Forum Replies Created
-
Replies
-
Manni þykir allt lykta af því að margir munu fara að grípa til millibylgjustöðva (Gufunesstöðva) sem víða eru til. Því vakna hjá manni spurningar um hvort í fyrsta lagi sé einhversstaðar hægt að fá varahluti í loftnetin, sem maður fékk greiðlega og á sanngjörnu verði hjá honum Sigga okkar Harðar, galdrameistara fjarskiptamála. Þá er ég að tala um allt sem til loftnetanna þarf, toppa, gorma, leggi, spólu o.s.frv. Þetta gengur úr sér vegna þess að mikil áraun er á þessi loftnet, m.a. vegna stærðar þeirra. Svo leikur manni forvitni á að vita hvernig loftnet eru notuð fyrir nýjustu og þróuðustu stöðvar fyrir þetta tíðnisvið, sem eru þá væntanlega CE-vottaðar, nokkuð sem vantar á gömlu Yaesu-stöðvarnar, vegna þess að CE-vottunar var ekki krafist á þeim tíma sem þær voru flestar fluttar hingað til lands. Vilja ekki Snorri Ingimars og Einar Kjartans segja okkur frá þessu?
Eins og venjulega erum við Ofsi vinur minn sammála, og ég vil líka þakka honum Skúla fyrir hans innlegg, vel orðað og skynsamlegt eins og hans er von og vísa.
Við erum held ég öll sammála um, að við eigum ekki að láta eitthvert sófalið ráða okkar ferðum og afstöðu, lið sem fer helst ekki út úr húsi ef rignir, hvað þá meira. Fólk fær ekki reynslu af því að fást við náttúruöflin og lærir ekki að lifa af í íslenskri náttúru nema með því einu að mæta henni á heimavelli. Ef við færum aldrei neitt nema þegar horfur eru á einsýnu veðri, ja, þá færum við ansi sjaldan. Björgunarsveitarmenn verða ekki færir um að leysa erfið viðfangsefni nema með æfingu, og margir þeirra hafa fengið þá æfingu í svona tómstundagamni eins og vetrarferðir á jeppum, á vélsleðum nú og á skíðum eða bara "lausfóta" eins og Fljótamenn segja, eru. Og hananú! Segi eins og Snorri verkfræðingur; Lifi ferðafrelsið!
Ef þú lest út úr mínu innslagi hér að ofan að ég sé að gagnrýna björgunarsveitir, þá bið ég þig að lesa það sem ég skrifaði aftur og helst aftur eftir það. Ef þú verður enn þeirrar skoðunar eftir endurlestur, kann ég engin ráð, nema þá helst að endurskrifa þetta á ensku? Ég var sjálfur í björgunarsveit á þriðja áratug og þekki af eigin raun, eins og ég reyni að segja þarna, að ef einhver hefur samband og telur líkur á að einhver sé í hættu er farið af stað, frekar vilja menn fara tíu útköll að óþörfu en að sitja uppi með að hafa ekki farið í einhverju tilviki þegar þörfin er fyrir hendi. – Hitt vil ég undirstrika aftur, að menn hafi með sér viðeigandi búnað til fjarskipta, svo hægt sé að láta vita af sér ef menn ákveða að bíða af sér veður, sem oft þarf að gera, hvað sem tækin eru fullkomin. Veðurspár eru nú einu sinni spár og ekkert annað. Þær geta ræst og ekki ræst, á hvorn veginn sem er.
