Forum Replies Created
-
Replies
-
Er ekki hægt að kaupa miða á opnu húsi á fimmtudagskvöld ?
kv. Óli
Ég heyrði í hópnum sem fór á Kistuöldu í dag. Það er búið að reisa við krossinn og hópurinn, á 6 bílum, er á leið til byggða. Það er búið að vera hvasst og leiðinda veður til vinnu hjá þeim. Það gengur rólega á bakaleiðinni, það er reyndar lítið af snjó en blint og skafrenningur.
Vel gert hjá þeim að reisa krossinn á ný.
kv. Óli
Það er auðvitað alveg á hreinu að klúbburinn mun gera athugasemdir vegna náttúruverndarlaganna og hvítbókarinnar. En einnig eiga allir einstaklingar sem hafa skoðun á málinu að láta í sér heyra. Þetta er ekki bara spurning um að klúbburinn einn geri athugasemdir, fjöldinn skiptir líka máli.
Svo er forvitnilegt að vita hvað félagsmönnum finnst um blaðið sem kom út á þriðjudaginn var, látið í ykkur heyra .. gott, slæmt eða kannski alveg sama ?
kv. Óli
Minnum á myndakvöld á opnu húsi í kvöld.
Litlanefnd
Litlanefnd minnir á að á opnu húsi annaðkvöld, fimmtudagskvöldið 20. október verður myndakvöld úr ferð Litlunefndar um síðustu helgi. Húsið opnar um kl. 20:00.
Allir sem voru með í ferðinni eru hvattir til að mæta og taka með sínar myndir.
kv. Óli, Litlunefnd
Þá er októberferð Litlunefndar lokið og allir komnir til síns heima vona ég. Ferðin hófst á Stöðinni að venju og var þar handagangur í öskjunni í morgun. Þegar allt var tailð voru í ferðinni 52 bílar og 115 manns í þessari ferð. Stefnan var í Hrafntinnusker og síðan yfir Mógilshöfða og Pokahrygg á Landmannaleið. Það varð fljótlega ljóst þegar komið var í snjóinn að ferðaáætlunin myndi ekki halda, því hálkan var gríðarleg, sérstaklega fyrir þá sem voru aftarlega í hópnum. Allir fóru að Dalakofanum og borðuðu þar nesti. Frá Dalakofanum var farið um Krakatindsleið og þaðan Hekluleið framhjá Rauðuskál, yfir að Landmannaleið. Brekkan þar niður varð fljótt mjög hál og áttu bílar þar í vandræðum. Þegar einn bíll var kominn útaf, var ákveðið að reyna að sanda brekkuna og fóru nokkrir vaskir skóflusveinar af stað, pjökkuðu upp sand og dreifðu yfir veginn. Þar með varð hann stamari og náðist að koma öllum bílum þar niður án frekari óhappa. Nokkrir fóru heim að þessu loknu en stærsti hópurinn rúllaði inn í Landmannahelli áður en farið var niður á Landveg, þar sem pumpað var í dekk og ferðinni slitið.
Eins og áður voru það hópstjórarnir sem héldu þessari ferð svona góðri og raun ber vitni og eiga þeir bestu þakkir skildar fyrir þeirra framlag. Aðrir sem komu að ferðinni fá einnig bestu þakkir.
Myndakvöld úr ferðinni verður á opnu húsi á fimmtudagskvöldið 20. október n.k.
Næsta ferð Litlunefndar verður laugardaginn 12. nóvember n.k.
Ferðalangar með Litlunefnd í dag, takk fyrir samveruna.
kv. Óli, Litlunefnd
Undirbúningi fyrir Litlunefndarferðina er nú að mestu lokið og verður upplýsingabréf sent öllum skráðum þátttakendum síðar í dag.
Svo er mæting á Stöðina við Vesturlandsveg (við hlið Ölgerðarinnar) kl. 8:30 á laugardagsmorgun og brottför í síðasta lagi kl. 9:00.
Kv. Óli, Litlunefnd
Í dag er lokadagur skráninga í Litlunefndarferðina um helgina. Við ætlum að hafa opið fram á kvöldið.
Í kvöld kl. 20:30 verður kynningarfundur vegna ferðarinnar, en þá verður farið yfir ferðatilhögun og helstu praktísk atriði sem tengjast ferðinni, auk þess sem kjörið tækifæri er til að hitta aðra ferðalanga, farar- og hópstjóra. Síðan verður námskeið fyrir nýliða í jeppamennsku.
Mikilvægt er að mæta á þennan fund og algjörlega nauðsynlegt fyrir þá sem ekki hafa farið með okkur áður.
kv. Óli, Litlunefnd
Á morgun, miðvikudag rennur út skráningarfrestur í Litlunefndarferðina. Reynslan sýnir að mikið er um skráningar síðasta daginn. Það borgar sig því að skrá sig sem fyrst til að tryggja sér pláss.
Minni á að kynningarfundur vegna ferðarinnar verður á morgun, miðvikudag kl. 20:30 og í framhaldinu verður námskeið fyrir byrjendur í jeppamennsku. Nánar um þetta á morgun
Kv. Óli, Litlunefnd
Það hrúgast inn bókanir í Litlunefndarferðina. Enn eru samt nokkur pláss laus. Það borgar sig að skrá sig sem fyrst áður en allt fyllist.
