Forum Replies Created
-
Replies
-
Það hefur nú viljað loða við þessa fabrikku, að það sé eiginlega ekki alveg búið að ljúka við smíðina á framleiðsluvörunum þegar þær fara á markað. Ein ágætur maður, sem hefur mikið þurft að sinna viðgerðum á Land Rover af öllum typum og módelum hefur það við orð, að þeir hjá Lucas hafi fundið upp myrkrið! Honum finnst rafkerfi þeirra ekki vera til fyrirmyndar sumsé. Það kemur því ekki á óvart að einhverjir rofar séu ekki í lagi.
Þetta hafði farið framhjá mér. Nú skil ég hvað einn "náttúruverndarsinni" var að meina hér um helgina. Hann (þetta er karl) var þeirrar skoðunar, að þetta væri ein af aðferðum "karlrembusvína" til að hygla eigendum stóru og dýru jeppanna í andstöðu við umhverfið! – Þessi sá merkið í afturrúðunni hjá mér og þurfti að skamma mig!
Eins og hann Glanni segir hér ofar, þá er kannski meginmálið í þessu öllu saman, að skattlagning eldsneytis á bíla er komin út úr öllu korti. Ef það væri nú svo, að eldsneytisskattar og aðrir skattar á bifreiðar (sbr. bifreiðagjaldið sem er innheimt tvisvar á ári) rynnu til vegagerðar og vegaviðhalds og aðgerða til að bæta umferðaröryggi, þá væri viðhorf okkar margra hverra annað. En því er einfaldlega ekki þannig varið.
Ef mig misminnir ekki, átti þetta gjald að vera sama krónutala af dieseleldsneyti og benzíni. Hinsvegar var staðan þannig þegar nýja kerfið var tekið upp, að það hefði leitt til þess að dieseleldsneytið hefði orðið miklu dýrara, því þá var þróunin á heimsmörkuðum orðin í stíl við það sem er núna. Því var ákveðið að "halda inni" 4 krónum af því gjaldi, sem dieselskatturinn hefði átt að vera. Þannig að fjármálaráðherra getur með einu pennastriki hækkað dieseleldsneytið um heilar fjórar krónur á lítra hvenær sem er. Mér skilst raunar, að nýja útfærslan á þungaskatti – hafa hann í eldsneytisverðinu – hafi leitt til þess að margfalt hærri upphæð hafi komið inn en var áður í gamla kerfinu.
Veit einhver frekar hvað er í gangi þarna, hvaða fólk þetta er og svona?
Helst vekur þetta upp vangaveltur um fjarskipti, sem búið er að fara margsinnis ofan í hér á vettvangi okkar. Mér skilst að fólk sé farið að kvarta yfir að NMt-samband sé orðið mun gloppóttara en það var. Satt að segja kemur það ekki ýkja mikið á óvart, því kerfinu mun eitthvað lítið haldið við, m.a. vegna varahlutaskorts að sögn.
http://www-5.jeep.com/vehsuite/VehicleCompare.jsp
Skv. þessu þá er tómaþungi á bílnum rétt um 2 metric tons og heildarþungi um 2,5 tonn – Er það ekki eitthvað svipað og á LC120? – þannig að með standard vélinni, 6 cyl. bensínrokk, hefur maður 202 hross til reiðu. Einhvernveginn finnst mér að það eigi að duga öllu venjulegu fólki miðað við að mörg okkar eru með talsvert þyngri bíla, eins og t.d. Pajero og Patrol svo dæmi sé tekið, með allmiklu aflminni vélar og sýnist manni að þeir komist leiðar sinnar. Ég ætla svo sem ekki að gera lítið úr því að þessi bíll yrði aldeilis skemmtilegur með Hemi mótor, ekki spurning! – Eitthvað er komið til landsins nú þegar af þessum bílum, ég sá einn á Eldshöfðanum á dögunum, ekki langt frá Parti, og var sá greinilega ekki löngu kominn til landsins. Gaman verður að sjá þegar íslenskir breytingasnillingar eru búnir að fara höndum um þá. Nóg er hægt að fá af aftermarket dóti í þá allavega.
