Forum Replies Created
-
Replies
-
Nýtt fyrir mér að lesa að farin hafi verið önnur jeppaferð á Hnjúkinn eina og sanna, en ætla alls ekki að rengja þá frásögn, þó nú væri. Tek undir með Frey Þórssyni að myndin af því þegar Jeep Comanche þeirra bræðra var spilaður upp hefur til skamms tíma verið fáanleg hjá Bílabúð Benna. Það eru sem betur fer margir til sem tóku þátt í þessum leiðangri og meðal þeirra voru starfsmenn Warn og Four Wheeler og birtist frásögn rituð af blaðamanni FW í að mig minnir tveimur ef ekki þremur tölublöðum ritsins. Sú frásögn er reyndar í nokkrum Hollywood-stíl, en skemmtileg aflestrar eigi að síður.
Nú var að birtast frétt um að Björgunarsveitir á Norðurlandi hefðu sótt "slasaðan" ferðamann í Laugarfell. Jú, jú, hann var sóttur mikil ósköp og reyndist ekki mikið slasaður. En það dettur engum í hug að spyrja hvað eru ferðamenn að gera í Laugarfelli þegar vegir eru allir lokaðir? – Hvað væri gert við mig, ef ég hefði samband við 112 og segðist vera slasaður uppi á hálendinu?
Las einmitt þessa predikun umhverfisráðherra í morgun. Það, sem mér finnst líka vera aðfinnsluvert hjá yfirvöldum er einmitt akstur erlendra ferðalanga á hálendinu, bæði á slóðum og utan þeirra, meðan hálendið er lokað fyrir umferð. Það eru sendar björgunarsveitir með ærnum tilkostnaði – sem þetta lið tekur engan þátt í að greiða – í hverri viku og stundum hvern einasta dag til að sækja erlenda ferðamenn, sem eru að þjösnast á leiðum og slóðum, sem við erum að reyna að hlífa á þessum árstíma. Venjulega bera þessir frekjudallar því við að þeir hafi ekki séð lokunarmerki eða ekki skilið þau. Við því er það einhlíta svar, að Vegagerðin notar lokunarmerki, sem eru stöðluð og notuð hvarvetna á hinu Evrópska efnhagssvæði og eru alstaðar eins og þýða alstaðar það sama. Hringlaga gult merki með rauðum hring yst þýðir að leið sé lokuð, hvort sem þú ert í Austurríki eða á Akureyri, svo einfalt er það. Það á ekki að þurfa neinn texta, sem fólk þarf að lesa. Þessi merki eru þess utan yfirleitt ákaflega áberandi. Ég hef hitt erlenda ferðalanga, sem hafa verið að gera grín að því að við mojackarnir þorum ekki upp á hálendið og kunnum ekki að aka torfærubílum, þeir séu sko að sýna þessu aulaliði hvernig á að aka bíl og komast leiðar sinnar, sem ekki endar reyndar alltaf með því að björgunarsveit þurfi að sækja þá, en verksummerkin sjást svo áratugum skiptir og íslenskum jeppamönnum er svo kennt um. Samtök ferðaþjónustunnar virðast leggja mikla áherslu á að ekki megi styggja erlendu ferðamennina með því að sekta þá fyrir svona athæfi og það er aldrei gert, né heldur eru þeir látnir greiða þann kostnað, sem af þessu leiðir. Svo erum við skammaðir, leiðum lokað fyrir okkur en erlendu túristarnar, nei, nei, þeir verða að fá að keyra þá og þegar þeim sýnist. Svo er þetta lið ekki að skila eyri inn í íslenskt samfélag, því þau koma á sínum bílum með Norrænu, flytja eldsneyti og mat með sér því það er svo dýrt á Íslandi og eina sem þau gera hér er að losa ferðaklósettin í næsta læk!
Já, þetta kemur mér ekki á óvart. Svandís Svavarsdóttir er ekki upphafsmaður þessara hugmynda eftir því sem ég held. Man eftir að einn tiltekinn náungi hreyfði þessari hugmynd á fundi með fyrstu hálendisnefndinni. En hverjum sem datt þetta í hug fyrstum, þá er hugmyndafræðin sú að það megi koma í veg fyrir eða draga úr líkum á a) skaða á umhverfi og b) slysum á fólki með svona ráðstöfunum. Í mínum huga er þetta ein leið til að skattleggja ferðir um hálendið, skapa grunn fyrir sektargreiðslum og draga þar með úr því að aðrir fari um hálendið en tilteknir ferðaþjónustuaðilar, sem eru yfirvöldum þóknanlegir.
