Forum Replies Created
-
Replies
-
Því miður er ekki líklegt að fingraför komi að gagni. Kunningjar mínir í lögreglunni segja mér að gagn að fingaförum sé í besta falli einungis teoretískt og komi aðallega að gagni í sögubókum. Svo eru það rándýru viðvörunarkerfin. Það eru til margar sögur af því að þessir "fagmenn" í innbrotunum stundi það að fitla við hurðarhandföng á bíl með slíku kerfi nokkrum sinnum í röð sama kvöldið/nóttina og hlaupa svo í brott. Þegar eigandinn kemur út til að slökkva á kerfinu, sér hann auðvitað engan "glæpon" og eftir fjórða skiptið þá ákveður hann að helv…. kerfið sé bilað og kveikir ekki á því. Fagmaðurinn fer þá óáreittur inn í bílinn, ef ekki þessa nótt, þá næstu nótt. Svo skulu menn vara sig á einu. Þeir mega ekki undir neinum kringumstæðum gera neitt í málinu sjálfir, það kunna dómstólarnir enn síður að meta en innbrotin sjálf. Það er eitt dæmi um mann, sem mætti innbrotsþjófi sem kominn var inn í húsið hans um nótt og tók fíflið, lamdi hann niður og henti honum út á götu. Getið þið þrisvar hver fékk dóm!!
Þetta er svona svíþjóðarréttlæti afbrotafræðinganna.
Ég er farinn að hafa áhyggjur af því hvað við SkúliH erum alltaf sammála! En það er auðvitað laukrétt sem hann bendir (óbeint) á, að það fer að vera spurning hvort fólk sem er ekki þegar með NMT á yfirleitt að vera að fjárfesta í þeim. Þessi tækni er ekkert þróuð lengur af framleiðendum símatækja, enda tiltölulega fáar þjóðir að nota það, það felst eiginlega í nafninu (Nordisk Mobil Telefon=NMT eins og við munum líklega flest). Það eru víst því miður flestir hættir að vera með gömlu millibylgjustöðvarnar ("GUFUNESSTÖÐVAR") sem voru ansi góðar, bæði langdrægar og ekki háðar neinu endurvarpakerfi eða slíku. Ég á mína reyndar ennþá, er með hana í bátnum, en fæ hana ekki viðurkennda þar sem bátastöð því CE – vottun var ekki komin til sögunnar þegar ég keypti hana á sínum tíma hjá Sigga H. Hef hana samt sem viðbótar öryggistæki (2311 khz), því VHF kerfið er með dauða bletti á sjó eins og á landi. En einn helsti galli CB stöðvanna finnst mér vera þessar erlendu truflanir, sem valda því stundum að þær eru því sem næst ónothæfar, jafnvel milli bíla sem eru að aka með 2 – 300 metra millibili. Því er það mín niðurstaða, að væri ég hvorki með VHF eða NMT í bílnum í dag, myndi ég láta nægja að fá mér VHF og sjá til hvort gerfihnattasímarnir fari ekki að lækka í verði, sem og notkunargjald þeirra. Það hlýtur að koma að því ef þeir ætla að koma þessu í almenna notkun.
kv.
Þorkell G.
Sammála þér "Stebbi" að það er kannski ekki neitt aðalatriði að upplýsa um "nafn og númer" á þessu liði, aðalatriðið er að þessi hluti ferðafólks hefur með því að bregðast því trausti, sem okkur öllum er sýnt, rýrt ferðagæði þeirra, sem hafa reglu á sínum málum. Það er líka þetta, sem minnst var á hér að framan, að það er nánast gagnslaust að panta gistingu í gæslulausu skálunum, því oftar en ekki eru einhverjir af þessum ferðasóðum búnir að leggja þá undir sig þegar að þeim er komið. Þetta hefur maður því miður alltof oft rekið sig á. Þetta er kannski einna erfiðast fyrir þá, sem ferðast gangandi og á skíðum, og hafa treyst á gistingu skv. pöntun, sem er svo alls ekki til staðar þegar þangað er komið. Gallinn er bara sá, að þótt skálunum sé læst, munu ferðasóðarnir bara brjóta þá upp og það verður jafn erfitt að hafa upp á þeim sem það gera eins og þeim, sem ekki borga.
