Forum Replies Created
-
Replies
-
Hérna Skúli og þið félagar: Var búinn að skjóta því inn fyrir nokkru að það væri kannski ráð að spjalla við verkfærðing sem heitir að mig minnir Friðfinnur Daníelsson og rekur borfyrirtækið Alvarr. Hann er lúnkinn við að finna vatn, bæði heitt og kalt, og er að vinna á mjög skikkanlegum verðum. Hann kann heilmikið fyrir sér í þessum fræðum og getur sjálfsagt sagt mönnum hvort þetta yfirleitt hafi einhvern tilgang að prófa þetta. Það er allt í lagi að spyrja þessa höfðingja sem kunna eitthvað í fræðunum. En hvað segir okkar aægti Einar Kjartansson um þetta – þetta er nú innan hans fræðasviðs?
kv.
Þetta eru alvöru dekk! Setja þetta undir Super Duty, eru þeir ekki farnir að koma á 17" felgum? Nú, kaninn myndi nú tylla Rockwell undir gripinn! Svo eru til bæði 10 og 12 cyl rokkar, sem hægt er að tjúna upp í 7 – 800 truntur! Eyðsla! Shit, who cares?
kv.
gþg
Þegar ég setti á sínum tíma ARB-loftlæsingar í minn góða HiLux, þá var þannig frá því gengið að ég gat læst hvoru drifi fyrir sig óháð hinu. Þetta líkaði mér afspyrnu vel. Það eru nú líklega ein þrettán ár síðan þetta var gert og vafalaust hafa læsingar og ísetning þeirra breyst á þeim tíma, þó nú væri, (og valkostum fjölgað). Ekki veit ég hvort kit-ið frá ARB er eins í konstruktion nú eins og þá. Ég varð nú fyrir því í krapatúrum að loftslöngurnar gáfu sig, en það var þá auðvelt að gera við þær, fannst manni þá a.m.k. Menn mega nú ekki taka þessar vangaveltur mínar sem svo að ég hafi eitthvað á móti rafmagnslæsingum eða barkalæsingum, síður en svo, þetta hefur allt sér til ágætis nokkuð. En vörurnar frá ARB eru fjári góðar, ég var líka með ARB-túrbínu við 2,8 (3L) vélina og veit ekki annað en hún sé enn í bílnum (KT 376) Aðal kosturinn við hana fannst mér vera hvað hún kom inn snemma á snúningssviðinu.
Held nú að okkar ágæti BÞV hafi verið að tala í hálfkæringi eins og honum er lagið um læsingar. Hitt vil ég taka undir með verkfræðingnum Snorra Ingimars, að það kemur fátt, ef nokkuð, í staðinn fyrir góðar læsingar. En eitt í sambandi við læsingarnar; mér fannst stundum vera gott að geta bara læst að framan en ekki að aftan. Það er hinsvegar svo með sumar "original" læsingar, að það er ekki hægt að læsa að framan nema vera búinn að læsa að aftan fyrst. Mín reynsla var hinsvegar sú, að við vissar aðstæður, t.d. í hliðarhalla, gat verið gott að læsa bara að framan. Nú eru hönnuðir bíla sjálfsagt með eitthvað í huga þegar þeir ganga þannig frá að einungis sé hægt að læsa að framan þegar afturdrifið er líka læst og þá spyr ég fróða menn eins og Snorra Ingimars, er það vegna þess að þetta veldur of miklu álagi á millikassann, eða er það vegna þess að framdrifið þoli minna? Eða kannski eitthvað annað? By the way, hefur einhver breytt Ford F 250 SuperDuty með nýju Power Stroke 6 lítra vélinni fyrir alvöru dekk hér um slóðir? Þetta er satt að segja draumabíllinn minn. Kannski er hann alltof þungur, ég veit það ekki, en svona tæki á 44", með skriðgír og læstur aftan og framan hlýtur að vera alvöru græja!
kv.
gþg
Þetta var góð ábending. Nú þurfum við að taka okkur saman í andlitinu og er það ekki rétt skilið hjá mér að umhverfisnefnd okkar skili tillögum til stjórnar klúbbsins um hvernig þessu verður svarað af okkar hálfu? Ef eitthvað er nýtilegt í þessum þræði, þá geta þeir notað það sem ítarefni. Það hafa trúlega flestir skoðað eitthvað þessa tillögu, sem var víst upphafið að þessum þræði í byrjun, held ég.
kv.
