Forum Replies Created
-
Replies
-
Hveravallafélagið ehf veðurathugunarstöð
Hveravöllum – 801 Selfossi (dreifbýli) Sími: x 452 4200 Sími: x 452 4202 Farsími 864 4162Er það sumsé ekki neinn af þessum símum, sem já.is gefur upp?
Já, og svo má geta þess að í L200 bílnum er þessi sama 2.500 vél fram til 2004 held ég.
Tek fram að ég er ekki sérfræðingur, er hinsvegar búinn að hafa nokkra Pajero bíla undir höndum. Ég myndi ráðleggja þér að hringja í 455 4574 og tala við Rúnar Jónsson, sem er helsti Pajero-sérfræðingur landsins, en hann var um árabil starfsmaður Heklu hf. og aðal Pajeromaður þeirra að mér er sagt.
Ég veit fyrír víst, að 2,5 bílarnir eru með önnur hlutföll í drifum en 2,8 bílarnir.
Villi Siggi. Nú ætlar þú að neyða mig til að nefna nöfn. Það geri ég ekki. Ég veit og þú veist að ég veit hvað ég er að segja.
Eitthvað það flottasta semég hef séð í þessum efnum var það sem hann Óskar Erlingsson gerði, en hann setti 350 cubic Vortec mótor í sinn. En varðandi vacuum fyrir bremsukerfi, þá eru flestar dieselvélar með einhvern búnað til að uppfylla það. Stundum er dæla aftan á alternator og svo framvegis.
Smá viðbót.
Reglugerðin er hér. http://www.althingi.is/altext/stjt/2004.087.html
Reglugerðin er ansi óskýr hvað þetta varðar, sjálfsagt viljandi svo menn geti verið með einhverjar þumalputtareglur meðan verið er að koma skikki á framkvæmdina. Þannig að í sjálfu sér er þessi 3% regla ekki brot á reglugerðinni. Þegar verið var að koma nýja kerfinu á, þá var þetta túlkað af starfsmönnum ráðuneytisins þannig, að ef minnsti snefill af litarefni fyndist í tönkum bifreiða, sem óheimilt væri að nota litaða olíu á, þá teldist það sönnun fyrir broti. Enda væri það rökrétt ef treysta mætti vinnubrögðum olíufélaganna. Þau hafa nú hinsvegar ekki mikið traust á sér, hvorki hjá almenningi né hinu opinbera, þótt þau hafi öll skipt um eigendur og sum margsinnis. Einhvernveginn held ég þó, að það sé farið varlegar í þessi mál á höfuðborgarsvæðinu heldur en á landsbyggðinni.
Ja, nú er það hvernig reglugerðin er túlkuð. Þar segir einfaldlega að finnist leifar af litaðri olíu í eldsneytisgeymi bifreiðar, sem hefur ekki heimild til að nota annað en ólitaða olíu, þá skuli það nægja sem sönnun fyrir því að viðkomandi bifreiðareigandi hafi notað litaða olíu einhverntíma. Er ekki með þessa reglugerð tiltæka í augnablikinu, en þetta er einhvernveginn svona. Ef þetta er í praksis túlkað eftir þessari 3% reglu, þá er það ekki í takt við hana. Gaman væri ef Addi vinur minn, sem er vélstjóri með öll réttindi á því sviði og veit því hvað hann er að tala um, segði okkur hvar hann fékk þessar upplýsingar.
Þórarinn, ég rengi þig ekki per se, en hitt hafa starfsmenn Olíudrefingar hér um slóðir staðfest við mig að sé EKKI gert og þeir hafi ekki séð tilmæli eða fyrirmæli um annað.
