Forum Replies Created
-
Replies
-
Eiginlega hefur þú hárrétt fyrir þér Skúli, og allt er þetta vandratað svo maður lendi ekki í fúlum pyttum stjórnmálanna og dugar líklega seint nokkurt GPS til hjálpar! Hinsvegar óttast maður ofstækisfólk, sem vill jeppa og sér í lagi breytta jeppa, út af vegunum. Þetta er ekki bara séríslenskt fyrirbæri. Manni er fullkunnugt um að hjá Umferðarstofu (eða hvað það heitir núna) er veruleg stemmning fyrir því að banna allar breytingar á jeppum vegna þess að þau trúa því að þeir séu hættulegir í umferðinni. Hef nokkra vissu fyrir því að nýja spilgrindin framan á Barbie-cruisernum sé til komin vegna þess að Arctic-truck fólk hafi fengið hint um að slíkar kröfur séu á leiðinni og "undirakstursvörn" verði eitthvað sem krafist verði á breyttum bílum. – Hvað um það, plottið er þannig upp byggt, að þegar komnir séu malbikaðir vegir um hálendið, þá sé hægt að segja að það þurfi enga breytta bíla til að fara um það (jafnvel ekki jeppa heldur þótt óbreyttir séu) og því sé hægt að banna breytingar nema þá eins og í Ameríku, bara fyrir "trail use", þ.e. á sérstökum afmörkuðum svæðum, þar sem notkun slíkra tækja er leyfð með sérstökum skilyrðum, tryggingum ofl.ofl. Þá verði einnig öll ferðalög ökutækja um jöklana bönnuð, sem og akstur á snjó, eins og sumir "umhverfisverndarsinnar" eru þegar farnir að krefjast. Þetta er ekki paranoia hjá mér, mér er fullkunnugt um að svona er þetta plottað hjá Umferðarstofu.
Kannski er aðalatriðið að hafa sem skemmst milli Rvíkur og Akureyrar, kannski verða það einu svæðin í byggð eftir áratug eða svo, hvað veit ég. En meðan einhver byggð að marki er tengd hringveginum, finnst manni einhver rökvísi í því að hann tengi byggðir saman en slíti þær ekki í sundur. Ég veit svo sem að Halldór Blöndal og fleiri hafa haft ýmigust á króknum til Blönduóss og viljað a.m.k. fara Svínadalsleiðina og yfir Blöndu hjá Löngumýri. Mikil ósköp. En ef Blönduós væri með því lagi slitinn frá hringveginum, væru þær fjárfestingar, sem þar hefur verið lagt í og beinlínis tengdar því að hringvegurinn liggur þar um, harla lítils virði. Svo mun vera víðar. Er þá ekki einhver bótaskyldur eða hvað? Á þessum málum eru fleirri hliðar. Mér finnst t.d. í þau skipti sem ég þarf að fara austur um, bölvað ólán og töf, aukslysahættu, að þurfa að paufast um gatnakerfið á Akureyri, sem er nú ekki það liprasta í heimi hér. En þetta má víst ekki nefna.
kv. ólsarinn
Ekki ætla ég mér, a.m.k. ekki óundirbúinn, að rengja útreikningana um kostnað við malbik á Sprengisandsleið. Hitt verður nú líka að taka með samt, að þarna þarf eitthvað af brúm og öðrum slíkum viðbótarframkvæmdum. Svo kemur þetta vandasama, hvernig verðleggjum við þetta svæði? Það er ansans ári mikil breyting á því þegar komin er uppbyggð hraðbraut frá því sem nú er. Það er nú líklegt að mörgum yfirsjáist það moment í þessu öllu saman hvað ferðaþjónustu varðar, að mesti sjarminn gagnvart hinu erlenda ferðafólki a.m.k. er horfinn þegar hraðbrautirnar eru komnar. Vegleysurnar og óbrúuðu árnar eru ein helsta "attractionin" að þeirra mati. Annars langar mig til að vísa í orð EggertS hér á undan varðandi það að klára að koma á vegasambandi í byggð og hugsa þessi mál svolítið betur. Einnig vil ég taka undir það, að félagið okkar þurfi að móta skýra afstöðu í þessum málum.
kv.
Eiginlega segir EggertS allt sem segja þarf í þessu efni.
sammála.
Eiginlega segir EggertS allt sem segja þarf í þessu efni.
sammála.