ólsarinn (K650)
Þetta er ágætt innlegg hjá Skúla, en einhvernveginn finnst mér að menn hafi ekki hér notað orðið "náttúruverndarsinni" sem skammaryrði og vona að við förum ekki út í svoleiðis. Hitt er svo annað mál að orðið hefur eitthvað mismunandi merkingu milli einstaklinga. Ekki orð um það meir og enn held ég að við Skúli séum sammála. Hvað varðar orðsendingu Einars K. hér að ofan til BÞV, að þrátt fyrir að mér komi deilur þeirra ekki við, langar mig að ítreka það sem ég hef áður sagt um þessi efni, en það er að svona konkret orðalag í lagatextum og reglugerðum settum samkvæmt þeim, leiðir fyrr eða síðar til þess að það fær aukið gildi í hugsanlegum dómsniðurstöðum. Menn koma og menn fara og vinsamleg túlkun einhverra tiltekinna einstaklinga gildir ekki sem lagatexti og er bundinn þeim sem einstaklingum meðan þeirra nýtur við. Við höfum dæmi þess í þeim löndum sem við höfum samskipti við, að tilhneigingin hefur verið til að þrengja túlkun og framkvæmd sambærilegra laga og reglna. Ekki meir í bili
gþg
Skúli er einn af þessum heiðursmönnum sem hægt er að eiga orðastað við án þess það leiðist út í óþörf gífuryrði og á hann heiður skilinn fyrir. Í stórum dráttum held ég við séum sammála, við erum kannski báðir að misskilja hinn í smærri atriðunum. Það er allavega mín meining, að klúbburinn okkar eigi að vera málsvari ferðafrelsis okkar á hálendinu, svo fremi við förum sjálf að okkar eigin markmiðum um góða umgengni og náttúruvernd. Það sem mér dettur í hug að okkur geti greint á um er (og undirstrika að ég HELD þetta, er ekki viss) hvar við eigum að draga mörkin. Ég vil takmarka umsvif og athafnir klúbbsins við ferðalög okkar og athafnafrelsi okkar hvað þau snertir, en ekki að taka mjög harða afstöðu í stórpólitískum deilumálum, sem hafa ekki bein áhrif á þetta umtalaða frelsi, svo sem eins og hvar og hvernig er virkjað. Ég er að gera mér vonir um að með því eigum við betri möguleika á því að við verðum kvödd til sem álitsgjafar og áhrifaaðilar á setningu reglna um umferð á hálendi Íslands, sem er jú meginmálið ekki satt? Ef við förum svo geyst að við fáum á okkur öfgamannastimpil, þá erum við búin að stimpla okkur út á því sviði. Er ég að misskilja þig Skúli? Ég ætla ekki að eiga orðastað við eik, það snýr beint að BÞV og hann svarar fyrir sig.
kv.
Ólsarinn , félagi nr. K 650
Það er nú ekki vafi á að það er gagn að svona umræðu eins og hér hefur farið fram og sem betur fer hafa menn ekki farið teljandi út í neitt ósæmilegt, eða það finnst mér ekki allavega. Nú, en smá ábending til Skúla, sem mér finnst nú vera ágætlega málefnalegur þótt ég sé ekki sammála honum í öllu. Í fyrsta lagi, þá vil ég undirstrika það sem BÞV hefur bent á, að það er alltaf erfitt að þurfa að treysta á túlkun embættismanna á mismunandi tímum þegar fyrirmæli laga/reglugerða eru svona beinskeytt. Í öðru lagi, mig uggir að það, að ekkert hafi verið gert í að framfylgja lögunum um Grímsvatnasvæðið sé einfaldlega það, að löggæslan hefur ekki verið í stakk búin til að sinna eftirliti þarna, hvorki er varðar mannskap né tæki – þeir verða jú að príoritera hafandi sín fjárhagslegu takmörk – og svo hitt, að valdamiklir aðilar hafa haft beina hagsmuni af því að sjálfboðaliðsstarfi JÖRFÍ sé ekki mikil takmörk sett í bili a.m.k. Í þriðja lagi getur varla verið Skúli, að þú gerir þér ekki grein fyrir að það er talsverður hópur fólks sem er tilbúinn til að loka alveg á alla umferð vélknúinna ökutækja á jöklum og þess vegna á öllu hálendinu og ég veit að þú skilur af hverju ég nefni engin nöfn hér á þessum vettvangi. Í fjórða lagi langar mig til að benda á, að ég held að við fáum engan embættismenn að tjá sig um túlkun reglugerða til eða frá í Setrinu, þeir láta ekki hanka sig á því að láta frá sér einhverja dokumentation, sem síðar gæti verið notuð í hugsanlegum málaferlum.
En umfram allt, ræðum málið áfram. Meðan umræðan er á þessum nótum getur það aldrei orðið nema gagnlegt.
kv.
