Forum Replies Created
-
Replies
-
Ekki gat maður séð betur en Gísli og þeir félagar á Antarctica-leiðangrinum notuðu Jet A-1 á HiLuxana þarná niðurfrá. Það væri fróðlegt að fá að vita hvað þeir notuðu og í hvaða hlutföllum með henni til að fá smurningu á dýsurnar. Sjálfsagt er venjuleg diesel fuel ónothæf í þessum kulda, sem þarna er, auk þess sem hæðin yfir sjávarmáli er þáttur, sem hefur eflaust líka áhrif.
Sennilega er mótorinn, sem notaður er í Lexus-typuna, sem er seld í ameríkuhreppi og er í raun sami bíll og Cruiserinn, déskoti dýr. Hinsvegar er spurning hvort mismunurinn á verði vélarinna vinnst ekki upp við lægri kostnað við að setja hann niður. Hinsvegar þykist ég hafa séð í einhverju blaði frá USA að til séu millistykki milli Toy skiptingar og 4,7 lítra Chevy Vortec (ekki alveg viss um stærðina í lítrum). Það er þrautreyndur mótor og fjöldinn allur til af þeim og hægt að fá þá á viðráðanlegu verði, auk þess sem alls kyns aukabúnaður er til og auðvelt að fá varahluti. Sennilega er Mopar Hemi of stór í þennan bíl, en það er gríðarlega skemmtileg vél. Mér líkar vel að menn séu að horfa á snarpa bensínrokka í tækin sín. Dieselvélarnar geta seint skilað sömu snerpu og krafti og góð 8 cyl bensíntík.
Getur verið að þetta fyrirtæki, Málmtækni, smíði kassa í varahjólsfestingar á jeppa?
Þessir original demparar eru svo svívirðilega dýrir, að það er eins og segir hér á undan, nánast frágangssök að kaupa þá, en þeir eru náttúrulega déskoti góðir og yfirleitt hafa þeir langan líftíma. Ég setti á sínum tíma Koni minnir mig í 1999 árgerðina, sem ég átti í ein sex ár. Keyrði þann bíl eitthvað um 160 þús.km og skipti einu sinni um dempara og lagði þá ekki í original demparana sökum verðs. Það var skömmu áður en bíllinn var seldur, þannig að ég veit ekki hvernig þessir síðari entust.
Mæli með því að skoða túrbínuna þótt það kosti eitthvað. Það er ávísun á stórtjón ef hún brotnar. Svo er þetta með túrbínuvélar, að muna eftir að láta túrbínuna kólna þegar stöðvað er eftir einhverja keyrslu að ráði. Bínan er að snúast upp í tíu sinnum hraðar en mótorinn og afgastúrbínur hitna gríðarlega mikið. Legurnar í þeim eru þrýstismurðar frá smurkerfi vélarinnar og þegar vélin stöðvar, fellur smurþrýstingur inn á legurnar umsvifalaust. Túrbúnan getur þá verið á hörku snúningi og hvítglóandi af hita, þannig að legurnar geta farið mjög illa á nokkrum sekúndum. Ef þess er að jafnaði gætt að láta mótirnn rölta hægagang í tvær til þrjár mínútur eftir að stöðvað er, þá er hættan orðin hverfandi.
Ef þú nærð í gott eintak af LC80 ertu kominn með draumabílinn. Verstur andskotinn að Toyota skyldi hætta að framleiða þá, því miðað við að síðustu bílarnir voru framleiddir 1997 (að mig minnir, held reyndar að þeir hafi framleitt þá eitthvað fyrir hjálparstofnanir og svoleiðis eitthvað lengur, en það eru bílar sem fást ekki skráðir innan EEA), þá eru þeir flestir orðnir ansi mikið keyrðir. En ef þú nærð í bíl að norðan, þá eru þeir yfirleitt ekki orðnir mikið ryðgaðir, þannig að ég hefði haldið að þú ættir að tala við Ben.Sigurg. ef hann getur haft milligöngu um eitthvað, sem er á hans svæði. Auðvitað þarf að hafa alla þessa venjulegu fyrirvara varðandi það að skoða alla bíla af fagmönnum og svoleiðis, hvaðan af landinu sem þeir eru. En LC80 er með allt, sem maður getur óskað sér, góða aksturseiginleika, rör á báðum endum og öfluga vél. LC80 á 44" – 46" uppfyllir flestar kröfur, hefði maður haldið.