Sæll Sigurjón. Við þessari spurningu er ekkert einfalt svar til. Það mótast nefnilega fyrst og fremst af því til hvers þú notar skúffuna á bílnum. Eitt er þó ljóst, að opin skúffa þýðir meiri eldsneytiseyðslu, einkum og sér í lagi í langkeyrslum. Á þeim skúffubílum, sem ég hef átt, hef ég prófað þetta allt. Dúkurinn hefur svo sem ýmsa kosti, en á veturna vildi snjórinn stöku sinnum verða ansi þungur yfir nóttina og slíta festingar og augu á honum. Ef snjórinn þiðnaði og fraus á honum var fjandinn laus. Svo var hann náttúrulega ekki nógu þéttur og þurfti að hafa það í huga þegar maður setti farangur í skúffuna. Palllok eru snyrtileg og leysa m.a. vindmótstöðumálið, en á móti kemur að þau takmarka ansi mikið notagildi skúffunnar til flutnings á fyrirferðarmiklum stykkjum. Það er gera húsin að einhverju marki reyndar líka. Á bílnum sem ég á núna, er ég með farangurskassa úr áli milli hjólkassanna og hann er alveg þéttur og nýtist ágætlega fyrir þann farangur, sem maður þarf að hafa með sér ef setið er í aftursætinu. Aftur á móti dregur kassinn alls ekki nóg úr vindmótstöðu og því situr maður uppi með eyðsluna t.d. í miklum mótvindi. Þetta liggur raunar allt í augum uppi, en þarna tíni ég til þau atriði, sem komið hafa upp hjá mér. Vona að þetta komi samt að einhverju gagni.
Velti fyrir mér hvort verið geti að glóðarkerti séu mjög frábrugðin milli vélargerða í japönsku dísilvélunum, þ.e. milli framleiðenda, svo enginn misskilji hvað ég meina. Mig minnir að í bensínmótorum séu flest original kerti frá NGK í japönskum bílum. Það er hinsvegar hægt að fá passleg kerti frá öðrum stórum framleiðendum. Þá spyr maður sig hvort þetta geti verið eitthvað svipað hvað glóðarkertin varðar?
Hjólaupphengið að aftan er óttalegt klúður á þessum bílum, viðhaldsfrekt og flókið að breyta því. Svo er bíllinn náttúrulega ekki byggður á grind, sem gerir málið líka flóknara.
Það hefur verið mikið rætt um að nota vetni sem orkubera í staðinn fyrir jarðefnaeldsneyti. Slíkt vetni væri þá framleitt með rafgreiningu. Það ferli er tæknilega þekkt og mögulegt. Hitt er annað mál, að enginn fær orku úr engu. Til að framleiða þennan orkubera þarf mikla raforku. Nýting raforkunnar er ekki betri en svo, að það er fjárhagslega vafasamt eins og staðan er í dag, auk þess sem æskilegra væri að nota raforkuna með einum eða öðrum hætti beint til að nýta hana betur. Vetni er vandmeðfarið, það er talsverð sprengihætta í því fólgin að vera með vetnistanka í bílum, sem geta t.d. lent í óhöppum, því vetnið þarf að vera undir miklum þrýstingi. Dr. Sigþór Pétursson við Háskólann á Akureyri (79, Ph.D. í efnafræði kolhydrata (Carbohydrate Chemistry), University of Birmingham) skrifaði nokkrar greinar um þessi mál fyrir fáum árum í m.a. Morgunblaðið. Hann er fróður um hina vísindalegu hlið orkuframleiðslu. Hann birti í þessum greinum útreikninga sína á hagkvæmni vetnisframleiðslu í þeim mæli að hún gæti komið í stað jarðefnaeldsneytis hér á landi. Eldsneytisverð var þá reyndar nokkru lægra en það er nú, en nýting raforkunnar hinsvegar það léleg, að ekki var að sjá að þetta gæti verið hagkvæmur kostur, jafnvel þótt nóg væri af raforkunni.
Það hefur margur maðurinn farið illa á því að herða felgubolta of mikið, einkum á stálfelgum þar sem róin og gatið eru kónísk. Dekkjamaðurinn sem ég skipti við notar alltaf átaksmæli á jeppana, lætur loftlykilinn bara skrúfa róna þétt á en notar svo átaksmæli fyrir "the final touch". Það eru svo til töflur yfir hver herslan á að vera miðað við þyngd bíls, gerð felgu o.s.frv.
