Forum Replies Created
-
Replies
-
Það var lóðið. Einn náungi sagði mér að þessi 4 cyl. kolavél frá tjallanum væri mun betri en 5 cyl. BMW, sem væri í þessum bílum núna. Veit satt að segja ekkert hvað er rétt, menn segja jú svo margt. Sami maður sagði mér að enn væru þessir bílar að kljást við veikbyggða öxla og veigalitlar hjólalegur. Það er svo sem ekki það versta að öxlarnir fari á undan öðru í bílum með fljótandi öxla. Verra með legurnar. Fékk nóg af hjólaleguvandamálum þegar ég átti Broncoinn. Var svolítið að spá í Defenderinn fyrir tveimur árum en guggnaði, m.a. vegna þess mér þótti þetta ekki nógu vandað body, t.d. hurðir jafn óþéttar og þær voru í den tid. En fjaðrabúnaðurinn virðist heppilegur í alvöru jeppa og drifbúnaður að öðru leyti ágætur. Vélin kannski í minnsta lagi þegar bíllinn er eitthvað lestaður. En það verður ekki af þeim skafið að þeir hafa þetta "tough military look" sem "male chauvinist pigs like myself" fá svo mikið "adrenaline kick" út úr! svo maður sletti nú eins og api!!!!!
kv.
Hvernig Landi er þetta, sem þú ert kominn á, Skúli?
Er þetta Defender eða Discovery?
Hvernig er verð á þessum bílum í samanburði við japönsku týpurnar?
Ég átti einu sinni 1965 árgerðin af 90" Land-Rover með bensínvél. Hann var í sjálfu sér ágætur, nema ég var aldrei almennilega sáttur við staðsetninguna á pedulunum!
kv.
Mig minnir að Freysi hafi verið einna fyrstur með að setja Extra Cab skúffu á Smágrána og það lukkaðist frábærlega. Freysi er manna reyndastur í þessum málum, en er náttúrulega venslaður Arctic Trucks dæminu.
Þeir sem hafa vit á bílvélum eru nánast á einu máli um þessa vél, þetta er afbragðsgóður mótor. Hann er búinn að vera á boðstólum í ýmsum útfærslum í bæði fólksbílum og pickup bílum á þriðja áratug a.m.k. og hefur reynst vel, bæði hérlendis og erlendis. Það fást allskonar aftermarket hlutir til að auka afl og virkni, en algengast er að setja við þá K&N filtera og flækjur og boosta þeir talsvert við það. Einn sem ég þekki er með Hi-Lux árg. 1992 á 33" og original drifum og sá bíll eyðir svona 12 lítrum pr. 100 km í langkeyrslu á þjóðvegi. En ég tek undir með síðasta ræðumanni að ætlir þú að aka á 35" þyrftir þú að vera með drif 1:4,90 eða helst 1:5,29 til að fá sem mest úr út honum. Annars er hætt við að þú "týnir 5. gírnum".
kv
Það verða nú líklega seint allir sammála með loftþrýsting. Auðvitað er líka ljóst, að það er ekki sama á hvaða tegund vegyfirborðs maður er að aka á að jafnaði og hversu mikið bíllinn er lestaður. Ég hef fengið afar góða endingu út úr dekkjum með því að fara eftir leiðbeiningum framleiðanda dekkja og bíls varðandi þetta atriði. Dekkjasérfræðingur minn, sem er Óskar Halldórsson í Hjólbarðaþjónustu Óskars hér á Skrók og flestir 4×4 félagar þekkja, hefur verið mér hollráður í þessu sem fleiru. Ég er að aka að mestu leyti langkeyrslur á þjóðvegi með bundnu slitlagi auk innanbæjaraksturs í Rvík og hér á Sauðárkróki. Við höfum haft 28 pund að aftan og 26 að framan. Dekkjastærðin hefur verið 32" á sumrum en 33" á vetrum. Vetrardekkin s.l. 5 vetur (2 bílar) hafa verið þau sömu, Sidewinder m/s 33" og eru ekki búin enn! Bíllinn er náttúrulega með góða fjöðrun, gorma hringinn og stillanlega dempara, þannig að hann er ekki mjög viðkæmur fyrir því þótt þrýstingur sé í hærra lagi. En þetta hefur þýtt afskaplega góða endingu dekkjanna og ég held að bílar séu nú alltaf betri í stýri með hæfilegan loftþrýsting auk þess sem álag á alla komponenta í stýrisgangi verður meira með lágum þrýstingi í dekkjum. Ég er búinn að vera á þremur MMC Pajero eftir að ég hætti að eiga Toyota og dekkjaending með ólíkindum miðað við töluverðan akstur. Þú getur fengið þetta allt saman staðfest hjá Óskari í síma 453 6474, en hann er vel menntaður í hjólbarðafræðum og með mikla reynslu sem jeppamaður.
