Forum Replies Created
-
Replies
-
Við viljum gjarnan fá fleiri í hópinn. Endilega sendið okkur tölvupóst, þið sem viljið vera með. litlanefndin@f4x4.is. Það er líka hægt að hringja í mig í 844 4247.
Kv. Óli
Við viljum endilega fá fleiri mögulega fararstjóra á listann. Ef þið hafið áhuga á að starfa með góðu fólki, í einhverju þakklátasta starfi sem hægt er að hugsa sér, skellið ykkur þá á listann.
Næsta ferð Litlunefndarinnar verður 21. febrúar og síðan verður önnur ferð 21. mars. Aðrar ferðir eru einnig á döfinni og það er alltaf gott að hafa góðan hóp til að leita til.
Kv. Óli
Nú þegar eru nokkrir búnir að skrá sig, en betur má ef duga skal. Sendið okkur póst, ef þið viljið vera með.
Kv. Óli
Litlanefndin er að skoða möguleka á því að byggja upp hóp fararstjóra, til að taka þátt í ferðum Litlunefndarinnar. Við viljum leita til félagsmanna sem hafa áhuga á að taka þátt í langskemmtilegustu ferðum klúbbsins.
Þessi hópur er hugsaður þannig að hægt sé að leita til hans þegar vantar aukafararstjóra, eða jafnvel aðalfararstjóra í ferðir Litlunefndarinnar. Ekki þó þannig að allir fari alltaf.
Þeir sem hafa áhuga á að taka þátt í þessu, eða vilja nánari upplýsingar geta sent tölvupóst á litlanefndin@f4x4.is.
Kv. Óli Litlunefnd
Þú getur prófað að tala við Stillingu, þeir eru með Thule, sem býður upp á festingar fyrir flestar gerðir bíla. Svo eru örugglega fleiri líka með eitthvað svipað, kannski Bílanaust ?
Kv. Óli
Sæl öll sem voruð í ferðinni. Ég þakka fyrir þær gagnrýnisraddir sem hafa komið fram og einnig þakkir og ánægjuraddir til farastjóra og ferðafélaga.
Ykkur til upplýsingar var strax í gær boðað til fundar, sem haldinn verður í vikunni með fararstjórum, Litlunefnd og stjórn ferðaklúbbsins. Það er eðlilegur framgagsmáti þegar dagsferðir á vegum Litlunefndarinnar verða svona langar. Þar munum við fara yfir ferðina og hugleiða hvort hægt er að gera hlutina betur.
Vel þegið er að fá athugasemdir, hugmyndir og upplýsingar varðandi ferðina frá þátttakendum. Það má senda á mig beint í tölvupósti. Því verður komið á framfæri á fundinum af mér.
Með kveðju,
Ólafur, formaður Litlunefndar
Laugi og hans hópur er nú kominn á malbik og á heimleið. Einn úr hópnum hans á 41 eða 42“ patrol snéri við til að hjálpa Loga og Stefaníu með síðustu bílana. Svo það virðist allt vera að ganga upp.
Laugi var mjög ánægður með ferðina, góður andi í hópnum, allir að hjálpa öllum og mikil upplifun fyrir þá sem eru að stíga fyrstu skref í vetrarferðum. Eina sem hann hafði áhyggjur af var að sófariddararnir væru að fara á taugum ….
Ég stoppa nú og þar sem ég verð netsambandslaus í fyrramálið og fram eftir degi, reikna ég með að einhverjir aðrir setji inn fréttir af því hvernig fór. Svo verður gaman að heyra ferðasöguna og sjá myndir úr ferðinni.
Kv. Óli
Ps. Lella, læra menn ekki alltaf betur og betur að það er unaðslegt að vera á fjöllum 😉
Var að heyra bæði í Stebba og Lauga.
Stebbi átti örstutt eftir að Gjábakkavegi (Lyngdalsheiðarvegi) og fyrstu bílar komnir til Þingvalla. Er það stærstur hluti hópsins.
Laugi var í hópi sem var kominn nokkuð framhjá skálanum undir Hlöðufelli og hafði hann sjálfur keyrt ofaní djúpa gjótu en taldi að bíllinn hefði sloppið og hann sjálfur sloppið að mestu. Logi Már og Stefanía voru öftust ásamt 3 öðrum bílum og voru þau í brasi og var þannig komið að 2 þessara bíla voru í spotta og spurning með framhaldið. Ef þetta verður svona erfitt áfram, verða þessir tveir skildir eftir við skálann undir Hlöðufelli og sóttir á morgun, en ég veit vonandi meira um það síðar í nótt.
Niðurstaðan er þó sú að flestir eru komnir til byggða, allir eru heilir á húfi og allt gengur, þótt hægt fari.
Meira síðar,
Kv. Óli
Ég náði í Stebba forystubílstjóra og skv. því sem hann sagði var hans hópur að komast niður á Gjábakkaveg. Ég náði honum í GSM, en sambandið slitnaði áður en ég fékk allar fréttir.
Hópur Lauga, sem er minna en helmingur bílanna er að nuddast áfram við Hlöðufellið.
