Forum Replies Created
-
Replies
-
Held að klúbburinn okkar þurfi að stíga varlega til jarðar þarna. Í fyrsta lagi eru þessir skálar orðnir mjög lélegir og óvíst að hægt verði að gera þá nothæfa allt árið nema með miklum tilkostnaði, bæði í formi efnis og vinnu. Í öðru lagi – og það er ekki síður umhugsunarvert – þá bendir flest til þess að engin byggingaleyfi hafi verið veitt fyrir skálunum á sínum tíma, og því muni einhver yfirvöld koma til með að krefjast þess að farið verði í gegn um allt hið flókna ferli sem tilheyrir slíkum framkvæmdum á hálendinu, áður en hægt verður að hefjast handa við nauðsynlegar endurbætur. Menn verða því að huga vel að réttarstöðu sinni sem framkvæmdaaðila áður en farið er að leggja í umtalsverðan kostnað þarna. Sú ábyrgð og skuldbinding, sem fylgir rekstri á gisti- og áningarskálum á þessum stað, er líka talsvert mikil og spurning, hvort sú ábyrgð á ekki að hvíla á herðum Vegagerðarinna, ekki síst þegar knúið er á um gerð heilsársvega yfir hálendið?
http://www.mbl.is/frettir/innlent/2012/05/18/sifellt_baetist_i_svodusarin/
Allt er þetta okkur að kenna?
Þetta var aldeilis ágæt stund í gærkvöldi hjá Benna og félögum hans í stjórn Skagafjarðardeildar í gærkvöldi. Benni flutti yfirlit um sögu klúbbsins, sýndar voru myndir félagsmanna frá hinum ýmsu tímum og svo voru dýrlegar veitingar, tertur og "saumaklúbbaréttir" eins og hver gat torgað. Nú, og svo gafst góður tími til að spjalla og bera saman bækurnar.
Ég þakka fyrir mig og gestinn, sem ég leyfði mér að taka með.
Nú verð ég að viðurkenna að eiga varla orð. Kerran stendur á einkalóð Loga Más og það virðist nóg að einhver nágranni hringi í bæjaryfirvöld og þá er kerra fjarlægð? Hræddur er ég um að það yrði allt vitlaust í litla þorpinu sem ég bý í ef svona lagað yrði framkvæmt. Ég er með tvær kerrur í heimkeyrslunni hjá mér og stundum líka með dráttarvél. Það getur vel verið að einhver nágranni með uppbrett bankanef sé ósáttur, en láti hann mig bara vita!
http://www.dv.is/frettir/2012/1/24/umhverfisspjoll-i-mosfellsbae/
Jæja, eigum við að giska á um framhaldið?
Fyrir þá örfáu, sem eiga leið norður í land er rétt að segja frá því að skv. vef Ríkisútvarpsins verður lögsagnarumdæmum breytt núna um áramótin á þann hátt, að þegar Bæjarhreppur, sem til þessa hefur verið í Strandasýslu, færist yfir í Húnaþing vestra, færist lögsagnarumdæmi Blönduóss sem þessu svarar til vesturs. Það þýðir, að hin landskunna og röggsama lögregla á Blönduósi fer að hraðamæla á Holtavörðuheiðinni. Það er eins öruggt fyrir menn að hafa augun á hraðamælinum eftir að kemur norður í Hæðarsteinsbrekku, því nyrðra er byrjað að sekta menn við 94 km/klst að sögn þeirra sem hafa ekið með þeim ógnarhraða og verið staðnir að því.
http://www.mbl.is/frettir/innlent/2011/12/20/keppinautar_undanskildir_skatti/
Nú er kominn upp urgur í röðum gistingarsala. FÍ á greinilega góða málsvara á þingi. Hafa menn nokkuð velt fyrir sér hver staða okkar klúbbs er í þessum málum ef farið yrði að leggja á gistináttagjald í fjallaskálum?