kv.
ólsarinn.
Hef aðgang að fólki sem starfar við innflutning og bað það að fletta upp á hverskonar gjöld væru af innflutningi á talstöðvum. Þau fullyrtu að á þeim væru engin gjöld, en hinsvegar þyrfti leyfi (leyfisflokkur LPS) Fjarskiptastofnunar um hvort tækin uppfylltu CE – reglur og svo framvegis. Eina sem er greitt í tollinum er 24,5% VSK. Þau sögðu mér hinsvegar, að innflytjendur rafmagns- og rafeindatækja hér legðu á s.n. ábyrgðargjald vegna þeirra viðtæku ábyrgðar sem söluaðilar slíkra tækja hér þyrftu að sæta skv. lögum. Þetta gjald er hinsvegar ansi frjálslegt, satt aðs egja hefur hver innflytjandi frjálst val um hvernig hann reiknar það. Hugmyndin er sumsé sú, að þetta gjald myndi sjóð hjá innflytjandanum sem standi undir kostnaði við ábyrgð á gölluðum vörum. Reglur erlendra framleiðenda gagnvart dealers varðandi claims eru yfirleitt miklum mun þrengri en þær kvaðir, sem íslensk lög leggja innflytjendum á herðar. Hvort þetta nægir til að skýra muninn get ég ekki svarað, en þetta var mér sagt af fólki, sem er að vinna í þessu alla daga.
kv.
Hringdu í fjaðrabúðina Part á Eldshöfðanum, sími 567 8757 eða 587 3720, talaðu við hann Viðar Árnason, hann veit sitt af hvoru um fjaðrir og á margt til.
kv.
Segið mér ófróðum, er þetta eitthvað svipað hjá Heitklæðningu og þetta Rhino-linings, sem er auglýst grimmt í USA?????? – Það virðist fá góða dóma þar.
kv.
Þetta eru ekki smá flottar fréttir fyrir okkur eigendur þessara bíla. Ertu einhverju nær um hvað þessi verðtilvísun þýðir á okkar markaði?(RD23)
Af því að undirritaður nefndi þetta "apparat" hér ofar sem magnum minnist á, þá langar mig að koma með oggulitla skýringu á hvernig þetta var hugsað hjá mér.
Í fyrsta lagi þá veit ég að bæði á UST og Skipulagsstofnun er búið að vinna í skilgreiningu vega og slóða utan hins almenna vegakerfis, m.a. vegna þrýstings á að umferð verði takmörkuð.
Í öðru lagi má gefa sér að í framhaldi af því verði sett upp apparat, hvað sem okkur finnst um það.
Í þriðja lagi lét ég mér detta í hug að við gætum unnið okkur stöðu (status) með því að sýna frumkvæði á þann hátt, að með fulltingi þess ágæta fólks sem hefur unnið ómælt starf við að ferla slóðir, merkja þær og skilgreina á ýmsan hátt, kæmum við með samræmdar hugmyndir okkar um hvernig á málum sé tekið sem allra fyrst.
