Forum Replies Created
-
Replies
-
Það þarf að vera GMA unlock skrá fyrir 2012 kortið í tölvunni. Ef þú varst með 2012 kort fyrir í tölvunni þá hefur það verið svokölluð NT útgáfa en "bátakortið" er old format útgáfa og það er önnur unlock skrá fyrir það kort, þú nærð í hana á svæðinu þínu á http://www.garmin.is/kort. Ef þú finnur ekki þessa skrá þá hafðu samband við Garminbúðina og því verður reddað. Hafðu bara aðgangs kóðann tilbúin fyrir kortið er þú hringir.
Sælir félagar,
Hér er nýjasta útgáfan af sprungukortinu. Þetta eru tvær skrár, sprungukortaglæra sem hentar í nýrri útivistartæki og nuvi tæki og svo sprungukort sem er blandað við útgáfu GPS Kort 2012 Old Format sem er fyrir svokölluð bátatæki.
Útgáfan fyrir bátatækin virkar fínt í nýrri bátatækjum, það er; GPSmap 420/421, 520/521, 525/526, 720, 4010 og öðrum tækjum sem hafa komið á markað eftir 2006. Eldri tæki eins og 182C, 172C, 292 og 276C hafa ekki verið prófuð að 182C undanskildu og í því kom hættulegasta svæðið ekki í ljós heldur blandaðist við annað svæði. Það getur verið að það komi nýtt gagnasett í fyrramálið eða á hádegi á morgun, fimmtudag og því gætu þeir sem eru að fara seint af stað náð að setja þetta í og prófað. Ég mun halda ykkur upplýstum hér á þessum þræði á morgun og því skulum við halda umræðum í lágmarki, frekar að stofna annan þráð ef menn vilja slíkan þráð núna.
Útgáfan fyrir bátatækin er einnig spes í MapSource og nRoute því hún sýnir ekki litina eins og þeir birtast í tækjunum… Ahhh, við elskum þessa tækni!
Athugið að útgáfan fyrir bátatækin virkar að sjálfsögðu ekki nema menn eigi 2012 kortið í tækinu sem á að nota kortið í, það þarf leyfislykil fyrir þetta. Þetta er búið að vera langt og strangt ferli og við erum ekki búin að gefast upp á að láta þetta virka í bátatækjum með eldri útgáfum en svona er þetta í dag.
Sprungukort – Glæra: https://kort.samsyn.is/data/Joklar_2012_03_NT.zip
GPS Kort 2012 Old Format með sprungukorti: https://kort.samsyn.is/data/Joklar_2013_9Hlutar_bt.zip
Vinsamlegast athugið að þetta eru bráðabirgðakrækjur og verður aftur á Safetravel sem fyrst, þetta er sett hér inn vegna ferðarinnar um helgina.
Kveðja úr Garminbúðinni,
Rikki
Sæll Maxi,
Gott er ef einhver óháður getur leiðbeint þér en skoðanir manna eru nú misjafnar og það sem einum þykir best þykir öðrum ómögulegt. Ég hef það að markmiði að stýra mönnum sem ég er að selja tæki að tækjum sem henta því sem þeir ætla að nota og eftir situr smá val viðskiptavinar á milli tækja.
Í jeppamennsku eru eftirfarandi tæki best; GPSmap 421, 521, 526, 620 og 276C. Oregon eru líka skemmtileg tæki. Ekki geta öll tæki tengst tölvu til að stýra hvaða forriti sem er en ekkert tæki býður uppá að tengjast skjá til að stækka skjáinn, slíkur vélbúnaður er ekki í tækjunum. Öll fyrrgreind tæki geta tengst tölvu og sent staðsetningu inná forrit eins og Ozi, Fugawi og Nobeltec en til að tengjast Garmin nRoute geta 276C og Oregon það eingöngu.
Nuvi tækin eru ekki hentug til að nota í jeppamensku því ferilritinn er mjög einfaldur og ekki er hægt að vista ferla, einnig geta bara sum nuvi tæki unnið með leiðir. Hægt er að bjarga sér á fjöllum ef staðarþekking er til staðar með nuvi tæki en ég mæli alls ekki með að menn kaupi það tæki til að nota í jeppamennsku.
