Forum Replies Created
-
Replies
-
Þú getur sparað þér drullusokka að framan ef bilið milli stigbrettis og brettakannts er lokað. Skoðunarmaður sagði mér þetta þegar ég var eitthvað að spögúlera með að stytta drullusokkana. Hvort hann ausi þá ekki bara frekar drullu yfir bílinn er annað mál.
Afsakaðu að ég skjóti þessu inn á þráðinn.
Hafa menn eitthvað verið að nota þessi vökvadrifsspil? Skilst þau endist lengur og hafi möguleika á meiri þyngd en rafmagnsspilin. Þau tengjast inn á stýrisdæluna svo það er ekkert heljarinnar kerfi sem þarf að setja upp.
Fást þessi spil á klakanum?
Takk fyrir þetta, skoða þetta þá frekar. Ég ætti þá að vera með nóg efni úr að moða með þessa tæplega 400 mm.
En með rörið, ertu þá að tala um að skera boga í prófílinn sem hálft rörið passar í og sjóða þannig við? Er það þá til að vernda kaðalinn eða fá meiri styrk í suðum?
Sælir.
Hvaða efnisþykkt hafa menn verið að nota af teinum til að búa til dráttarbita í prófíltengi. Er með 5x50x50 prófíl, ca 30 – 40 cm langan og ætla að bora á hann gat til að setja tein í gegn. Þetta er til að setja spottann í þegar maður dregur aðra.Hef heyrt 20mm tein. Eruð þið með einhverjar hugmyndir, sérstaklega þeir sem tala af reynslu?
Súðavogi 4, þokkalegt verð líka
Ég býst við að dæluverð sé það verð sem er á dælunni það skiptið og getur maður því verið heppinn eða óheppinn með stöð. En til að taka út heppniþáttinn langar mig að deila með ykkur einni uppáhaldssíðunni minni á þessum síðustu og verstu. Þetta er síðan [url=http://www.gsmbensin.is:205btg9y][b:205btg9y]GSMBensin[/b:205btg9y][/url:205btg9y]
Þetta gæti verið löng þræta án þess að allir yrðu sammála en reynsluboltar eru okkur reynslulitlu engu fremri komi til þessara stóru EFa.
Olgeir, hvers vegna heldur þú að ungbarnadauði á Íslandi hafi minnkað svona dramatískt síðan á tímum heiðabýlanna?Ps. Stór hópur úr vinnunni minni er að fara til Akureyrar og ég hef beðið þau um að aka sérstaklega varlega í Kollafirði, við Borgarfjarðarbrú og sennilega í Hrútafirði á nýja veginum og við allar brýr á leiðinni. Enda stórhættulegt. Ég þori ekki út af áhættunni. 😉 smá grín.
Vanir foreldrar vita mest allt um börn og sjá um þau eftir bestu samvisku geri ég ráð fyrir.
En það er bara svo marg sem getur komið fyrir sem ekki er hægt að gera ráð fyrir. Þegar barn er undir 2 mánaða, jafnvel eldra, geta komið fram sjúkdómar sem hrjá þau sem hægt er að lifa við eðlilegu lífi sé tekið strax á þeim en geta líka dregið þau til dauða á stuttum tíma ef ekki er strax rétt farið að. Algeng dæmi eru t.d. flog og sykursýki, ef ég væri læknismenntaður gæti ég eflaust nefnt fleira. Nokkuð sem ekkert foreldri vill hafa á samviskunni er líf barns síns.
Bara að bíða nokkra mánuði með að fara með þau á fjöll ætti ekki að skaða foreldrana, þau geta enn farið á fjöll með eldri börnin eða ein eftir atvikum.
Þið getið kallað þetta væl eða vænisýki, og að ef við ættum að gera ráð fyrir öllu svona værum við með magasár í fóðruðu herbergi en þetta kalla ég almenna skynsemi og tækla þetta bara nokkuð stóískur, ekkert magasár ennþá og búinn að leika aðeins í þessu góða hvíta með góðum vinum án þess að taka dóttur mína með. Ég tek alla vega ekki sénsa með gullmolann minn.
Góður hópur skiptir máli og góðir vel búnir foreldrar á góðum bíl enn meira máli, en mestu máli skiptir er að geta gert það sem þarf EF eitthvað kemur fyrir. Það er algengara en við höldum að þessi EF komi uppá og sem betur fer eru flestir á réttum stað þegar það gerist.
Þetta með Reykjavík – Akureyri er kjánalegur samanburður og þið vitið það. Hvað er sjúkrabíll lengi á leiðinni eftir þjóðveginum vs. björgunarsveitabíll eða þyrla inn á reginhálendið. Og hversu langt eruð þið frá læknisaðstöð á þjóðveginum vs. á hálendinu. Og hvar ætlar þú að fara út í sjó af þjóðveginum (miðað við eðlilegt aksturslag) frá Rey-Aku Heiðar? Ég hef aldrei verið nálægt því. En það er reyndar sorglegt að margir jeppamenn virðast hafa það takmark að láta stóru dekkin snúast jafn hratt og fólksbíladekk þó það komi aðeins niður á umferðarlögunum, svo sem efni í allt annan þráð ef einhver vill.
Fólk gerir það sem það vill og hlutirnir eru ekki flóknari en það. Hvort það viti betur og viðurkenni það eða ekki er annað mál. Fólk verður náttúrulega bara að meta hvert fyrir sig. En þetta með að þeir sem eiga fleiri börn séu betri og ábyrgari uppalendur er því miður ekki algilt eins og flestir vita.
