Forum Replies Created
-
Replies
-
Þessi þráður er einn sá alskemmtilegasti sem ég man til að hafi orðið til í tengslum við f4x4. Ég var að velta því fyrir mér í tengslum við Unimogana sem verið er að tala um hér fremst í þræðinum, hvort Unimog sem verið hefur "heimilisfastur" að bænum Hvalshöfða í Hrútafirði undanfarin ár og hefur að því manni hefur sýnst verið notaður í skólaakstur, geti verið einn af þessum bílum? Reyndar hef ég ekki séð hann á hlaðinu að Hvalshöfða núna í vor, þannig að hann getur svo sem verið farinn þaðan núna. Spurning hvort einhver af húnvetnsku félögunum getur sagt okkur eitthvað um það?
kv.
Menn hafa nú ekki verið að tala um að fjölmenna í stúku hér á þessum vettvangi, eða þá á Vog! En svona grínlaust, þá er nú einfaldlega málið að mönnum gengur misjafnlega að stjórna drykkju sinni og því miður eru alltaf einhverjir, sem mistekst það alveg. Þá er alltaf hætta á óhöppum. Mér finnst sjálfum ósköp notalegt oft á tíðum að kíkja aðeins í glas í fjallaskála í góðum félagsskap. En það er alveg rétt hjá Robba að það er munur á skemmdarverkum og/eða þjófnaði annarsvegar og fylliríi hinsvegar. En varðandi Nýjadal – ég hef reyndar ekki komið þangað í mörg ár og tala því ekki af eigin þekkingu – þá segja mér kunnugir, að skálarnir séu orðnir lasnir og viðhaldi ábótavant. M.a. séu útihurðir orðnar lélegar og sennilega hrökkvi þær upp af vindálagi fremur en að menn gangi ekki eðlilega um. En hafi menn brotið upp hurðir og lása, er það óhæfuverk, sem ekki á að líða. Hitt er svo aftur annað mál, að það er ekki undarlegt að eitthvað gangi illa í viðhaldi skálanna, ef fólk vill ekki sjá sóma sinn í að endurgjalda afnotin með greiðslu. Sjálfboðaliðsfélög hafa þá takmarkaða getu til að standa í viðgerðum og rekstri. Hvað þá ef menn ganga um ruplandi og rænandi ofan í kaupið eins og ég gat um í sambandi við Ingólfsskála.
að þetta hafi verið gert, þá með túrbínuvélina, tilgangslaust að vera að eltast við hina. Ég held það þurfi einhverjar tilfæringar með gírkassa, það sem sagt sé eitthvert mál að tengja hana við sjálfskiptingu, þessi vél sé ekki ætluð fyrir sjálfskiptingar og það þurfi einhverja fídusa sem ég kann ekki frá að segja. Þannig að þú þyrftir helst að fá gírkassann úr Rocky með vélinni. En þú myndir þurfa að fá þér millikæli við þessa vél, því annars er ég hræddur um að þér brygði illa við hvað kraftinn varðar. Svo þarf áreiðanlega að skipta um hlutföll í drifunum.
Minnir að ég hafi séð nokkuð öflug plastbox í Europris eða einhverri byggingavöruverslun sem pössuðu nokkurn veginn á hrísgrjónapickup.
