Forum Replies Created
-
Replies
-
Mikið déskoti var maður heppinn að halda gömlu Yaesu-millibylgjustöðinni til haga. Kannski menn fari nú bara að nota þær aftur. Mér líst afspyrnu vel á það út af fyrir sig. Hitt er annað mál, að af þeim upplýsingum sem hér hafa komið fram sýnist ljóst, að NMT kerfið verði ekki hægt að reka nema takmarkaðan tíma, hvort sem niðurtöku þess verður frestað um eitt eða tvö ár eða ekki. Sömuleiðis virðast þessi Iridium og Globalstar-kerfi ekki eiga að óbreyttu framtíð fyrir sér nema einhver stór fjarskiptafyrirtæki taki þau upp á sína arma, skv. því sem fram hefur komið hér. Þannig að símasambandsmálið virðist óleyst nema fram komi einhverjar tæknilegar framfarir á GSM kerfunum sem gera það kleift. En virðulega fjarskiptanefnd og stjórn 4×4; Please látið okkur almenna félagsmenn vita hvað er í gangi og hvað þið sjáið við sjóndeildarhrigninn.
Í framhaldi af spjalli okkar Jóns Snædal og Skúla H.Skúlasonar í Varmahlíð fyrr í dag, copy/paste – a ég eftirfarandi innlegg mitt úr öðrum þræði:
Ég hef heyrt talsvert af bollaleggingum um dvöl þessarar ágætu, eyfirsku fjalladrottningar í Laugafelli. Einn er sá maður hér, sem ég hef mesta trú á í sambandi við könnun á gömlum heimildum. Sá heitir Hjalti Pálsson, kenndur við Hof í Hjaltadal. Hann er í miðjum klíðum við að rita og gefa út s.n. Byggðasögu Skagafjarðar, en ég held þú (Jón Snædal) hafir séð þann hluta ritsins sem fjallar um það svæði sem áður hét Lýtingsstaðahreppur, en er nú að leggja lokahönd á þann hluta sem fjallar um Akrahrepp, og þar með Austurdal og það sem er í kringum hann. Ég veit ekki annað en hann fari í þetta Laugafellsdæmi í tengslum við það. Það sem getur verið til skoðunar með dvöl þessarar konu með sitt fólk þarna er, að það hefur oft í sögnum orðið ruglingur milli stóru pláganna tveggja á fimmtándu öld, þ.e. þeirrar fyrri sem gekk 1402 að talið er, og hinnar síðari, sem gekk um og upp úr 1490 eftir því sem menn hafa komist næst. Gallinn er hinsvegar sá að heimildir frá þessu tímabili eru afar litlar og koma þar til ýmis örlög, svo sem brunar verðmætra, ritaðra gagna ofl. En þarna er nærri öld á milli atburða. Ef til vill gæti það skýrt þennan tímamun varðandi Þórunni og dvölina við Laugafell. Það er nú svo, að margt í sögum og sögnum á sér sínar raunverulegu skýringar og margt hefur komið fram við vandaðar rannsóknir sem staðfestir frekar en hitt svona sagnir. Þarna ber líka að hafa í huga, að „litlu ísaldarinnar“ er ekki farið að gæta að marki á þeim tíma sem þetta á að hafa gerst og gróðurfar því með allt öðrum hætti en við þekkjum á okkar dögum. Það er nú svo og svo er nú það. Alls ekki fyrir að synja að Þórunn þessi hafi í raun dvalið af sér pláguna og þessvegna þá seinni, því reynslan af fyrri plágunni hefur verið tiltölulega nærri fólki í tímanum og margur hefur vafalaust hugsað sér leiðir til að sleppa ef sambærilegt kæmi upp öðru sinni.
Þakka þér fyrir að orða þetta svona, Árni. Eins og talað út úr mínum huga. Það er eins og þú segir alveg greinilegt að allur fjöldinn af félagsfólki veit ekki hvað er framundan og nauðsynlegt að félagsforystan kynni okkur hvað er framundan, svo fólk fari ekki að fjárfesta í einhverri vitleysu, sem svo nýtist ekki.