Að mínu mati er það sjálfselska í foreldrunum að fara með hvítvoðung í svona ferð. Kallið það væl eða hvað annað það er ykkar mat ekki mitt.
Ekki myndi ég láta mér detta til hugar að fara með mína fimm mánaða í svona ferð. Kannski 7 mánaða en alls ekki 6 vikna. Það er að mínu mati óábyrgt gagnvart barninu. Það er einfaldlega svo margt sem getur komið uppá og þá eru þau ekki eins harðgerð og við fullorðnafólkið, þola illa skakkaföll svona ung.
Ekki taka því þannig að fólk eigi bara að hanga inni með börnin í fóðruðu herbergi þar til þau eru unglingar en þegar þau geta ekki einu sinni setið sjálf ætti að fara aðeins varlegar með þau. Auk þess sem seta í bílstól fer ekki vel með bakið í greyjunum ef ferðast er lengur en 2-3 tíma, hvað þá hristingurinn sem fylgir fjallaferðum.
Ég veit að oftast er allt í lagi en það þarf bara svo lítið til að skaða 6 vikna barn varanlega. Hvaða gaman hefur svona kríli af þessu basli hvort eð er? Frekar að setja barnið í pössun ef þörfin fyrir svona ferðum getur ekki beðið í hálft ár.
Kv. Raggi sem ætlar að ala upp barnið sitt á fjöllum (þegar það þolir það).
Þessar olíutölur segja til um seigju olíunnar og er mæld með því að láta hana leka í gegnum gat, allavega svona í grunnatriðum. Single Grade olíur eru með einni tölu (10) og eru hentugar þar sem hitasveiflur eru ekki miklar, en Multi Grade með tveimur (10W-40) og hannaðar til að þola betur frost og allt upp í vinnsluhita. Því hærri sem talan er því seigari er olían, því lægri sem talan er því þynnri er hún og þar af leiðandi auðveldara að nota hana við lægra hitastig.
Mæli með að menn sem hafa áhuga á að fræðast meira um mótor olíur fari á http://en.wikipedia.org/wiki/Motor_oil#Multi-grade
og lesi sig til um það þar.
Keypti fyrir stuttu Yaesu eða Vertex Standard VX-2200 hjá R.Sigmundssyni á 39.900 kr, svo mínus 8% 4×4 afsláttur. Bestu kjörin sem ég fann fyrir mánuði sínan.
14. Ferðaklúbburinn 4×4 áskilur sér rétt til þess að nota allt efni sem notendur vefsvæðisins birta á vefsíðunum, s.s. myndir, texta eða skrif á spjallið, í þágu starfsemi Ferðaklúbbsins, hvort sem það er til birtingar annars staðar á vefsvæðinu, í félagsritum eða öðrum vettvangi í nafni Ferðaklúbbsins. Önnur nýting á efni því er birtist á vefsvæðinu er óheimil án heimildar stjórnar klúbbsins og höfunda viðkomandi efnis.
http://i8.is/?s=8&aID=14
getið séð á þessum link einhver verk hans ólafs elíassonar, ef þið hafið áhuga.
Sammála með verðmæti myndanna, held að fæstir átti sig á að verk vel metinna listamanna eru að fara á nokkrar millur oft. Bara eðlilegt að það sé eitthvað greitt fyrir myndirnar, eða nafn eiganda myndarinnar komi fram í credits, persónulega vildi ég monninginn
Trooperinn er skráður ca. 2 tonn óbreyttur og um 2.2 á 35 tommunum. Það er tæpu hálfu tonni léttara en Patrol með sömu vélastærð og hestaflafjölda.
þetta var gert fyrir mig og þá voru þeir með spes vél með einhverjum blöðum sem snerust og keyrðu dekkið áfram jafnóðum minnir mig. En þetta er eflaust hægt að gera sjálfur ef maður hefur nægann tíma og þolinmæði og vel beittann og þunnan hníf.
Skilst það sé best að skera ekki alveg út á enda takkanna, það tætir dekkið víst fyrr upp. Og ekki of djúpt auðvitað. Mæli samt með að setja þetta bara á verkstæði.
Er þá ekki bara mál að starta bílnum 5 mínútum seinna? 😛 setja svo rain-x á rúðuna og keyra bara nógu andskoti hratt svo droparnir nái ekki að setjast á rúðuna… kannski verra með snjóinn.
Flott mynd, hvaða 4×4 deild er þetta?
Ekki vildi ég sofa á toppnum á mínum bíl í léttu roki eins og oft vill vera hér á landi. Góð hugmynd samt fyrir réttar aðstæður.
Sem fór fram af Niagara fossunum í tunnu (sem er á myndinni). Dó seinna af áverkum af völdum biltu sem hann tók þegar hann steig á appelsínuhýði.
Þvílíkt drasl sem safnast á bakvið eyrun á manni!
Ef Siggi og Jón heyra báðir í merkinu frá Jóni en hvorugur heyrir merkið frá Sigga…
Gæri verið að Siggi sé bara ekki með nægjanlega öflugan sendistyrk á talstöðinni, jafnvel handstöð, að hún bara drífi ekki að endurvarpanum?
Spyr sá sem ekki veit?
Nú fylgja vírarnir með… og báðir með öryggi, ætti ég að klippa á jörðina framan við öryggið og setja beint í boddí eða tengja beint í geyminn án þess að taka öryggið af? Hvort er betra að vera með jörðina í geyminn með öryggi eða beint í boddí með/án öryggis?
Vírarnir eru nógu sverir segir vinnufélagi og loftnetstengi er til staðar, vantar bara stubbinn og hann fæ ég vonandi í nesradíó
