Forum Replies Created
-
Replies
-
Hann Sveinbjörn Halldórs er með þessar skráningar. Hann mun síðan útdeila verkefnum eftir bestu getu og óskum hvers og eins. Meilið hans er hér ofar og símanúmer á síðunni til hliðar….
P
Auðvitað hefði verið best að fá þessa stráka með…
Já það verða 3 ferðir í boði frá 5 brottfararstöðum (átti að vera klárt á síðunni)(en það var á excel skjali, kannski er Oddur með það í brasi…), þannnig að hægt á vera að velja á milli 15 túra. Feðrir skiptast í A B og C ferðir. A ferð verður farin snemma að morgni og tekur 6 – 8 tíma. Ætluð fyrir breytta jeppa. Ferð B er ca 4 – 5 t
tímar og fyrir alla jeppa. Ferð C er ca 2 – 4 tímar og einnig fyrir alla jeppa.Sem sagt, allir eiga að geta fundið ferð við sitt hæfi, undir leiðsögn okkar manna….
P
Ég veit ekki hvort klúbburinn er að leggja hvaðir á umboðin…, en eins beiðnir fór á öll þessi stóru umboð. Við báðum um að það yrðu send bréf til jeppaeigenda og fólk beðið um að mæta um morgunin hjá viðkomandi umboði. Það var svo í sjálf vald sett, hvað hvert umboð fyrir sig vildi gera fyrir sitt fólk. Sumir ætla að gera smá, aðrir meira og sumir eitthvað annað. En Toytotu menn höfðu ekki áhuga þegar allt kom til alls. Ekki er svo sem hægt að fara í fýlu út af því, en samt sem áður verður þetta ekki eins og við ætluðum okkur.
En við bara náum til Toyotueigenda á annan hátt…
KV
Palli
Sæll Björn.
Nei, því miður eins og staðan er nú, þá ætla Toyotamenn að hittast í Kringlunni um morguninn. Toyota umboðið sendi okkur línu á fimmtudaginn og baðst undan því að vera með í þessari uppákomu.
Súkkulaðið hefst ca kl 15 og er til 16 eða 17. Fer allt eftir því hvernig gengur með hópana..
P
Sæll Freyr.
ég sé í pistli þínum að þú ert að íja að því að þegar flutningabílar velta, þá sé hringt í bjöggarana til að spara pening. Þú þarf nú aðeins að vita eitt og annað áður en að þú setur svona bölvaða þvælu niður á blað.
Mér er málið skylt, því ég vinn hjá einu slíku flutningafyrirtæki, sem hefur sem betur fer ekki lent mikið í þessu þrátt fyrir stóran flota. En ég get sagt þér það að við hringjum í okkar tryggingarfélag og þeir hringja í næstu björgunarsveit til að hjálpa til við að bjarga farmi. Veit að þessar björgunarsveitir fá hellings pening fyrir að vinna þessi störf….. sem er að sjálfsögðu bara allt í fína….
og hana nú…
kv
Palli
Það væri nú alveg brilljant, ef ég má gera orð Völu Matt að mínum. Ég veit að núverandi hjálparsveit var búin að fá vilyrði stjórnar að eyða nokkrum krónum í að kaupa nýtt dót…. Það væri upplagt að gera þá lista sem væri aðgengilegur td hér á vefnum.
P
Jæja félagar.
Nú er eitthvað komið inn á síðuna (undir "20 ára" link hér að neðan) um þessa ferð okkar. Endilega spyrjið um eitt og annað, ég skal reyna að svara. Einnig hvet ég ykkur að skrá ykkur sem starfsmenn hjá sveinbjorn@gimli.is Nú eru um 70 bílar skráðir í hin ýmsu störf og að sjálfsögðu pláss fyrir fleiri…
P
Já það getur verið fínt að koma við í Mörkinni á fimmtudagskvöldum. Menn eru svona að detta inn um kl 20:30 og eru oft til kl 22 – 22:30. Ég var mjög grobbinn með mætinguna á síðasta fimmtudagskvöld, en um 30 – 40 manns mættu og sögðu sögur, skoðuðu myndband sem tekið hafði verið úr "björgunartúr" skálanefndarinnar í Setrið á dögunum. Reyndar fer það tvennum sögum hverju þeir voru að bjarga, mönnum, bílum eða mat.