Frá því að maður sá fyrst þennan fimm dyra Jeep Wrangler Unlimited Rubicon fannst mér augljóst að þarna væri kominn jeppINN sem maður hefur alla tíð séð fyrir sér í draumum sínum. Þarna er allt fyrir hendi. Fjöðrunarbúnaður, hásingar á báðum endum, læsingar í drifum, aftermarket búnaður sem uppfyllir villtustu drauma, aflmiklar vélar, ágætur búnaður, auðveldur í umgengni og þægilegt að breyta bílnum. Hvað getur maður beðið um meira? Svo er þetta með vélarnar. Mér finnst nú að margar þessar þriðju kynslóðar common rail dieselvélar vera farnar að eyða býsna miklu. 2nd generation var að eyða minnu í flestum tilvikum og maður óttast að þegar farið er að taka 170+ hestöfl út úr 2,5 lítra vél sé ekki hægt að búast við löngum líftíma. Svo bætist við, að ennþá er opin heimild fyrir ríkissjóð að hækka verð á diesel fuel um 4 kr. pr. lítra til að skattlagning verði sú sama og á bensín. Þar til viðbótar er heimsmarkaðsverð á diesel fuel stöðugt að hækka umfram hækkanir á bensíni. Þarna vegur líka að bensínvélar eru stöðugt að verða hagkvæmari í rekstri og fjárinn hafi það, þær verða lengst af snarpari og gangþýðari en diesel rokkarnir. Margar V6 og maður tali nú ekki um V8 vélar eru með low end torque sem jafnast á við diesel rokka. Sumsé: Ef ég væri að kaupa svona Wrangler myndi ég hiklaust taka hann með bensínvél. Ekki spurning.
Djöfuls rugl er í þessum kontóristum í Evrópusambandinu. Toy LC120 er að eyða svona helmingi af því sem sumar snobbtíkur framleiddar og hannaðar af evrópskum fabrikkum eru að gera. Það er líklega umhverfisvænna að keyra á þessum stóru hraðbrautadrekum þjóðverjanna ellegar "Chelsea-tractors" kolabretans sem fara með 25 á hundraðið? Maður er búinn að fá upp í háls af þessum tæknilegu viðskiptahindrunum frá Brussell eins og t.d. því að fá ekki að flytja inn og nota Patrol með 6 cyl. 4,3 lítra vél. Þvílíkt andskotans rugl. En LC120 verður áreiðanlega áfram á markaði í USA undir Lexus-merkinu eins og verið hefur. Svo er nú líka til þar eitthvað sem heitir FourRunner á sama undirvagni þar westra ekki satt? Kannski verður bara bannað að flytja inn bíla frá USA? – Minn draumabíll er reyndar Jeep Rubicon Unlimited með 230 ha. diesel, fjogurra dyra, læstur original aftan og framan. Allskonar aftermarket dót til í úrvali westra og líka í Ástralíu.
..er að selja svona úðarabrúsa, sem verkstæði eru að nota undir svonalagað. Nokkuð dýrt miðað við t.d. það sem Húsasmiðjan er að selja, en þolir að vera notað, sem hlýtur til lengri tíma litið að skipta höfuðmáli.
ARB er náttúrulega nokkuð sem er orðið þrautreynt og nokkuð öruggt fyrirtæki á bak við pródúktið, svona miðað við aftermarket dót yfirleitt. Tek undir það sem fram kom hér ofar að slöngurnar, sem fylgja ARB eru varla nógu öruggar. Menn hafa verið með ýmsar leiðir til að minnka hættuna á að þær fari í sundur og fari að leka. Ein er sú að setja gasslöngu utan um plastið þar sem mest reynir á, þ.e. frá hásingu og upp í grind. Ég hef sjálfur orðið fyrir því að slanga slitnaði hreinlega vegna ísingar, var þá í krapatúr og óþverrinn fraus. Það er situation sem flestir þekkja sem hafa eitthvað að ráði flækst í slíkum skilyrðum. Eftir það varði ég slöngurnar með þessu móti og tjónaði þar ekki eftir það, en auðvitað er ekkert til sem heitir öruggt í þessu.