Ég vona að enginn hafi misskilið mín innlegg í þessa umræðu á þann veg að ég telji NMT gallalítið. Svo er ekki, en það hefur bara verið það eina sem almenningi hefur staðið til boða með viðlíka "dekkun" á símasambandi og með ásættanlegum kostnaði, bæði hvað varðar tækjabúnað og afnot. Það er svo sem alveg dagljóst að það var mikil afturför, þegar menn hættu almennt að nota SSB millibylgjustöðvar þegar Síminn hætti að þjónusta tíðnina. Það þurfti náttúrulega alls ekki, því ólíkt NMT-símunum, þá eru stöðvar á þessu tíðnisviði enn framleiddar og þar eru einnig tæknilegar framfarir, eins og Snorri Ingimars bendir á. En talstöð er eitt, símkerfi er annað. Ég hef það fyrir satt eftir nokkuð áreiðanlegum heimildum, að ríkið komi til með að bjóða út þjónustu í staðinn fyrir NMT og/eða Fjarskiptastofnun eða hvað nú apparatið heitir muni úthluta leyfum í þessu sem öðru. Mér er ekki ljóst hvað er besta lausnin fyrir fjallamenn og annað útivistarfólk, ellegar fyrir strandveiðiflotann. En eitthvað þarf að koma í staðinn fyrir NMT sem hefur helst meiri dekkun og verður viðráðanlegt í kostnað. Því legg ég áherslu á að okkar félag stuðli að samstöðu með öðrum sem eiga sambærilega hagsmuni í þessu efni.
…frá Viðari. Nú er ég ekki tæknimenntaður, en get mér þess til af því að aðstæður í Færeyjum eru þannig, að eins og allir eiga að vita, þá er þetta klasi tiltölulega smárra eyja, sem flestar eru byggðar, og því fjárhagslegur grundvöllur fyrir því að hafa senda á þeim öllum, og með því sem og að hafa stöðvarnar í flestum tilvikum tiltölulega hátt yfir sjávarmáli, má áreiðanlega ná talsvert mikilli dekkun. Til að ná sambærilegum árangri í öllum okkar flóum og fjörðum og miðum, mætti segja mér að þyrfti gríðarlegan fjölda samskiptastöðva. En nú er málið komið á þð mikið tæknistig, að það er nú best að fullyrða sem allra minnst. Hvað sem öðru líður, held ég að stjórn okkar félags eigi, annað hvort ein sér eða í félagi við aðra hagsmunaaðila að skrifa réttum yfirvöldum og krefjast svara um það hvað sé áætlað að taki við. Ég held að t.d. fyrir heimamiðaflotann skipti það alvet gríðarlegu máli að hafa gott símasamband. Svo vill til að þarna fara hagsmunir margra saman, því þá ekki að taka á málinu saman?
Það eru nú tveir þræðir í gangi í einu um sama málið, og svo sem allt í lagi með það. Eins og komið hefur fram bæði á þessum þræði og hinum, sem er í gangi, sem og eldri þráðum, þá er víst alveg ljóst að NMT-kerfið er að ganga sér til húðar vegna þess að engir aðrir en við Íslendingar eru að nota NMT og því allir framleiðendur hættir að framleiða tæki og búnað, sem og varahluti. Það er alveg ljóst og nauðsynlegt að leggja áherslu á það að það er engin von til þess að GSM – kerfið komi nokkru sinni til með að verða með sambærilega "dekkun" og langdrægni og NMT, nema því aðeins að tæknin geri kleift að samnýta GSM og gerfihnattakerfi. Slíkt kann að vera handan við hornið, þótt það sé ekki opinbert enn. En mér finnst að það þurfi að fara að koma í ljós, allra hluta vegna, hvaða tækni verður á boðstólum í staðinn fyrir NMT, hvað tæki og þjónusta komi til með að kosta og hversu víðtæk og langdræg þessi tækni yrði. Mín tillaga er að hagsmunaaðilar taki sig saman um að skrifa Fjarskiptastofnun eða hvað þetta apparat heitir og leita eftir svörum við þessum og öðrum spurningum sem á notendum brenna.
Ég tek líka undir það sem hér hefur komið fram að það skiptir okkur og fleiri öllu máli hvað tekur við af NMT, því það er greinilega óhjákvæmilegt að kerfið verður að leggja niður vegna m.a. varahlutaskorts. En eins og ég kom inn á hér ofar á þræðinum, þá hafa fleiri hagsmuna að gæta í þessu efni. Er nokkuð athugavert við það að stjórn okkar félags skrifi einhverjum af forsvarsmönnum þeirra aðila, sem hafa hagsmuni af því að vita sem fyrst hvað verður á boðstólum í staðinn fyrir NMT og hvað það kemur til með að kosta í tækjum og afnotum? Ég nefndi Landssamband Smábátaeigenda, aðallega vegna þess að það félag stendur mér sem trillueiganda nærri, en það er auðvitað um fleiri aðila að ræða, svo sem rekstraraðila í ferðaþjónustu, flutningafyrirtæki ofl. auk annarra útivistarfélaga. Hvað segja menn um þessa hugmynd?