Árangur í svona málum byggist svo mikið á initiative og lobby-isma. Það er ekki að ástæðulausu að öfgafólk í náttúruvernd nær svona miklum árangri og fær svona marga til að hlusta. Þetta gerist með ýtni (eigum við kannski að segja frekju?) og því að fylgjast með hvað er að gerast og reyna helst að vera skrefi á undan þróuninni. En ég tek undir með magnum með það sem hann skrifar, vildi bara skýra hvernig hugsanaferlið var hjá mér þegar ég nefndi þessa nefndarhugmynd eða apparat ef menn vilja frekar kalla það. Sem sagt; ég reikna með að svona "apparat" verði sett upp og þá er aðal málið í mínum huga að við gætum með því að vera svolítið á undan þróuninni tryggt að okkar sjónarmið kæmust til skila. Kannski verður það betur gert á einhvern annan hátt. Við bara ræðum það, ekki satt?
Kv. Þorkell G.
Ég held nú að Jón Snæland hafi verið að misskilja mig illilega, ef hann hefur skilið mitt innslag þannig að ég væri að gera lítið úr því, sem gert hefur verið í ferlun og skráningu slóða, síður en svo. Það hlýtur þá að liggja í því að ég hafi ekki orðað mitt mál nógu greinilega, nema þarna komi til árátta sumra manna að búa sér til óvini, sem ég vona satt að segja að komi ekki þarna við sögu. Mín hugmynd, sem ég hugsaði nú bara sem hugmynd og vinkil á málið, byggir einmitt á því að í einhvern opinberlega skráðan gagnagrunn sé safnað því sem til er og skráð. Hitt er kannski sjónarmiðið, sem ég var að skírskota til að það er ekki nóg að einhver einstaklingur, hversu vandaður og góður sem hann er, skrái slóðirnar, heldur þarf að fá einhverja viðurkenningu og staðfestingu á tilvistarrétti þeirra. Til þess þarf apparat, sem allir taki mark á. En BÞV, hvað ertu að kvarta yfir því að "gömlu mennirnir" komi ekki hér við sögu? Við Biggi Brynjólfs erum nú jafnaldrar og höfum líklega báðir byrjað að jeppast (opinberlega, óopinberlega báðir eitthvað fyrr!) árið 1958 "and still going strong" eins og Jón á röltinu!
Líklega var það fljótfærni af mér að hafa fulltrúana tvo frá UST, Vegagerðin ætti að vera með þann fimmta og hann þá formaður.
kv.
Góð og málefnaleg skrif hjá ykkur Skúli og BÞV. Nú dettur manni í hug – kannski of lítið hugsað – að fyrir haustfundinn í Setrinu verði allar deildir skikkaðar til að koma með örstutta lýsingu á þeim slóðum, sem þeir vilja halda til haga. Ekki hvað síst eigi þetta við þær landsbyggðardeildir, sem hafa skilgreind félagssvæði. Það er nú reyndar svo, að oft þekkja ferðalangar af höfuðborgarsvæðinu þessi svokölluðu heimasvæði betur en þeir sem búa á landsbyggðinni, og því brýnt, að móðurfélagið komi með þær skilgreiningar, sem eru þeim ofarlega í huga. Gott væri ef menn kæmu sér saman um þarna á þessum landsfundi (nú er eins og maður sé að tala um stjórnmálaflokk) heildstæða tillögu um þessi mál, sem eru greinilega bæði aktuelt mál að leysa og kannski of high importance fyrir framtíðina. Skilgreining slóða? Ein tillaga til þessa að tæta í sig: "Leið, sem notuð hefur verið til að komast milli áfangastaða eða að áhugaverðum áfangastöðum ferðafólks (sem endastöð.) Einnig leiðir, sem tengja saman aðrar slóðir. Þó skal þess jafnan gætt, að slíkar ferðaleiðir takmarki ekki aðgang að náttúruperlum eða öðrum áhugaverðum stöðum, né heldur valdi skaða á slíkum stöðum. Forðast skal að leggja eða halda við slíkum slóðum þar sem verulegar líkur eru á að náttúruspjöll verði af eða tjón á vatnsbólum, gróðri eða öðrum náttúruauðlindum. Hjá Vegagerð Ríkisins skal varðveittur gagnagrunnur um slíkar viðurkenndar ferðaleiðir. Sameiginleg fimm manna nefnd, skipuð einum nefndarmanni tilnefndum af hverjum aðila, skilgreini nýjar leiðir eða felli út eldri og viðhaldi gagnagrunninum á árlegum fundi. Nefndina skipi einn fulltrúi frá Ferðafélagi Íslands og Útivist sameiginlega, einn frá ferðaklúbbunum 4×4 og LÍV sameiginlega, einn frá samtökum ferðaþjónustunnar og tveir frá Umhverfisstofu."