… í mörgu fé var haft að orðtaki hér áður fyrr. Það er náttúrulega gríðarlegur fjöldi fólks á ferð á fjöllum og hegðun og innræti jafn misjafnt í þeim hópi sem öðrum sem eru nægilega stórir til að geta talist gefa þversnið af heilu þjóðfélagi. Ég hef raunar lítið verið á ferðinni á fjöllum síðustu misseri, en af frásögnum kunningja minna og vina má ráða að þetta háttalag hafi ekki mikið lagast. En það er fleira sem athugavert má telja. Einn af þeim sem hafa lagt hvað mesta vinnu í Ingólfsskála hvað varðar viðhald og umhirðu sagði mér seinast í gær, að þegar Vilhjálmur Kjartansson og félagar komu til árlegrar dvalar þar vegna starfa sinna á Hofsjökli kom í ljós, að gaskútabirgðir þar voru horfnar. Ekki að búið væri að tæma kútana, heldur höfðu sextán ellefu kílóa kútar hreinlega verið teknir. Þeir höfðu reiknað með að geta hitað skálann upp þegar þeir komu þangað, en í staðinn urðu þeir að hírast í köldum skálanum. Það er reyndar búið að gera ráðstafanir til að koma til þeirra nýjum birgðum en söm er þeirra gjörð sem kútana tóku. Mér skildist á þeim sem ég talaði við, að kútarnir hefðu verið tiltækir fyrir skömmu, þannig að þeir hafa verið teknir núna alveg síðustu vikurnar. Nú er auðvitað ljóst að í sextán kútum eru allnokkur verðmæti, eitthvað talsvert á annað hundrað þúsund er mér sagt og því talsvert tjón fyrir 70 manna félag. Það má hinsvegar segja að það megi eiga von á slíku ef verðmæti eru skilin eftir með þessum hætti, en jafn ljóst að gasið yrði ferðafólki ekki að miklu gagni ef ekki væri hægt að komast í að skipta um kúta. Tillitsleysið og sérhyggjan af hálfu þeirra sem tóku í garð annarra ferðalanga er þó kannski ömurlegri. Kannski tengist þetta því að skálanum var læst í haust með svipuðum hætti og gert hefur verið við ýmsa aðra skála og þarna eigi að "ná sér niðri á helvítunum" sem þykjast eiga skálann. Ekki veit ég það.
Satt er það varðandi umgengni. Ég er nokkuð kunnugur þeim sem sjá um Ingólfsskála og þar endaði með því að það þurfti að setja upp lás á skálann, því fólk kom þarna sumar sem vetur, kynti skálann með gasi, sem kostar orðið handlegg og fótlegg, en ekki þótt taka því að leggja eitthvað af mörkum í reksturinn. Ég reikna með því líka, að ferðafélögin þurfi að skoða þessi skálamál upp á nýtt með tilliti til breyttra aðstæðna. Það eru líka að koma til sögunnar einhverjar Evrópureglur frá Brussell sem eru túlkaðar þannig allavega, að það verði að setja upp rennandi vatn, vatnssalerni og baðaðstöðu við svona skála fyrir einhvern tiltekinn tíma og það er ekki alstaðar auðvelt, svo ekki sé meira sagt. Svo má búast við því að þegar búið er að lenda þjóðlendumálunum, verði farið að reka hornin í þessa skála, því þeir eru langflestir inni á þeim svæðum.
er það svo ekki málið að þjóðgarðslögin og reglugerð um hann setur eigendum skála innan hans svo strangar lífsreglur, að það auki líka svo á kostnaðinn að félögin treysta sér ekki til að halda áfram? Vonandi fer það ekki á sömu leið með t.d. Sigurðarskála og með Hveravelli, en þar hefur manni fundist öll umhirða og umgengni fara hratt niður á við eftir að Ferðafélagið gafst upp fyrir ofríki s.n. "landeigenda" og maður talar nú ekki um eftir að Veðurstofan hætti að hafa sitt fólk þarna uppfrá.
fyrir beadlock wheels. – Tire Bead er svo sem ekkert annað en enska heitið á dekkkantinum.
En þetta heitir ekki Beat-lock! Beat er allt annað! Fyrir alla lifandi muni látið ekki þá sem eiga ensku að móðurmáli sjá þann rithátt, það gæti illilega misskilist.
