Forum Replies Created
-
Replies
-
Hjörleifur "Lalli"
Ástæðan fyrir því að ég skrifaði þetta "næstum rétt" er sú árátta enskra lengi vel, að rita latneska "æ"ið með ae, en þeir eru líklega óðum að hverfa frá því og í USA eru þeir víst farnir að hafa fyrir reglu að rita "e" í staðinn, sem er sjálfsagt rökréttara m.t.t. framburðar. Apaði þetta eftir orðabók.
Hinsvegar ætlaði ég aðallega að þakka þeim Sverri Kr. Bjarnasyni og Einari Kjartanssyni fyrir góð svör og skýringar á eðli kortagrunna. Ég ætla allavega að vista þetta í tölvunni hjá mér til uppflettingar seinna, ég er orðinn ansi slæmur með að gleyma með aldrinum.
Bestu kveðjur
gþg
Eins og vinur minn hilbal veit líklega betur en aðrir á þessum þræði, þá er ég aðallega að nota GPS á sjó núorðið. Þar notar maður WGS84 (sem ég hélt að þýddi World Geodaetic Survey 1984, Einar jarðeðlisfræðingur veit líklega manna best hvað er rétt í því efni) enda er það merkt kirfilega á kortin. Ég á lítið göngutæki frá Magellan, sem ég hef nauðalítið notað með korti, og stilli það á WGS84, en það hef ég lítillega notað á sleða og þeir sem ég hef borið mig saman við með punkta nota þann kortagrunn. Hélt satt að segja að Hjörsey 1955 væri orðinn úreltur grunnur, öll kort á elektroniskum data base væru byggð annað tveggja á nýja, íslenska staðlinum sem Einar nefnir eða þá WGS 84, sem er víst nokkuð svipað. Nú væri gaman ef Einar vildi segja okkur (eina ferðina enn) nánar um ástæður fyrir mismuni á kortagrunnum, m.a. með tilliti til lögunar jarðkúlunnar, sem er víst ekki alveg regluleg.
Æijá. Eiginlega nenni ég ekki að lengja þetta kjaftæði meira, þetta er að verða hálfgerð Spaugstofa. En svona varðandi akstureiginleika Pajero, þá hef ég notað þessa þrjá sem ég hef átt aðallega sem götubíla og þar með til að draga aðskiljanlegar kerrur, oft dálítið lestaðar, og í þetta eru þessar tíkur bara ágætar. Hafa góða aksturseiginleika á vegum, afbragðs hemlabúnað, einhver bestu sæti sem ég þekki (hefur reyndar farið aftur í Dömunum) að maður tali nú ekki um millikassann, þar sem maður getur valið um 2×4, 4×4 sídrif og venjulegt 4×4. Það er til amerískur millikassi frá New Process minnir mig, sem virkar eitthvað svipað, (er ekki viss) sem var a.m.k. einhverntíma í boði í Cherokee held ég, eða kannski síðustu gerðunum af Wagoneer. En mér hefur ekki dottið í hug að breyta þeim fyrir fjallaferðir, hef einhvernveginn ekki trú á því dæmi. Nei, mér hefur ekki tekist að velta þeim, hef reyndar ekkert sérstaklega verið að reyna það. Hef reyndar til þessa verið tiltölulega heppinn með að bílar hafa tollað nokkuð þokkalega á hjólunum hjá mér (7 – 9 – 13)veit náttúrulega ekki frekar en aðrir um hvað framtíðin ber í skauti sínu. Ekki ólíklegt að með hækkandi aldri aukist líkurnar á því að maður lendi í svoleiðis málum.