Gott hjá SkúlaH eins og margt annað sem frá honum er komið. Ekki skal skuturinn eftir liggja ef rösklega er róið í barka! – Já og framhaldið, eins og bent var á, þá eru áreiðanlega mörg fyrirtæki, sem vilja staðsetja sig í umræðunni sem umhverfisvæn, t.d. bílaumboð, tryggingafélög, olíufélög ofl.ofl., sem myndu án efa koma inn í þetta dæmi kostnaðarlega með okkur gegn því að fá "logoin" sín áprentuð. Bara að muna eftir því SkúliH að hafa þetta stutt og laggott á íslensku, þýzku, ensku og frönsku. Þá dekkum við flesta Evrópubúa. Á sínum tíma tók ég þátt í því með félögum mínum í björgunarsveitunum hér á Húnaflóasvæðinu að koma upp aðvörunarskiltum sitt hvor megin við akstursleiðina milli Ingólfsskála og Kjalar og við fengum tvo einstaklinga sem áttu annarsvegar ensku og hinsvegar þýsku að móðurmáli til að þýða fyrir okkur textann á þessi tvö tungumál. Að vísu tókst einhverjum besserwisserum í fyrirtækinu, sem prentaði á skiltin, að klúðra enska textanum, þeir þóttust vita betur og kölluðu lækina "streems" í staðinn fyrir "streams" eins og okkar þýðandi vildi hafa það. En skiltin hafa virkað og það er aðalatriðið. Nú eru þau reyndar farin að láta á sjá. Efast ekki um að SkúliH lemur þetta í gegn um umhverfisnefndína í vetur.
kv.
Auðvitað eigum við ekki öll að vera sammála, þó nú væri! Annars væri jú umræðan ekki prógressív. En hvað sem líður ágætum félagsskap vélhjólamanna, sem nefndur var hér fyrr í þræðinum, þá er hitt staðreynd að talsverður hópur manna, sem ég er nánast viss um að er ekki í þessu félagi, er að valda stórtjóni á grónu landi hér um slóðir og það á svæðum, sem engar bílaslóðir eru á og bílar eru ekki einu sinni að fara neitt sem heitir um að vetri til ofan á snjónum. Hitt get ég vel tekið undir sem menn hafa verið að tala um grasmótorona og þá ekki síst grasmótoristana (hnakkrónana). Það eru jú þeir síðarnefndu sem stýra bikkjunum. Það er svo mikið af þessu svokallaða fína fólki (séð&heyrt-liðið) sem er í hestamennskunni, að það má helst ekki nefna að þetta sé eitthvað athugavert gagnvart ágangi á landið. Það er nú að sjá að fátt sé jafn göfugt og snobbað og að fara viku hálendisferð á hrossum. Hitt hef ég sjálfur séð og upplifað, að eins og einhver saagði hér ofar á þræðinum, þá er landið upp tætt eftir hrossahófana þegar þetta lið hefur farið um, kannski tuttugu reiðmenn með þrjú hross hver. Ferðafélagsdeildin hér hefur verið að reyna að verja hólinn við Ingólfsskála, sem leiddi til þess að þarna fór að gróa. Þá var eins og við manninn mælt, hnakkrónarnir, sem hafa með sér rafmagnsgirðingar til að hemja trunturnar meðan þeir búsa í náttstað, notuðu hólinn sem beitarhólf og þetta hvarf allt saman nánast á einni nóttu og hefur varla náð sér síðan, þrátt fyrir gott tíðarfar. Reynið ekki að tala um fyrir hestamönnum, þeir eiga nefnilega landið og miðin, enda eru þetta oftar en ekki liðið sem á það í raun og sann, þetta er ekki svo fjölmennur hópur sem á allt hér.
kv.
Ólsarinn í kommaskapi þennan morguninn.