182C er rjóminn sem tækin hafa byggt á síðan það kom út. Í dag er rjóminn að mínu mati 526 en það er dýrasta tækið. Það sem 526 hefur er mjög mikið minni fyrir ferla, leiðir og vegpunkta (meira en nokkurt annað eldra tæki) og hreint sagt frábæran skjá. Stýrikerfið í því tæki hefur verið gagnrýnt af gömlum hundum, en eins og er með gamla hunda þá er erfitt að kenna þeim upp á nýtt. Nýja stýrikerfið er ekki gallalaust en það var það gamla ekki heldur, það sem er aðall þessa nýja stýrikerfis er að það er mun auðveldara að læra á það og muna hvernig á að gera hlutina eftir mis langar pásur.
Oregon tækin eru með þeim flottustu tækjum sem hægt er að fá, bæði í grafík og tækni, en það sem þau skortir er skjástærð.
Ég vona að þetta hjálpi þér aðeins og vertu velkomin í Garmin Búðina í Ögurhvarfi.
Kveðja,
Rikki – http://www.garmin.is
Sælir,
Við erum komnir á Fésið, þeir ykkar sem notið það finnið okkur undir Garmin Búðin.
Við erum alltaf að bæta við okkur vörum og erum komnir með RAM festingarnar, Arva snjóflóðabúnað og Tachyon hjálmvídeóvélar sem eru líka upplagðar í bílinn eða hvað sem er.
Einnig erum við með einkasölu á SureFire vasaljósunum.
Kveðja,
Rikki
Sælir,
Þetta var smá fljótfærni, mér var sagt að 6.15.11 myndi laga þetta en ég setti Beta 6.16.0.3…
En það er semsagt þannig að það þarf að setja Beta útgáfuna inn og gildir hún fram til 17 apríl, þá þarf að setja upp lokaútgáfu með þessari breytingu.
Slóðin að Beta útgáfunni er: [url:2o977d5n]http://www8.garmin.com/support/download_details.jsp?id=4879[/url:2o977d5n]
Kveðja,
Rikki
PS: Við erum komnir með líf í Fésbókina okkar, Garmin Búðin, endilega skráið ykkur.
Sælir félagar,
Loks er komin lagfæring á þessu leiðinlega vandamáli að teygja kortin eftir mikið tuð og væl í Garmin.
Náið í nýja útgáfu hér: [url:1f9v1dgv]http://www8.garmin.com/support/download_details.jsp?id=209[/url:1f9v1dgv]
Kveðja,
Rikki Sigmundsson
Garmin Búðin
Til að fyrirbyggja allan misskilning þá er ég að ræða um forritið, ekki kortin.
Ég mun fljótlega láta vita þegar nýtt GPS Kort kemur út ásamt öllum upplýsingum um hvað er nýtt og verð.
Kveðja,
Rikki
[url=http://www.garmin.is:328ju881][b:328ju881]Garmin.is[/b:328ju881][/url:328ju881]
Sælir MapSource notendur. Ég lofaði í haust að láta vita þegar MapSource yrði uppfært næst með lagfæringum á því sem helst pirruðu menn þegar uppfært var í útgáfu 6.14.1.
Það var helst tvö atriði sem pirruðu menn, hægur skrifhraði, þegar þysjað var inn og út þá tók óratíma að birta kortið á skjánum og þeir sem voru með gamlar tölvur eða litlar fartölvur urðu brjálaðir af óþolinmæði, þar á meðal ég. Hitt atriðið var að búið var að toga og teygja kortið frá austri til vesturs og könnðust menn varla við landið eftir þessa aðgerð.
Við þessu var ekkert að gera nema að bíða eftir uppfærslu eða að taka forritið úr tölvunni og setja það aftur upp af diskinum og ekki uppfæra í útgáfu 6.14.1 aftur…
Nú er komin ný útgáfa, útgáfa 6.15.3 . Þessi útgáfa er dæmi um það þegar menn vinna heimavinnuna sína, skrifhraðinn er orðinn nánast sá sami og var fyrir útgáfu 6.14.1 og er loks hægt að fara nota þetta aftur í þessari útgáfu. En „togað og teygt“ vandamálið er enn til staðar og verður leyst með öðrum leiðum.