Þessi umræða á satt að segja ekki að þurfa að koma neinum á óvart. Mig grunar að þetta sé forleikurinn að því sem Óla H. Þórðar og marga af því slekti hefur dreymt um, en það er að banna a.m.k. breytta fjórhjóladrifsbíla (helst alla "jeppa"). Þessir fuglar læra af t.d. The Sierra Club í USA og fleirrum slíkum. Þarna eru á ferðinni öflug samtök veruleikafirrtra Hjörleifa af ýmsum kaliberum, sem vilja helst banna alla skapaða hluti. Ég lenti í því fyrir all nokkrum árum að sitja í nefnd sem var kölluð Samvinnunefnd um svæðisskipulag Miðhálendisins. Þar kynntist ég mætavel sjónarmiðum sveitarstjórnarmanna víða um land til þessara hluta. Þar var rætt í alvöru um þessa hálendisvegi, sem þarna er rætt, sem heilsársvegi og síðan átti að banna alla umferð annarsstaðar. En hvað varðar veginn um Tvídægru, Arnarvatnsheiði og Stórasand, sem "runar" minnist á og oft hefur verið kenndur við Halldór Blöndal, þá hef ég trú á að erfitt geti orðið að halda honum opnum sem heilsársvegi í normal árferði. Þetta svæði er hið mesta veðravíti og nógu andskoti tafsamt getur verið fyrir almenna umferð á Holtavörðuheiðinni, þótt styttri sé.
Því miður, Iceman minn, svar þitt segir meira um þig en löng ræða. Útjaðar Reykjavíkur, Tja, það eru nú eitthvað á fjórða hundrað kílómetra héðan frá Sauðárkróki til Reykjavíkur. Hvað sem vegalengdum líður, þá er aldrei hægt að jafna allt. Þetta snýr líka að íbúum höfuðborgarsvæðisins, það fylgja því líka ýmsir gallar að vera þar, sem við erum laus við í sveitinni. T.d. eins og ég kom inn á í mínu innskoti hvað varðar aðgengi og vegalengdir að skemmtilegum svæðum. Ekki vera svona sár karlinn minn.
Nú á ég heima úti á landi og hef alltaf gert. Hinsvegar verð ég að segja það, að ef það er eitthvað sem mér hundleiðist þá er það þessi landsbyggðarvæll, sem sumir þurfa alltaf að fara í út af öllum fjáranum. Auðvitað missir maður stundum af hinu og þessu þegar maður á heima á landsbyggðinni, en það eru líka stundir, þar sem það er betra að vera úti á landi, t.d. hvað oft er stutt hjá okkur í að komast í snarpar og skemmtilegar ferðir án mikils fyrirvara og undirbúnings (stundum líklega OF lítils undirbúnings, en það er önnur saga). Auðvitað hefði maður gjarnan viljað nota sér þessa dótadaga og ég veit nú ekki betur en þetta hafi verið komið hér inn á síðuna á fimmtudegi og það hafa nú LANGFLESTIR aðgang að netinu and news spread quickly. Menn eru nú ekki að víla fyrir sér að skjótast í bæinn ef þeir þurfa að fara á fyllirí og það sama ætti nú að gilda um önnur erindi. Nú og eins og einhver sagði hér að framan, það er til nokkuð sem heitir sími.
kv.
ólsarinn.
Nú ætla ég mér ekki að fara að halda því fram að ég hafi eitthvert vit á dieselvélum og gangverkum þeirra. En eindregið vil ég taka undir með manninum sem mælti með 2t olíu í brennsluolíuna. Hérna í "den tid" fylgdi t.d. með Scania þær leiðbeiningar í handbók, að ef frost færi niður fyrir einhverjar x gráður (man ekki töluna lengur) þá þyrfti að bæta kerosene (steinolíu) í eldsneytið til að það rynni, enda var meira paraffín í olíunum þá og þær gátu orðið eins og vax í kulda og stífluðu allar síur og bókstaflega runnu alls ekki. En þá var mælt með því að fara aldrei yfir 10% hlutfall af steinolíu í eldsneytið og síðan átti að vera 10% af steinolíunni af 2t olíu til að bæta upp minni smurhæfni eftir íblöndunina. Síðustu árin hefur ekki þurft íblöndun af steinolíu í eldsneyti vegna annarrar efnasamsetningar brennsluolíunnar. En smurhæfnin hefur líka minnkað. Ég hef haft þann sið til fjölda ára að setja tvígengisolíu í annað eða þriðja hvert skipti sem ég fylli á tankinn, einn lítra í hvert skipti. Það er mikið álag á eldsneytiskerfin, einkum og sér í lagi spíssana. Það er mat margra reyndra dieselvélamanna, bæði vinnuvélastjórnenda, flutningabílstjóra og viðgerðarmanna, að það borgi sig að fara eftir handbókum vélanna með skipti á dýsum í spíssunum og endurstillingum olíuverkanna þótt það kosti peninga. Það kemur til baka í betri eldsneytisnýtingu, minna sóti, meira afli og meira rekstraröryggi plús færri stórbilana. Svo að lokum, svona mál koma fyrir allar vélar, hvort sem þær eru í Patrol, Land-Cruiser, Trooper eða einhverjum ómerkilegum tegundum sem við nefnum ekki einu sinni á nafn!