Jæja, gleymdi því áðan – ert þú svo að rífast við sjálfan þig? Það er svo sem ekki verri skemmtun en hvað annað!
Patrolman, okkar ágæti vinur. Eini möguleikinn á því að nota annars ágætan bíl sem Patrolinn er, felst í því að transplanta í hann einhverri alvöru vél, eins og t.d. GM 6,5 eða Duramax 6,6 – Hitt draslið er bara einfaldlega handónýtt og alltof lítið fyrir þennan stóra og þunga bíl. Enda voru það skriffinar ESB í Bruxelles sem komu í veg fyrir að hægt væri að fá hann með alvöru vél frá Nissan, þ.e.a.s. 4,2 diesel vélinni. – Verst ef þú ert svo ekki til eftir allt saman varðmaður góður.
Það er nú einmitt málið, það þarf að vanda niðursetninguna þegar farið er út í líffæragjafir milli tegunda. En saga léttra dieselvéla í pickup (upptíningum?) bílum í USA var rakin í annað hvort maí eða júní blaðinu af Four Wheeler. Þar er m.a. minnst á sorgarsöguna af fyrstu vélinni, sem hér á landi var kennd við Oldsmobile, en hún var jú talsvert minni. Svo kom 6,2 vélin minnir mig og hún var nú ekki gallalaus. Ford fór svo út í 6,9 og síðar 7,3 lítra Navistar og síðar kemur 7,3 PowerStroke. Navistar vélarnar þykja nú eyða talsvert og vinnslan ekki í neinu samræmi við stærð. En nú eru þeir aldeilis búnir að taka framförum með 6 lítra PowerStroke vélinni og núna er Cummins komnir með fína græju líka í Raminum. Þetta slær nú víst í takt við að spenningur þarna vestra fyrir diesel-vélum er að aukast og þeir hafa verið að kynnast diesel-vélum Evrópumanna og Japana. T.d. segja blöð frá USA að Volkswagen selji einhverja typuna sína grimmt með dieselrokkum vestra. Svo voru þeir að kynna Liberty-tíkina í Austurrísku útfærslunni með dieselrokk. FW tóku hann út og gáfu honum góða einkunn, merkilegt nokk, því þeir hafa nú ekki verið spenntir fyrir diesel, enda er víst einhver tregða að fá að nota diesel í Kaliforníu. En mikið skrambi held ég Patrol geti orðið magnaður með 6 lítra Power Stroke eða 6,6 Duramax. Hitt er svo annað mál að það er fúlt að geta ekki fengið þessa ágætu bíla með fjögurra lítra vélinni, sem Nissan fær að selja þá með alstaðar annarsstaðar en í Evrópu.
Af einhverjum ástæðum gáfust þeir General Motors menn upp á þessum vélum í sína bíla, nema að Hummer/HMMWV (civilian/military) eru víst enn með hana. Þeir láta núna dótturfyrirtæki sitt í Japan, Isuzu Motors, framleiða vélarnar fyrir sig og Duramaxinn er víst að stofni til japönsk hönnun, bæði eldsneytiskerfi og allt hitt, eða svo hefur mér verið sagt. Hitt er annað mál, að þessi 6,5 vél er nú býsna aflmikil í GM bílum og Hummernum. Þetta er þá spurningin um hvernig að ísetningunni hefur verið staðið, t.d. eins og hér hefur verið minnst, svo sem eins og hvernig vatnskassi, hvernig púströr, hvernig tengingar við eldsneytistanka, síukerfi, final drive hlutfall o.s.frv. Margur hefur nú lent í vandamálum við svona transplantationir.
