins vegar hafa þeir opnað umræðu um sum mál sem vissulega var kominn tími til að minnast á og ræða.
Margoft hefur því verið haldið fram, og það er held ég almennt talið rétt, að hver og einn standi fyrir því sem þeir segja á vefspjalli, en ekki miðillinn.
Hvernig þetta ber að er svo sér "kapítuli" sýnist mér og get ég ekki gert að því að mér finnst þessi lokun bera keim af hentistefnu. Óþekktarormar að stríða stóru strákunum, gott og vel! Þeir sem áhuga hafa á og fara fyrir fjöldahreyfingu verða að vera menn til að standast slíkt….og taka því.
Vel getur verið að breyta þurfi leikreglum á spjallinu, td. siðferði, orðaval oþh. En ef það er gert (eins og nú virðist vera staðreynd), er sérstakt að láta það virka afturvirkt og refsa á grundvelli nýrra reglna. Auk þess er eðlilegt að setja það í umræðu fyrst…aftur, og kynna breyttar reglur með eðlilegum hætti. Gott tækifæri var td. þegar ný síða var opnuð nú eða með öðrum áberandi hætti.
Hvernig sem á það er litið er það allavega sérkennilegt og óheppilegt að stjórn skuli stíga þetta skref með þessum hætti. Þar að auki svona í aðraganda kosninga burt séð frá því hvort ákvörðunin er rétt eða röng að mati félagsmanna.
Fer ekki hjá því að maður velti fyrir sér einföldum og eðlilegum spurningum, hverjum þessar lokanir þjóni, hvernig þær voru framkvæmdar og hvers vegna.
Og svona til að taka þátt í sandkassaleiknum í lokin (eins og einhver orðaði það einhverntímann) þá læt ég þessa flakka.
Vinur er hann vina sinna,
vinskapinn hann metur.
En kreppi að, þá má ég kynna,
Klakann, hann níð fram setur.Rúnar Ingi
…ef það er ekki til að hafa áhrif á möguleika okkar í framtíðinni til ferðalaga á breyttum bifreiðum?
Mér sýnist reyndar hlutföllin breytast hratt Skúli og þó ég sé ekki tölfræðingur hef ég þó næga innsýn í fagið til að sjá að munurinn sé í það besta tæplega marktækur, mv. fjölda þáttakenda oþh. 48,0/51,9 77 þáttakendur (reyndar einkennilegur munur á náumundun jáara og neiara
).Reyndar hefur minn málflutningur ekkert með nákvæmlega þessa spurningu á vefnum núna að gera og get ég í mörgu tekið undir með Benna, en þó ekki í því að klúbburinn "sé fyrst og fremst vetvangur áhugafólks um jeppa og ferðamennsku til að hittast…..". Þessi klúbbur var og verður kannski aftur, eitthvað miklu mikilvirkara afl.
Virkjanir og sambærilegar framkvæmdir eru auðvitað stórpólitísk mál og vitanlega aldrei hægt að segja alla meðlimi tala einum rómi. Og talandi um virkjanir fylgir þeim ýmis hliðarverkefni/mál sem vel má benda á og skifta sér af. Ég hvet ekkert endilega til að klúbburinn taki afgerandi afstöðu til allra virkjana í sjálfu sér en öllu má nú ofgera, þegja eða þegja. Klúbburinn er að því að mér sýnist gersamlega steingeldur á öllum sviðum og sést aldrei taka til máls opinberlega. Þ.a.l. hann er auðvitað ekki tekinn alvarlega á neinum sviðum sem ráðandi eru sem von er.
Það er t.d. óumdeilt að margar framkvæmdir á jeppaslóð valda óþægilegum og jafnvel afgerandi breytingum til hins verra fyrir jeppamenn (ferðamenn). Af mörgu er að taka og forðast ég að nefna dæmi að svo komnu til að dreifa ekki þræðinum á dreif. Mér finnst einfaldlega að klúbburinn eigi að blanda sér í umræðuna. Margir "ómerkilegri" hópar gera það.