Sammála Einari Kj. um að NMT er að virka alveg ágætlega frá mínum bæjardyrum. Ég er reyndar ekki lengur með NMT fasttengdan í bíl, er með hann laustengdan og nota hann líka í bústaðnum, en ég er með fasttengdan síma í bátnum og mér finnst hann ómissandi þar. GSM virkar lítið úti á sjó nema bara rétt upp við land, næst þéttbýlisstöðum. Umræðan um hvað tekur við af NMT hefur farið nokkrum sinnum fram hér á vef 4×4, svo sem eðlilegt má telja meðan menn vita ekki hvað tekur við, líklega árið 2008 eftir því sem mig minnir. En vegna þess að hagsmunir strandveiðiflotans og fjallamanna fara saman á þessu sviði, er spurning hvort ekki eigi að óska eftir samstarfi milli okkar klúbbs, annarra útivistarfélaga og síðan t.d. Landssambands Smábátaeigenda til að verja sameiginlega hagsmuni á þessu sviði. Kannski það sé bannað sem samkeppnishamlandi aðgerðir?
Fyrirgefðu að ég gleymdi nafninu þínu, en mér er nær að halda að þú ættir óhræddur að hringja í Öskju hf og spyrja um Pál Halldór. Þetta er mesti sómamaður og tekur þér áreiðanlega vel. Auk þess vil ég fullyrða að það sem hann veit ekki um bíla er ekki þess virði að vita það!
Ekki er undirritaður í þeirri stöðu að geta boðið sig fram – en af því nöfn ykkar félaganna komu þarna fram datt mér í hug að hér á öðrum þræði var verið að spyrja um veltibúr og ég var að nefna nöfnin ykkar félaga – fyrirspyrjandann, sem ég man ekki hver var, vantaði upplýsingar um hvar maður fengi svoleiðis gert.
Er ekki ráð að spyrja rallarana, hverjir smíði þetta fyrir þá? Er ekki Palli Hall, félagi okkar, enn að selja Scania hjá Heklu? Jóhannes félagi hans hjá Wurth, o.s.frv. os.frv. Þeir vita þetta áreiðanlega upp á hár – kostar ekki mikið að hringja og spyrja þessa stráka. – B.t.w.- þurfa ekki að vera heildregin rör í svona smíði? Er nokkuð vit í að nota venjuleg "vatnsrör" með saum?
þetta er tómt bull og það kom greinilega fram í útvarpsviðtali við þann sem stendur á bak við þetta, að hann vinnur þetta alls ekki á vísindalegum grundvelli, heldur hefur hann sett þetta allt upp eftir fordómum sínum í garð tiltekinna flokka bifreiða. Menn eiga ekki að komast upp með svona.
Hallgrímur heitinn Jónasson var mikill heiðursmaður, fróður og skemmtilegur. En ég hef nokkrum sinnum rekist á það að hann hefur stundum notast við heimildir, sem eru ekki nógu áreiðanlegar. Vafalaust hefur það verið fremur fyrir skort á heimildum og minni vitnesku þeirra tíma á heimildum yfirleitt. við megum víst heldur ekki gleyma hvað tækni nútímans hefur gert marga hluti aðgengilegri en áður var. Hvað um það, ég myndi ætla að sá sem Olgeir vitnar til sé með eins góðar heimildir fyrir sinni tölu og hægt er að ná í úr þessu. Svo er auðvitað hreinlega hægt að telja vörðurnar fyrst búið er að rekja þær. En þetta leiðir hugann að vörðun fjallvega yfirleitt. Birkir Fanndal í Mývatnssveit hefur unnið stórgott starf við að endurreisa og finna vörður á leiðunum austur frá Mývatnssveit og víðar á landinu hafa einstaklingar og félög verið að vinna að svipuðum verkefnum. Nú væri gaman ef einhverjir yfirburða fróðleiksmenn eins og t.d. Jón Snæland myndu gera yfirlit yfir varðaðar leiðir, sem gaman gæti verið að rekja og skrá svo áhugasamt fólk gæti svo tekið sig til við að finna vörðurnar og hressa þær við þar sem þess þarf. Mér dettur nú í fljótheitum í hug að nefna sem dæmi skreiðarleiðirnar fornu til verstöðva á Suður og Vesturlandi. Margt fleira má áreiðanlega nefna.
