Forum Replies Created
-
Replies
-
Er þetta þá þannig, að það er enginn dyrastafur milli hurðanna og þetta verður bara eitt op þegar opnað er? Þá er væntanlega ekki heldur hægt að opna aftari hurðina nema sú fremri sé opin, eða er ég að misskilja þetta allt saman?
https://old.f4x4.is/new/forum/?file=bila … ingar/6660
Það var aðeins búið að fjalla um þennan nýja bíl á ofangreindum þræði, þar kom ýmis fróðleikur fram frá allmörgum félögum 4×4.
Það lítið sem búið er að prófa þennan bíl vestra fær hann góðar umsagnir. Ljótur eða ekki ljótur? Það er svo erfitt að ræða um smekk, bæði hvað varðar bíla og allt annað sem í umhverfinu er. Það virðist þokkalegt farangursrými í þessum og ýmsir skemmtilegir "fídusar" en "öfug" opnun á aftari hliðarhurð vekur ýmsar spurningar, t.d. í okkar veðrum hér á landinu bláa.
Spurning til eik – hvernig skilgreinir þú "norðurhluta Hofsjökuls"? Að mínu mati er svæði sem í grófum dráttum má marka með línu, sem dregin er frá suðurenda Tvífells, austan lægðarinnar, sem liggur í SA (ekki nákvæm stefna) frá Strípli austan Austari Króks, suður að svæðinu sem slysið varð á um sl. helgi talsvert varasamt. Austan við þetta er mjög vandasamt að ferðast, þótt svo auðvitað megi finna þarna leiðir og þarna hefur vissulega verið farið bæði á bílum og sleðum. Ég hef gengið svolítið um þetta svæði á skíðum að sumri til með félaga mínum, sem þekkir þarna vel til. Okkur þótti þetta svæði vera ansi varasamt sem heild. Hinsvegar er eftir því sem mér hefur skilist á fyrrnefndum manni og reyndar einnig af upplýsingum sem ég held að séu komnar frá Oddi Sig., að það sé talsverður geiri á NV-verðum jöklinum sem sé hættulítill, allt þangað sem mælingar sýna öskjubrúnina. Þetta er í stórum dráttum það svæði sem Oddur ofl. kalla Sátujökul. Af því talað var um alhæfingar, þá tel ég að það sé rétt í þessu samhengi að fullyrða heldur minna en meira um hættulaus og/eða hættuleg svæði, og auðvitað verðum við öll að nota allar upplýsingar með varúð og að sjálfsögðu tek ég undir að heilbrigð skynsemi verður alltaf að ráða för.
Því miður eru hætturnar líklega mestar og flestar á Hofsjökli miðað við flatarmál eins og sakir standa. Þó má aldrei gleyma þeim stórvarasömu stöðum og svæðum, sem þekkt eru á stóra jöklinum. En ég ætlaði aðallega að koma því að, að á norðaustanverðum Hofsjökli eru líka gríðarlega mörg sprungusvæði, nánast og hverjum kolli og þeir eru nokkuð margir eins og kunnugir þekkja. Eins munu vera margir blettir á Blágnípujökli, svelgir og önnur hættuleg fyrirbæri. Hvernig væri að semja við hann Odd Sigurðsson, sem þekkir þennan jökul öðrum betur að halda fyrirlestur um jökulinn og miðla einhverju af þeirri gríðarmiklu þekkingu sem hann býr yfir? Bara svona hugmynd til að ræða og skoða.
Nú ætla ég ekki að þykjast vera neinn sérfræðingur, en mín reynsla var sú að þessi breidd af felgum gengi alveg og meira að segja væri maður í minni hættu með að affelga. Hitt er þó alveg ljóst að með breiðari felgu fleturðu dekkið eitthvað meira út. Austfirðingar hafa til þessa verið talsmenn þess að hafa felgur sem breiðastar og náttúrulega fleiri. Mér hefur sýnst að fari menn yfir 13" breidd þurfi þeir helst að vera með bead locks eða eitthvað sambærilegt svo dekkin tolli á felgunum þegar eitthvað reynir á að gagni. En sjónarmiðin eru að sjálfsögðu mörg og reynsla manna misjöfn. Vonandi koma fleiri og segja af sinni reynslu. Gangi þér vel.