Ánægjulegt að sjá að formaðurinn hafi slitið barnskónum í embætti og sé amk. byrjaður að "velta því fyrir sér" að klúbburinn megi hugsanlega, jafnvel, kannski, taka afstöðu. Minnist þess að hafa átt orðaskipti við hann nákvæmlega um þetta mál bæði hér og annarsstaðar á hans sokkabandsárum í starfi. Í þeirri umræðu benti ég ma. á áhrif ýmissa framkvæmda á okkar ferðasvæðum og því eðlilegt að mínu mati að skipta sér af sem hagsmunaaðili. Ég er ekki að tala um að klúbburinn verði einhverskonar "hardcore" friðunarsamtök. En ýmislegt er nú brallað á landinu sem væri allt í lagi að hnýta í eða ræða, ss. sumar vegalagningar í nafni "umbóta" á hálendinu oþh. Hef reyndar um nokkurt skeið tekið eftir ákvðinni viðhorfsbreytingu hjá stjórn 4×4 sem ég tel vera í rétta átt. Á ég þar við opinská umræða einstaka stjórnarmanna hér á spjallinu. Ennþá hef ég samt ekki séð neinar ályktanir eða aftstöðu til póltískra hitamála í þjóðfélaginu sem rekja má beinlínis til klúbbsins og finnst mér þar megi meira gera. Þetta getur orðið svo miklu meira en saumaklúbbur, með fullri virðingu fyrir þeim!
Já, byrjar á að fá þér logsuðubrennara og tekur svo hressilega til undir bílnum. Passar þig á að henda öllu sem undan honum kemur nema verkfærum og sjálfum þér. Setur svo sæmilega traustlegt rör í staðinn!
Inngangur: Orð í tíma töluð hjá Ofsa í þræðinum „Ný stefna klúbbsins í fjármálum“, og varð mér innblástur. Mér fannst pósturinn hins vegar tæpast bera mín skrif….. en þeir sem eru illa að sér ættu að kíkja þangað til upprifjunar.
Gnógt framboð er af alls kyns ferðafélögum en þvert ofan í ýmsar gagnrýnisraddir er ég er mjög hlynntur því að klúbburinn standi fyrir ferðum líkt og verið hefur, aðallega vegna þess að það gerir jú félagsmenn sýnilegri sem heild og líklegra en hitt að þeir nái upp samhug innbyrðis sem og annara þegar á reynir (líti menn einhverntíma framhjá tegundadýrkun
). Hitt er annað mál að auðvitað á meginsýn félagsins fyrst og fremst að slást fyrir hagsmunum þeirra sem ferðast á 4×4 ækjum.Ég er alveg sammála þeirri dulbúnu „dissun“ sem ofsi setur fram í sama þræði um ýmsa félagsskapa aðra sem vilja í sumum tilfellum takmarka möguleika 4×4 ækisferðamanna að vissum eða jafnvel öllum svæðum. Hér gildir auðvitað „hið fornkveðna“ ….að hugsa!.
Hvað varðar eflingu ferðanefndar og stofnun umhverfisnefndar læt ég liggja milli hluta enda mál viðkomandi deildar. Er kannski bara svona illa upplýstur en skil ekki að þær myndu hafi nein úrslitaáhrif. Ef svo er varpa ég ábyrgð aðgerðaleysis sumpart á stjórnir en líka á aðra félagsmenn, stjórnarinnar verk jú að stofna nefndir sér til fulltingis og fylgja eftir þeirra starfi…. eða stundum bara að fá nýtt fólk.
