Forum Replies Created
-
Replies
-
Ég er nú sammála því að þetta eru ekkert sérlega öflugar læsingar, maður verður helst var við að þetta taki í þegar maður beygir í hálku eða á malarvegi
Þessi búnaður er amk í 2000 bílnum, sennilega öllum, eða amk flestum, með nýja laginu, er það ekki frá 1998 og til tvöþúsundogeitthvað?
kv. Ólafur.
Það er orginal tregðulæsing í honum að aftan, eins og í mörgum jeppum. Engin 100% læsing.
Ólafur
Takk fyrir upplýsingarnar. Prófa og spái í þetta.
kv. Ólafur
Sæll gummij
Áhugavert sem þú segir, er raunverulega hægt að "importa" kortum úr öðrum forritum í trackmaker? Geturðu útskýrt aðeins hvernig þú gerir það, eða má ég kannski hringja í þig til að fá nánari upplysingar?
Kv. Ólafur M.
Þetta var aldeilis frábær dagur. Tóm hamingja og skemmtun. Bónus fyrir okkur að reka nefið uppá jökul áður en við kveiktum upp í grillinu. Ef allir hafa skemmt sér eins vel og við í dag, þá er ekki hægt að kvarta.
Þökkum fyrir góðan félagskap, flott frumkvæði og góða skipulagningu. Gaman hvað margir lögðu hönd á plóginn. Við hlökkum til næstu uppákomu.
Grillarar á bláum trooper.
Ég brá mér í B&L áðan til að kaupa varahlut, sem er ekki í frásögur færandi, nema að þegar ég spurðist fyrir um 4×4 afslátt fékk ég að vita að svo væri ekki. Ég hváði og spurði hvort það væri ekki svolítið slappt. Þá sagði afgreiðslumaðurinn að kannski væri það bara slappt hjá klúbbnum að hafa ekki sótt um afslátt.
Nú spyr ég hvort viðeigandi aðilar innan klúbbsins ættu ekki sækja um afslátt af varahlutum hjá þessu fyrirtæki eins og við fáum á frábærlega mörgum stöðum.
Kv. Ólafur M.
Sælir félagar.
Í kjölfar umræðunnar um daginn þar sem verið var að bera saman Patrol og LC 80, þá leikur mér forvitni á að vita hvað menn segja um 38″ breytta LC 90. Hverjir eru kostir og hverjir eru gallar þessara bíla, er eitthvað sem þarf að varast, er einhver munur á árgerðum, eða gerðum osfrv.
Með kveðju,
Ólafur M.
Eftir því sem eg best veit eiga þeir von á hlutföllum í Trooper hjá Fjallasporti. Þó eftir einhverja mánuði.
kv. Ólafur M.
Það var góð greinin sem birtist í (Flugleiða-)mogganum í dag. Greinargóð lýsing á þeim reglum og siðareglum sem við förum eftir og eftir hverju við erum að leita sem ferðafólk um óbyggðir Íslands. Takk fyrir mig Skúli.
kv. Ólafur M.
Við þökkum fyrir frábæra ferð, góða ferðafélaga og hjálpsemi þegar snjórinn varð örlítið of gljúpur. Þetta var eftirminnileg ferð, kóarinn að fara sína fyrstu ferð á jökul og túrnum reddað hjá guttanum að fá að hanga í spotta á skíðunum aftaní jeppanum. Allir brosandi þegar heim var komið.
Fórum svo, vinnufélagar, í Landmannalaugar á sunnudeginum á tveimur 33" bílum, mínum og óbreyttri Súkku. Frábær ferða helgi að baki.
Við hlökkum til næstu litludeildarferðar.
kv. Ólafur og hinir á bláa Trooper.
