Forum Replies Created
-
Replies
-
Sem eigandi að Pajero 2800 get ég staðfest, að þessi typa er með mjög gamaldags olíuverk, þannig að tölvukubbur er ekki inni í myndinni. Þessi mótor er meira að segja með tímakeðju en ekki reim eins og flestar nýtísku vélar. Reyndar tel ég þetta ekki galla, en það eru nú líklega bara ellimörk í mér. En til að bæta við þennan mótor, þá er hægt að "skrúfa upp í " olíuverkinu, en það þarf að fara mjög varlega í það. Satt best að segja er engum í það treystandi nema Rúnari á Heklu-verkstæðinu, því raunin hefur orðið sú þegar fúskarar hafa verið að fikta í þessu, þá hafa menn verið að steikja stimpla og ég veit ekki hvað.
Það var svona "shootout" milli Nissan Titan og Toyota Tundra í Novemberhefti Four Wheeler og manni sýnist að Nissan riggið hafi komið á mörgum sviðum mun betur út en Toyið, sérstaklega hafi hann verið aflmeiri en það er nú nokkuð sem kaninn kann að meta. Þeim þykir Nissaninn vera meira fyrir trail use en Tundran meiri highway machine. En mér sýnist Isuzu Ascender bíllinn, sem kannski verður ekki á markaði í Evrópu (?) vera áhugaverður kostur, ekki síst ef hann verður í boði með einhverri af hinum vönduðu Isuzu dieselvélum, t.d. Duramax? Þessi bíll er byggður á ladder type of frame, alvöru grindarbíll.
Líklega hefur nú AgnarBen lokað þessari umræðu, því þarna felast nú líklega svörin við því sem fram hefur komið. Svo er rétt að minna á að þeir, sem eru búnir að vera lengst í þessu, byrjuðu kannski á 31" eða 33" dekkjum, því þá fengust ekki stærri dekk og þótti bara alveg ágætt! Svo er annað, sem þarf að hafa í huga. Það fer ekki síst eftir þyngd bílsins, hvaða dekk henta honum. Mér hefur sýnst að Vitara á 33" dekkjum geti farið býsna langt ef ökumaðurinn er laginn og vanur og allshendis óvíst að Patrol á 44" fari mikið lengra. Annars bíða víst flestir spenntir eftir að sjá 46" og 49" dekkin í vetur (ef það verður snjór!) og hvernig þau virka.
Lengi vel fannst mér þetta vera bölvað pjatt, en svo þegar ég fór að aka með barnabörnin mín fór ég að sjá tilganginn með því að hafa rúðurnar aftur í dökkar. Eignaðist fyrir fjórum árum bíl sem kom með þessar rúður dökkar hvort sem ég vildi eða ekki. Löggan þar sem ég bý hefur verið ströng á því að maður megi ekki hafa dekkingu á hliðarrúðum frammí og ekki heldur afturrúðu! Aðeins hliðarrúður sem eru aftar en ökumannssætið. Það gagnast náttúrulega ekki sem sólarvörn fyrir börn sem eru svo lítil að þau þurfa að vera í framsæti við hlið ökumanns. Annars hélt maður að umræðan um hættuna af of miklu sólskini væri komin á það stig, að það að verja börn fyrir of miklu sólarljósi þar sem þau geta ekki farið í skjól, svo sem eins og í bílsætum, ætti ekki að vera saknæmt, fjárinn hafi það! Mér finnst þetta því arfavitlausar reglur að mega ekki hafa neina skyggingu á hliðarrúðum við ökumanns- og farþegasæti frammí. Hún mætti að mínu viti vera eitthvað minni en afturí, tiltölulega lítil skygging er til gagns, á því er ekki nokkur vafi.
Tek undir með fasteignasalanum, þetta öryggismoment hjá Veðurstofunni og Vegagerðinni er að verða út úr korti. Kannski erum við komin svo langt hér, að þetta sé eins og í Ameríku, ef þú varar ekki fólk skriflega við því að tyggjóið geti festst á gangstéttinni þegar þú hrækir því út úr þér, eigir þú von á að einhver lögfræðingurinn stefni þér. Kannski er það þetta, sem vinnufélagar eik eru að verja sig fyrir. En varðandi langtímaspárnar – mér finnst þessi kort frá wetterzentrale.de í Karlsruhe býsna góð, þótt þau séu náttúrulega ekki í miklum detail hvað varðar einstök svæði. Hvað finnst ykkur?