Satt að segja ætlaði ég ekki að bæta við þetta, en umræðan er orðin ansi skemmtileg. Bara taka fram, ef einhver hefur skilið mitt fyrra innslag þannig að ég telji að erlendir ferðalangar eigi meirihlutann af þessu þá er það misskilningur. Þeir eiga samt sinn þátt og það má ekki horfa fram hjá því. En eins og margir hafa hér minnst á, þá eru torfærumótorhjólin orðin meiri háttar vandamál og þarna þarf til að koma samstillt átak allra, sem láta sig þetta einhverju varða; lögreglu, mótorhjólamenn, umhverfissamtök, ferðafélög, jeppafélög og síðast en ekki síst, samtök mótorhjólamanna. Gallinn er bara sá, að þau ágætu samtök Sniglarnir, virðast ekki hafa náð til þessara manna, í þeim samtökum sýnist mér vera fyrst og síðast götuhjólafólk, sem vissulega á hrós skilið fyrir þann árangur sem þau hafa náð í að auka virðingu sinna félaga og tillitsemi hefur nokkuð lagast við þá, þótt betur megi. Mér sýnist hinsvegar að íslenskir jeppamenn geri ákaflega lítið af því að aka utan vega á sumrin, þökk sé markvissu starfi 4×4. Þökk sé þeim einstaklingum, sem lagt hafa því lið að það markmið hefur náðst að klúbburinn okkar er orðinn viðurkenndur og virtur í samfélaginu. Það er hinsvegar spurning, hvort nú eigum við að hafa hér frumkvæði og skrifa t.d. Sniglunum til að byrja með, og óska eftir samstarfi við þá í þessu efni. Ef það tækist að koma þarna á samstarfi, mætti svo hugsa næstu skref, sem gætu til dæmis verið í formi áróðursherferðar, samráðs við aðra aðila, s.s. löggæsluna?
kv.
Mig langar til að skjóta einu atriði inn í að þessu tilefni gefnu. Þetta atriði eru Enduro – hjólin. Ég bý í litlu þorpi úti í rassgati, en hér eru nokkrir ungir menn (ekki smástrákar) sem eru á svona hjólum, bæði Enduro og crossurum, og djöflast af algjöru miskunnarleysi út um allra koppagrundir, oftast á grónu landi eða hálfgrónu, því hér um slóðir er mest allt land gróið nema hæstu tindar. Afréttarlönd eru orðin útspörkuð eftir þetta lið. Þeir eru ekkert nálægt neinum vegum eða slóðum, enda víst ekkert spennandi við það. Lögreglan segist ekki geta átt við þetta, þeir hafi engan tíma, tæki eða annan búnað til að fást við þetta, þú þarft að leggja fram kæru og hún þarf að fá meðferð og þá eru allir á bak og burt. Til viðbótar kemur svo það, að mörg þessara hjóla eru óskráð (númerslaus) knaparnir eru með hjálma og óþekkjanlegir o.s.frv. Á hálendinu hef ég oftar en ekki orðið var við erlenda mótorhjólagarpa í svona brekkuklifri og rugli. Mótorhjólamenn eru þess utan oft hinir verstu viðureignar, merkilegt hvað ofbeldismenn af ýmsu tagi sækja í þessi farartæki.
Niður með mótorhjól.
kv.
Efnilegt, maður er eiginlega strax farinn að öfunda þig. Þú talar um hunda í fleirtölu? Eru komnir tveir í staðinn fyrir þann sem ég þekkti?
Fannstu þennan í Kanada, Björgvin? Ég hef verið að velta fyrir mér hvort ég ætti að fá einhvern til að finna fyrir mig F250 með 6,o PowerStroke þar, helst með tvöföldu húsi og 6 feta skúffu. Maður veit hinsvegar ekkert á hvaða verði svona tæki kæmi upp á. Svo eru þetta misjafnlega vel búnri bílar, t.d. mun King Ranch typan vera ansi dýr, en hann er líka flottur að innan, leður á öllu, captain-stólar afturí ofl.ofl. Meira segja gert ráð fyrir laptopinum. En Lariat ætti að duga flestum eða XLT. Ódýrari týpurnar eru hinsvegar ansi naktar.
