Forum Replies Created
-
Replies
-
Þetta er auðvitað ágætlega einföld lausn og augljós, þegar búið er að segja manni það!
Aftur takk.
…….það skröltir alltaf heilt helvíti í þessum prófíltengjum fyrir dráttarkúlur – hafa menn fundið einhverja leið til að minnka þann andskota?
Annars er það mín reynsla af því að vera með tengi að framan, að maður notar það talsvert fyrir kúlutengi fyrir kerru, því það er ótrúlega mikið auðveldara að koma þungum kerrum fyrir í þröngu svæði, svo sem mjó stæði eða inn í hús, ef maður getur notað framendann á bílnum til þess. Þetta er ekki sú fjárfesting að hún skilar sér margfalt til baka. Plús þetta sem flestir eru að horfa til, þ.e. að geta tengt sama spilið bæði aftan og framan á bílnum.
….þá skipta forsendur öllu. Í fyrsta lagi felgustærð, í öðru lagi stærð og þyngd bíls, í þriðja lagi hverskonar snjór er undir hjólunum og í fjórða lagi afl og drifgeta bílsins, plús þessir þættir sem erfitt er að skilgreina, svo sem ökulag hvers ökumanns o.s.frv.
Ég held endilega að Mikkjal Agnar hafi rétt fyrir sér, ég þekki ágætlega mann sem er að selja fjórhjól og hann hefur orðið að kanna þetta stöðu sinnar vegna. Hann segist hafa fengið þessar upplýsingar hjá yfirvöldum – að sem sagt bílpróf dugi fyrir fjórhjólin. Hinsvegar er kannski málið eins og kemur fram hér ofar, að það eru öll ökutæki hættuleg ef menn hafa ekki skynsemi og fyrirhyggju að leiðarljósi.
http://www.sa.is/frettir/almennar/nr/3879/
Rakst á þennan þráð þegar ég var að snuðra í fréttabréfi Samtaka atvinnulífsins.
Þykist vita að ekki séu allar meðal vor sammála því sem þarna kemur fram, en hvað um það. Allir hafa rétt til skoðana sinna.
Sæll Olgeir og þakka þér fyrir kveðjur, sem ég hef fengið frá þér síðustu daga! – Mér var kennt á sínum tíma að þetta hétu bara Hagakvíslar, sem koma þarna undan kvíslunum sem renna undan skriðjöklunum sem eru sitt hvoru megin við fellið Háhyrnu, síðan kemur Nýjadalskvíslin saman við þær og eftir það heitir það Fjórðungakvísl, að mér var sagt. Ég hef haft mikið traust á heimildamanni mínum varðandi örnefni á hálendinu og vona að ég fari rétt með þetta.
kv. gþg
Ég ætla bara að fara vinsamlegast fram á það að menn geri hvorki grín að LandRover, né heldur Erni Ingólfssyni, vini mínum og bílnum hans. Öllum, sem hafa átt LandRover þykir mikið til þeirra koma, þrátt fyrir ýmislegt sem sumum finnst galli við þá, en öðrum þykir partur af því að vera á LandRover. Það er eins með Örn Dalamann og Trabantinn, allir sem hafa kynnst þeim hafa mætur á þeim "feðgum" báðum. Fyrir nú utan hvað hann Dali er skemmtilegur sögumaður!
kv. ólsarinn.
Held að það sé enginn vafi núna eftir að KLM er orðinn ráðherra samgöngumála, að þessi vegur verður lagður í einkaframkvæmd og á honum verður gjaldtaka. Eins og ég hef reyndar vísað til áður, þá er fróðleg umfjöllun um veðurathuganir á þessu svæði á heimasíðu Veðurstofunnar, sem Hreinn Hjartarson, veðurfræðingur og deildarstjóri á VÍ hefur tekið saman. Ég held að hvað sem fólki í 4×4 klúbbnum finnst, þá séu það valdamiklir aðilar í þjóðfélaginu tilbúnir til að koma að þessu máli, að það gildi einu þótt einhver hópur "kolvitlausra umhverfissóða" eins og ég hef stundum verið kallaður vegna áhuga míns á jeppum, hafi á móti veginum. Það eru einfaldlega of miklir hagsmunir í spilinu. Freðmýrasvæði eins og Guðlaugstungur/Álfgeirstungur/Svörtutungur hafa þar ekki mikið vægi þótt friðaðar hafi verið. Þess utan gæti þessi vegagerð tengst áformum um vatnaflutninga af vatnasvæði Vestari-Jökulsár yfir í inntökumannvirki s.k. Skatastaðavirkjunar, en sú virkjun verður væntanlega nauðsynleg vegna áforma um álver á Bakka við Húsavík.