Þetta var nokkuð fróðlegur þráður. Spurðist fyrir hjá tryggingafélagi um hvað kostaði skyldutrygging fyrir fjórhjól og fékk þau svör, að hún væri í kringum 200.000 kallinn. Gat ekki skilið svörin á annan hátt en þann, að það skipti nánast ekki máli hvort um væri að ræða götuskráð hjól eða bara með torfæruskráningu. Mér finnst þetta ansans ári hátt iðgjald miðað við bíl. Þarna hlýtur ökumannstryggingin að vega þungt, því varla veldur 250 kg hjól sambærilegu tjóni í árekstri og 1.500 kg bíll eða þyngri. Jæja, en ég vona að stofnandi þessa þráðar nái bata af þeim meiðslum, sem hann kann að hafa orðið fyrir og óska honum alls góðs.
Já, það er nefnilega það. Þakka upplýsingar um LED ofl. Ég þekki nokkuð marga í vörubílabransanum og mig minnir að það fólk sé að tala um að LED-ljós séu að verða ráðandi aftan á vörubíla og tengivagna. Ég er farinn að verða gleyminn, en mér finnst að fyrirtækið ET í Rvík sé að selja svoleiðis ljós fyrir vörubíla og malarvagna t.d. Allavega hafa margir verið að skipta út hefðbundnum peruljósum fyrir þessi LED ljós að mér er sagt. Eitthvað hef ég heyrt um að LED – ljós aftan á þessum vinnutækjum séu ekki eins viðkvæm fyrir hnjaski? Það er vafalaust hröð þróun í þessu eins og öllu öðru og efalítið hyllast menn til að horfa til minni orkunotkunar ef hún fylgir með í pakkanum. Hinsvegar horfa náttúrulega allir til endingar og verðs miðað við annað sem á boðstólum er. Við fáum vafalaust að frétta þegar kaupfélagið finnur vöru, sem uppfyllir þessar óskir notenda. Þakka fyrir greinargóðar upplýsingar.
Yðar einlægur er ekki vel að sér í þessum ljósavísindum og les því þennan þráð með athygli. Hér ofar er minnst á micro-ljós, sem ég þekki ekki hvað er en spyr í fáfræði minni hvort það séu ljós með LED? (Light Emitting Diodes) – Maður er farinn að kynnast því hvað slík ljós eru sparneytin á rafmagn, þekki þau sem ennisljós og reiðhjólaljós, auk þess sem sífellt fleiri bifreiðir eru með díóður í afturljósum. Ekki skemmir að ending díóðanna er meiri en í venjulegum perum. Eruð þið ljósamenn til með að segja okkur meira frá þessu og hvort þau séu til sem vinnuljós?
Ja, hvað getur maður sagt, Hafsteinn? Við reynum að sjálfsögðu öll að hafa augun opin. Annars er það víst staðreynd, segja lögregluskýrslur allavega, að það sé mikil aukning í alls kyns auðgunarbrotum. Núna síðast í gær var tilkynnt um 7 innbrot í sumarbústaði og sáralitlar líkur á því að þau verði nokkurntíma upplýst. Það var hinsvegar undarlegt viðhorf, sem kom einhverntíma í vetur fram á bloggsíðum mbl.is, að þessu liði væri andskotans nær að vera ekki að reisa og kaupa þessa sumarbústaði og fylla þá af alls konar dóti, það væri eiginlega bara alveg sjálfsagt að stela frá því! Er kannski svipað viðhorf í gangi hvað bíla og aukahluti í þeim varðar?