Svo var þessi svaka tiltekt á skrifstofunni og miklu hent, starfmanni okkar til mikillar gleði. En hvað um það, bara mæta og kynna sig. Stjórnin er oftast með fundi frá kl 19:30 – 20:30 á þessum sömu kvöldum.
KV
Palli
"Kvurskonar" þvæla er þetta í þér félagi Björn…..! Klúbburinn á þessa líka fínu kerru, sem er reyndar sérhönnuð undir tunnu flutninga. Mér skilst á Gunna frænda sem er með hana í sinni vörslu (og ætlar reyndar að koma henni til skálanefndar sem fyrst) að hún sé asskoti fín…amk svona yfir sumartímann! Já líst vel á að klúbburinn komi sér upp svona kerru á 38 tommu hjólum, en sennilega verðum við í vandræðum með að hafa hana í friði.
Kannski verðum við svo öflugir einhverntímann að eignast okkar eigið húsnæði hér í borginni og hver veit nema að kerran og annar útbúnaður gæti átt sér samastað í þessu rými. Kannski ættum við að stofna nefnd um þetta…?
Mér skilst að mestur hluti búnaðar sem til var, hafi glatast fyrir nokkrum árum síðan, er óvandaður maður gekk "berserksgang" um eigur félagsins.
kv
Palli
Hó.
Jú auðvitað erum við að fara í 1000 bílaferð….. Erum alveg að verða klár með upplýsingar sem eiga að birtast hér á síðunni og víðar… Erum að púsla öllu saman, þessa síðustu daga, svo allt passi ….
Takið frá daginn og vonandi kemur eitthvað á síðuna um helgina, eða á mánudaginn…
kv
Palli
Sælir félagar.
Já mikil leynd hefur verið yfir þessu hjá BÞV og gott til þess að vita að enn er hægt að bjarga villuráfandi mönnum frá glötun…. (nei bara að grínast).. Til lukku með bílinn vinur.. EIK vinur hans spyr hvernig ætla menn að breyta þessum bíl…? Ég hef engar áhyggjur af því… Aron Árnason verður ekki lengi að studera það og síðan framkvæma… EIK nefnir að Kaninn hafi velt svona bíl…, ég bara spyr, hvað hafa þessir snillingar í Ameríkunni ekki gert ? tókst þeim það, ég á ekki orð…..
P
Sælir félagar.
Ég verð að segja um þetta mál, að það er eins og að menn hafi gleymt að hugsa um aðalatriðið. Hverjir koma til með að nota þessa vegi ! Ég sé ekki að hinn venjulegi Jón Jónsson á Húsavík á sínum Nizzan Sunny sé tilbúinn að aka þarna upp á vetri til að reyna að freista þess að græða 2 tíma á akstri til Reykjavíkur. Þessi sami Jón er nefnilega búinn að prófa að vera uppi á Vopnafjarðarheiði í vitlausu veðri, þegar hann ætlaði að spara sér spölinn með ströndinni.
Minn vinnustaður sem er Flytjandi byggir allt sitt upp á vegakerfinu og ég get sagt ykkur það, að þar á bæ eru menn ekki hrifnir af þessum hugmyndum. Við viljum að sjálfsögðu byrja á því að gera þjóðveg 1 að alvöru vegi, áður en að þessi "þvæla" fer í gang.
Horfum aðeins á allar einbreiðu brýrnar á leiðinni til Akureyrar. Hvað eru búin að vera mörg banaslys á þessum stöðum. Horfið á gatnamótin í Varmahlíð. Það er biðskylda á þjóðvegi 1 þegar menn koma að norðan ! Upp í Borgarfirði, rétt fyrir ofan bensínstöð Olís í Baulunni er malbikið svo mjótt að erfitt er að mætast á flutningabílum !