Hofsjökull er afskaplega mikið sprunginn og verður aldrei nógsamlega varað við því að hafa allan vara á ferðum um jökulinn. Eftir að á snjóinn er komið og verra er að sjá sprungurnar, er vissara að halda sig í lægðunum. Hæðirnar eru oftast krosssprungnar. Á þessum tíma árs, sem þú ert að tala um að fara, er orðið talsvert langt upp í snjóinn, og þið félagar þurfið að vera undir það búnir að vaða krapa talsvert langa leið. Víða er s.k. jaðarfönn við jökulbrún fram eftir sumri, en þegar henni sleppir eruð þið að ganga á jökulísnum og getið ekki notað skíðin þar, fyrr en að leysingasvæðinu er komið. Þetta er misjafnlega langt eftir árferði og einnig hvar er verið að fara. Hér á þessum vef getið þið fengið GPS-leiðir til að fara eftir, en leiðir sem er óhætt að aka bílum eftir eru jafnframt í lagi fyrir ykkur. Að norðanverðu er yfirleitt í lagi að taka stefnu beint í áttina að Íngólfsskála, en síðasti spölurinn ofan af jökli er nokkuð brattur ofan í Austari-Krók. Minni bratti er vestan við Krókafellið, en þá eru menn líka komnir í þá stöðu að þurfa að fara yfir kvíslarnar. Það er talsvert löng leið frá jökuljaðri að Ingólfsskála og þarna er bílaslóð langleiðina eftir hrauninu, sem er all sandorpið næst jöklinum. Kunnugastur hér norðanmanna á Hofsjökli hygg ég að sé Böðvar Finnbogason í Varmahlíð, sem hefur í fjölda ára verið í forystu fyrir Flugbjörgunarsveitinni í Skagafirði og þér er ábyggilega óhætt að bjalla í hann, þetta er mikill sómamaður. En á þessum árstíma er líka vissara að hafa samband við Ágúst Guðmundsson á Sauðárkróki upp á gistingu í Ingólfsskála, því hann er ansi mikið ásettur í júlí og ágúst. Góða ferð.
Líklega borgar sig ekki að vera með neina gátukeppni í þessu, þannig að þú verður bara að fá að setja hann einhversstaðar upp á lyftu og láta hlusta þetta til að staðsetja hvininn. Þegar upp er staðið er það trúlega bæði ódýrast og öruggast.
Allt bendir þetta til þess að við fáum símakerfi, sem gefur sömu "dekkun" plús tækniframfarir. Það er veruleg framför ef þetta kerfi nýtist til gagnaflutnings finnst mér. Haldiði að það verði munur að geta farið inn á Netið á fjöllum uppi und so weiter?
Þegar upphaflega samvinnunefndin um svæðisskipulag Miðhálendisins skilaði af sér, var gert ráð fyrir svæði fyrir vegi um Kjöl og Sprengisand, auk Fjallabaksleiðar nyrðri. Reyndar var ekki gert ráð fyrir heilsársvegum í þeim tillögum, en öðru eins hefur nú verið breytt í gegn um tíðina. Þar var hinsvegar ekki gert ráð fyrir að vegurinn færi austur yfir Blöndu sunnan núverandi stíflulóns, eins og mér skilst að verið sé að tala um. Nýi samgönguráðherrann var yfirlýstur stuðningsmaður heilsársvegar yfir Kjöl í vetur, meðan hann var óbreyttur þingmaður í stjórnarandstöðu. Varla hefur afstaða hans breyst mikið. Þetta er líka sótt fast af áhrifaöflum í hans kjördæmi og hann getur varla beitt sér á móti þeim eða hvað? Bendi fólki á skýrslu Hreins Hjartarsonar veðurfræðings og deildarstjóra á VÍ um veðurmælingar á svæðinu. Sú skýrsla er heilsársvegi á þessum slóðum varla til framdráttar – og við skulum muna að þrátt fyrir þetta er Hreinn Akureyringur það best ég veit.
http://www2.vedur.is/um-vi/frettir/2007/nr/932
http://www.visir.is/article/20070525/FRETTIR01/70525064
Væntanlega verður ekki hægt að nota gömlu símtækin þótt þetta sé á 450 Mhz sviðinu líka, eða hvað?