Ekki þykist ég geta talað niður til nokkurs manns í sambandi við vetrarferðir. En ég leyfi mér að efast um að í hópi þeirra sem hafa ferðast eitthvað að ráði um hálendið og jökla að vetri til séu þau mörg, sem ekki hafa einhverntíma lent í því að veðurspár hafi ekki staðist, á annanhvorn veginn. Jafnframt er líklegra en ekki að flest höfum við einhverntíma lent í því að komast hvorki lönd né strönd vegna þess að veður eða eitthvað annað ófyrirséð hamlaði för. Hinsvegar hefur mér dottið í hug oftar en einu sinni í dag sú spurning, hver hafi ræst út björgunarsveitir út af þessum jeppamönnum sem voru uppi á Langaskafli? Voru þær kannski aldrei kallaðar út þeirra vegna? Ég þykist hafa lesið hér á vef klúbbsins að einhverjir voru í VHF-samskiptum við þennan hóp seinnipartinn í gær? Flest okkar vita, að þær aðstæður geta komið upp að skynsamlegast sé að "láta þar nótt sem nemur" og halda kyrru fyrir uns veður gengur niður fremur en halda áfram að basla í einhverju tilgangsleysi. Þá er náttúrulega höfuðatriði að geta látið vita af sér. Til þess er fjarskiptabúnaðurinn ekki síst ætlaður, þótt gott og gagnlegt sé að geta "chattað" milli bíla. Nú veit ég ekkert um þetta tiltekna atvik, en sú hætta er stundum fyrir hendi, að einhver í 25 gráðu hlýrri stofu fari á taugum og ræsi út björgunarsveitir án þess að nokkuð sé í raun að annað en fólk haldi kyrru fyrir í öryggisskyni? Ég þekki það sjálfur að björgunarsveitir fara strax af stað ef einhver andar út úr sér einhverju sem meta má sem óvissu um afdrif ferðafólks. Það lítur björgunarsveitarfólk á sem skyldu sína, sem þau taki á sig t.d. með því að taka við styrktarfé sem þeim berst með einum eða öðrum hætti frá almenningi, t.d. með skoteldakaupum. Björgunarsveitafólk vill frekar fara í tíu ástæðulaus útköll fremur en fara ekki í eitthvert skipti þegar þeirra er í raun þörf. En hinsvegar fékk ég á tilfinninguna við að hlusta á fréttir, að útkall sveitanna hafi fyrst og fremst verið vegna þessara þriggja vélsleðamanna, sem svo fundust við Skjaldbreið. – Er ég kannski að misskilja eitthvað?
Kannast við einn partasala, sem hefur oft bjargað mér, hann heitir Margeir Björnsson, sími 453 8055
svona miðað við það sem maður þekkir. Loftnetið sem er á bátnum hjá mér er ca. 80 cm á að giska, þetta er þá eitthvað milli 1,25 og 1,30 m á lengd eða hvað? En það er í sjálfu sér ekki frágangssök ef þetta passar fyrir rásirnar sem verið er að nota. – En þetta voru athyglisverðar fréttir að Yaesu umboðið sé komið á sama stað og Garmin, þ.e.a.s. í þessum sameinaða fyrirtæki, R.Sigm/Vélasalan/Radiomiðun/Hátækni og hvað þau heita nú fyrirtækin sem voru sameinuð þarna í fyrra. Þjónustan við Garmin er allavega til fyrirmyndar finnst mér sem viðskiptavini þeirra.
Einhverntíma voru menn að smíða rörastuðara úr heildregnum rörum og nota þá fyrir loftkúta. Hef ekki séð svoleiðis lengi. Eru menn alveg hættir slíku og reyndist það ekki vel? Manni dettur í hug í þessu samhengi, að ef vandamál hafi komið upp með loft í svona búnaði, gætu sömu vandamál komið upp hvað varðar eldsneyti. Any comments?
Segið mér eitt svona í trúnaði; er ekki reglugerðafarganið eitthvað að setja sig í hálshnúturnar er þeir sjá að slípað hafi verið af bremsudæluhúsum? Varðandi RAM þá góðu bíla, er ekki nóg að leysa þetta með spacer?
Þegar Lödur og rússajeppar voru ráðandi bílategundir notuðu menn ýmsar aðferðir til að reyna að ryðverja freðmýrastálið. Eitt af því var að hita s.n. tannhjólafeiti – keðjufeiti líka kölluð, það er frekar "þurr" feiti, sem safnar lítið í sig drullu en verður samt aldrei alveg þurr eins og tectyl getur orðið. Hinsvegar hef ég fyrir mína parta góða reynslu af teroson – ryðvarnarefnum fremur er tectyl. Man bara ekki í svipinn hver flytur það inn.
Við þurfum að borga fyrir árlega skoðun ökutækja, er nú ekki allt í lagi þótt þar gildi ekki endilega einokun? Það er einn maður sem á þetta allt saman og nú ræður hann í raun verðlagningunni. Sagði einhver einkavinavæðing?
Loftpúðar fást víða. Þekki vel til á einum stað, Partur á Eldshöfðanum, rétt hjá Vöku. Sími 567 8757 eða 587 3720 og spyrðu eftir Viðari. Bróðir Viðars er svo sérfræðingur í að breyta jeppum, ekki síst HiLux og hefur t.d. breytt HiLux á alla kanta fyrir undirritaðan, síminn á verkstæðinu er 567 3444.
Smári Sigurðsson á heiður skilinn fyrir málefnalegan pistil hér að ofan. Myndi taka ofan ef ég ætti hatt!