Hinsvegar má ég til með að nefna, að þegar ég skipti á sínum tíma úr 2,4 í 2,8 í mínum gamla, þá datt eyðslan niður úr ca. 16 – 17 í snatti niður í 13 – 14 og í þjóðvegaakstri niður í 9 – 10 pr. 100 km – svo þýðir ekkert að tala um eyðslu á hundrað km þegar komið er í snjóinn, líklega væri þá réttara að tala um eyðslu á tímaeiningu frekar en vegalengd. Talandi um minn gamla HiLux KT 376, þá sá ég í Fréttablaðinu í fyrradag minnir mig að hann væri til sölu. Hann er sumsé til ennþá og ökufær, merkilegt nokk.
Manni hefur nú sýnst gegn um tíðina að leoemm sé dálítið öfgafenginn í skoðunum og álit hans á bílum finnst manni stundum miðað við akstur á rétttrúnaðarátóbönum sem uppfylla staðla býrokratanna í Brussell. – Einhvernveginn hef ég trú á því, að það séu nú ansi margir hér á landi í hópi þeirra sem hafa notað jeppa sem jeppa þeirrar skoðunar, að LC 80 sé afskaplega vel heppnuð fjórhjóladrifsbifreið, hvort sem maður ætlar að nota tækið óbreytt eða breyta því. Það eru því miður ekki margir bílar á markaði nú sem standa honum á sporði, enda markvisst stefnt að því að gera alla svona bíla að drossíum til malbiksnota í sólskini. Ég reikna með að ef skriffinnarnir í Brussell hefðu ekki komið í veg fyrir að Patrol fengist hér með þeirri vél sem hann var upphaflega hannaður fyrir, þ.e. þessa stóru 6 cyl. 4,3 lítra eða hvað hún nú er, þá væri sá bíll einhver sá vinsælasti hérlendis. Þ.e.a.s. meðan hann kemur ekki grindarlaus með fólksbílaklafa allan hringinn eins og Pajero. Það má reyndar ekki gleyma hér að tala um Defenderinn, en á hann vantar tilfinnanlega veðurhelda yfirbyggingu.
Það sem gerir Toyota bíla eftirsóknarverðari en flesta aðra bíla er ekki eingöngu að gæði og ending þeirra er líklega jafnbetri en annarra, heldur er þjónusta Toyota – umboðsins alveg pottþétt. Þetta hefur m.a. það í för með sér að endursöluverð Toyota – bíla er talsvert hærra en annarra bíla, sem hægt er að bera þá saman við varðandi búnað, nývirði og slíkt. Annars er margt í sambandi við bílategundir nánast trúarbrögð hjá fólki, en svona eru nú hinar gallhörðu staðreyndir.
Tectyl, Teroson eða sambærilegt. Keðju/tannhjólafeiti kann að koma til greina, en verður að hita hana áður svo hún fari inn í allar skonsur. Hef hinsvegar reynslu fyrir því að þetta er mjög gott upp á ryð, t.d. í HiLux en ryðvarnarfyrirtækin virðast ekki vanda það nógu vel að blása ryðvörn inn í sílsana. En það þarf að þvo þetta mjög vandlega með heitu vatni undir þrýstingu og þurrka vel með blæstri á eftir, ef þetta á að koma að fullu gagni.