Nei, það þurfti nánast engu að breyta, því öll tengi virkuðu eins og mótorfestingar og púst og hvað nú er, passaði allt saman. Ég held að blokkin sé ansi lík hinni. Það eina, sem var öðruvísi var, að á nýja mótornum var gert ráð fyrir snúningshraðamæli, sem var ekki fyrir í bílnum. En þetta var ekkert mál. Annars veit hann Árni Páll, Eldshöfða 15, sími 567 3444 allt um þetta mál, því hann hefur breytt bílnum meira síðan ég átti hann, m.a. sett undir hann gormafjörðun hringinn, aukatanka og Guð má vita hvað fleira meðan næsti eigandi á eftir mér átti bílinn.
Ég mæli eindregið líka með honum Hlöðveri í Japönskum Vélum, þetta er mjög áreiðanlegur maður að eiga viðskipti við að mínu mati og margra fleirri.
Bestu kveðjur
ólsarinn
Þetta er skemmtilegt viðfangsefni. Ég er reyndar kominn á sjötugsaldurinn og ætti því að halda mér saman, en á sínum tíma byrjaði ég eins og fleirri á CJ2A og þótti gott. Nú, svo er maður búinn að eiga ýmislegt, Land Rover, UAZ, Lada Niva, Bronco, Hi-Lux o.s.frv. o.s. frv. Mín ráðlegging til nýliðans er að kaupa ekki rándýran bíl til að byrja með, hann þarf auðvitað að vera í þokkalegu lagi og á sæmilegum dekkjum, en hafa í huga að einhverntíma þarf maður að selja aftur og því þarf þetta að vera nokkuð þekkt tegund. Af minni reynslu mæli ég helst með Hi-Lux, þetta eru miklir jálkar, þola vel álag, flestir eru að vísu heldur vélarvana, en einhvernveginn hefur mér fundist gegn umn tíðina að það væri bílstjórinn sem allt byggðist á og það er ekki slæmt að byrja á bíl sem er ekkert ofboðslega aflmikill. En, eins og hér hefur komið fram, þá eru til margir mjög "praktiskir" bílar og Suzuki hefur reynst mörgum manninum vel. Talandi um Hi-Lux, þá fékk ég á sínum tíma hjá honum Hlöðveri í Japönskum vélum þessa (rúml.) 2,8 lítra vél sem þeir eru seldir með í Ástralíu og víðar (heitir víst 3L þótt hún sé ekki 3ja lítra) og Árni Páll á Eldshöfðanum setti í hann ARB-túrbínu, Iveco millikæli og svo var smíðað í hann 3ja tommu púst. Svo var aðeins bætt við olíuverkið og eldgreinin pússuð eitthvað að innanverðu. Eftir þetta var hægt að taka hann af stað í 5ta gír á auðu malbiki og láta hann reykspóla! Þessi bíll er enn á götunum með þessari vél, hef heyrt að hann sé kominn vel á 6 hundrað þús. km en veit það ekki fyrir víst. ARB-túrbínan hefur þann kost, að hún kemur inn á miklu lægri snúningi en original túrbínan frá Toyota, en er talsvert fyrirferðarmeiri fyrir vikið. Gangi þér vel, nýliði, eins og þú kallar þig.
Nú, þetta er býsna skemmtileg umræða og líka fróðleg. Af því þetta er ein samfelld sögustund, þá langar mig að geta þess að ég átti í 7 ár Hi-Lux (KT 376, sem sumir kannast við) og í hann setti Árni Páll strax tjakk þegar honum var breytt. Það kom aldrei neitt fyrir hrútshornið hjá mér, þrátt fyrir að oft væri reynt blessaðan bílinn. Hinsvegar voru þeir að fara hjá mörgum öðrum, það vissi ég og kannski hef ég hlíft dótinu. Bíllinn er ennþá á götunum (það væri gaman að frétta hvað er á odo-meternum á honum!) en ég veit ekki hvort þetta hefur farið hjá öðrum eigendum. Held þó þetta hafi tollað hjá Oddgeiri Sæm. En sem betur fer hefur maður ekki haft spurnir af að þetta hafi farið nema í kyrrstöðu eða því sem næst. Langar að bæta við að lokum því að maður verður alltaf einhvers vísari á þessum spjallþráðum hér og lærir heilmargt. Flott mál.
kv.
ólsarinn.