Sko, ég veit að Björn Þorri er fullfær um að svara fyrir sig, en ég hugsa nú að hann viti meira en eik um lögfræði þótt eik viti meira en hann um jarðfræði. Hvað Grímsvatnasvæðið varðar, þá er okkur báðum fullkunnugt um það eik, að það eru til menn, sem hafa haft fullan hug á að fá því framgengt að einmitt þessum ákvæðum verði framfylgt, því það er ekki annað sem á stendur en að einhver kæri og framkvæmdavaldið telji sig hafa mannskap og búnað til að framfylgja lögunum. Þetta hefur komið fram bæði í ræðu og riti tiltekinna aðila, sem ég ætla ekki að nafngreina hér.
kv.
ólsarinn
Eftir að hafa lesið sumt tvisvar sem hér stendur fyrir ofan og þá einkum það sem lögfræðingurinn BÞV skrifar, hef ég satt að segja miklar áhyggjur af framhaldinu. Við verðum að gera okkur ljóst, að menn koma og fara. Túlkun einhvers einstaklings getur haft tímabundin áhrif, en ekki til langframa. Það er því mikilvægt hvað stendur í lögum og reglugerðum, ekki hvernig einstakir menn túlka það á hverjum tíma. Ef til dómsmála kemur, þá verður það lagabókstafurinn sem stendur, við skulum alveg gera okkur grein fyrir að BÞV veit hvað hann er að segja í því efni. Það er sterk tilhneiging til þess hjá tilteknum aðilum að líta svo á að allt sé bannað nema það sem er sérstaklega leyft. Nú veit ég ekki frekar en aðrir hver verður umhverfisráðherra næstu fjögur árin, en það er víst, að eftir næstu kosningar er veruleg hætta á að sá/sú sem kemur til með að gegna því embætti verði úr hópi þeirra sem hafa hvað allt á hornum sér varðandi akstur jeppa og vélsleða. Eins og hér hefur komið ítrekað fram að ofan, hefur komið fram áætlun um að gera Vatnajökul allan að samskonar þjóðgarði og Snæfellsjökul. Það er mikil hætta á að lög og reglugerðir um Snæfellsjökul verði hreinlega kópieraðar yfir á hann. Ég held að mínir gömlu sveitungar fyrir vestan hafi allavega hrokkið við þegar þeir urðu varir við ýmsar afleiðingar friðlýsingarinnar, sem öfgafólk í náttúruvernd fékk alltof frjálsar hendur við að semja reglurnar um.
kv.
ólsarinn (fæddur og uppalinn undir Jökli)
Tek heilshugar undir orð þeirra Skúla og Snorra Ingimarssonar. Við getum rétt ímyndað okkur hvernig reglurnar yrðu túlkaðar ef VG tæki við umhverfisráðuneytinu og sjónarmið Hjörleifs og Kollu á móti yrðu ráðandi. Ég starfaði á sínum tíma í svokallaðri samvinnunefd um svæðisskipulag Miðhálendisins, sem lauk sínu starfi með útgáfu á skipulaginu – umfangsmiklar bókmenntir það! – Á fund nefndarinnar komu hinir "ýmsustu" aðilar, félög og einstaklingar, sem gerðu grein fyrir sínum sjónarmiðum og það var hálf ónotalegt að heyra sjónarmið sumra. Tek því undir orð Snorra um að við þurfum að halda vöku okkar, haa í heiðri reglur klúbbsins okkar og gefa öfgafólki ekkert færi á okkur. Maður fylgist með hvernig smám saman er þrengt að ´wheelers í USA og óttast að við lendum í þessum sama dilemma.
kv.
ólsarinn.
Það kippist alltaf til einhver hluti af hjartanu í mér þegar minnst er á Lada Niva (Sport). Ég átti nefnilega tvo svoleiðis og þetta voru alveg ágætis bílar. Ég og félagi minn, sem er reyndar látinn núna, notuðum þá eins og hvern annan jeppa til þess að draga kerrur og kippa í aðra bíla, jafnvel þurfti að kippa í þá einstöku sinnum! Man eftir því sérstaklega þegar einn ágætur kunningi minn komst ekki á GAZ 69A (rússajeppa) upp úr Skjálfandafljótinu upp á skör og þá var það þessi fyrrgreindi maður á Lada Niva sem dró hann upp. Að vísu með mjög löngum spotta og teygjan notuð til hins ítrasta. Ekki varð maður var við að þeir lengdust, enda held ég það sé helber þjóðsaga.
Já, ég veit það, að Þorbjörg heitin hefði vafalaust ekki verið hrifin. En hitt er annað mál, að þú ert orðinn stórskáld miðað við húskarlinn á Nýbýlaveginum. Hans innslag minnir mig á kveðskap sem varð til við skurðgröft á Hofsósi. Þar var lítill flokkur manna að grafa skurð með handverkfærum fyrir hreppinn, sem þá var sjálfstætt sveitarfélag. Eitthvað hafði kastast í kekki með þeim félögum og einn vildi svara fyrir sig með vísu, sem hljóðaði svo:
"Gerið ekki grín að mér
með gamla húfu og ljóta.