Inni á heimasíðu Vegagerðarinnar er hægt að komast í mjög nákvæmar upplýsingar um vegalengdir milli tiltekinna punkta í vegakerfinu.
Mér finnst alveg stórgóð hugmynd að stjórn klúbbsins fari vel yfir það hvort svona fundur gæti ekki verið til bóta og enn betra að hún boðaði þá kannski á eftir til fundar við sig til að ræða það sem fram hefði komið á fundinum og hvernig þeir hygðust mæta því. Er ekki fullt af lögfræðingum í klúbbnum sem gæti verið á slíkum fundi til að halda þeim við efnið?
Eftir að ljóst varð að Umhverfisstofnun kemur ekki til með að kæra vegarlagningu yfir í Leirufjörð, má ætla að þessi leið verði nýr möguleiki í ferðamennsku. Nú væri gaman ef félagar okkar á Vestfjarðakjálkanum myndu segja okkur meira frá þessari leið, gefi okkur GPS-punkta og aðrar upplýsingar sem að gagni mega koma, sem og hvaða möguleikar eru þarna varðandi t.d. tjaldsvæði.
Þetta bæði þörf og brýn umræða. Óhappið um síðustu helgi hefur án efa átt sinn þátt í að vekja hana, líkt og umræðuna um veltibúrin en nóg um það. Ég tek undir með Ofsa að það sé vissulega ástæða til fyrir félagið að fá þessa fósa til að mæta á fundi hjá klúbbnum og skýra hverju þeir eru að lofa þegar þeir eru að bjóða utanvegakaskó, sem var mjög til umræðu þegar hún kom til sögunnar fyrir nokkrum misserum. Sú þrautaganga sem lýst er í pistlunum hér að ofan lýsa náttúrulega afstöðu tryggingafélaganna til viðskipta"vina" sinna, sem er ótrúlega neikvæð og ekki í takt við góðar viðskiptavenjur. Ég held að það sé allt í lagi að þeir sjái framan í klúbbinn sem slíkan og hversu stór hópur viðskiptamanna er þarna á ferðinni.
Virkjanaumræða á Íslandi er því miður alltof oft á tilfinninganótum einungis, sem óprúttnir pólitíkusar á sitt hvorum væng stjórnmálanna nota svo sér og sínum skoðunum til framdráttar. Eitt er þó dagljóst; við búum ekki í landinu nema með því að nota auðlindir þess. Á hverjum tíma bera íbúar þess þá ábyrgð, að gera það með þeirri fyrirhyggju og skynsemi, að sem allra minnst séu skertir afkomumöguleikar afkomenda þeirra í framtíðinni, sem og að langtímatjón á umhverfi og náttúru verði sem allra minnst. Það er án efa skynsamleg afstaða einmitt núna, að gera yfirlit um alla þekkta virkjunarmöguleika í landinu og leggja mat á þá með tilliti til hagkvæmni, hugsanlegra náttúruspjalla og umhverfisáhrifa. Samhliða þarf að gera langtímaáætlun um það hvernig menn sjá fyrir sér að atvinnu- og efnahagslíf þróist með sem hagkvæmustum hætti á nýbyrjaðri öld. Þar með talið hvernig orkunotkun komi til með að þróast og þarf þá líka að taka tillit til þeirra breytinga á endurnýtanlegum orkugjöfum, sem hækkandi hitastig og bráðnun jökla hefur í för með sér. Það þarf líka að gæta þess að eitt fyrirtæki, sem innan skamms verður einkavætt, verði ekki komið með alltof stóran hluta af hagkvæmustu virkjunarkostunum undir sínum hatti. Evrópusambandið mun ekki gefa langan frest til þess að Landsvirkjun verði einkavædd, sbr. "samkeppnina" í orkusölu, sem tók gildi um s.l. áramót og hefur leitt til stórfelldrar hækkunar á endanlega orkureikningnum hjá íslenskum fyrirtækjum og heimilum á nýbyrjuðu ári. Hvort og þá hvenær virkjað verður í Kerlingarfjöllum er svo hluti af langtímaplani því, sem hér var nefnt. Ég treysti mér því ekki til að taka fortakslausa afstöðu til slíkrar virkjunar nema í stærra samhengi.
kv.