Átti einmitt 1972 árgerðina af Scout II, hann var reyndar með "hálf átta" sleggjunni, 192 cid minnir mig – ekkert sérstaklega snarpur en déskoti mikið torque og sennilega ódrepandi mótor þannig lagað séð. Þetta var fyrir daga alvöru dekkja og ég var bara með L78-15" undir honum, sem þótt nú bara þokkalegt þá! En bodyið var óskaplega ryðsækið, enda var held ég ryðvörnin í þá daga ekki neitt sérstök og allra sístir voru bílar frá ameríkuhreppi. Verksmiðjur gerðu yfirleitt ekki neitt til að verja stálið í þá daga. En drifrásin var nokkuð sterk, mig minnir að það væri dana 44 að framan, man bara ekki afturásinn. Getur verið að original hlutföllin með þessari 4ra cyl sleggju hafi verið 4,86:1 ? Er bara búinn að gleyma þessu enda 30 ár síðan ég seldi gripinn!
Sko, mér hættir nú alltaf til að fara að tala um bátavélar og sjálfsagt allir orðnir leiðir á því. Hinsvegar er Yanmar mótor í bátnum mínum – sem er náttúrulega Toyota eins og allir vita – og coolerinn á honum er vökvakældur, en eins og þeir sem til þekkja vita, er ekki venjulegur kælikassi yfirleitt í bátavélum,heldur er á þeim sjókæling, sjó er dælt í gegnum búnað sem flytur varmann frá vélinni og svo fer þetta venjulega út með pústinu, en það er önnur saga. Hvað um það, þessi millikælar virka bara ágætlega í þúsundum bátavéla og því skyldi ekki vera sama að segja um bílvélar?
Flott peysa!
Flott peysa!
Játa að ég hef voðalega lítið farið annað en þetta venjulega og því ekkert nýtt í tækinu hjá mér. Allur tími utan vinnunnar hefur farið í vorverk í bústaðnum og svoleiðis hjakk. Þarf að skreppa á Strandirnar á slóðir minnar heittelskuðu eiginkonu einhverntíma í vor, skal senda þér þá vegaferla þegar það er frá.
Ef eitthvað er greitt fyrir þessa ferlun, finnst mér að félagið sem slíkt eigi að njóta þess og það geti svo eitthvað komið til móts við þá örfáu sem hafa verið að leggja á sig mikla vinnu, kostnað og fyrirhöfn í sambandi við verkefnið. Tek það fram varðandi þá örfáu ferla sem frá mér eru komnir vil ég gjarna að þetta fari þá leið.
Ég fer eins og fleiri stundum niður á Kanarí og þar sér maður þessa bíla. Nú eru eyjarnar hluti af ríki Spánarkonungs og því teljast þær til Evrópusambandsins þannig lagað séð. Dálítið magnað ef Brussell – regluverkið virkar síður þar en hér á skerinu. Varðandi sporvídd, ég hef nú ekki mikið vit á þessu, en gæti mismunandi sporvídd tengst eitthvað öðruvísi felgum?
Það hefur verið komið hér inn á ansi margt merkilegt og lærdómsríkt. Líklega stendur upp úr, að þróun bílabreytinga er fráleitt lokið, enda breytast þessir bílar sem verið er að eiga við stöðugt, nýjar týpur koma fram o.s.frv. Það er auðvitað deginum ljósara að meðan við lendum ekki í því sama hér og í USA, þ.e. að mjög takmarkað sé hversu mikið má breyta bílum sem eru í almennri umferð, verðum við að gera okkur ljóst að það er brýnt að breytingar á mikilvægastu þáttum í stjórnbúnaði bifreiðar, þ.e. hemlum og stýrisbúnaði, verða að vera gerðar á þann hátt að það rýri ekki stjórnhæfni þeirra eða séu það illa gerðar að þær bregðist á ögurstundu og bílarnir geti orðið hrein drápstæki, ekki síst gagnvart öðru fólki í umferðinni. Það er ekki nóg að eigandi beri ábyrgðina, hún getur svo sem verið ágæt, en hún færir okkur ekki látið fólk aftur, né bætir alvarlegt líkamstjón. Það var m.a. komið inn á suður hér að ofan og bent á mikilvægi þess að þær séu rétt unnar. Það er auðvitað ekki sama hvað er verið að sjóða frá sjónarmiði öryggis. Við eigum því að ræða þessa hluti með opnum huga án þess að loka okkur fyrirfram inni í einhverju mótþróahorni. M´rr finnst t.d. ákaflega góð fyrirmynd að slíkri umræðu hvernig t.d. Skúli H.Skúlason nálgast þetta hér að ofan auk þess sem ég held að það sé óhætt fyrir marga að lesa með athygli það sem hann Freysi vinur minn segir hér að ofan. Fáir eru honum reyndari á þessu sviði, hvort sem er á sviði ferðalaga eða hönnunar.