Ég reikna með að hægt sé að ná á mörgum í GSM fljótlega, og bendi aðstandendum á það. Annars verð ég áfram í sambandi við hópinn og set inn fréttir jafnóðum og eitthvað er að frétta.
kv. Óli
Skv. Lauga er hópurinn enn við Hlöðufell í mjög þungu færi. Laugi er með síðustu mönnum en Stebbi trúður fer fremstur og er nokkuð langt á undan með megnið af hópnum.
Þeir tóku þá ákvörðun að fara niður með Hlöðufelli og áætla að fara Gjábakkaveg og koma niður á Lyngdalsheiði. Það er nokkuð langt eftir því færið er þannig að menn komast ekki nema í mesta lagi á 10-15km hraða.
Það hefur verið eitthvað um minniháttar bilanir og eitthvað dekkjavesen, en eftir því sem ég komst næst er allt í góðu og engin ástæða til að hafa áhyggjur.
Ég verð í sambandi við þá aftur eftir 1-2 klst og set þá inn nýja frétt.
Kv. Óli
Ég var að frétta af því að þeim hefur tekist að koma dekkjamálum í lag og halda dekkin nú lofti.
Miðað við það sem ég hef heyrt, þá mun hópurinn verða seinni til byggða en áætlað var. Það er engin ástæða til að hafa áhyggjur af því, slíkt er alvanalegt í ferðum sem þessum. Færið er nokkuð þungt en hópnum miðar þó áfram, hægt er örugglega.
Ég mun heyra í hópnum síðar í kvöld og setja þá inn nýjar fréttir.
Kv. Óli
Ég heyrði í Lauga rétt í þessu. Hópurinn var norðan og austan við Hlöðufell í mjög góðu veðri, stilltu og björtu.
Það gengur ágætlega hjá meginþorra hópsins, en einhver var búinn að affelga og átti erfitt með að halda lofti í dekkinu.
Að öðru leiti engin vandkvæði og góður dagur á fjöllum.
Meira síðar.
Kv. Óli
Þeir sem ætla með … muna að skrá sig
Kv. Óli
Gott kvöld
Ferðir litlunefndar eru ætlaðar óbreyttum og lítið breyttum jeppum. Það getur auðvitað verið sveigjanlegt hvað er lítið breyttur jeppi, en ef miðað er við að í ferðirnar komist óbreyttir jeppar, þá getur hver og einn metið fyrir sig hvað telst lítið breyttur jeppi. Það er hinsvegar algjört aukaatriði í tengslum við ferðir Litlunefndarinnar, þar sem allir eru velkomnir með. Nú þegar eru skráðir bílar frá 30“ dekkjastærð og upp í 38“.
Í vetur erum við í fyrsta sinn að gera tilraun með fyrirfram skráningu í dagsferðir Litlunefndarinnar. Það er fyrst og fremst gert til hægðarauka fyrir fararstjóra, en ekki vegna takmarkana, eða af öðrum ástæðum. Við höfum ekki rætt sérstaklega um að birta lista yfir þátttakendur í dagsferðum hér á síðunni, en munum ræða það á næsta fundi Litlunefndar og kannski verður það þá gert í framtíðinni. Ég sé þó ekki sérstaka ástæðu fyrir því. Baldvin, besta leiðin fyrir þig að komast að því hverjir koma með, er einfaldlega að skrá sig og koma sjálfur með
En nú eru um 20 bílar skráðir í ferðina, svo þetta stefnir í mjög góða ferð.
Kv. Óli, Litlunefnd
Enn er fólk að skrá sig, þetta stefnir í skemmtilega ferð og veðurspáin lofar nokkuð góðu, snjó og skemmtilegheitum.
Enn er pláss fyrir fleiri, skráið ykkur á litlanefndin@f4x4.is
Kv. Óli
Nú eru menn byrjaðir að skrá sig. Um að gera að skrá sig í skemmtilegan bíltúr á laugardaginn kemur. Sendið póst á litlanefndin@f4x4.is
Kv. Óli
…
Litlanefndin fer í dagsferð laugardaginn 17. janúar n.k. Stefnum við á að fara Kaldadal og sjá hvort hægt er að fara á Langjökul. Varaplön eru stil staðar ef það gengur ekki. Gera verður þó ráð fyrir að ferðatilhögun geti breyst að ákvörðun fararstjóra.
Það kostar ekkert að taka þátt og allir eru velkomnir, bæði félagsmenn og aðrir. Litlunefndarferðir miðast við lítið breytta og óbreytta jeppa og miðast ákvarðanir fararstjóra við það.
Við hittumst á Shell, Select við Vesturlandsveg á laugardagsmorgninum kl. 8:30, en lagt er af stað stundvíslega kl. 9:00.
Við óskum eftir að áhugasamir skrái sig með því að senda tölvupóst á litlanefndin@f4x4.is.
Kv. Ólafur Litlunefnd
Það er reyndar líka tilkynning um dagsferð Litlunefndar sem farin verður 17. janúar n.k.
Kv. Óli