MapSource er hugsað í dag til að skipuleggja leiðir eftir vegum en ekki í óbyggðum eins og útivistarfólk hefur notað það hingað til. Enda ef borgarkort eru skoðuð, ferðalög skipulögð erlendis (eða í Reykjavk…) þá sést hvað kortið lítur mikið betur út og er faglegra og hreinna í útliti ásamt því að gefa betri mynd af gatnagerð.
Til að koma á móts við útivstarfólk þá hefur Garmin þróað nýtt forrit sem ber heitið BaseCamp . Þetta forrit verður tilbúið í mars eða apríl og mun verða ókeypis, eigendur MapSource munu geta náð í þetta forrit á heimasíðu okkar sér að kostnaðarlausu. BaseCamp mun bjóða uppá að skipuleggja leiðir í þrívídd, snúa kortinu eftir hentugleika í hvaða átt sem er, með tengingu við ljósmyndasöfn og svo framvegis.
Með bestu kveðju,
Rikki
Garmin.is
Sæll Brandur,
Þetta eru svipuð viðbrögð hjá þér og voru hjá mér daginn sem þetta kom inn en ég hef þó gefið þessu smá séns til að sjá hvernig þetta venst.
Hraðinn er skelfilegur, en ég er með litla tölvu með litlum örgjörva og er þetta mun sprækara á vél félaga míns sem er með 2GHz örgjörva (ég er með 1.2GHz). En þetta er þó ekkert í samanburði við gömlu útgáfuna. Ég er búin að skrifa út til Garmin vegna þessa og hafði krækjur þínar með til að benda þeim á að þetta væri ekki einangrað við Ísland.
Varðandi útlitið þá er tilfinning mín sú að þetta sé fyrst og fremst hugsað út frá götukortanotkun en ekki landakortanotkun og þess vegna verður myndin svona teygð. Ég vona að þetta verði að valkosti því þetta er ágætt í mörgum tilfellum. Varðandi litinn á vegum þá er það væntanlega persónulegt, mér finnst þessi nýji litur ágætur því hann er ekki ósýnilegur en rauði liturinn var svo áberandi að hann tók alla athygli frá kortinu. Slóðar eru enn svartir og mjög áberandi…
Ég er sammála þér að gott væri að hafa möguleika að bakka um eina útgáfu en oftast er það ekki hægt í forritum. Ég er að undirbúa síðu á http://www.garmin.is sem svona skrár myndu vera í boði í tilfelli sem þessu fyrir þá sem vilja.
Ég skal láta vita á þessum þráð um leið og eitthvað gerist.
Kveðja,
Rikki – Garmin Iceland
Sælir,
Það er þannig að R. Sigmundsson lét skanna 1:50.000 kortin á sýnum tíma og þá fengum við einungis að skanna þau kort sem Landmælingar höfðu gefið út.
Hin kortin eru til og þá merkt hernum og fékkst ekki leyfi að skanna þau þar sem það var herinn sem varð að gefa leyfi fyrir því.
Ástæðan sem þau hafa ekki verið seld er að LMÍ þarf að yfirfara þau til að geta gefið þau út sem er týpískt gamaldags stofnana dæmi. Ég hefði viljað að LMÍ fengi leyfi frá hernum að skanna kortin og bjóða þau frítt á heimasíðu sinni, það væri einungis skönnunarkostnaðurinn sem LMÍ þyrfti að standa straum af.
Svo gætu einstaklingar stillt þau af sjálfir og sett upp í Nobeltec, Ozi, Fugawi og öllum hinum forritunum.
Kveðja,
Rikki
PS: Vektor grunnurinn sem Garmin MapSource kortin eru byggð á uppruna sinn úr þessum kortum…
Eins og fram hefur komið hér að ofan þarf að aflæsa kortinu á móti GPS tæki, ekki er nóg að setja inn aflæsingarkóða, það þarf að vera kóði sem var búinn til með númeri þess tækis sem nota á með tölvunni.
Ef þú átt GPS 60 og fékst kortið frá félaga þínum, þá nægir ekki að setja aflæsingarkóðann sem félaginn notar hjá sér í tölvuna. Það þarf að opna kortið á móti GPS 60 tækinu sem þú ert að nota.