Það hefur raunar komið fram áður, að í útvarpi ríksins, sem við verðum að borga afnotagjald af hvort sem við viljum eða ekki, hefur sennilega í allan vetur verið þáttur eftir hádegi á laugardögum sem stýrt er af Hjálmari nokkrum Sveinssyni. Útvarpsþætti þessum er trúlega ætlað að vera þjóðfélagsrýni öðrum þræði á forsendum fréttaskýringa. Svo sem allt í lagi með það. Hjálmar þessi hefur hinsvegar mikla ótrú á farartækjum með drifi á öllum hjólum og hefur notað þættina síðustu vikurnar til að koma þeirri skoðun á framfæri. Hefur honum tekist að koma sjónarmiði þessu að í þáttum um aðskiljanlegustu önnur efni, sem er kannski í lagi ef almannaheill er í veði. Í gær (26.4.2008) var viðmælandi Hjálmars sýslumaður nokkur á Suðurlandi, þekktur að röggsemi að mér skilst. Þeir ræddu umferðaröryggi og dauðaslys og voru ansi sammála um að alvarleg slys væru óhjákvæmilegur fylgifiskur breyttra jeppa og því þyrfti að losna við þá úr umferðinni. Nú má vel vera að þeir hafi undir höndum rannsóknir, sem staðfesti þetta, en ekki minntust þeir þó á neitt slíkt það ég gat heyrt. Hinsvegar vita ansi margir um rannsókn, sem gerð var af óháðum aðila fyrir tæpum tveimur árum að mig minnir, sem gaf allt annað til kynna. Fávís sveitamaður eins og undirritaður verður ansi langleitur undir svona lestri og spyr sjálfan sig hverju eigi að trúa.
Liggur það eitthvað í augum uppi að "stór jeppi" hafi valdið þessu?
Átti á sínum tíma tvo svona bíla. Mér fannst niðurgírunin í millikassanum alltaf full lítil. Þ.e.a.s. lága drifið ekki nógu lágt, sem þýddi að maður misbauð alltaf kúplingunni í ófærð. En þetta var náttúrulega stórsniðug hönnun hjá ítölunum þegar þeir hönnuðu upphaflegu Lödurnar fyrir Togliatti – verksmiðjurnar hjá sovét. Reyndar voru fyrstu fólksbílarnir bara úreltir Fiatar, en það er önnur saga. Síðustu bílarnir sem voru fluttir inn (það ég veit) voru með 1.700 cc vél og hún var nokkuð aflmeiri en eldri 1.600 mótorinn. Enda var hún komin með beina innspýtingu og svoleiðis. Hef ekki séð nýja Lada Niva en mér skilst að þeir séu framleiddir enn þar eystra. Mér fannst alltaf gott að keyra þessa bíla, þótt krafturinn hefði mátt vera meiri. En varðandi ryðið, þá mátti minna líkurnar á því með því að bóna þá vel og vandlega með Mjallar-bóni og klessa því vel í öll samskeyti á bodyinu, og svo þurfti að fjarlægja svampa sem voru settir á nokkra staði innan í brettum og söfnuðu bara í sig raka og undan þeim ryðgaði.
Ég man eftir því að hafa verið á fundi í einhverjum klúbbi hér á Króknum (EKKI f4x4!) , þar sem einn félaginn var að sýna myndir sem hann hafði tekið í Japan. Svo kom mynd af Fujijama, hinu heilaga fjalli þeirra skáeygu og þá sagði maðurinn við þá innfæddu: "Jæja, góðir fundarmenn, þetta er nú Mælifellshnjúkurinn þeirra í Japan!" – Nú er ég ekki innfæddur hér og auðvitað held ég því fram að sé Hekla drottning þá sé Snæfellsjökull kóngur!