Það er býsna fróðlegt fyrir þá sem lítið vit hafa á tækni að lesa þennan þráð. Málið er nú kannski það, að við erum orðin svo vön því öll að nota NMT með kostum þess og göllum, að okkur verður meira að segja eftirsjón að göllunum! En hvað um það, mér finnst nú að það sem Einar Kjartans segir hér síðast hljóma skynsamlega. Ég er að vísu ekki jeppaeigandi sem stendur, verð kannski ekki oftar enda er ég orðinn gamall, en ég á ennþá HF – stöðina mína með öllu tilheyrandi og myndi án efa setja hana í jeppa ef og þegar ég myndi eignast einn slíkan aftur. VHF-stöðvarnar hafa líka sína kosti og hvorttveggja þetta tvennt hefur þann kost að það er hægt að tala saman milli stöðva/bíla þótt eitthvert miðlægt stjórnkerfi í Skógarhlíð eða annarsstaðar verði straumlaust eða bili, nú ellegar þá að einhver snillingur á skurðgröfu taki í sundur ljósleiðara þegar verst gegnir. Þarfir mínar sem trillukarls eru nokkuð aðrar, enda það svolítið önnur deild eða þannig. Það er verið að ota því að manni á þeim vettvangi, að Tetra – kerfið muni með einni stöð koma í staðinn fyrir símann, sem flestir eru með (NMT) í bátunum, VHF-skyldustöðina og STK-sjálfvirku tilkynningaskylduna. Að vísu sá þverhausinn ég þann vankant við þetta að maður yrði algjörlega háður einu tæki, í stað þess að þrjú tæki gætu komið að einhverju leyti hvert í stað hinna. STK-tækið gerir að vísu ekkert annað en sýna á einhverjum skjá í Skógarhlíð hvar maður er staddur. En nóg um það. Búksorgir trillukarla eiga takmarkað erindi hér. Það virðist þó auðsætt, að enn eru of margir endar lausir til að maður geti áttað sig á því hvað hentar best á hálendinu af þessum kostum, sem eru í boði. Versta niðurstaðan yrði þó sú, að svo margir verði að kljást um bitann að enginn verði með nægilega góða þjónustu vegna þess að hún ber sig ekki. Eins og einhver benti þó á hér nokkru ofar hvílir ákveðin skylda á Símanum gagnvart P & F og Fjarskiptasjóður á að einhverju leyti að styðja við þjónustuna þar sem arðbærni kerfisins er ekki nægileg. En ég verð að segja eins og er að það er ansi freistandi fyrir þá sem hafa ekki rúm fjárráð ef sú fullyrðing Vodafone stenst að hægt verði að nota venjulegan GSM – síma við þeirra kerfi. Kannski er nú bara málið það, að þeir sem ekki hafa ráð á dýrum búnaði eigi ekkert erindi í vetrarferðir á hálendi og jökla?
NMT kerfið hefur eins og við öll vitum verið notað bæði á sjó og landi. Þetta kerfi hefur verið afar vinsælt af strandveiðiflotanum og raunar af togurum líka, þótt þeir verði að láta sér nægja Iridium og þess háttar tækni þegar þeir eru komnir niður á Hrygg eða norður í Barentshaf.
Menn hafa því verið mjög uggandi varðandi það hvort fiskiskipin (og önnur skip) verði án viðunandi þjónustu á þessu sviði. Nú skilst mér að verið sé að ýta að mönnum Tetra-kerfinu, því það verði bæði nýtanlegt til fjarskipta og komið bæði í staðinn fyrir VHF-stöð (skyldustöð) og síma og að auki í staðinn fyrir STK- tækið (sjálfvirku tilkynningaskylduna). Því veldur það manni svolitlum efa í þessu samhengi að hér hef ég lesið komment frá fólki sem ég hef trúað að hafi vit á þessum málum í þá veru að Tetra sé tiltölulega lélegt sem símkerfi en gott sem talstöð, auk þess sem stjórnendur þess geta eliminerað öll almenn viðskipti þegar forgangsnotkun er í gangi, sem getur þá verið ansi oft, t.d. hvað varðar sjúkralið og lögreglu til dæmis. Það er nú svo bæði á sjó og landi, að þegar veður er slæmt eða eitthvað viðlíka í gangi, þá eru jafnframt mestar líkur á að forgangsnotkunar þurfi við. Jafnframt eru þá líka mestar líkur á að almennir notendur þurfi á sambandi að halda til að láta vita af sér, eða tilkynna um slys og aðra neyð. Þetta er orðið svolítið flókið, eða er ég að misskilja eitthvað í þessu?