Eins og þú sérð á öðrum pistlum, eru bílar hrein trúarbrögð fyrir suma félaga okkar. En frá mínum sjónarhóli fer þetta allt eftir því í fyrsta lagi, hvað maður hefur mikið af peningum til að setja í dæmið, í öðru lagi hvort maður getur gert mikið sjálfur í viðhaldi og breytingum, í þriðja lagi hvort maður ætlar að nota bílinn bara í fjallaferðir eða bæði í það og sem "daily commuter". Svona má halda áfram að velta upp spurningum. En Jeep er nú alltaf ágætur, t.d. CJ5 og maður tali nú ekki um CJ7, sem er nú ekki alveg á lausu. Nýi bíllinn, TJ er svo með gorma allan hringinn, algengasta vél í honum er línusexa, 4ra lítra, en hann er líka til með 4ra cyl. 8 cyl vélar eru oftast settar í af eigendum eftirá, trúi ég. En ef þú ert eins mikill byrjandi og þú ert að segja í upphafspistli þínum, og ert ekki með nein ósköp af aurum, er ekki úr vegi að skoða Suzuki. Ekki síst ef þú næðir í bíl sem væri búið að setja á 35", á honum er hægt að komast flest og læra taktikina af reyndari mönnum, þ.e.a.s ef þú ert eins óvanur og þú gefur í skyn. Það er tiltölulega ódýrt að keyra Súkkuna pr. km miðað við flesta aðra og gott að hafa hann sem æfingatæki, þótt maður færi út í eitthvað stærra og dýrara seinna.
Þetta er allt saman rétt hjá eik varðandi Pajero/Montero. Ég er að keyra á 33" dekkjum og núverandi barðar orðnir oggulítið slitnir. Þá sýnir hraðamælirinn svona 5 – 6% minna en GPS ef maður lætur cruise – controlið passa hraðann á einhverjum beinum leggjum sem ná 4 – 5 km á lengdina. Nóg um það. Þessi hlutföll á 33" eru hinsvegar að manni finnst ansi heppileg fyrir 33" dekk hvað varðar vinnslu og þess háttar á þessum tíkum. Þótt ég sé búinn að aka á þessum bílum í nokkur ár er ég ennþá þeirrar skoðunar, að þetta séu ekki heppilegir bílar til breytinga. En þetta eru ágætar tíkur ef maður ekur mest á vegunum, eins og ég þarf að gera. Nú, BÞV skilur greinilega ekki nema það sem hann vill skilja, sbr. svör hans við ágætum pistlum SkulaH, og það verður bara að vera hans verkur. En mig er farið að langa til að hitta hann SkulaH og kíkja á Roverinn hjá honum. Verst að maður er alltaf í þvílíku tímahraki þegar maður er í bænum, þótt maður sé þar á ferðinni flestar vikur ársins.
Já, það er nú það. Kannski er Landroverinn skárstur! Einu sinni átti ég einn slíkan, bara með bensínvél. Ekki voru nú sætin til fyrirmyndar í honum. Þau hafa reyndar batnað mikið. En mér sýndist að hurðirnar á Defendernum væru ansi óþéttar og lélegar ennþá, líkt og var á gamla mínum. En hann yrði talsvert dýrari en Hi-Lux eftir breytingu.
Já, ljósið mitt! Það er nú bara svona með þennan góða bíl Toy Hi-Lux, að það er svo lágt undir loft í honum, að maður getur sáralítið hækkað sætið til þæginda, en það er einmitt algengasta umkvörtunarefnið að fólki finnist það sitja um of flötum beinum. En mér skilst að nýja body-ið sé skárra að þessu leytinu. Kannski ætti maður bara að stökkva á einn tilboðsbíl hjá þeim Freysa og Lúther!
kv.