Svona bíl átti ég í 6 ár, Hekla tók hann svo upp í nýjan bíl árið 2005 minnir mig. Það þarf nú ekki mikið að fikta í þeim til að koma undir þá 33" dekkjum. Aðallega setja á þá kanta. Mínum var hinsvegar breytt fyrir 35" því ég ætlaði nú alltaf að fá mér svoleiðis, þótti nú 33" dálítið nærri reiðhjólinu mínu! Hann var skrúfaður smá upp að framan og settir hringir undir gormana að aftan. Þessi bíll reyndist mér afskaplega vel, bilaði aldrei nokkurn skapaðan hlut (sjá samt hér síðar) og eyddi mjög hóflega, jafnvel að vetri til. Var yfirleitt með 32" undir honum að sumrinu og þá fór hann aldrei yfir 11 lítrana í langkeyrslu, en fór rúmlega tólf þegar ég var með fellihýsi í eftirdragi, en það var nú rúm 700 kg – ekki kannski aðallega þunginn sem er að eyða eldsneyti þar heldur loftmótstaðan. Keyrði þennan bíl um það bil 180 þús.km minnir mig. Notaði drifin sem hann kom á, minnir það sé eitthvað nærri 1:4,88 sem er í beinskipta bílnum. eitthvað hærra í þeim sjálfskipta held ég. Er samt ekki viss um þetta síðasta. Það var skipt út klöfunum á þessum bíl sem ég átti, Hekla skaffaði klafana en borgaði ekki vinnuna. Eftir það voru þeir til friðs. Þetta var eitthvert vandamál í síðustu bílunum af þessari kynslóð, átti tvo samskonar áður og þetta var aldrei til vandræða í þeim. Ég lét reyndar endurryðverja þennan bíl, þannig að ég hef ekki orðið var við ryðmyndun í þessu bodyi, en þeir eru ekki neitt sérstaklega hættulegir gagnvart ryði, nema úrklippingar eru náttúrulega alltaf hættulegar vegna þess að þær rjúfa verksmiðjuryðvörnina. En ég veit að það þarf að passa vel þessa bíla eins og aðrar turbo dieselvélar með annarsvegar að láta túrbínuna kólna áður en maður drepur á vélinni, ef vélin hefur náð að hitna vel, og svo hitt sem þarf á öllum vélum, að skipta reglulega um olíur og síur. Sama á reyndar við um drif og gírkassa. Ekki síst ef maður sullar í vatni. En ég keyrði sem sagt þennan bíl alla tíð á 33" dekkjum að vetrinum og það var ekkert að honum þegar ég seldi hann, ég lét þjónustuaðila Heklu fara yfir hann áður en ég seldi hann, svo ég væri nokkuð viss um að fá enga bakreikninga, sem ég hef ekki fengið.
Ég á ekki fjórhjól, en nokkrir vina minna eiga svona gripi. Eitt eru þeir alveg sammála um: ALLS EKKI kaupa kínverskt, of dýr miðað við hvað þau eru andskoti léleg. Honda og Polaris mjög góð, en Bombardier (Ski-doo) bera af m.a. vegna hagstæðs millibils milli fram- og afturhjóla.
Fólkið þarna hjá Frumherja er greinilega ekki allt að lesa sömu handbækurnar. Þeir hafa flestir til þessa ekki verið sáttir við að sjá eingöngu DOT merkingar á búnaði bíla, (DOT=Department of Transportation, USA) Ég hef hinsvegar fengið skammir fyrir að það hafi vantað CE-vottun á tæki Ja, hérna.
Engu við þetta að bæta – en ég vissi ekki að við værum svo að segja sveitungar eða þannig!
Heyrði eftir hádegið upphaf á þætti, líklega á Rás 1 hjá Rúv þar sem skarfur sem heitir Hjálmar Sveinsson var að byrja með viðtalsþátt við utanríkisráðfrúna ISG, en þurfti að nota þennan inngang sinn til að drulla yfir okkur í F4x4. Mig minnir að hann hafi einhverntíma verið í þætti á RÚV sem heitir Spegillinn og hafa notað nokkra þætti þar til að djöflast á okkur. Maðurinn er greinilega með þráhyggju á hæsta stigi í þessu efni. – Maður hefur raunar orðið var við allmörg blogg og fleira sem hefur verið skítkast út í félaga okkar sem hafa verið að mótmæla eldsneytisverði. En Hjálmar þessi sagði berum orðum að "við almenningur erum að niðurgreiða bensínið á stóru, eyðslufreku leikföngin þeirra" ef ég man orðanotkun hans rétt.
kv. ólsarinn
………..þá er ekki alveg laust við öfund í mínum huga, verð að viðurkenna það!. Bót í máli að góður hluti afkomendanna er á fjöllum um helgina.
Takk fyrir góðan pistil annars!
hér að ofan til vinstri, þá ættir þú að komast inn, ef þú ert kominn með lykilorð og svoleiðis. Þetta virkar ágætlega hjá mér allavega – eins og ævinlega!
kv.