Ég gef mér þó tíma til
að fara í mat og kaffi".Þar með lauk deilunni að sjálfsögðu!
En svo er til fræg vísa eftir Jón Thor Haraldsson heitinn, sem kallaði sig gjarnan Snúlla þegar hann þurfti að geta höfundar varðandi vísur sínar. Þegar Halldór Blöndal var að byrja að yrkja undir nafninu Hákur í gamla Vísi minnir mig, þá þótti JTH vísur hans ekki vel gerðar og fór þetta þá á flot, kannski á það ekkert síður við þig, Lúther!
"Þú hrepptir lítinn skammt af skáldamiði
þeim skapadómi fær víst enginn breytt.
En góði, láttu ferskeytluna í friði,
formið hefur ekki gert þér neitt."Útrætt í bili.
kv. að norðan
Þú verður bara að senda honum vísu – þú ert upprennandi kraftaskáld.(Eða þannig sko…..) Ekki veit ég hvað hann Björn Hjálmarsson hefði sagt meðan hann var og hét ef hann hefði séð þessa vísu eftir dótturson sinn og nafna hérna rétt fyrir ofan á þræðinum! (ekki móðgast)
Mikið rosalega var maður feginn að sjá að Vilhjálmur Freyr Jónsson vélatæknifræðingur m.m. sé lifandi og meira að segja sprelllifandi.
Nú, en erindið var að taka undir teoretiskt með örnefnin og minni á þá umræðu sem varð hér fyrr í vor um Lyngdalsheiði, Gjábakkaveg og allt þar tilheyrandi.
Hitt er svo annað mál, að maður ætti náttúrulega að hafa vit á að segja ekki neitt um þetta svæði, því þarna þekki ég nákvæmlega ekkert til staðhátta og örnefna og hef ekki hugmynd um aldursröð þessara tilteknu örnefna. En sem hypothesis er þetta hárrétt hjá mínum gamla vini á Nýbýlaveginum (eða á maður kannski frekar að segja í Smáíbúðahverfinu?)
kv.
ólsarinn
Hvernig er það vísu menn – er eitthvert aldurshámark á eigendum Mitsubishi til að komast í klúbbinn? Mega eigendurnir vera komnir á sjötugsaldur?
En hérna BÞV, sá þú varst að taka upp þrasþráðinn við Lúther og allt gott um það, en í guðanna bænum láttu ekki neinn af móðurfólkinu þínu sjá þessa vísu!!!!!!!!!!!!!!
Sá þetta innlegg þitt ekki fyrr en núna herra mjólkurtæknifræðingur. Það er allavega gott að heyra að þú sért á leiðinni til manna aftur frá flatlendinu þarna við sundin. Það er alveg viðbúið að deildin fari út í einhver ævintýri strax og þú birtist á svæðinu – þetta hefur eiginlega verið full rólegt meðan þú varst að nema fræðin hjá Margréti Þórhildi. Vona bara að kerlingin hafi ekki kennt þér að reykja!!!
Bestu kveðjur úr heimabyggðinni
Gæti verið ýmislegt fóstri, en fyrsta skot er á kúplingsleguna.
Við vorum að spjalla saman við Óskar Halldórsson (sem allir 4×4 félagar þekkja) og við höldum að þessi verkfræðingur sem ég var að rugla um fyrr í dag heiti Friðfinnur Daníelsson.
kv.
Mikið er maður spenntur fyrir að sjá og heyra hvort jarðhitaleit skilar einhverju þarna. Það er til fyrirtæki sem mig minnir að heiti Alvarr, man ekki í svipinn hvað verkfræðingurinn heitir sem stendur fyrir því. Hann hefur nú mikla reynslu í borunum eftir bæði heitu og köldu vatni og er með ólíkindum hittinn á vatnsæðar, bæði heitar og kaldar. Hann hefur náð árangri á stöðum og svæðum, sem Orkustofnun hefur talið fyrirfram vonlaus. Hvernig væri að spjalla um þettaa við þennan mann. Ég sé í símasrkánni að fyrirtækið er með lögheimili úti á Seltjarnarnesi. Þeim sem standa að Ingólfsskála (Ferðafélagg Skagf.) hafa verið að spjalla um að fá hann til að kíkja þangað uppeftir og spá í jarðlögin, veit ekki á þessari stundu í hvaða stöðu það mál er. En hvorttveggja er á Hofs/Arnarfellsjökulssvæðinu.
Býsna fróðlegt allt saman.
kv.
