Forum Replies Created
-
Replies
-
Bílinn með 2,8 diesel vélinni er yfirleitt með 4,88 drifhlutföll. Þau eru sterk og hafa reynst afskaplega vel og fáir sem ég hef heyrt af vilja skipta um þau. Margir af 2,5 bílunum eru hinsvegar með lægri hlutföll, 1:5,xx einhversstaðar milli 5,12 og 5,29 eftir því sem sést hefur hér á þráðunum. Þau drif eru al flestra mati veikari. Ef dæma má af umræðum hér er trúlega erfitt að fá milligír, en það væri besta lausnin, fremur en skipta út drifhlutföllunum.
Nú eru fleiri fyrirtæki að bjóða GPS-tæki en Magellan og Garmin. Trimble er t.d. mjög stórt í nákvæmnistækjum, sem verkfræðingar og verktakar nota. T.d. held ég að tæki sem vinnuvélum er stjórnað eftir, margir hljóta að hafa séð þau á jarðýtum og sköfurum, séu yfirleitt Trimble. Fleiri eru að framleiða svona tæki bara í Ameríkuhreppi og eitthvað eru þeir að framleiða í Japan.
Þessir bílar eru náttúrulega orðnir legend fyrir löngu. Gallinn er hinsvegar sá að í öllum saltaustrinum hér á skerinu vildu þeir ryðga déskoti hratt, bifvélavirkjar segja mér að það hafi í sumum tilvikum ekki verið staðið rétt að ryðvörn á þeim. Sel það með sama verði og ég keypti. Gangverkið í þeim var hinsvegar harla gott, bæði vélar, gírkassar og drifbúnaður. En – 70 bíllinn er arftaki FJ40 og fyrir nokkrum árum var fluttur inn slatti af þeim, en svo tóku blýantanagararnir í Brussell fyrir þann innflutning. Mig minnir að ég hafi séð hér á einhverjum spjallþræði í haust eða snemma í vetur að eitthvað væri að rofa til í þeim efnum, þessi typa væri nú boðin með mótor sem uppfyllti dellustaðla Evrópusambandsins. Gaman væri ef einhver sem er kunnugur í dularheimum Toyota gæti upplýst þetta.
Reyndar kemur þessi afstaða núverandi umhverfisráðherru manni ekki á óvart miðað við hvernig hún hefur talað undanfarin ár. Ekki efa ég að hún hafi stuðning tiltekins sýslumanns. Þarna talar greinilega einstaklingur, sem notar gömlu, amerísku aðferðina að skjóta fyrst og spyrja svo. Algert aukaatriði að vita hvað maður talar um, aðalatriðið er að fá prik hjá Árna Finnssyni.
Minnist þessi ekki að hafa áður séð eða heyrt menn hrósa breskri hönnun með þessum hætti. Tjallinn gæti nú til dæmis lært að búa til rafkerfi. En Disco-inn er nú í alvöru talað heldur vel látinn af eigendum. Þekki einn sem er búinn að eiga svona bíl í 8 ár held ég og keyra hann mikið. Sá hefur ekki slegið feilpúst svo ég muni eftir.
Þetta fer náttúrulega mikið eftir því hvað þú þarft að kaupa út af vinnu. Ef þú getur gert þetta mikið til sjálfur þarftu að reikna með ca. 250.000 í varahluti. Ég myndi byrja á því að hringja í Japanskar vélar í Hafnarfirði og spyrja hvort þeiri eigi þokkalegan mótor og hvað hann kosti. Auðvitað þarf að taka tillit til fleirri þátta, svo sem hvað bíllinn er nýr/gamall, mikið ekinn o.s.frv. og ekki síst hvað er bilað í mótornum og hvað þú ætlar að taka mikið í gegn. Varahlutaverðið hér fyrir ofan miðaði ég við að skipta um stimpla, legur, tímadraslið, knastás, ventla, o.s.frv. Ef þarf að bora út mótor, hækkar þetta enn. Gangi þér vel.