Þetta líkar mér, Hjörtur Jaki! "Real american iron" á alvörubörðum. Svo er þessi Isuzu Duramax vél víst alveg hreint forláta græja, skilst manni, enda eru þeir þekktir fyrir góða rokka á þeim bæ. En, by the way, hvað reiknarðu með að setja undir Chevy – inn að framan? Ekki gengur að vera með IFS eða hvað? Einhvern veginn hefur gamall Ford – maður meiri trú á Super Duty F250 en Chevy, en það er sígilt hráefni í debat! Þeir eru mikið að stytta Rockwell hásingar þarna í amríkunni, manni skilst aðallega for rock-crawling eða mud-bogging, þar sem þyngdin skiptir minna máli en í snjónum hjá okkur. Er ekki fjórtán bolta afturdrif í 2500 bílnum?
Jæja, skemmtilegt mál og gangi þér vel.
Tek undir með þeim sem sagt hafa hér að framan að það sé brýnt af okkur að taka frumkvæðið. Það virðist svo að annaðhvort nenni aðrir því ekki eða kinoki sér við að taka frumkvæðið. Þótt við komum ekki öllum okkar áhugamálum á kortið, þá er mikilvægt að það sem fer inn verði sem mest af því sem okkur finnst eigi þarna heima.
Ég hef sjálfur lagt hönd á plóg við stikun leiða, bæði á vegum Ferðafélagsins, 4×4 deildarinnar hér og einnig voru björgunarsveitarmenn með visst átak í þessu efni á þeim árum sem ég fékk að taka þátt í þeirra starfi. Björgunarsveitirnar hér í Skagafirði og Húnavatnssýslum stikuðu t.d. fyrir hálfum öðrum áratug eða svo leiðina frá Ingólfsskála vestur um að vaðinu á Blöndu austan Rjúpnafells. Þetta var ekki vanþörf á að gera, því nokkuð mikið var um að menn álpuðust út um allar trissur þarna, því leiðin var á þeim tíma fremur sjaldan farin og margar villuslóðir að auki eftir gangnamenn. Nú er alllangt um liðið síðan ég hef farið þetta öðru vísi en á snjó og veit því ekki í hvaða ástandi þessar stikur eru, en óttast að þær hafi gengið úr sér og þessu frumkvæði hafi ekki verið fylgt eftir með viðhaldi. Gallinn er sá, að einmitt þetta, sem ég minnist þarna á, allskyns aukaslóðir eftir gangnamenn, eru talsverður orsakavaldur í þessu efni öllu. Gangnamenn telja sig nefnilega ekki vera selda undir nein lög önnur en þau, sem þeir sjálfir setja. Svo elta allskyns aular þessar slóðir og síðan hver eftir öðrum. Ekki eru erlendu ferðamennirnir barnanna bestir í þeim efnum, enda þeim vorkunn. Við þurfum því að fylgja þessu máli eftir og það fast, svo hægt sé að gefa út kort með leyfðum leiðum, sem hægt er svo að sjá til þess að þeir sem koma akandi með ferjunni fái í hendur og geti þá ekki borið fyrir sig ókunnugleika.
kv.
Þorkell G.
Hérna Skúli og þið félagar: Var búinn að skjóta því inn fyrir nokkru að það væri kannski ráð að spjalla við verkfærðing sem heitir að mig minnir Friðfinnur Daníelsson og rekur borfyrirtækið Alvarr. Hann er lúnkinn við að finna vatn, bæði heitt og kalt, og er að vinna á mjög skikkanlegum verðum. Hann kann heilmikið fyrir sér í þessum fræðum og getur sjálfsagt sagt mönnum hvort þetta yfirleitt hafi einhvern tilgang að prófa þetta. Það er allt í lagi að spyrja þessa höfðingja sem kunna eitthvað í fræðunum. En hvað segir okkar aægti Einar Kjartansson um þetta – þetta er nú innan hans fræðasviðs?
kv.