Alltaf komast á kreik frásagnir af því, þegar einhver festir sig og félagarnir fara að „kippa í“. Það er vissulega ýmislegt, sem þarf að varast þegar maður kippir í félaga sína, sem eru fastir. Það fyrsta sem huga þarf að er, að hvort sem menn nota hnúta (t.d. pelastikk) eða lása til að festa í bílana er, þarf að ganga vel frá festingunni. Þ.e. að hnúturinn sé vel og rétt hnýttur, að lásinn (ef hann er notaður) sé vel og rétt skrúfaður og það, sem hnýtt er í á hvorum bíl fyrir sig þoli átakið. Í öðru lagi er alltaf tryggara, hvort sem verið er að draga með spotta eða spili, að hengja eitthvað á taugina, t.d. aðra kaðalhönk, úlpu, kuldagalla eða teppi, sem getur komið í veg fyrir slys ef spottinn slitnar. Ekki á þetta síst við um spilvíra og svo teygjuspottana, sem svo margir nota. Í þriðja lagi má nefna, að þess þarf að gæta að maður tjóni ekki bílinn, sem kippir í með óvarlegum aðferðum. Nefni sem dæmi að það ætti aldrei að taka á í afturábakgír. Afturábakgírarnir eru alltaf mun veikari en hinir, sem virka áfram. Það hafa allir áttað sig á þessu, sem hafa tekið gírkassa í sundur. Sama á reyndar við um drifin; þau þola miklu betur átak áfram en afturábak. Mér varð einmitt hugsað til þessa þegar ég var að skoða hér á 4×4 vefnum skemmtilegar ferðamyndir, en þar var 4Runner að kippa í stóran Ram með pallhýsi og ökumaður hans hnýtti í framendann á sínum bíl og bakkaði! Þarna hefur líklega bjargað Runnernum að snjór var undir hjólunum á honum og því hefur undirlagið látið undan áður en eitthvað annað brast.
Við þetta má svo ýmsu bæta, en læt þetta duga í bili.
Páll Friðriksson, fréttamaður og ljósmyndari héraðsfréttablaðsins Feykir á Norðurlandi vestra var með Skagfirðingunum í ferðinni og þegar hann er vaknaður má reikna með að eitthvað af myndum rati inn á feykir.is
…….og enginn þeirra dó, og það er mest um vert.
27 bílar af Mið-Norðurlandi komu niður Goðdalafjall og allir mjög sáttir.
Get ekki opnað þetta, kemur bara þetta andsk….. rauða x
RÚV sagði frá því í fréttum kl. 16:00 að búið væri að vígja miðjuna, en Slóðríkur væri tjónaður. Ofsinn okkar er hinsvegar sjálfur í lagi og það er aðal atriðið. http://www.ruv.is/heim/frettir/frett/st … tem254684/
…hjá Sigurði T. Valgeirssyni með gagnabankann.
Eru þeir ekki örugglega komnir til landsins aftur, kapparnir sem voru á Suðurskautslandinu (Antarctica) fyrr í vetur (sumar þar) ? Eru einhverjar líkur eða möguleikar á að þeir skemmti þeim sem heima sátu með frásögn og myndum af túrnum, eða er það kannski háð einkarétti frá sponsorum og BBC eða hvaða aðilar það nú voru sem stóðu fyrir þessu?
óþjóðalýður er þetta alltaf hreint. Stundum eru skemmdirnar sem þetta pakk veldur á bílunum meira tjón en að tapa tækjunum. Annars virðist koma út á eitt þótt dótið sé lokað inni í bílskúrum, þá er bara brotist inn í þá. Ekki hefur maður heyrt að það hafi fundist dekkjagangurinn, sem stolið var í Kópavoginum fyrr í vetur.