Held nú að Warn séu bestu spilin. Þekki reyndar ekki SuperWinch. Átti í nokkur ár Ramsey, aðalmunurinn á þeim og Warn er að mér fannst að þau unnu hægar=voru meira niðurgíruð en drógu minni straum=fóru betur með rafgeyma. Hitt er svo annað mál, að vegna þess að ég var með spilið fasttengt á stuðarann, þá vildi nú útkoman vera sú að þegar átti að nota spilið, virkuðu platínurofarnir í því alls ekki og þurfti því alskonar tilfæringar til að fá það til að vinna. Oftar en ekki stóð nú ekki vel á til að vera í svoleiðis stríði. Kannski er þetta málið með öll rafmagnsspil, það er best að hafa þau ekki utan á bílunum nema meðan verið er að nota þau. Einnig eru til vökvaknúin spil frá stýrisdælu, en þau virka líklega bara á USA bílum, því dælurnar í hrísgrjónabrennurunum eru yfirleitt of litlar. Þekkti hinsvegar gírspil ágætlega í "den tid" á Dodge Weapons Carrier ("Vípon") (M517 eftir 1952) og GMC hertrukkum. Þau virkuðu yfirleitt þangað til eitthvað brotnaði! Annars hef ég séð auglýst í bandarískum blöðum handspil, sem eru víst ansi góðar græjur. Kannski eru þau eitthvað sem maður ætti að skoða.
Hann Stefán Jónsson, fyrrv. form. 4×4 á Sauðárkróki, hefur verið með svona græju í 3,3 Patrol og lætur vel af. Þú gætir bjallað í gaurinn. Sérð símanúmer og allt það í félagskrá á heimasíðu deildarinnar.
kv.
Ég ætla rétt að vona að sá draumur þinn rætist!
Þetta getur vel verið með Power Stroke 6,0 lítra vélina, þessi 4×4 blöð sem maður les eru nefnilega lítið inn á þessum Van málum, því þar vestra er víst lítið um að menn séu jafn spenntir fyrir framdrifi á þá og hér og þar snýst allt um upptíningana. En þessi rokkur er með einhverja hæstu Newtonmetra tölu sem sést. En það er til nokkuð sem heitir 7,3 ltr. Power Stroke og er væntanlega til í Econoline. Hún varð hinsvegar af einhverjum ástæðum ekki mjög vinsæl vestra, gæti verið út af emission control rules. Svo voru menn að setja Banks túrbínur við 7,3 l og hver veit hvað. En þetta eru í sjálfu sér ekki slæmir mó´toror, en bölvaðir eyðsluhákar, óþekkir í gang í kulda og aflið ekki í neinu samræmi við hávaðann og þungann, minnir helst á VM diesel hvað það snertir!
Bestu kveðjur
gþg
Var ekki búinn að frétta að sá gamli hefði hallað sér hjá þér. En hvað Econoline snertir, þá segir mér góður vinur minn hér, Óskar Halldórsson, (hjólb.þjón Óskars) sem er með þessa 5,4 bensínvél í 250 Econoline, að skv. hans reikningum borgi sig ekki að vera með 7,3 vélina (þá gömlu) á móti henni. Hinsvegar er sá möguleiki að flytja inn bíl af árg. 1998 eða yngri með 6,0 lítra Power Stroke, sem er miklu nútímalegri vél og byggir á sambærilegri tækni og nýjustu dieselvélar japana og þjóðverja. Þar er bæði eyðsla innan eðlilegra marka og einnig er sú vél miklu betri í gang í kulda að sagt er. Annars hélt ég að þú vissir allt sem er þess virði að vita í sambandi við bíla, bæði diesel og ekki diesel. Hvernig er það, ætlar ÞÁL ekki í einhverja útivist um helgina eller hur?
kv.
gþg
Þetta er nefnilega málið! Bæði vinnuvéla- og flutningabílamenn kvarta yfir þessu sama. Meira að segja Pajerogarmurinn minn, sem aldrei sést eimur úr, er farinn að reykja eins og kolatogari við áreynslu. Skyldi vera eitthvert samráð/samsæri í gangi hjá olíufélögunum um þetta líka?
kv.