[url=http://www.f4x4.is/index.php?option=com_seminar&Itemid=246:1v5pdt2h]Skráning fer fram hér[/url:1v5pdt2h]
Kv. Óli, Litlunefnd
Skráningar í Litlunefndarferðina ganga glimrandi vel. Nú þegar eru 18 bílar skráðir. Við minnum á að í þessa ferð njóta minni bílar forgangs, þ.e. bílar á 35" dekkjum og minni. Stærri bílar komast með ef pláss leyfir. Allir eru þó hvattir til að skrá sig.
kv. Óli, Litlunefnd
Athugið að nú hefur verið [url=http://www.f4x4.is/index.php?option=com_seminar&Itemid=246:nzv77eff]opnað fyrir skráningar.[/url:nzv77eff]
kv. Óli, Litlunefnd
Opnað verður fyrir skráningu um helgina og fer hún fram hér á vefsíðunni. Það verður kynnt rækilega með frétt og spjallþræði þegar þar að kemur.
kv. Óli, Litlunefnd
Við í Litlunefndinni þökkum hrósið, en eins og bent er á, eigum við bara hluta af því. Þeir aðilar sem vinna með okkur, styðja við bakið á okkur og hjálpa, hópstjórar og fleiri, eiga ekki síður hrósið.
Ef einhver hefur ekki séð innslagið, [url=http://www.visir.is/section/MEDIA99&fileid=VTV9944D9DE-6EA2-4160-A859-3B8B153EEE9C:3tgextq0]þá er hægt að skoða það hér.[/url:3tgextq0]
kv. Óli, Litlunefnd
Hef verslað nokkrum sinnum við Benna og allt hefur staðið eins og stafur á bók. Gott verð og snögg afgreiðsla.
Benni hefur verið með góðan valkost og ég hef verið ánægður með viðskiptin við hann.
kv. Óli
Gott kvöld
Nú er fyrstu Litlunefndarferð starfsársins lokið. Farið var í Bása í Goðalandi og tekin góð pása þar. Veður var frábært, haustlitirnir í algleymingi og allt gekk eins og best verður á kosið. Lítið vatn var í ánum svo fremur auðvelt var að komast í Bása. Ætlunin var að reyna við vaðið yfir Krossá í Langadal og þegar þar var komið reyndist það auðfarið, áin í nokkrum kvíslum og lítið af vatni. Allir ferðalangar fóru því í Langadal. Var þá ákveðið að skoða vaðið í Húsadal. Það reyndist nokkuð meira, áin rann í 2 kvíslum sem báðar voru krefjandi fyrir minnstu bílana, en þó ekki mikill farartálmi ef rétt var í farið. Flestir bílarnir fóru þar yfir, aðeins þeir sem ekki vildu sjálfir biðu átekta. Á bakaleiðinni var Lónið (sem var) skoðað, áður en haldið var að Seljalandsfossi, en þar var pumpað í dekk og ferðinni slitið.
Litlanefndin þakkar samferðafólkinu fyrir góða ferð, sérstakar þakkir til okkar frábæru hópstjóra og öryggisbíla. Einnig til fréttaritara fyrir að bera fréttir af okkur hingað á vefinn. Reynir hjá Útivist fær sérstaklega góðar þakkir fyrir góðar mótttökur. Skemmtilegt var einnig að hafa með okkur gesti frá Stöð 2, en þau voru að vinna efni fyrir þáttinn Ísland í dag. Ég mun setja hér inn frekari upplýsingar þegar vitað er hvenær sýnt verður frá þættinum.
Myndakvöld vegna ferðarinnar verður fimmtudagskvöldið 29. september n.k. og næsta ferð Litlunefndar verður 15. október n.k.
Besta kveðja,
Óli, Litlunefnd
Gott viðtal við Hafliða á Bylgjunni áðan. Hann kom okkar sjónarhorni mjög vel á framfæri.
kv. Óli
Við verðum á svæðinu ca. kl. 8:00 – 9:00 og ég reikna með að afslátturinn verði kominn í gagnið þá. Veit ekki hvort það er eitthvað fyrr, eða hversu langt fram á kvöld.
Ég hvet félagsmenn til að nýta sér þennan afslátt, en jafnframt að fjölmenna ekki á Stöðina við Vesturlandsveg fyrr en Litlanefndin er lögð af stað í sína ferð
kv. Óli
Í gærkvöld var haldinn góður kynningarfundur vegna Litlunefndarferðarinnar um helgina komandi. Þetta stefnir í frábæra ferð og við treystum því að Þórsmörkin taki á móti okkur í sínum fallegu haustlitum.
Í dag munum við senda, í tölvupósti, upplýsingar um ferðatilhögun til allra sem hafa skráð sig í ferðina. Þar koma fram ýmis hagnýt atriði varðandi þessa ferð, ferðalög almennt um óbyggðir, ferðatilhögunina auk sértilboða til þátttakenda í ferðinni.
Ég minni á að Skeljungur er með sértilboð á eldsneyti (- 10 kr) á Vesturlandsveginum til félagsmanna í F4x4 á laugardaginn kemur, vegna þessarar ferðar.
[url=http://f4x4.is/index.php?p=165565&jfile=viewtopic.php&option=com_jfusion&Itemid=228#p165565:1b6vwni0]Nánari upplýsingar um eldsneytisafsláttinn á þessum þræði[/url:1b6vwni0].
kv. Óli
Úps ….
Kynningarkvöldið er í kvöld, miðvikudag 21. september 2011, kl. 20:30.
Hægt er að sjá fjöldann og hverjir eru skráðir á [url=http://f4x4.is/index.php?option=com_seminar&Itemid=246:860qkasc]skráningarsíðunni, hér.[/url:860qkasc]
kv. Óli