Ofan á þetta allt saman koma svo þau fáránlegu vinnubrögð olíufélaganna – a.m.k. hér í sveitinni – að nota sömu bílana til að flytja litaða og ólitaða dieselolíu. Þeir eru ekki hreinsaðir að neinu leyti á milli, allt upp í 100 lítrar af litaðri olíu geta verið í dælukerfi og slöngum þegar skipt er um og auk þess sjaldnast sem tankarnir eru alveg tæmdir. Fyrir bragðið fer meira og minna af litaðri olíu inn á söludælur fyrir ólitaða olíu. Það þýðir einfaldlega að það koma fram leifar af lit í öllum sýnum, sem tekin eru af eldsneytistönkum bíla. Flestir, já ég vil meina langflestir bíleigendur eru heiðarlegir og setja aldrei litaða olíu á tanka bíla sinna. Samt sem áður mega þeir sæta því að verða sektaðir fyrir að hafa einhverntíma sett litaða olíu á bíla sína ef pundurunum dettur í hug að taka sýni af tönkunum. Sektirnar fyrir að nota litaða olíu eru heldur ekki neitt smávægilegar, mér er sagt að þær geti verið allt að 1000 krónum fyrir hvern lítra, sem tankur bílsins rúmar að viðbættri grunnsekt. Fáir virðast enn sem komið er gera sér rellu út af þessu, flestir láta sér nægja að yppta öxlum. Málið er að pundararnir hafa enn sem komið er lítið gert af því að taka random sýni, hafa mest kíkt í tankana hjá flutningafyrirtækjunum, en mér skilst að nú hafi fjármálaráðuneytið látið þá skipun út ganga, að nú skuli taka hart á málum frá og með sumarbyrjun. Þarna megi sumsé ná í stórar fjárhæðir í tóma kassann hans Steingríms J. Þetta sem ég er að segja um hreinsun á tankbílum er ekki eitthvað sem ég slæ fram, ég hef kannað þetta hjá mönnum, sem starfa við olíudreifingu. Spurði þá hreint út hvernig þeir hreinsuðu bílana á milli þess sem flutt væri lituð og ólituð olía. Þeir hreinlega hlæja að manni, þeim finnst spurningin fyndin, því "auðvitað" séu menn ekkert að hreinsa! Mig grunar að menn neyðist til að opna augun fyrir þessu þegar kemur fram á vorið og sumarið. Þú átt enga möguleika, í þessu máli gildir öfug sönnunarbyrði, þú þarft að sanna sakleysi þitt í málinu. Olíufélögunum er nákvæmlega sama, þetta snertir þau og þeirra gróða ekki nokkurn skapaðan hlut. Þau segja hinsvegar ráðuneytinu, að þau þrífi allt og hreinsi, þessir bíleigendur séu bara bölvaðir svindlarar og það er auðvitað miklu hagstæðara bæði fyrir olíufélögin og ráðuneytið að slá því föstu. Olíufélögin losna við fyrirhöfn og kostnað og ráðuneytið fær meira fé í sektir. Erum við, sem þjóðfélagsþegnar, sem eru að reyna að fara að lögum og koma heiðarlega fram, tilbúin til að láta fara svona með okkur?
Nú ætla ég ekki að fara að teikna helvíti, eins og maðurinn sagði, en kunnugir menn hafa sagt mér, að það séu afætur á nokkrum stöðum á Hvítárvatni og menn þurfi að gæta sín á þeim og vera ekki á ferðinni þar nema í góðu skyggni. Svo eru straumvakir á affallinu (Hvítá) eins og nokkrir ágætir jeppamenn kynntust fyrir allmörgum árum, þótt sloppið hefði við manntjón í það skiptið.