Bara þetta með klafabíl. Ég var búinn að marglýsa því yfir að ég er á klafabíl, að vísu bara 33" dekk undir honum, en maður keyrir nú stundum í snjó og kannski stundum í meiri snjó en 2300 kg bíll á 33" ætti að vera að þvælast í. Samt sem áður þykist ég þess fullviss, að þetta system hentar mér allavega ekki jafnvel og rörið gerði. Annars fannst mér nú Lada Niva garmarnir sem ég átti einhverntíma á blankheitatímabili í mínu lífi að mörgu leyti standa sig betur en Pajero í snjó. Af þeim bílum sem ég hef átt frá því um 1970 man ég eftir Scout II, Uaz 452, Bronco og Hi-Lux og Hi-Luxinn bar af þeim öllum. Sætin í honum voru hinsvegar að ganga frá konunni minni og ég vil helst hafa hana eins óskemmda og hægt er eftir að hafa búið með mér í fjörutíu ár! Því var greyið seldur. En þetta með bilanatíðni í Pajero átta ég mig ekki á. Ég er búinn að aka á þessum grjónabrennurum síðan í janúar 1996, nánar tiltekið þremur stykkjum, og þeir hafa andskotann ekkert bilað. Hafa þó allir verið beinskiptir. Eina sem hefur farið í þeim eru glóðarkerti og fáeinar perur, en það er víst eðlilegt slit. Svo hefur maður bara skipt um olíur og síur eins og gengur, annað ekki. Hvað varðar bilanir, þá er nú líklega staðreynd að enginn bíll bilar meira en AMG Hummer, ameríski draumurinn sjálfur, uppáhaldsbíll Arnolds Schwarzeneggers!
Sko, það vill svo til, að sá ágæti maður Valdi rakari, sem er meira segja reyndari en sjálfur Björn Þorri – rengi hver sem vill þessa fullyrðingu – hann hætti á þessum fínu græjum og fékk sér Hi-Lux, meira að segja held ég 1995 árgerð – þann síðasta á röri að framan. Þarf lengri ræðu?
Þetta var eitthvað sem maður er spenntur fyrir. Ég held að drifin í nýja Pajero séu eitthvað frábrugðin því sem er í eldri bílunum, þ.e.a.s. 1999 og eldri, þannig að vísast gengur ekki sama úthaldið í báða. En tregðulæsingu set ég aldrei í bíl sem ég á, það er alveg á hreinu, reyndar hvorki aftan né framan. Eg hef eins og fleirri afskaplega góða reynslu af ARB-læsingum og myndi fara í þær ef og þegar þær verða fáanlegar ef ég fer út í að breyta mínum 1999 Pajero, sem er reyndar ekki á teikniborðinu vegna fjárskorts.
Jú, mikið rétt eiki, þetta kostar allt sitt, en það er líka spurning um hvað maður vill ganga langt í breytingunum og hvað hráefnið er í byrjun. Þessir nýju, fínu forstjórajeppar eru bara með þeim ósköpum að það kostar meira að breyta þeim en kaupa 2ja – 3ja ára gamlan Hi-Lux, óbreyttan en þokkalegan að öðru leyti. En þú færð þá ekki brúkanlega á fjöllum nema bæta við ca. 2,5 grand. Nú, kaupi maður annað hvort Hi-Lux, Nissan eða Isuzu nýjan til að breyta, þá kosta þeir eftir breytingu, sbr. auglýsinguna frá Toyota um síðustu helgi, lítið meira en hálfur LC 120 óbreyttur. Og það sem meira er, þeir svínvirka. Svo þarf maður ekki heldur að vera alltaf á nálum um að skemma þá, þetta eru nú ekkert sérstaklega viðkvæmir bílar. Held ég hafi þá skýrt út þessa sýn mína á peningamálin.
Björn Þorri, þótt þú sért miklu stærri en ég og þar að auki systursonur Dagga á Mælifellsá held ég myndi lána þér einn á kjaftinn ef þú kallaðir mig framsóknarmann innan þess radiusar sem handleggirnir á mér ná. Það vita allir sem mig þekkja að þann sértrúarhóp fylli ég ekki og mun ekki gera meðan eitthvað er eftir af gráa efninu milli eyrnanna á mér.