Ég reikna með að skella mér með á mínum Trúper.
kv. Ólafur
Þessi rör, eða trekt, er það á plastbrúsana eða stálbrúsana?
kv. Ólafur
Ég er búinn að keyra á TOYO AT 35" dekkjum í allan vetur. Ég er mjög ánægður með þau, vægast sagt. Þau eru hljóðlát og mjúk og þurfti lítið að ballansera til að fá þau góð. Samanburður minn er fyrst og fremst við BF Goodrich AT sem ég hef verið mjög ánægður með. Held að BFG hafi vinninginn í fljúgandi hálku, en við venjulegar aðstæður, bleytu, krapa og snjó hafa TOYO algjörlega vinninginn. Ég hef verið með þessi dekk nelgd með 2+2 neglingu, er mjög ánægður með þau og mæli hiklaust með þeim.
kv. Ólafur M
Aðalsteinn, þetta er flott hjá þér. Mér skilst að vefnefnd hafi ætlað að hittast í þessari viku og m.a. að ræða um þetta mál. Það verður spennandi að heyra um niðurstöðu þess fundar.
Svo tek ég undir með þér að hvetja þá sem búa yfir veglegum punktasöfnum, eða skemmtilegum leiðum að deila þeim með okkur hinum sem eigum minna, en gætum örugglega nýtt okkur fleiri. Einnig ef menn eru með punkta yfir varasama staði, hættulega, sprungur og þessháttar, þá væri gott að skrá þá inn á vefinn.
kv. Ólafur M.
Það lítur út fyrir að gögn séu til, vilji sé til og áhugi, en hvað gerist næst? Þarf stjórn klúbbsins eða vefnefnd eða einhver að gera eitthvað til að hreyfa frekar við málinu?
Ólafur M.
Það er virðingarvert þegar einstaklingar setja upp og halda úti vef, af eintómum áhuga, þar sem upplýsingum er deilt með öðrum. Þetta gildir að sjálfsögðu líka um gps-punkta og leiðir. Hinsvegar er það svo að þegar áhuginn minnkar, kostnaðurinn eykst, vinnan verður mikil við þetta áhugamál, eða tölvur hrynja, þá getur farið svo að síðurnar hverfa, eins og greinilega hefur gerst með þá vefi sem hafa boðið upp á gps punkta og leiðir.
Er ekki tilvalið að byggja upp svona gps-safn á vef 4×4 klúbbsins? Setja síðan saman vinnuhóp innan klúbbsins sem vinnur að þessu, setur upp og heldur við, svo það lendi ekki allt bara á einum aðila.
Er einhver áhugi hjá klúbbfélögum að vinna að þessu, eða vilja menn frekar halda leiðum hjá sér og skiptast á og senda á milli?
Sjálfur er ég tilbúinn að leggja hönd á plóginn, því mér finnst vera afskaplega þægilegt að geta nálgast þessar upplýsingar á einum stað.
Kveðja,
Ólafur M.
Ég er sammála Snorra Frey með að það er ekki auðvelt að finna GPS punkta á þessari síðu (hef reyndar ekki fundið þá enn). Á nokkrum stöðum er vísað í http://that.is/gps, en ég hef ekki enn getað fengið það til að virka.
Ég væri alveg til í að aðstoða við að koma upp gps safni fyrir félagsmenn, eða reyna að gera það aðgengilegra ef það er til. Alltaf er gott að geta komist í punkta á einum miðlægum stað.
Kveðja,
Ólafur M.
Sælir, hvernig er með GPS skránna á http://that.is/gps ? Þarf eitthvað sérstakt til að tengjast þarna inn, er síðan niðri eða er ég einn um að geta ekki tengst?
kv. Ólafur M.
Hef keyrt nokkuð mikið á BF Goodrich AT og verið mjög ánægður með þau. Mjúk í venjulegum akstri, góð í hálku og fín á malarvegum.
Nú í vetur hef ég verið að prófa Toyo AT sem eru negld 2+2 og þau hafa komið afskaplega vel út. Þau eru alls ekki síðri en BFG við þessar venjulegu aðstæður, kannski örlítið síðri í mikilli hálku, en mun betri í bleytu og (vega)krapa.
Mæli hiklaust með þeim.
kv. Ólafur M.