í 453 6514 – spurðu eftir Tryggva. Mig minnir endilega að hann eigi Phazer sem hefur ekki verið notaður ansi lengi. Svo geturðu prófað 894 2116 Erlendur. Hann á helling af varahlutum, eða átti allavega, var mikið í viðgerðum á Yamaha.
kv.
http://www.gv.is/skrar/File/dekkformula.xls
Þarna finnurðu formúlur til að reikna út núverandi stærð og bera saman við hvað sem er annað
gangi þér vel
kv.
Það er nefnilega tvennt til í þessum með 2000 árgerð, þ.e. það eru til bílar skráðir árgerð 2000 með eldra body og svo aðrir með nýja lagið – grindarlausu bílana með klafa fjöðrun að aftan. Hvað gamla bodyið varðar, er hægt að koma 32" dekkjum undir og jafnvel 33" án þess að gera nokkuð. Ég setti undir 1997 model 33" dekk og gerði ekkert, fór með hann meira að segja í skoðun!
kv.
Eins og Benedikt var að benda á, er einn stærsti kosturinn að það er hægt að stilla þetta við landslag, aftan í mismunandi bíla og eftir mismunandi vegaryfirborði. Eins og kom fram hér hjá einhverjum, þá selja þeir mismunandi tegundir af loftpúðum í Parti og einn eigendanna smíðaði svona í tjaldvagn sem hann á og þetta er gríðarlega skemmtilegt á honum og hvað þá á fellihýsi, sem er talsvert þyngra og eins og bent var á hér ofar, þá eru menn að henda einu og öðru inn í þau þannig að þunginn er ansi mismunandi frá degi til dags – að maður tali nú ekki um vatnstank.
Icecool er reyndar upp í Jökulheimum núna að blóta þorrann, en þegar hann kemur aftur, mætti orða við hann að fara þarna austur og kenna þeim að setja loftpúða undir svona tíkur. En hásíngarnar eru eiginlega meira tough en Unimog!
Ef hún er til ennþá, þá mæli ég með að þú spyrjir ökuskólana hvar hún fáist. Einhversstaðar á ég eitt eintak, en hún er ekki föl.
Þessi bók sem Birgir kunningi minn nefnir var allavega í gamla daga þegar ég var ungur (það er langt síðan, skuluð þið vita!) notuð sem kennslubók í meiraprófsnámskeiðum. Veit ekki hvort svo er enn. Hún var allavega notuð þegar konan mín fór í meiraprófið löngu síðar en ég. En þessi bók er, eins og Birgir réttilega nefnir, hreint afbragð og skýrir á mjög greinilegan hátt hvernig hinir ýmsu hlutir í bílunum virka. Þið skuluð alveg trúa því sem Birgir segir, því hann er fagmaður með langa starfsreynslu.
Átti einu sinni Scout II með hálfátta vél, þessari sem var að mig minnir 192 cid – en í þessum sem er á myndinni, Scout 800, var 152 cid vél ef ég man rétt. Ég hef það eftir manni sem þekkti til í verksmiðjunum, að þessar vélar hafi í raun verið helmingur af 8 cyl vélum, önnur hefði verið helmingur af 304 cid vélinni, sem margir þeirra komu með hingað, en hin helmingur af 380 cid vél, sem hafi verið einhver vörubílamótor frá þeim. Nú veit ég ekki og get ekki sannað hvort þetta er rétt, því sá sem sagði mér er ekki meðal vor lengur. En það var margt ansi gott í þessum bílum. En það var bölvað að aka á þeim í skafrenningi, því lokið á vélarsalnum var nærri lárétt og ansi langt, svo maður sá ekki veginn fyrr en 30 metra fyrir framan bílinn. Þeir komu sumir með 345 cid vél og enn aðrir með 6 cyl línumótor sem mig minnir nú að hafi verið Mopar, en er ekki viss um það. Svo komu fáeinir með Nissan 6 cyl línumótor. Kynntist þeim aldrei neitt.