Hrópað er á aukið starf deildanna inní móðurfélagið og er það í sjálfu sér vel og eðlilegt. Þær hafa þó áræðanlega mismikið „power“ í sínu umdæmi og fer það sumpart eftir mannavali, „reputation“ og vilja til áhrifa í sínu samfélagi hvernig þerra starfi er háttað. Vafalaust er það samt rétt að þær geta í sumum tilfellum haft áhrif á mál á sínu svæði. Eitt er þó rétt að hafa í huga, samsetning þeirra og samþykktir þurfa ekki endilega að endurspegla vilja stjórnar Reykjavíkurdeildarinnar sem kallar sig reyndar a.m.k. í daglegu tali „móðurfélagið“. Í raun er þetta ágæta „móðurfélag“ aðeins öflugasta og deild félagsins en Það kann að vera að komið sé að viðurkenningu þar á formlega fljótlega því eitthvað hef ég heyrt talað um landseitthvað einhversstaðar og held ég að það sé vel, því það kemur sennilega til með að auka samstarf og samtakamátt deildanna. Þó ég dreipi hér aðeins á efasemdum um eðlilega uppbyggingu félagsins er rétt að geta þess að okkar ágæta „móðurfélag“ hefur í mörgu sinnt þeirri skyldu ágætlega, t.d. með þessu spjalli, ýmissi hagsmunabaráttu ofl. ofl.
Þar fyrir utan meðan ég var að skrifa þetta datt mér í hug að leita uppi einhver lög félagsins á netinu og þeir einu sem hugnaðist að setja sín lög þar var Austulandsdeildin!
Þessi póstur ofsa er eiginlega fjölþráðungur.
Fyrst vil ég segja að eðlilegast er að fundargerðir stjórnar séu aðgengilegar á vefnum í heild sinni svo ekki komi til einkaframtaks á borð við þetta. Ekki svo að skilja að mér finnist það slæmt, þetta er flott. Ég mun ræða þetta í minni deild hvort slíkt sé ekki eðlilegt þar þó vissulega sé kannski annar bragur á.
Snæfellsjökull já. Sennilega var það ekki lengra síðan en ár að menn ræddu hann hér. Niðurstaðan var í stórum dráttum að meðan "þessi" vörður var þarna væri allt í lagi svo ekki væri ástæða til að óttast neitt. Svo er greinilega ekki lengur eða hvað? Hvað hefur breyst? (beint til stjórnar). Þessi jökull er samt náttúrulega bara smá þúfa, en samt fordæmi. Nú er vatnajökull og nágrenni vinsæll í umræðu meðal þjóðgarðssinna og held ég að 4×4, og í raun allir sem unna ferðalögum í núverandi mynd, megi halda vöku sinni svo svæðin verði ekki "úthlutuð" einhverjum vildarvinum.
Ja nú þykir mér týra það var þá fullkomnunin.
Held þú ættir annað hvort (eða bæði) að endurskoða skilning þinn á íslenska orðinu að stökkva, eða líta eitthvað á fjöðrunarkerfi bifreiðarinnar.
Það bara hlýtur eitthvað að vera að ef þú tekur Langjökul í 20 hoppum!
Mitt fjöðrunarkerfi er amk. hannað til að halda mér í jarðsambandi og það bara gengur ágætlega.
Flennifæri á öllum jöklinum en það gæti jú vissulega breyst nú um helgina. Ég myndi ekki fara Löngufönn, mikil svell í neðri hlutanum. Dyngjujökull er fær ef þú ert klár í svolítinn ísakstur.
Eins og áður sagði sá ég ekki mikið meira en 2-3m frá mér á þessu svæði en svona mv. að þreifa á sjálfum mér og rýna í kort kæmi mér ekki á óvart að enn tryggara væri að flytja punkta 2 og 3 í þessari leið norðar um ca. 800-1200m. Könnuðið þið þann möguleika eitthvað? Samkv. hæðarlínum í jöklinum lítur það alltént út fyrir að vera nokkuð jafn og til þess að gera lítill halli á því svæði. Ef ég hefði ekki asnast til að trúa þessum ferli í blindni (og blindu) hefði ég sennilega flutt mig þangað.