En hvað um það. Ég öfunda engan af Pajero, er nefnilega Pajero-eigandi sjálfur og búinn að eiga eina þrjá í röð. Hef hinsvegar ekki breytt þeim til þessa, finnst ég þurfi að hafa grófari bíl í það. Já, og BÞV, það kann vel að vera að reynsluleysi hrjái mig í fjallaferðum.Ekki ætla ég að bera á móti því. Ég er ekki búinn að vera á þessum flækingi nema eitthvað rúm 35 ár og odometerinn í mér sjálfum er bara rétt kominn yfir 2.000.000 km undir stýri á bílum af flestum stærðum. – En þú horfir líka framhjá einni "breytu" í dæminu og það er kostnaðurinn. Við höfum ekki allir sömu fjárráðin og sumir okkar hafa hreinlega ekki ráð á að kaupa Pajero/Montero GLS á 6 milljónir og láta síðan breyta honum fyrir 2 milljónir til viðbótar. Kannski eiga þeir, sem eru þannig staddir fjárhagslega, ekkert að vera að fíflast í fjallaferðum. Þá getið sem aurana hafið setið einir að hálendinu. Líklega er það bara það sem debattið snýst um. Burt með helvítis alþýðuna, eða hvað? Svo til viðbótar. Toyota er ekki með 120 Cruiserinn á markaði í USA, heldur selur það body eingöngu sem Lexus, hvað sem líður ignorance of the God damned Yankees að öðru leyti.
SkuliH, mig er nú farið að langa til að hitta þig einhverntíma við gott tækifæri og ekki sakaði að það væri uppi á öræfum og kippa af ísköldum við hendina. En pistillinn þinn er nú eins og skrifaður út úr mínu hjarta og það er ekki í fyrsta skipti! Tek undir það sem einhver sagði hér að framan með Jeep Rubicon, mér leist strax vel á tækið þegar ég sá þetta kynnt í Four Wheeler fyrir rúmu ári minnir mig að hafi verið. Þetta er græja til að nota, svona eins og Defenderinn frá Land Rover – sem vel að merkja er í eigu Ford núna, ekki satt?
Já og eitt enn. þetta tölvustýrða dót allt saman, bæði í eldsneytiskerfum og fjöðrun og Guð einn veit hverju fleiru, getur sett mann í algjört strand ef maður er langt frá verkstæði. Og svo er ekki hægt að eiga við neitt nema resetta allt draslið með sérbyggðri tölvu, sem vel að merkja gengur fyrir 240 voltum inni á verkstæði!!!!!
Sko, þetta með blessaðan Hi-Luxinn er nú eins og það er. Þegar búið er að breyta honum eins og hér er sagt að framan, þá er nú ansi lítið eftir af upphaflega bílnum og "tilboðið" á breytingum á bílunum, sem þeir á Nýbýlaveginum ætluðu að selja Impregilo en tókst ekki, hljóðar upp á nærri hálfa aðra milljón. Fyrir það má fá þokkalegan fólksbíl og það þykir venjulegum mönnum nokkuð hár reikningur. Vafalaust má nú fá þetta gert fyrir minna einhversstaðar annarsstaðar en hjá Arctic-Trucks, en þá landir maður í vandamálum með ábyrgðina. Ekki þar fyrir, Hi-Lux er samt ódýrari breyttur en margur slyddubíllinn kostar óbreyttur og seinastur manna hallmæli ég Hi-Lux sem slíkum. En þessar fjárans Brussell reglur eru nú alveg út úr kú og eru bersýnilega settar til þess eins að takmarka innflutning á bílum sem eru settir saman utan Evrópu. Þetta með 70 Cruiserinn er náttúrulega bölvað bull og sama með 4,3 lítra vélina í þeim ágætu bílum Nissan Patrol. 70 bíllinn frá Toyota er svo þess utan á nokkuð hagstæðara verði en fínu jepparnir og ég verð að viðurkenna, að ég er ansi veikur fyrir þessum bílum, ef þeir fengjust hér.
Ladies and gentlemen of the 4×4 clubs in Iceland!
Það snjóar grimmt hérna norður við Íshaf. Vænti þess að snjókoman nái eitthvað inn á miðhálendið. Það er búið að nudda þetta síðan á fimmtudaginn og farið að draga í skafla hérna í þorpinu þar sem ég bý. Hinsvegar er spáð hlýindum frá og með föstudeginum, hvað svo sem verður úr því. En hér um slóðir hefur tíðkast að halda aðventukvöld með altarisgöngu og syndaaflausnum fyrstu helgi í aðventu. Ef svo heldur fram sem horfir má gera ráð fyrir að margir verði afdjöflaðir að Skiptabakka þ. 29. nóvember n.k. ef að líkum lætur.