Deildin hér í Skagafirði á og rekur Skiptabakkaskálann. Upphaflega var skálinn byggður sem gangnamannaskýli, en sveitarfélögin, sem áttu hann, seldu deildinni húsið, sem hefur verið algjörlega endurbyggt og er nú nánast óþekkjanlegt frá því þegar þetta var skýli fyrir gangnamenn.
Á heimasíðu deildarinnar má sjá flest um skálann, staðsetningu og aðkomuleiðir.
Ef menn koma frá Hveravöllum, er talsverður krókur út að Skiptabakka, þannig að menn koma nú ekki algjörlega beina leið þarna í milli, en allt er hægt og einkum að vetri til!
Nú, en eins og vanir menn í 4×4 þekkja, þá er þessi leið milli Kjalvegar og Ingólfsskála, ein af þeim örfáu á hálendinu, þar sem allar ár eru óbrúaðar og leiðirnar líkar því sem flestar hálendisleiðir voru fyrr á árum. Upptakakvíslar Vestari-Jökulsár eru oft illfærar yfir mesta leysingartíma jökulsins, en það fer þó að sjálfsögðu eftir veðráttu og einnig vetrarákomu. Hún var með meira móti í vetur skv. uppl. frá dr. Oddi Sigurðssyni, jarðeðlisfræðingi á Orkustofnun, sem veit manna mest um Hofsjökul, og er þá ekki hallað á neinn þótt það sé fullyrt. Kvíslin næst Ingólfsskála, sem kemur úr Austari – Krók, austan Krókafells (ekki KrókáRfells eins og stendur á sumum kortum) kalla sumir heimamanna Skálakvísl. Stundum er hún stígvélatæk heilu sumrin, en önnur ófær öllum farartækjum. Odd grunar að ýmsar breytingar eigi sér stað undir jöklinum, (í eða við öskjuna undir jökulhvelinu í NV-verðum jöklinum) sem orsaka þetta, en ég mæli með að menn leiti til hans um upplýsingar um þá hluti. Svonefndar Miðkvíslar er svo vestan Krókafells og draga sig þar saman á aurum milli fellsins og Eyfirðingahóla, móbergshryggjar sem liggur þarna í NNV frá jöklinum. Í úrkomutíð og yfir leysingatímann eru Miðkvíslar oft illvígar og nær ófærar smærri bílum. Vestur í hólunum liðast svo lítil kvísl, Vesturkvísl, sem rennur ekki saman við aðalána fyrr en rétt norðan Skiptabakka. Nú, þarna vestur af eru svo margar kvíslar, nefni sem dæmi Ströngukvísl, Herjólfslæk, Svörtukvísl og Eyfirðingakvísl, sem eru allar jökulvötn og falla til Blöndu, auk nokkurra bergvatnskvísla. Svartakvísl hefur verið sérstaklega leiðinleg hin síðari ár, einkum eftir að hlaup varð í henni fyrir um það bil áratug eða svo. En eftir að kemur fram í september/október fer að minnka í þessum ám öllum, nema þegar úrkomusælt er, þá geta þær verið leiðinlegar yfirferðar fram eftir öllu. Blanda sjálf er oftast nær skárst yfirferðar. Vaðið austan Rjúpnafells er að vísu grýtt, en botn traustur. Sama má í raun segja um vaðið á henni sunnan ósa Seyðisár. Það getur að sönnu verið ansi djúpt, en vel búnir jeppar þurfa ekki að lenda í vanda þarna.
Læt þetta duga í bili – enda orðið alltof langt.
kv.
ólsarinn.