Varðandi yr.no ofl. mæli ég með að menn lesi það sem Einar Sveinbjörnsson, veðurfræðingur, segir um þessi mál, sbr. bloggsíðu hans http://esv.blog.is/blog/esv/
Varðandi yr.no þá held ég að ég megi segja að hún sé ekki með eigin veðurathuganir hér á landi, heldur eru þetta tölvukeyrðar spár,sem byggja á þeim athugunum, sem gerðar eru hér á landi, bæði af Veðurstofu, Vegagerð, Landsvirkjun, Siglingastofnun og e.t.v. fleirum. yr.no. er ein af þeim spásíðum, sem margir kíkja á. Spásíður eru hinsvegar nokkrar og iðulega ber spám þeirra ekki saman. Yfirleitt er grunnur allra tölvuspáa sá sami eða svipaður. Stærstu spárnar byggja á alþjóðlegu samstarfi um veðurathuganir og veðurspár, enda þarf gríðarlega stór og öflug tölvukerfi til að vinna þær. Síðan útfæra hinar ýmsu veðurstofur og tölvumiðstöðvar spár fyrir takmarkaðri svæði eftir sínum gagnagrunnum. Mér finnst fyrir mitt leyti að það þurfi að skoða nokkrar spár til að fá einhvern grunn til að fara eftir. Ég myndi aldrei reiða mig eingöngu á spár yr.no., til þess finnst mér reynslan hafa kennt mér að þær séu alls ekki nógu áreiðanlegar fyrir Ísland og einstök spásvæði hér og t.d. Belgingur.is talsvert áreiðanlegri. Ég geri fyrir mína parta þær kröfur til veðurspáa, að þær séu nokkuð áreiðanlegar, spástofur sem spá besta veðrinu eru ekki endilega þær áreiðanlegustu. – Veðurspár Veðurstofu Íslands eru hinsvegar þrátt fyrir marga galla það skársta, sem við eigum kost á. Veðurstofan var búin að spá því nærri alla vikuna, að vont veður myndi skella á bæði á Norðurlandi og Miðhálendinu um eða upp úr hádegi á sunnudag. Það stóðst hér allavega. Hitt er aftur annað mál, að við getum aldrei komið algjörlega í veg fyrir að óhöpp verði, eina leiðin væri sú að enginn færi nokkurn tíma nokkurn skapaðan hlut. Margir þeirra, sem nú hafa spænt inn á bloggsíður og komment og fullyrða eitt og annað um ferðalög og hvað eigi að gera og hvað ekki, er einmitt fólk sem fer aldrei neitt og veit ekkert hvað það er að tala um, einmitt af þeim orsökum að það hefur aldrei kynnst neinu nema gangstéttinni í kringum húsið sitt, hvar svo sem það er nú búsett. Við eigum fullt af slíku liði hér úti á landi, það er ekki bundið við 101 Reykjavík, síður en svo.
Gott innlegg hjá Ofsa,eins og hans er von og vísa. Ekki má heldur gleyma því, að sumar slóðirnar eru til komnar vegna umsvifa náttúruverndar þetta og hitt samtaka og félaga, Landverndar og hvað þetta nú allt heitir. T.d. eins og hjólförin sem Álfheiður Ingadóttir sá í Þjórsárverum og voru vegna fuglatalningar einhverra "vísindamanna", sem þar hafa flækst um, mest á þeim tíma sem verin eru hvað viðkvæmust. Takið eftir í fréttinni um erindi Arnalds orðalaginu um "kortagerð á villigötum". Það segir okkur meira en löng ræða um hvað Ofsi er að tala.
Arnalds er nú býsna kunnugur víða um land. Hinsvegar eru bæði hann og margir fleiri dálítið harðir í sinni afstöðu og vilja helst ekki umferð neinna vélknúinna farartækja, hvorki að sumri né vetri. Veit svo sem ekki hvort sá hópur er til með að rökræða þá afstöðu sína, hef eiginlega trú á að henni verði ekki breytt.
Já, einmitt. Mér fannst reyndar þetta vera á þessum slóðum, en þekki mikið lítið þarna. Takk fyrir svarið!
Ég er svo blankur í landafræðinni, að ég átta mig ekki á hvar þessi mynd er tekin?
Færið er náttúrulega afmörgum gerðum, en aðalatriðið er hvað flinkur bílstjóri sem kann á og gjörþekkir bílinn getur gert ótrúlega hluti. Mér sýnist á YouTube myndinni að þarna séu það ekkert síður hæfileikar bílstjórans, sem vega þungt, en færið og bíllinn.
Willy´s CJ2A