Það er nú kannski ekki við því að búast að fleiri en þeir elstu í hópi jeppamanna þekki þessi ágætu hjón, sem urðu fyrir þessu leiða atviki. En það er algjörlega víst í mínum huga að þau eiga það svo sannarlega inni hjá félagsfólki í 4×4 að fá svolitla aðstoð þegar þau þurfa á henni að halda. Viðmót þeirra og aðstoð við jeppafólk á árunum þegar þau voru húsbændur í veðurathuganastöð V.Í. á Hveravöllum gleymist seint þeim sem reyndu og kynntust. Megi þeim vel farnast og nýja árið fara vel með þau í alla staði.
Þetta eru sumsé ekki dekkin, sem lögreglan var að finna?
Áttuð þið þessi dekk, Stína mín? Mikið óskaplega er annars langt síðan maður hefur eitthvað frétt af ykkur hjónunum!
Ég veit nú ekki betur en félagi Jón "Ofsi" Snæland hafi gefið út nokkrar bækur, sem allar eru eiginlega skyldueign jeppamanna, allavega þeirra sem hafa einhvern áhuga á að vita eitthvað um landið sem þeir ferðast um.
http://blog.eyjan.is/pallasgeir/2010/12 … /#comments
Á kannski ekki erindi þarna að öðru leyti en því að þarna er Cherokee á ferðinni.
Jæja, gott fólk, ég sé hvergi að neinn sé farinn að skrifa um nýja reglugerð fjármálaráðuneytis um skattlagningu ökutækja miðað við kolefnislosun. Það fer ekki milli mála, að þar er verið að skattleggja bíla bæði í formi hækkaðs vörugjalds og bifreiðagjalda, þessara sem við greiðum tvisvar á ári, og auka skattinn línulega miðað við vélarstærð. Það er yfirlýst stefna ríkisvaldsins að auka skattheimtuna með þessu móti. Ég var reyndar búinn að heyra að það ætti að skattleggja sérstaklega bíla með fjórhjóladrifi, en sé ekki að það sé gert með þessum nýju reglum. Eru menn eitthvað búnir að setja sig inn í þessi mál?
Það var glatt á hjalla á skemmtistaðnum Mælifelli í gærkvöldi, þar sem félagsfólk í Skagafjarðardeild kom saman og hélt sína árshátíð. Við gæddum okkur á góðum veitingum, í föstu og fljótandi formi (ehemm…..) og eftir borðhald og skemmtiatriði var fjölmennt í Menningarhúsið Miðgarð í Varmahlíð, þar sem Siggi Doddi í hljómsveitinni Von hélt upp á fertugsafmæli sitt með bravúr og dansleik. – Við óbreyttir þökkum stjórn og skemmtinefnd fyrir frábært kvöld. Í þessum félagsskap er nú ekki setið með fýlusvip, heldur er bros á hverju andliti og gleðin ríkir.
Birgir Brynjólfsson var með svona vél í Djáknanum sínum í fjölda ára – og er sennilega enn. Hún virkaði hjá honum allavega. Held þetta séu ansi góðir rokkar og mikið af aftermarket hlutum sem hægt er að fá til að auka aflið.
Mér datt nú í hug í framhaldi af þessu spjalli um vélar í jeppum yfirleitt, að nú hyggst ríkisstjórnin leggja sérstakan kolefnisskatt á "eyðslufreka og þunga" bíla. Við vitum að umhverfisráðherra og líklega flest það fólk sem vinnur í því ráðuneyti, hefur hálfgerða fóbíu gagnvart jeppum. Minnir mig á orðaskak tiltekinnar persónu við mig fyrir nokkru út af fjórhjóladrifnum fólksbíl, sem ég átti þá. Henni fannst ég eiga skilda nafnbótina umhverfissóði af því bíllinn var með drifi á öllum fjórum hjólum. Það er víst ein höfuðsynd, hvað þá ef bíllinn er um eða yfir tvö tonn.
http://www.mbl.is/mm/frettir/innlent/2010/11/04/nyjar_i_stjorn_vatnajokulsthjodgards/
Jæja, hvernig líst mönnum svo á?
Ég sá á vefnum að forráðamenn í Bláfjöllum kvarta yfir ágangi jeppamanna þar á skíðasvæðinu. Nú finnst mér heldur ólíklegt að félagsfólk í f4x4 sé þar á ferð, allavega vil ég ekki trúa því. En þegar svona kemur í fréttum þá eru allir jeppamenn/konur sett undir sama hatt. Ekki þar fyrir, maður skilur vel fólk sem er orðið óþreyjufullt að komast á snjó með sína bíla, en getum við ekki beitt okkur með einhverjum hætti í þá veru að svonalagað gerist ekki, t.d. jafnvel með því að skiptast á um að vera hreinlega með eftirlit á svæðinu?