Slepptu því strax að hugsa um að breyta bensínvél í diesel. Þótt svo að e.t.v. væri hægt að nota blokkina, þarf að skipta um head, stimpla, stimpilstengur, sveifarás og hvað þetta nú allt heitir. Olíuverkið eitt og sér kostar áreiðanlega nógu mikið til að láta menn hætta að hugsa um þetta. Í sjálfu sér er ansi margt "hægt" þetta er oft spurning um kostnað, sem í svona tilviki yrði án efa miklu hærri en kaupa vél. Hefurðu prófað að tala við Japanskar vélar í Hafnarfirði? Skv. minni reynslu er þar um að ræða fólk sem hægt er að treysta og ég hef trú á að þar liggi fyrir vitneskja um hvort þessar vélar séu yfirleitt fáanlegar. En það er auðvitað hægt að skoða ýmsar vélar, sem myndu ráða við þennan bíl. Fyrst detta manni í hug amerísku sleggjurnar, en þær eru náttúrulega talsvert háværari og grófari í gangi. En ég gæti líka trúað að það séu til t.d. 5 cyl MBenz og VW vélar, sem réðu við þennan bíl og því ekki að skoða 3,2 l DID vélina frá Mitsubishi? Er það blasphemi að láta sér detta það í hug?
Ofsi, vinur og bróðir.
Ég hef heyrt talsvert af bollaleggingum um dvöl þessarar ágætu, eyfirsku fjalladrottningar í Laugafelli. Einn er sá maður hér, sem hefur mest stúderað þetta eftir að Angantýr Hjörvar Hjálmarsson frá Djúpadal leið. Sá heitir Hjalti Pálsson, kenndur við Hof í Hjaltadal. Hann er í miðjum klíðum við að rita og gefa út s.n. Byggðasögu Skagafjarðar, en ég held þú hafir séð þann hluta ritsins sem fjallar um það svæði sem áður hét Lýtingsstaðahreppur, en er nú að leggja lokahönd á þann hluta sem fjallar um Akrahrepp, og þar með Austurdal og það sem er í kringum hann. Ég veit ekki annað en hann fari í þetta Laugafellsdæmi í tengslum við það. Það sem getur verið til skoðunar með dvöl þessarar konu með sitt fólk þarna er, að það hefur oft í sögnum orðið ruglingur milli stóru pláganna tveggja á fimmtándu öld, þ.e. þeirrar fyrri sem gekk 1402 að talið er, og hinnar síðari, sem gekk um og upp úr 1490 eftir því sem menn hafa komist næst. Gallinn er hinsvegar sá að heimildir frá þessu tímabili eru afar litlar og koma þar til ýmis örlög, svo sem brunar verðmætra, ritaðra gagna ofl. En þarna er nærri öld á milli atburða. Ef til vill gæti það skýrt þennan tímamun varðandi Þórunni og dvölina við Laugafell. Það er nú svo, að margt í sögum og sögnum á sér sínar raunverulegu skýringar og margt hefur komið fram við vandaðar rannsóknir sem staðfestir frekar en hitt svona sagnir. Þarna ber líka að hafa í huga, að "litlu ísaldarinnar" er ekki farið að gæta að marki á þeim tíma sem þetta á að hafa gerst og gróðurfar því með allt öðrum hætti en við þekkjum á okkar dögum. Það er nú svo og svo er nú það. Alls ekki fyrir að synja að Þórunn þessi hafi í raun dvalið af sér pláguna og þessvegna þá seinni, því reynslan af fyrri plágunni hefur verið nær fólki í tímanum og margur hefur vafalaust hugsað sér leiðir til að sleppa ef sambærilegt kæmi upp öðru sinni.
kv.