Eins og komið hefur fram hér einhvers staðar römbuðum við á sprungur á okkar leið yfir Hofsjökul um helgina austurlandsdeildin. Það var út af fyrir sig bara fínt því annars hefði verið frá litlu að segja af þeim legg. A.m.k. tvær sprungur ókum við yfir, önnur virkaði lítil en nokkuð kröpp, hin er alvarlegri, á að giska 10-15m á breidd. Sú virðist vera fyllt snjó en ætti samt að vera sæmilega áberandi úr því maður finnur hana í blindunni sem var á jökli. Neðri jaðarinn á henni er sérstaklega varasamur því þar virtist snjóhulan þunn og takmarkað hald. Stutt er á milli þessara sprungna, nokkrir tugir eða hundruðm og liggja þær nærri punkti TJK03 eða TJK04 sem kynntir voru fyrir Hofsjökulferð 2005, þar sem brattinn er hvað mestur. Það var lítið skyggni og því ekki tækifæri til að skoða málið nánar að svo komnu en grun hef ég um að einhverjir hafi jafnvel farið þessa leið í betra veðri á heimleiðinni frá Akureyri og hafa þá kannski nákvæmari staðsetningu. Leiðin er hins vegar fín og útsýnið stórbrotið þegar komið var út úr blindunni þar efst.
Annars gekk okkar ferð nokkuð vel og lítið um bilanir, eiginlega bara einhver grindarbrot, úrbræðsla og sitthvað smálegt. Mikil blinda var á leið okkar um Grímsfjall og nágrenni, niður Köldukvíslarjökul á suðurleiðinni og lukum við svo nokkrir bílar hringnum með óbyggðaakstri um Búrfellsheiði, Heljardalsfjöll og Smjörvatnsheiði í toppveðri.
Hægt að velta sér endalaust í þessari spurningu en ef þú vilt verða meðal gæðinga í þínum hóp þá já, kauptu 44".
Eins og fleiri hafa orðað sennilega betur hér á þráðunum er stórt undir sér oft betra, en sumir segja að það fari eftir því hvernig þú gerir!
Allt snýst þetta um í hvers konar hóp þú ert og/eða hvert þú ætlar.
Með smá hugsun, búnaði og tíma er hægt að mjatla 38" Patrol margt en stóru barðarnir einfalda málin talsvert við margar aðstæður…..en leiðigera við aðrar.
Flestir þeir Patroleigendur sem ég þekki og vilja ferðast á snjó, hafa stækkað við sig, og sjá ekki eftir því….enda eiga þeir þar með séns! En athugaðu að til að eiga þann séns á slíkum Patrol þarftu fleiri gíra niður því vélbúnaðurinn sem boðið er uppá er náttúrulega stórslys fyrir jeppa.
Var að skoða Patrol á 38" dekkjum er að velta fyrir mér eru Hægt að velta sér endalaust í þessari spurningu en ef þú
Eins og fleiri hafa orðað sennilega betur hér á þráðunum er stórt undir sér oft betra, en sumir segja að það fari eftir því hvernig þú gerir!Allt snýst þetta um í hvers konar hóp þú ert og/eða hvert þú ætlar.
Með smá hugsun, búnaði og tíma er hægt að mjatla 38" Patrol margt en stóru barðarnir einfalda málin talsvert við margar aðstæður…..en leiðigera við aðrar.
Flestir þeir Patroleigendur sem ég þekki og hafa stækkað við sig sjá ekki eftir því….enda eiga þeir þar með séns! En athugaðu að til að eiga þann séns á slíkum Patrol þarftu fleiri gíra niður því vélbúnaðurinn sem boðið er uppá er náttúrulega stórslys fyrir jeppa.
Hnéð og lauslegt mat á snjóalögum er lang besti mælirinn.
Og svo ég vitni í ágætan vin minn, "það sem er ekki í bílnum bilar ekki"!.
Þetta er nú bara fyndið. TRÖLL sem kvartar yfir vondri lykt af blautum sokkum :).