Heyrði í einokunarútvarpinu samtal við einhvern titt úr fjármálaráðuneytinu í fyrra, þar sem verið var að ræða þessa hugsanlegu breytingu. Sá hafði orð um það, að gæta yrði þess að hafa þungaskattinn í olíuverðinu það háan, að menn græddu ekki á því að aka á diesel-bílum. mig minnir að hann hafi orðað þetta þannig að "…það er engin ástæða til að eigendur diesel-bifreiða njóti hagræðisins af minni eyðslu þeirra, heldur verði um einhverskonar jöfnun að ræða, sem gæti þýtt að verð pr. lítra af diesel-olíu yrði eitthvað hærra en bensínverð". Amen og hallelúja. Annars er maður hálf hræddur við að ræða um eitthvað sem heitir kostnaður og sparnaður hérna, manni hefur skilist að það sé eins og hver önnur lágstétta-lágkúra!
Flott að sjá að einhverjir eru með húmorinn í lagi, þrátt fyrir snjóleysi undanfarinna missera. En ég prófaði mörinn í fyrsta skipti í fyrravetur, ásamt með tjöruhreinsi frá þeim fyrir bílinn sjálfan (lakkið). Þetta reyndist ágætlega hvorutveggja, sérstaklega tjöruhreinsirinn. Hinsvegar er þetta djö….. dýrt! Ég er nú svo gamall í hettunni og mikill mengunarglæpon að ég hef nú bara keypt mér stóran brúsa með White Spirit og hellt yfir gúmmíið. Geri þetta meira að segja þegar ég kem upp fyrir Borgarnes á leiðinni hingað norður í barbaríið – hér eru nefnilega aldrei saltaðar götur. Merkilegt hvað malbikstjónið er lítið hér á veturna. Gæti það legið í að saltlögurinn leysi upp malbikið?
Þrír kunningjar mínir fóru í Ingólfsskála í hausteftirlit á föstudaginn. Það var heilmikill snjór þar þá, en hann hefur líklega rýrnað eitthvað síðan. Þetta voru menn, sem margir þekkja, þ.e. Sigurþór Hjörleifsson, Björn Fr. Svavarsson (stjórnarm. í LÍV til margra ára) og Jóhann E. Rögnvaldsson. Allt saman þaulvanir ferðamenn, bæði á sleðum og jeppum. Þeim þltti ekki leiðinlegt ef einhver bjallaði í þá. Björn F.S= 894 4400 eða 453 5024 heima – Sigurþór 453 5322, Jóhann E.R. 869 8103
Alltaf er nú SkúliH vinur minn laaaang flottastur og ég alltaf meira og meira sammála honum. En fyrir okkur gamlingjana, sem byrjuðum að ferðast fyrir daga Loran C og notuðumst bara við kort, kompás og þokkalega reglustiku þegar best lét, er það að fara af stað án þessara hluta nánast fífldirfska. Tækin eru óskaplegá góð þegar þau eru í lagi, en hafandi það að aðalstarfi að vinna á og við tölvur tel ég mig vita að þessar andsk….. græjur bila alltaf þegar verst gegnir. GPS tækin eru skömminni til skárri, en það að vera á ferðinni án kompáss og korts fyllir mig vægast sagt óöryggi.
Bíðum nú við – sárnaði einhverjum? Eða er jeppasportið bara fyrir þá efnuðu? Má sem sagt ekki vera á ódýrum bíl ef maður á að teljast ALVÖRU 4×4? Ef svo er, þá kveð ég þennan vettvang.
Nú er heima! Alveg var þetta sem er hér á undan eins og himnasending fyrir okkur hina, sem eigum lítið (eiginlega ekkert!) af peningum (erum hvorki fasteignasalar, verktakar o.s.frv. heldur bara launaþrælar). Ég er nefnilega með gamla fartölvu, sem fellur undir þessa kategoríu sem wolf getur um. Hinsvegar sé ég fram á að þurfa að kaupa mér annað GPS-tæki til að fæða græuna, er með Magellan Pioneer, sem er líklega með alltof fátækleg innyfli fyrir svonalagað.
kv.