Jamm og já og þakka þér fyrir Stefán. Nú er ég illa að mér í efnafræði, en er köfnunarefni (Nitrogen – N) það sama og kolsýra (Carbon monoxide)? Kann vel að vera, ég er illa að mér í þessum fræðum. En einhversstaðar las ég að í herbílum sem notaðir eru við erfið skilyrði, svo sem í eyðimörkum Íraks og víðar, væri notað eitthvert svona gas í dekkin í staðinn fyrir loft, því það væri til muna stöðugra við mismunandi hitastig. Ef það er rétt, er varla hætta á að þetta skemmi dekk. Datt þetta í hug vegna þess að ég hef heyrt að menn séu að fá áfyllingu hjá slökkvitækjafyrirtækjum á svona þrýstikúta, sem menn hafa með sér á fjöll.
Það var einhverntíma fyrir langalöngu umræða hér um mismun þess að hafa kolsýru í dekkjum í staðinn fyrir venjulegt loft. Mig minnir að það hafa verið talið að kolsýran væri stabilli en þetta venjulega. Er einhver fróður til í að rifja þessi vísindi upp fyrir okkur hinum?
Þetta er þekkt bæði úr flugi og siglingum, rautt ljós rýrir ekki nætursýn augans, eins og flestir hafa reynt á sjálfum sér þá getur minnsta birta dregið mjög úr hæfileikum augans til að skynja hluti í dimmu. Áreiðanlega er það líka til bóta í snjóblindu að hafa rauða lýsingu, en væntanlega er þá yfirleitt svo bjart að maður sér hvort sem er ekki hvort yfirleitt er nokkur lýsing á mælum og öðru. En varðandi aðvörunargildi einhverskonar ljósa í myrkri og dimmviðri, þá eru til s.n. "strobe" ljós, sem leiftra og sjást ótrúlega vel í gegn um hríðarkóf, þoku og vatnsveður. Svona ljós eru iðulega á vængjum og búk nýrri flugvéla. Til skammst tíma hefur verið hægt að fá lítil rafhlöðudrifin "strobe" ljós í útivistarverslunum. Við myndum væntanlega hafa svona ljós laustengd og ekkert vera að nota þau nema á fjöllum og jöklum, þannig að ég á ekki von á að lögregla eða umferðarstofa færu nokkuð að skipta sér af því, enda væri það tómt rugl í sjálfu sér.
Þetta fer náttúrulega eftir því hvað er tengt við rafmagnið í fellihýsinu og hvort þú heldur geyminum hlöðnum með sólarsellu eða með hleðslu frá bílnum þegar þú ert á keyrslu eða hvorutveggja!. Miðstöðin í fellihýsinu tekur talsvert mikið rafmagn þegar kalt er og hún þarf að vera mikið í gangi, og svo er spurningin með hvort þú ert með gas eða rafmagns kæliskáp. En ég mæli með því af fenginni reynslu að vera ekki með venjulegan bílgeymi með startsellu. Ég er sjálfur með Delphi (fást t.d. í Stillingu) og þeir þekkjast á því að vera með póla með skrúfgangi og ró fyrir stóra leiðsluskó með gati, en ekki þessa venjulegu pólaklemmur eins og í bílum. Geymirinn hjá mér er 90 aH og má ekki minni vera.
Gangi þér vel.
Nú þarf ég að taka fram, að ég hef ekki reynslu af öðru en loftkældum coolerum. Top-mounted cooler eins og er t.d. á Pajero virkar með scoop, en hann hefur nú líka aðstoð frá blæstri. Túrbínan í Pajero er líka þannig, að lag-ið frá henni er talsvert, hún kemur snögglega inn á 1900 snúningum eða svo, en þar fyrir neðan er hún andskotann ekkert að gera. Ég var á sínum tíma með ARB-túrbínu frá Bílabúð Benna við 2,8 Toyota mótor, hún var að vísu talsvert fyrirferðarmeiri, en kom miklu fyrr inn og maður vissi lítið af turbine-lag. En þar kom líka til sögunnar front-mounted cooler, sem var ansi vel stór. Málið var hinsvegar, að hann var það fyrirferðarmikill fyrir framan vatnskassann, að honum hætti til að "svelta" vatnskassann í þungu færi, að maður tali nú ekki um í logni eða með vindinn í bakið. Manni finnst vökvakældur cooler ansi áhugavert project og fróðlegt að fylgjast með reynslu manna af þessu. Eina sem mér kemur í hug sem þyrfti aukalega að huga að er það, að fleirri slöngur og lengri lagnir fyrir kælivökva þýða að þeim þyrfti að fylgjast vel með gagnvart leka og slíku. En það er nú ekki neitt til að fæla mann alvarlega frá.