Ja, hérna, maður verður að fara varlega í það að nefna svona lagað. Ekki má neinn skilja mitt mál sem svo að ég þykist vera eitthvert átóritet í íslensku eða örnefnum. En varðandi fjallið fræga, þá heitir t.d. kvæði Jónasar Hallgrímssonar "Fjallið Skjaldbreiður". Mér var á sínum tíma kennt að þetta fjall héti SkjaldbreiðUR = líkingin ætti við hinn breiða skjöld, þjóðverjar kalla þessa gerð eldfjalla "Schildwulkane" Hinsvegar hefur fjalladrottningin eins og Mývetningar kalla Herðubreið, víst fengið hefð á kvenkynsmyndina, a.m.k. á síðari öldum. Hinsvegar má sjá í fornum ritum, að talað er um "Herðibreiðstungu" og hafa menn talið að þar væri átt við Herðubreiðarlindir. Það er nú kannski ekki alveg vísindalega sannað. Hafið þið lesið smárit, sem gefið var út á sínum tíma af Landvernd (minnir mig) eftir Jón Gauta Jónsson, landfræðing, umm rannsóknir á s.n. Biskupaleið frá Skjalfandafljóti austur yfir Ódáðahraun, sem gerð var undir forystu föður Jóns Gauta, Jóns heitins Sigurgeirssonar, frá Helluvaði? – Hinsvegar er kenning torx_69 um fleirtöluna og breiðurnar allrar athygli verð að mínu mati, a.m.k er hún frumleg, allavega hef ég ekki spurnir af því að menn hafi nálgast nafnið úr þessari átt þótt ég viti náttúrlega ekki neitt um þessi mál. Þetta minnti mig hinsvegar á umræðu sem varð um miðja síðustu öld í útvarpi um Breiðafjörð. Nefnifallsmyndina vildu nefnilega sumir hafa "Breiðifjörður", en dr. Halldór Halldórsson sýndi fram á að nafnið þýddi ekki "hinn breiði fjörður" heldur væru það breiðurnar (af eyjum líklega) sem hefðu lagt til nafnið. En, torx_69, gæti ekki verið, ef hugmynd þín er skoðuð, að eignarfallið ætti að vera Skjaldbreiðna?
…….og spurðu líka strákana í 567 3444 eða kíktu á Eldshöfða 15
Nú veit ég ekki hvort er betra, Webasto eða Eberspächer, en hvorutveggja er mikið notað í trillubátum og líkar vel hjá þeim sem ég þekki. Hef verið að spá í að fá mér svona miðstöð í bátinn minn því Sóló-eldavélin, þótt traust og örugg sé, er svolítið sein að virka. En hvaða tegund sem menn nota, þá er þetta aldeilis hrikalega gott á fjöllum að geta hitað bílinn svona upp. Auðveldar startið ekki neitt smá þegar frost er eitthvað að ráði. Tveir góðir kunningjar mínir, Óskar Halldórsson og Stefán Jónsson hafa verið með svona, annar í fullorðnum Land-Cruiser og hinn í Patrol og þetta svínvirkar hjá þeim. Gamli DEFA-hitarinn hentar svo afskaplega vel í "the daily commuter" ef maður á gott með að koma rafmagnskapli að honum. En það góða unit notar maður tæplega á fjöllum.
Ég hefði betur prófarkalesið þetta áður en ég sendi þetta af stað og lagað ritvillurnar. Þarna átti að sjálfsögðu að standa Péturshornin, Fjallkirkjurnar ……..
Allt er breytingum háð. Nú er farið að tala um Þursaborgir (flt) en þegar ég man fyrst eftir (fyrir laaaangalöngu) var bara talað um Þursaborg í eintölu. Förum við þá ekki að tala um Péturhornin, Hyrningana, Fjallkirkjunar og svo framvegis? Er þetta kannski bara hluti af almennri gengislækkun orðanna?
kv.
ólsarinn