Ef þú hefur keypt kortið og ert búinn að opna fyrir það, þá er annaðhvort innsláttarvilla þegar Unit ID er slegið inn á vefinn við aflæsingarferlið eða að innsláttarvilla hefur orðið þegar Unlock kóðinn er sleginn inn í forritið…
Vona að þetta hjálpi!
Rúnar, maður vill alltaf meira, en ég er bara að skanna, var að fá mér svona slyddujeppa og veit ekki hvar það endar en ég ætla að hafa hann svona á 35" næstu mánuði samt (maður vill alltaf meira, maður vill 38"…).
Ég átti alltaf turbo lausan Hilux X-tra Cab diesel og var mjög sáttur, saknaði auka hestafla stundum í sólbráð og góðu skyggni en annars er þetta einn besti bíll sem ég hef átt.
Svo átti ég Double Cab með túrbínu, ólíkt skemmtilegra afl en öll hlutföll í bílnum leiðinlegri með framhásingunni danglandi eins og þeir eru original á blaðfjöðrunum.
Loks þegar maður á bíl sem er með tvöfalt fleiri hestöflum en X-tra Cab var, þá slefar maður samt þegar maður heyrir um kubbana. Enda fer bíllinn úr 170 hestum í rúmlega 200 og torkið úr rúmum 410 Nm í 470 Nm. Einnig er hægt að fá þetta kitt með rofa og þá notar maður þetta einungis þegar maður er í þungu færi eða í brekkum…
Svo er bara spurning hvort drifrásin ráði við þetta, sér í lagi að framan…
Til er kubbur frá Toyota Racing og frétti ég af einum eiganda sem tók hann aftur úr. Afgashitinn fór uppúr öllu valdi og því treysti eigandinn ekki vélinni helgi eftir helgi á fjöllum með kubbinum, vildi frekar vera orginal og öruggur.
Veit einnig um einn LC sem hrundi fyrir tveim vikum sem var með slíkan kubb.
Svo er til kubbur í N1 með rofa, setur hann bara inn þegar þú þarft á því að halda í brekkum og slíku.
Hafa menn reynslu af þesu kubba veseni í LC120?
Já, til hamingju Eppla eigendur!
Garmin hefur loks stigið skrefið og gefið út forrit til að vinna með vegpunkta, leiðir og ferla á Apple tölvum. Ég veit ekki hvað lokanafnið verður en forritið heitir enn Project Bobcat.
Forritið verður svo bætt á næstu mánuðum til að nálgast virkni MapSource og hver veit nema þeir haldi áfram og gefi út Mobile Mac… Þetta síðasta er reyndar úr lofti gripið en ég vona að þeir græji það.
Hægt er að nálgast forritið hér: Project Bobcat
Einnig er komin sér vefur hjá Garmin fyrir Mac notendur: Garmin – Mac News
Og hér í lokin er fréttatilkynning um málið: Garmin Previews New Mac Trip Planning Application
Kveðja,
Rikki
Tryggvi, þetta sýnir að betur sjá augu en auga…
Ég hef ekki gert þetta áður en þetta er rétt hjá þér, þetta er í raun besta leiðin til að velja gögn í nRoute frá MapSource og öfugt.
Til dæmis ef það er búið að ferla leið í nRoute og notandi vill klippa einhvern útúrdúr úr því en eiga ferilinn áfram í nRoute þá er hann einfaldlega valinn í nRoute, velur Cut (eða: CTRL – X) og límir það yfir í MapSource.
Í MapSource velur þú ferilinn (verður þá gulur), smellir á Track Erase Tool í Track Edit tólunum og strokar út "bullið" sem þú vilt ekki að sé í ferlinum (til dæmis útsýnisrúntur sem gæti verið hættulegur í vondu skyggni).
Næst annað hvort vistar þú ferilinn í MapSource og afritar hann svo til baka í nRoute eða þú velur Cut og klippir hann úr MapSource og límir aftur í nRoute.
Með þessu móti þá ertu ekki með tvöfaldan feril í nRoute heldur aðeins þann feril sem þú vilt notast við. Auðvitað mæli ég með að menn visti ferilinn sinn áður en byrjað er á þessu þar sem menn geta bæði gert mistök og einnig vill maður oft eiga nákvæman feril úr ferðum sínum en breyttan feril til að gefa frá sér!