Ekki spurning, það er lang líklegast að þetta séu hitakertin. Er búinn að verða fyrir þessu í tvígang. Þetta er reyndar algengt með flestar tegundir dieselvéla, sem eru með hitakerti á annð borð, hvar svo sem þær eru framleiddar. Hef líka lent í þessu á Toyota. Hinsvegar er það hárrétt ábending hér á undan með að dýsur (skrifa það með "ý" því orðið mun komið úr dönsku "dyse" =úða, ýra) í öllum tegundum dieselvéla hafa takmarkaðan líftíma og það þarf að skipta um þær í tíma. Það bæði þýðir betri gang og betri eldsneytisnýtingu. Margir okkar gömlu diesel-karlanna notum þá aðferð þegar frost er farið að verða verulegt, að tví- eða jafnvel þríhita vélarnar áður en við byrjum að starta. Þá er miðað við að allt sé í lagi að öðru leyti. Minni svo á það sem rætt var um hér fyrir nokkru á vefnum, að þegar við þynnum eldsneytið með steinolíu, að það er til mikilla bóta að láta tvígengisolíu á tankinn, svona sem svarar 10% af því magni steinolíu, sem bætt er á hann. Það tryggir betri smurningu á dýsur og olíuverk.
Takk fyrir mig
Þekkti einu sinni verkfræðing, sem starfaði hjá einu ágætu olíufélagi, fyrst í USA síðan hérlendis. Hann sagði mér að í raun mætti láta sér nægja að skipta reglulega um síu og bæta bara á olíu sem því svaraði, en skipta alveg um olíu bara einu sinni á ári. Synthetiskar olíur væru orðnar það góðar að þetta gerði ekkert til. Það eina sem rýrði gæði olíunnar væru sótagnir, málmsalli og annað slíkt sem yrði til í vélinni og færi í olíuna. Síurnar væru til að hreinsa þetta svo það ylli ekki sliti á núningsflötum vélarinnar. Sel þetta ekki dýrara en ég keypti. Hinsvegar skipti ég um olíu og olíusíu á 7.500 km fresti og það hefur reynst vel. Ef ekkert kemur upp á, s.s. krapatúr eða vatnssull, þá læt ég nægja að skipta á kössum og drifi einu sinni á ári. En hvað segja menn um frostlöginn? Sumir vilja halda því fram að það þurfi að skipta um á kælikerfinu minnst einu sinni á ári, helst bæði haust og vor. Ef kælivökvinn verði of gamall fari hann í öfugan fasa varðandi tæringavörn. Er einhver sem veit um þetta?
kv.
Hringdu í 453 8055, spurðu eftir Margeiri Björnssyni. Hef trú á að hann annað tveggja eigi svona eða geti vísað þér á þetta og margt fleirra í Landann. Ekki segja honum að ég hafi vísað á hann!
kv.
Gallinn er sá, að þetta getur verið af fleiri en einni ástæðu. T.d. geta verið slitnar fóðringar í startaranum, sem valda því að ankerið skekkist og læsist. Það geta verið lélegar leiðslur frá geymi, það getur verið að vatn komist inn í punginn (relay-ið) ofl.ofl. Ég held þú verðir að kippa startaranum úr og láta prófa hann í bekk á einhverju viðurkenndu verkstæði þegar svona er komið. Það er mín reynsla að það borgi sig ekki að fúska við startara og alternatora.
kv.
Þetta er hið mesta nauðsynjamál, því langflestir kíkja á vef 4×4 einhverntíma yfir daginn. Þetta hefur oft verið rætt hjá okkur hér í Skagafjarðardeildinni, hvernig þessu væri best hagað með okkar ágæta Skiptabakkaskála. Við erum áreiðanlega meira en fúsir til að taka þátt í þessu og skrá bókanir á Skiptabakka hér á vefnum undir þá catergoriu sem menn kæmu sér saman um.
Tek undir með þér – bæði hvað varðar ráðstefnuna og tímaleysið – var nefnilega löngu búinn að ráðstafa þessari helgi – og reyndar næstu líka ef út í það væri farið.
Er ekki bara ráðið að fara að þínum hugmyndum og halda þetta í bænum? Menn gætu þá e.t.v. náð því að sitja þetta kannski að hluta, ef tímataflan leyfði ekki meira o.s.frv.
Allir mæla með Ingimar, þá snýr maður sér þangað. Hann er hinsvegar með USA-contacta, en það er víst eitthvað ódýrara frá Canada. Sjáum til
takk fyrir
gþg
Það verður völlur á sumum þegar þetta verður komið í kring! Hvaða gaur er miðlari fyrir þig – heldurðu að hann gæti fundið F250 fyrir mig?