Vals, ég ætla síst að rengja þig – þessar upplýsingar voru bara í skræðunum sem fylgdu bílunum sem ég hef átt. Trúði þessu bara eins og maður verður eiginlega að gera með þennan litteratur sem fylgir nýjum bílum. – Mér er sagt, að Algrip hafi framleitt milligíra í Mitsubishi-inn nefndur er til sögunnar maður sem heitir Kári. Veit ekki meir, en væri ekki ráð að ræða við t.d. Ljónsstaðabræður eða Benna, þ.e.a.s. þá sem eru vanir samskiptum við USA um hvort hægt sé að fá þetta frá Ameríkuhreppi? Svo eru þeir fyrir westan farnir að glingra við fjögurra gíra millikassa! Kannski er það framtíðin.
Þarna minnir mig að hafi verið linkar á ýmsar töflur í þessu sambandi. Hinsvegar er mér sagt að þegar farið er að fikta í þessu, þurfi nauðsynlega að hafa EGT mæli . Svo er þessi waste gate ventill sem þarf að virka ekki satt?
Original drifin í Pajero munu vera ákaflega sterk og tæknimenn sem ég hef talað við ráðleggja mönnum eindregið að fá sér frekar milligír og nota original drifin. Eftir því sem ég ef fregnað síðan ég skrifaði fyrra innleggið, þá eru drifin úr 2,5 bílunum 1:5,29 en öllum ber saman um að þau séu ekki neitt nálægt því eins sterk og 1:4,88
Ef ég man rétt, þá voru 1:4,88 hlutföll í svona bíl sem ég átti í 6 ár og komu í honum original. Þau hlutföll fóru ágætlega við 33" dekk. Hinsvegar gæti ég trúað að fimmti gírinn yrði ekki mikið notaður á 35" með óbreyttum hlutföllum. Mig minnir að næsta hlutfall fyrir neðan sé 1:5,12 en er ekki nógu viss. Hinsvegar eru þessi original drif í Pajero 2,8 beinsk. afskaplega sterk og eftirsjón að þeim. Ég myndi prófa að keyra bílinn svolítið á þeim til að fá fullreynt hvort maður telur sig geta lifað með þeim áður en ég færi að skipta.
Ég held nefnilega að FÍB maðurinn hafi hitt naglann á höfuðið í fréttatíma Stöðvar2 áðan. Þótt evran hafi verið að hækka í verði, ere staðreyndin hinsvegar sú að US-dollar hefur sáralítið hækkað (lækkað á móti evru) og heimsviðskiptin á olíu og bensíni fara fram í dollurum og hafa alla tíð gert. Á móti kemur, að heimsmarkaðsverð á olíu hefur frekar LÆKKAÐ en hitt síðustu dægur. Enda viðurkenndi Bílanaustsmaðurinn að þeir hefðu hækkað álagningu, vegna kostnaðarhækkana hérna innanlands! Hey, hvaða væl er þetta? Þótt þeir hefðu notað sömu prósentu hefði þetta síhækkandi verð skilað þeim fleiri krónum í tekjur af hverjum bensínlítra! Halda menn að fólk kunni ekki einfaldasta reikning eða hvað? Nú, og svo getum við fylgst með markaðsbreytingum á Netinu, þetta eru engar leyniupplýsingar. Nei, gott fólk, þetta er bara GRÆÐGI af verstu tegund.
Flott að hafa hljóðið þarna með, þótt það hafi nú kitlað magavöðvana meira að standa við hliðina á bílnum, eða allavega minnir mig það! En nú er maður spenntur að sjá projektið sem Óskar er með under construction þegar hann rúllar því út úr skúrnum. Sennilega verður eyðslan á þeim bíl eitthvað minni en 33,7 L/100 km gæti maður trúað.