Kveðja,
Rikki
Garmin mun kynna eitthvað nýtt á Macworld sýningunni sem hefst í næstu viku.
Ég veit ekki hvað það er en ég væri alveg til í að sjá lausnir til að vinna með ferla, vegpunkta og leiðir í Apple. Einnig væri frábært ef það kæmi Mobile Mac…
En, ég er líka vanur því að þessum hlutum sé seinkað hvað eftir annað…
Varðandi Mobile PC þá veit ég ekki hvort það verður frítt eins og nRoute eða ekki en verðið þarna er fyrir nýja notendur. Ég held einnig að nRoute þróun verði hætt í kjölfarið, mig minnir að þeirri spurningu hafi verið svarað þannig í haust.
Varðandi NMEA kostinn þá er hann ekki svo einfaldur, ef þú vilt notast við annan GPS en Garmin þá munt þú þurfa að kaupa forritið, það er klárt. Ef þú afturá móti átt kort og vélbúnað (GPS) frá Garmin þá eru meiri líkur á því að þetta muni vera frítt fyrir eldri notendur.
Kveðja,
Rikki
Þetta er rétt hjá Snjókarli.
Síðustu útgáfur af MapSource geta ekki unnið með "lifandi" GPS tæki. Það er, það forrit getur ekki trakkað og sýnt staðsetninguna á kortinu.
Til þess er nRoute hannað og ef þig vantar gögn sem þú átt í MapSource, þá opnar þú nRoute, velur Import undir File, og velur skrána sem þú vilt setja í nRoute. Ef þig vantar svo önnur gögn þá bætir þú þeim bara við með sömu aðferð.
Svo kemur arftaki nRoute út í apríl eða maí, Mobile PC. (sjá: [url=http://www8.garmin.com/pressroom/mobile/010308c.html:1qrllpiv][b:1qrllpiv]Mobile PC[/b:1qrllpiv][/url:1qrllpiv] ) Þetta er í raun sama forrit og Mobile XT sem er notað í Smart síma og handtölvur og er geysi flott. Þetta er í raun meira eins og tæki en forrit, styður track ferla, 3D view og etc. Þetta er í raun eins og nuvi sem er breyttur fyrir jeppakarla.
Ég mun sjá þetta í síðasta lagi í byrjun mars, en vonandi fyrr og get þá upplýst ykkur betur um þetta.
Kveðja,
Rikki
Þekkjandi Garmin, þá efast ég um að ég komi því í gegn, ég get samt spurt einusinni enn fyrir ykkur.
En varðandi nRoute, er ekki bara málið að læra á það? Ég er ekki að plammera á einn eða neinn, veit að skoðanir á forritum eru margar, en ég hef notað bæði forritin mikið og veit að MapSource er takmarkað að þessu leiti.
Þegar það er komið mikið af plottferlum í MapSource, það er að segja þegar þú ert búinn að plotta allan daginn, þá vill hægjast á forritinu. Annar galli við MapSource er að það var alltaf að "refresh-a" sig, það er að það var einskonar blikk á skjánum (svipað og þegar keyrt er eftir VisIT forritinu). Og svo er ekki hægt að virkja leið og aka eftir henni í MapSource né velja stefnu upp á skjánum.
nRoute er hugsað til að keyra eftir, bæði með norður upp og stefnu upp. Það er skrifað til að plotta ferla og keyra eftir leiðum og vegpunktum, bæði beint eins og í snjóakstri og reikna sig eftir vegum. Það sem MapSource vanir menn eiga oftast erftitt með að venjast er að þetta forrit er með gögnin í Database, ekki skrám eins og MapSource. Auðvelt er að lesa skrár inn og út úr nRoute og opna þær í MapSoure til að vinna í þeim og senda öðrum.
Auðvitað eru alltaf einhverjar athugasemdir sem maður hefur við forrit og vildi ég til dæmis sjá takka til að kveikja og slökkva á ferli í stað þess að haka við en það kemur vonandi seinna…
Snaran er forrit sem var smíðað fyrir okkur til að breyta Nobeltec (Navtrek) gögnum á GPX format sem MapSource getur opnað. Þannig geta menn auðveldlega flutt vinnugögn sín á milli forrita ef menn vilja byrja að notast við Garmin forritin.