Svona mætti lengi telja. Mér finnst eins og vinur okkar Óli Þórðar ætti að skoða þessa staði (og fleiri slíka) áður en að hann fer að mæla með hálendisvegum þvert yfir landið. Vitiði hve oft flutningabílstjórar hafa tekið upp heilu fjölskyldurnar úr fólksbílum stopp á heiðum og staflað í kojurnar hjá sér ? Sjaldnast kemst slíkt í fréttir og þarna má oft litlu muna. Svo ég tali ekki um þá sem hafa orðið úti við að reyna að ganga til byggða. Man sjálfur eftir tveimum mönnum á Steingrímsfjarðarheiði um 1990 og pari nokkrum árum fyrr á Kletthálsi.
Eflaust myndi fólk nota þessa vegi á sumrin og allt í lagi með það, en ég er sammála mönnum hér að alls ekki er hægt að beyta klúbbnum í þessu máli. Hér eru skoðanir persónulegar. Hugsið um orð Bjössa hér framar um að klúbburinn væri þá í raun að standa í vegi fyrir því að aðrir en jeppamenn gætu ferðast um hálendið ! Við erum a.m.k. ekki hress með þá umræðu sem fer í gang öðru hverju að það eigi að banna breytta jeppa.
Á Íslandi er nóg pláss fyrir okkur öll, þarf bara að skipuleggja eitt og annað betur.
kv
Palli.
Sælir snillingar.
Það er nú meira hvað er hægt að væla yfir ótrúlegustum hlutum.
Kári, þú ert asskoti góður með þig, en ert um leið að hafa skoðun á þessu á tilboði til félagsmanna og svo ert þú ekki félagsmaður…ef skráning þín á heimsíðunni er rétt.
Þú norðanmaður…. áttu enga vini í Rvk sem gæti skotist í Aukaraf og verslað fyrir þig ??? Eða veistu ekki símanúmerið í Aukaraf ? Ég er viss um að Ásgeir, Steini Palli eða allir hinir munu hjálpa þér með það í gegnum síman, sem þig vanhagar um. Svo er hægt að senda þetta til þín, bæði með Flytjanda, Póstinum, eða bara með vorskipinu……
Þið hin afsakið í mér tuðið, mér bara leiðist menn sem eru ósjálfbjarga… og hef enga skoðun á því hvort Siggi Harðar, eða Ásgeir í Aukaraf geri betur en hinn. Þeir eru báðir prýðis menn og hafa viljað klúbbnum og félagsmönnum vel……
P
Sælir félagar.
Já það var ekki leiðinlegt að ferðast um fjöllin um síðustu helgi. Snjór, snjór og meiri snjór…. Þorrablótið var fínt, þótt nokkrir hefðu ekki getað sofið fyrir hrotum í sumum og smá spjalli í öðrum. En ég svaf eins og engill og dreif eins og Hlynur… En hvað um það…. Það eru komnar inn myndir á síðuna á mínu albúmi.
Kv
Palli (Hall)
Ég var nú bara með pínu grín þarna áðan með Mussóinn….!
Get nú sagt ykkur það eftir að við vorum í Ameríkunni í okt sl. þá fann drengurinn þetta líka svaka "verkfæri" og hefur ekki haldið vatni síðan. Ég veit sem hans félagi að erfitt verður fyrir hann (eftir allt bullið í honum um ameríska dótið..) að láta sjá sig í björtu á gripnum. En auðvitað er líka hægt að fara í lítaaðgerð og láta breyta sér bara hressilega eins og bílnum. Verst að það er ekki hægt hjá á þessu verkstæði, því þar er hann öll kvöld. Einnig væri hægt fyrir hann að ganga í Samfylkinguna, því það má skipta um skoðun jafn oft og skipt er um framdrif á Barbý. Já þvílikur munur er sá nýji kemur á götuna…., ..Úff… "Pæliðiíði" hvað hann verður erfiður á spjallinu, kominn með grænakortið og allt…..
Kv
Palli
Já, ég hef heyrt að "kallinn" sé að fá nýjan Mussó, eða Rexus.
P
Hó…
Það sem mér finnst vera pínu hallærislegt (kannski er ég bara svona gamaldags) að það eru margir að nota síðuna okkar og eru með miklar kröfur um síðuna og eru svo ekki einu sinni í félaginu ! Hvað er að slíkum mönnum. Þeir eiga að sjálfsögðu að ganga í félagið, kynnast raunverulegu fólki (það eru nefnilega ekki allir raunverulegir á spjallinu (sjáið td penis hinn færeyska og fl)) og ferðast með okkur, ekki bara í munninum á sjálfum sér.