..botninn á Jeep Rescue, prototypunni? Magnús Norðdahl?
Sá er m.a. með ýmislegt sameiginlegt í undirvagni með Ram 2500
Munurinn á Jeep Unlimited Rubicon og svo þessum sem Einar Steinsson er að linka á er kannski fyrst og fremst sá, að Unlimited-bíllinn er á grind og með húsi sem hægt er að taka af og innrétting öll í samræmi við það. En talsvert meiri torfærubíll reiknar maður með.
Ef ég er að lesa fréttina rétt, þá er meiningin hjá Norðurvegi ehf. að þetta verði 8,5 metra breiður tveggja akreina vegur, þ.e.a.s. ein í hvora átt, en ekki tvær akreinar hvor í sína átt eins og stefnt er að með Suðurlandsveginn, þ.e.a.s. Suðurlandsvegur verður eftir hraðbrautastaðli. En þið hafið væntanleg hlustað á fréttir um nýja og aukna skattlagningu á bílavélar eftir rúmtaki?
Ef ég er að lesa fréttina rétt, þá er meiningin hjá Norðurvegi ehf. að þetta verði 8,5 metra breiður tveggja akreina vegur, þ.e.a.s. ein í hvora átt, en ekki tvær akreinar hvor í sína átt eins og stefnt er að með Suðurlandsveginn, þ.e.a.s. Suðurlandsvegur verður eftir hraðbrautastaðli.
Andið nú með nefninu mínir elskanlegu. Það er alveg ljóst, að það þarf að bæta samgöngur milli Eyjafjarðarsvæðisins og höfuðborgarsvæðisins og raunar áfram til Miðausturlandsins. Þetta eru þeir hlutar landsins sem skynsamlegt er að halda í byggð og því þarf að bæta innbyrðis samgöngur þarna í milli. Það er náttúrulega fáránlegt að fólk sem á leið milli Akureyrar og Reykjavíkur þurfi að taka alla þá króka á leið sína sem felst í því að fara vestur um allar holtavörðuheiðar til þess, þegar hægt er að komast mun styttri og hagkvæmari leið, þar sem lítið er um mannvirki og hægt að hafa veglínur tiltölulega beinar, fljóteknar og slysaminni þar af leiðandi. Megin flutningsleiðir milli þessara staða þurfa að bera meira en núverandi vegur og því er heppilegast að þetta falli að og sé í beinu samhengi við samgöngubætur austur fyrir fjall til Selfoss og annarra byggða Suðurlands. Svo má ekki gleyma því, að allar líkur eru á að mjög erfitt verði að halda vegi sunnan við núverandi Breiðamerkurlón, og því verður að koma á betri samgönguleiðum við Miðausturland með tengingum við Eyjafjarðarsvæðið, sem myndu þá í leiðinni tengja þessi tvö svæði saman og styrkja þau í leiðinni.
Ég segi nú eins og Ofsi, hvað hefur maðurinn fyrir sér? Svona fullyrðingar verka yfirleitt þannig á mig að ég fer í einhverskonar baklás. Þetta hlýtur að vera meira og minna óskhyggja. Svo held ég að þeir sem halda að það sé hægt að stórauka tekjur af hálendinu með því að láglendisvæða það, með brúm, uppbyggðum vegum, fækkun á "leyfðum" slóðum o.s.frv. verði síður en svo til að auka tekjur og traffík að þessu marki. Málið er, að það sem erlendir gestir eru að sækjast eftir eru EKKI uppbyggðir vegir og brýr. Ævintýrið felst í því að þetta sé EKKI til staðar. Svo er nú hitt, að manni finnst að í dag sé fjöldi erlendra ferðalanga á hálendinu á dæmigerðum sumardegi kominn eiginlega upp fyrir það mark, að maður hreinlega nenni að fara um hálendið. Síðustu ár hefur mér beinlínis fundist að maður sé fyrir, hvar sem maður fer um hálendið, íslendingurinn sé eiginlega óæskilegur, hálfgerð óhreinindi. Einkum verður maður var við þetta viðhorf hjá fararstjórum, jafnt innlendum sem erlendum ef maður vogar sér að láta sjá sig til dæmis við ferðafélagsskála að kvöldi til, og það alveg án tillits til þess hvort þessir sömu aðilar hafa einhvern forgang hvað varðar pantanir á aðstöðu. Þetta flokkast kannski undir eitthvert afbrigði af rasisma hjká mér, það verður bara að hafa það.
…….hlýtur að hafa lært að keyra í snjó á Íslandi