Þetta er nú alltaf jafn skemmtilegt, þegar umræðan hefst um hvaða bíll sé bestur. Sem betur fer eru flestir þessir bílar, sem við erum almennt að nota, tiltölulega góðar græjur miðað við það sem þekktist þegar "ég var ungur". Hinsvegar er munurinn oftast nær mestur hvað varðar þjónustu umboðanna og því miður virðist eitt ákveðið umboð (tvískipt) í austurborginni skera sig úr með þá hluti. Ekki orð um það meir. En enginn hefur bent fyrirspyrjanda á Pajero, sem er nú alveg ágætis bíll og síst lakari kostur en LC90 og Trooper, a.m.k. þegar verið er að tala um 1999 og eldri. Þegar Rúnar í Heklu er búinn að klappa 2,8 mótornum eitthvað hliðstætt og verið er að gera með hinar týpurnar, skilar hann alveg ágætum hrossahóp. Svo er þetta tiltölulega einföld vél, með tímaKEÐJU, olíuverki sem hægt er að fikta við og ýmislegt fleira sem þýðir góða endingu á vél, hvað sem Lúther og félagar á Nýbýlaveginum segja. Og ekki að byrja á gömlu gírkassasögunni eina ferðina enn, þetta er sami beinskipti kassinn og í Trooper ef út í það er farið. En ég vil hinsvegar hiklaust mæla með Trooper miðað við þá reynslu, sem eigendur þeirra sem ég þekki til hafa af honum. Þetta er sterkur og góður bíll, eini gallinn frá mínum sjónarhóli er svolítið gamaldags millikassi, þ.e. ekki með mismunadrifi, en það er nú smekksatriði. Hvað varðar Cherokee Grand, þá varist þann bíl með VM diesel. Hún er bölvað drasl og hávær. Veit um mann sem hafði slæma reynslu af því dæmi.
kv.
Eru menn búnir að sjá ágústhefti Four – Wheeler? þar er verið að kynna nýjar týpur í fullorðinsstærðum
Þetta er nú einmitt málið og það sem maður hefur óttast. Af því ég kynntist þeim hópi sem að þessu stendur innanfrá vegna vissra skyldustarfa fyrir fáum árum, þá kemur þetta manni ekki á óvart. Það er áreiðanlega mikilvægt að Umhverfisnefndin okkar láti málið til sín taka. Þessi staða gæti nefnilega komið upp – og ekkert líklegra en hún geri það á einhverjum stigum – varðandi væntanlega friðlýsingu Vatnajökuls og e.t.v. hinna jöklanna líka.
Er þetta ekki bara frábær hugmynd fyrir séríslenska tegund af rallye, hvort sem þessi leið verður fyrir valinu eða eitthvað annað, lengra eða styttra. Ef vel er á haldið, gæti þetta verið nýtt aspect í vetrartúrisma. Þetta þarf að skoða nánar og í fullri alvöru, félagar!
Í nýjasta hefti af Four Wheeler (ágúst hefti vel að merkja) er verið að segja frá nýrri týpu af BFG, sem þeir hafa gefið heitið Krawler T/A KX (ekki Crawler, líklega má það ekki). Þetta er eitthvert grófasta mynstur sem maður hefur séð (á mynd) og er ætlað fyrir það sem þeir í westrinu kalla rock crawling. Það fær góða dóma eftir prófun FW og þeir nefna sérstaklega að það sé ótrúlega hljóðlátt á malbikinu. En að vanda er margt fróðlegt í þessu hefti, m.a. er góð grein um geometríu hjólabúnaðar, upphækkanir og það sem þarf að gæta að í því sambandi, greinin hefur fyrirsögnina "Angling and Dangling". Svo er samanburður á diesel trukkunum Ford Super Duty, GMC og Ram og auðvitað fær "blue oval" besta dóminn, en ekki hvað! En hvað um það, þessi 37" BFG eru 12,5" á breidd eins og Góðærið. Mikið fjári held ég að þetta sé heppileg stærð sem sumardekk og öræfadekk (sumar) fyrir alvöru bíla, svona eins og LC 100, Patrol og ameríska upptíninga.