Ómar Ragnarsson var að spjalla um gamla bíla með íslenskum yfirbyggingum á bloggsíðunni sinni. Þarft mál að fitja upp á eins og Ómari er lagið. Nú dettur manni í hug í framhaldi af því sem sagt hefur verið hér að ofan, hvort menn sjái einhvern flöt á því að hafa einhverskonar samstarf eða samband við það ágæta félag Fornbílaklúbbinn um skrásetningu og söfnun mynda af þeim tegundum yfirbygginga, sem þekktar eru á árunum 1945 – 1965, þegar algengast var að byggja yfir hinar ýmsu tegundir jeppa. Broncoinn var meðal þeirra bíla, sem byggt var yfir, þótt ekki væri mikið um það, en þó var nokkuð um að þeir væru innréttaðir og húsið styrkt, sem og að gluggar væru stækkaðir og þeim breytt. Ég átti t.d. Bronco 1967 sem ég keypti gamlan 1982 og held ég hafi selt hann 1986 eða 1987. Mér finnst að það hafi verið komið á sjötta ár sem ég átti gripinn. Sá hafði fengið svona "treatment" og var alveg ágætur að innan. Kannski er óþarfi að flokka þetta með yfirbyggingum, en þó. Hvað segið þið um þetta, félagar góðir?
Eins og reyndar er búið að taka fram hér, þá er í sjálfu sér mjög gott að breyta þessum bílum. Hinsvegar er dálítið mál að koma þeim á alvöru ket, þ.e. 44"+ en það er auðvitað búið að breyta fjölda svona bíla þannig. Sá reyndasti í þessum málum held ég að sé hann Rúnar Jónsson, sem var sem lengst á Pajero – verkstæði Heklu. Hann er núna hér norður í ra…… og það er hægt að ná í hann á vinnutíma í 455 4574, en heima síminn hans er 551 2674 – Nú hef ég ekkert leyfi til að nefna nafnið hans hér og gefa upp símanúmer, en þetta er nú viðræðugóður náungi og félagi í 4×4 svo……
En það sem hann veit ekki um Pajero er ekki þess virði að vita það.
Ég kynntist fyrst sídrifi í Lada – Niva tíkunum sem ég átti í eina tíð. Féll það vel, bæði á malarvegum og ekki síst í hálku. Sídrifið í t.d. LC90/120 er jú þannig, að það er hægt að læsa því og þá er þetta bara eins og venjulegt fjórhjóladrif. Mér finnst satt að segja kostur að hafa möguleikann á því að nýta mismunardrif í millikassa. Mér finnst það gefa bílunum aukna aksturseiginleika bæði á lausamöl og hálku. Ég get ekki rökstutt það fyrir sjálfum mér að sídrif minnki "jeppaeiginleika". Á tímabili a.m.k. var boðið upp á eina millikassatýpu í Wagoneer sem var svipað útfærður og millikassinn í Pajero, þ.e. hægt að hafa bara afturdrif, hafa fjórhjóladrif með mismunardrifi og með læstu mismunardrifi. Mér fannst hinsvegar galli á þessu kerfi í Pajero, að þegar maður var að hjakka og þæfa í ófærð, þá vildi það fara þannig að skiptipungurinn á framdrifinu vildi virka þannig að framdrifið var ekki með þegar maður bakkaði. Einhver sagði mér að ég hefði bara ekki bakkað nógu mikið og lengi til að það tengdist. Það fannst mér hinsvegar ekki góð pólitík og ansi oft yrði það til þess að maður festi sig.