En hvað um það, þetta er bara mín skoðun. Svo sem gott í sjálfum sér ef fólk fær áhuga á þessu félagi og fer svo að mæta á fundi…
kvPalli #77
hó hó…
Þetta með Brimborg veit ég ekki um, því Egill hefur ekki svarað mér neinu. Öll hin umboðin sögðu strax í heimsókn minni að þau yrðu með. Vona nú samt að Brimborg verði með, en það á svo sem ekki að skipta neinu fyrir Ford og Volvó kallana, því þeir geta td bara mætt til Benna, eða í Arctic Trucks í þær ferðir sem þeim langar í.
Meira síðar…
P
Auðvitað verður hægt að skrá sig á meilinu, en ég er ekki klár enn með starfsmannastjóra, en hann er að hugsa málið……. (nenni ekki að fá 200 meil til mín, sem ég þarf svo að senda þessum aðila…)
Get sagt ykkur frá því hér, að við verðum í þætti hjá Sirrý á Skjá einum á miðvikudagskvöldið 5. mars….. Þar vantar okkur 40 manns í sal….
Meira síðar…
P
Sælir félagar.
Fyrir þá sem ekki vita, þá ætlum við að fara í 1000 bíla dagsferð út frá borginni laugardaginn 8. mars nk. Það er búið að kynna þetta fyrir öllum stóru/helstu bílaumboðunum til að ná til fólks sem er ekki í félaginu okkar. Ætlunin er að fara að morgni frá umboðunum og jafnvel verða nokkrar ferðir í boði frá hverju og einu umboði. Þannig á að vera hægt að finna ferð sem hentar hverjum og einum, eftir tíma, erfileika og þh. Ætlunin er að allir endi ferðirnar í Kringlunni, en það er ekki alveg orðið að samkomulagi enn. Meira um þetta síðar, þegar allt verður orðið „naglfast“.
Þessi ferð er hugsuð sem kynning á félaginu okkar og því mikla starfi sem unnið er innan þess og vonandi fáum við mikið af nýju fólki til að heillast af starfseminni sem skráir sig síðan í félagið. Búið er að leggja nokkra vinnu í kynningu á þessu öllu saman, bæði í útvarpi og sjónvarpi.
Ástæða þess að ég skrifa þessar línur, er að afmælisnefndin gerir þetta ekki ein og þarf á mörgum að halda í þetta skemmtilega verkefni. Okkur vantar þennan dag um 70 – 90 félagsbíla til að nota í eitt og annað, eins og: Undanfara, eftirfara, hópstjóra, til staðar hjá umboðunum, búa til kakó (súkkulaði) í Kringlunni og fl og fl. Byrjað er að taka niður nöfn á lista sem liggur frammi í Mörkinni á fimmtudagskvöldum og eru nú þegar komnir um 25 bílar á listann. Auðvitað eru allir félagsmenn velkomnir í ferðina og þess vegna er best að heyra í því fólki sem vill leggja á sig smá vinnu, td eins og að vera hópstjórar. Búast má við að 20 bílar verði í hverjum hóp og það séu amk 1 – 3 bílar frá okkur í hverjum hóp, fer allt eftir hve margir eru tilbúnir í að vinna þetta með okkur.
Þess vegna langar mig að biðja fólk um að taka frá þennan dag í þetta verkefni. Þetta er eitthvað sem allir vilja geta sagt frá eftir 5 ár, 10 ár, eða 20 ár. Þarna var ég….
Set seinna inn í „tilkynningar“, þegar allt er klárt með nánari tímasetningaar og fl.
Einnig má segja frá því að félagsritið okkar Setrið kemur til með að vera enn veglegra en venjulega og kemur til með að liggja frammi hjá umboðunum þennan dag og vonandi líka hjá Shell bensínstöðvum á höfuðborgarsvæðinu og á að virka sem leiðabók dagsins og almenn kynning á félaginu.
Kv
Palli.