Í lokin má nefna að verið er að vinna kennslumyndband á Íslensku fyrir forritin og verður það kynnt á heimasíðu okkar [url=http://www.rs.is:23ubpfam][b:23ubpfam]www.rs.is[/b:23ubpfam][/url:23ubpfam].
Vona að þetta svari einhverjum hugmyndum.
Kveðja,
Rikki
Já, ég gleymdi að nefna það, það á einnig að reyna að gera sýnilegri í hærri skala og greinilegri með annaðhvort lit eða munstri.
Varðandi MapSource, þá kemur GPS flipinn líklega ekki aftur inn, forritið var ekki skrifað í upphafi með þetta í huga og með tilkomu nRoute þá tóku þeir þetta út, nRoute er skrifað til að keyra eftir kortunum og plotta.
Kveðja,
Rikki
Sælir allir saman,
Það er rétt að það komi út uppfærsla með vorinu, í apríl eða maí. Þessi uppfærsla átti að koma núna fljótt eftir áramót en Samsýn (fyrirtækið sem býr til kortið) vill hafa meira "kjöt" í uppfærslunni og því var samþykkt að seinka henni, það verður meira fyrir viðskiptavininn fyrir vikið.
Til að útskýra mun á uppfærslum: Uppfærsla er bætt útgáfa af síðustu útgáfu, uppfærsla er eiganda að nýjustu útgáfu að kostnaðarlausu. Ný útgáfa er svo nýtt kort með nýjum upplýsingum eða fítusum í kortinu. Að sjálfsögðu er þetta ekki alveg svona svart og hvítt en þetta er nokkurnvegin svona.
Skýring; útgáfa 2.0 kom út í júní, 2005. Í október 2005 kom uppfærsla á útgáfu 2.0 sem bar númerið 2.01, hún var eigendum útgáfu 2.0 að kostnaðarlausu. Í júlí 2006 kom ný útgáfa, 3.0. Þeir sem eiga útgáfu 2.0 eða 2.01 fá þessa nýju útgáfu á sér kjörum, 9.900 í stað 16.900. Þegar uppfærslan kemur í vor mun hún verða eigendum 3.0 að kostnaðarlausu en þeir sem hafa ekki uppfært, eigendur 2.0 eða 2.01 munu fá þá útgáfu á sömu kjörum og nú, 9.900.
Hvað framtíðin ber í skauti er óljóst, fer það eftir gögnum sem við getum bætt við og hvað tæknin hjá Garmin mun bjóða uppá. Það eiga eftir að koma nýjar útgáfur seinna og einnig mun að öllum líkindum koma sérútgáfur sem verða ódýrari, einskonar viðbætur. T.d. sérkort með reiðleiðum, sérkort um golfvelli og sv.fr.v. Ekkert er ákveðið en margt er í skoðun.
Varðandi athgugasemdir þá viljum við fá þær frá notendum, ef það vantar götu, ef einstefna er vitlaust skráð, ef það vantar skála eða jeppaslóða, endilega látið vita. Til að koma þessu til skila er sérstök skráningarsíða á heimasíðu Samsýn sem er mjög einföld í notkun, hver sendir, hvaða útgáfu er verið að nota, viltu fá svar og svo hvað er að, mjög einfalt. Slóðin er: [url=http://www.gpskort.is:2qhch53a][b:2qhch53a]www.gpskort.is[/b:2qhch53a][/url:2qhch53a]
Ég vil koma á framfæri þakklæti fyrir góð viðbrögð og svo eru einstaklingar í 4X4 sem hafa komið að gagnavinnslu fyrir kortið. Þetta væri ekki hægt nema að frá notendum kæmi gagnrýni, sem er gott, rýnt til gagns.
Það sem ég get upplýst að eigi að koma í næstu uppfærslu er: Meira af slóðum, leiðréttingar á því sem er rangt (hringtorg er öfugt, vantar húsnúmer í götu o.sv.fr..), leiðrétta staðsetningu á sveitabæjum og reyna að leiðrétta sem mest staðsetnignar á örnefnum (sem eru misjafnlega hliðruð).
Með hátíðarkveðju,
Rikki
R. Sigmundsson ehf.