Freysi, þú manst eftir Skapafellinu norðan í Hofsjökli? Upphaflega kölluðu gangnamenn það miklu dónalegra nafni, ef þú veist það ekki þegar, skal ég segja þér það næst þegar við hittumst!
http://www.landyonline.co.za/techtalk/rti.htm
Þarna er heilmikið efni um RTI
http://www.landroverclub.net/Club/HTML/RTI.htm
og svo framvegis.
http://www.therangerstation.com/tech_li … lators.htm
Þarna eru svo reiknivélar til að nota.
Vona að einhver hafi gagn af þessu.
kv.
Þetta er skammstöfun fyrir Jöklarannsóknafélag Íslands, Þetta er gróið félag með gríðarlega merkilega sögu og áreiðanlega myndi engin önnur þjóð en íslendingar geta af sér svona samfélag, blöndu af vísindamönnum og áhugafólki, þúsundþjalasmiðum og hreinum galdramönnum/konum. Kíktu á jorfi.is
Breyttur spindilhalli er að því mér hefur verið sagt af fróðum mönnum gerður til að vega upp á móti breyttri geometriu bílsins, þegar t.d. fjaðrabúnaði er breytt, svo sem eins og þegar verið er að færa flatjárnin sem voru undir Jeep upphaflega bæði aftan og framan og í báðum tilfellum fest neðan á housingu en hafa iðulega verið færðar upp fyrir, svona svo dæmi sé tekið. Það þýðir á mannamáli að sú breyting sem þarf að gera á spindilhalla fer eftir því hversu mikið og hverju þú ert að breyta frá upphaflegu geometríunni. Hér í hópi 4×4 félaga eru til menn sem eru með þessa hluti á hreinu og eiga yfir þetta töflur, spurning hinsvegar hvort þeir eru tilbúnir að láta þær af hendi ókeypis, því þarna hefur í flestum tilvikum verið kostað nokkru til að afla þessarar þekkingar.
Þetta var ágætt framtak og ber að þakka það. Satt best að segja man ég strax eftir nokkrum tilvikum, þar sem ég hef orðið fyrir tjóni sjálfur við að reyna að aðstoða aðra og nokkur þeirra urðu mér ærið kostnaðarsöm. Svo eru hin, þau ræðir maður helst ekki um…………………
Ég hef tekið eftir því að Cabelas, sem margir þekkja, selur ýmislegt af þessu tagi, en það er nú vafalaust aðallega miðað við USA-bifreiðar. Kíktu á cabelas.com
fást líka í versluninni þarna í Síðumúlanum, getur hún ekki heitið Verkfæralagerinn eða eitthvað svoleiðis? Þær voru ódýrastar þar síðast þegar ég vissi.
Ívari.
Ég hef ekki enn komist í þá stöðu að hafa air-condition freondælu til þess að pumpa í dekkin. Fyrst notaði ég ARB-dæluna, en var ráðið frá að leggja svo mikið á hana, þótt hún vissulega haldi uppi góðum þrýstingi, þá þoli hún illa að ganga svo lengi í samfellu að hún nái upp nægilegum þrýstingi í 38" dekk, hvað þá stærri. Þá keypti ég hjá honum Freysa vini mínum sem þá var í Toyota aukahlutum GAST – mebrudælu. Hún var á sinn hátt ágæt, en náði varla upp meira en 15 punda þrýstingi í hverju dekki, mebran virðist ekki ráða við meira. Núna er ég búinn að eiga FINI – dælu í einhver ár og hún er að svínvirka. En ég er ekki með hana fasttengda, spenni hana að vísu niður í farangursrýmið þegar ég er á keyrslu, en fer með hana út þegar ég þarf að pumpa og beintengi við geyminn. Nokkuð margir af mínum kunningjum hér eru með samskonar dælur og allir ánægðir með þær, heyrist mér. En ef maður ætlar að nota loftið í eitthvað fleira, t.d. loftpúðafjöðrun eða að maður tali nú ekki um til að knýja loftverkfæri, þá þarf aðrar lausnir.
… ætlaði ég bara að benda á að það er annar þráður í gangi um spotta, sem stefnir í að verða bæði skemmtilegur og fróðlegur