Afsakið, en mig langaði að bæta við sem ég gleymdi áðan. Beltin, sem notuð voru á gamla Ferguson, voru tvennskonar og hvorutveggja útfærslan þekktist hér á landi. Bæði var um að ræða hálfbelti, en þá var skotið inn öðru hjólasetti milli fram og afturhjóla og hinsvegar heilbelti, sem náðu á framhjólin. Þá var vélinni stýrt með bremsunum. A.m.k. einn uppgerður traktor á heilbeltum held ég sé til á Samgönguminjasafninu á Yztafelli. Ég veit um einn traktor hér í nágrenninu á hálfbeltum, sá sem hann á heitir Einar Guðmundsson og er líklega einhver reyndasti flutningabílstjóri á þjóðvegum landsins nú um stundir og býr þar sem heitir að Veðramóti. Hann notaði þessa vél mikið á árum áður heima á búi sínu, bæði til vetrarferða og eins til að hann kláraði sig betur á blautu landi og í brattlendi, en túnin á Veðramóti eru nánast öll í miklum bratta.
Þetta er nú með skemmtilegri þráðum sem ég hef séð lengi hér á vef klúbbsins. Það hefur verið í gangi manna á meðal, bæði á YouTube og eins á geisladiski mynd tekin í hundrað bíla ferðinni 1988 og svo annarri ferð, sem farin var nokkru seinna og þá um Hveravelli og austur með jökli. Skemmtilegt að horfa á þetta og kannski ekki síst hvað margir lögðu í svona ferð á 33" dekkjum. Einhvernveginn hefur það festst inni í mínum ferkantaða haus að stórar, hundrað og fimmtíu hestafla dráttarvélar væru svo déskoti þungar að þær ættu ekkert erindi á snjó. Líklega er það tóm della í manni. Takk fyrir þetta, ágætu félagar.
Akkúrat, þeir í Parti hafa verið með svona þægilega púða, sem m.a. hafa verið settir undir tjaldvagna og kerrur.
Ég ætlaði nú að láta fylgja komment og spurningu um hvaða samstarf Umhverfismafían er að tala um? Þau hafa skipulega sniðgengið útivistarfólk og það virðist vera greinilega skipulögð áróðursherferð á hendur okkur af hálfu þessa liðs.
Eitt af því sem manni er kennt í efnisfræði er að það getur myndast rafvaki milli óskyldra málma, sem leiðir til tæringar. Ef ál og stál er látið liggja saman leiðir það óhjákvæmilega til þess að slæm tæring myndast. Hef slæma reynslu af slíku. Hinsvegar hefur mér sýnst að slíkt tæringarumhverfi skapist ekki milli ryðfrís stáls og venjulegs stáls.
Það virðist vera að skriffinnunum í Bruxelles ætli að takast það sama og Ralph Nader tókst í USA, en það er að koma í veg fyrir að framleiddir væru fjórhjóladrifsbílar, sem hægt er að nota, að undanteknum einhverjum hernaðarskrímslum.
Og svona í framhjáhlaupi varðandi kínverja, af því minnst var á þá: Var þjóðlendumálið gagnvart Grímsstöðum afgreitt, eða hvernig er þessu varið? Ofsi, minn gamli vinur ætti að vita þetta?
Hverjir eiga annars Land Rover núna?
Hvaða sveitavargur? Verður einhver eftir í sveitinni árið 2015? Reyndar er orðið ansi langt síðan bóndi keypti síðast Land Rover, held ég. Pikkararnir hafa alveg tekið yfir sem búsbílar.
Skilgreiningu "miðhálendis" má finna í gögnum Skipulags ríkisins, en það var gert í samráði við sveitarfélög þegar unnið var að gerð svæðisskipulags miðhálendisins. Það var gert bæði með hnitunum og litarmerkingum á kortum.
Langi Palli hjá Ferðafélaginu er reyndar búinn að koma öllum landspjöllum vegna utanvegaaksturs yfir á okkur félaga í F4x4 í Skagafirði, svo nú þarf ekki lengur að leita að sökudólgum. Við erum reyndar herðabreiðir og þolum það. En þarna skauta menn framhjá því, sem mér finnst aðal atriðið, en það er akstur erlendra ferðamanna á lokunartíma og utan slóða, bæði þeirra sem eru á innlendum bílaleigubílum og ekki síður þeim, sem koma með ferjunni Norröna. Við þeim má ekki blaka, um það virðast allir sammála, jafnt Vegagerðin sem Langi-Palli. Miklu einfaldara að kenna félögum í f4x4 um allar skemmdir, vammir og skammir.
