Forum Replies Created
-
Replies
-
Góðan dag
Mig langaði að hrósa fararstjórum í bingóferð og Litlunefnd fyrir ábyrga afstöðu sem er til eftirbreytni. Þeir ákváðu að fresta ferðum vegna bleytu á hálendinu og má segja að þar fái náttúran að njóta vafans.
Sannir náttúruverndarsinnar þar á ferð !!!
kv. Óli
Góðan dag
Á morgun, þriðjudag verða undirskriftir ferdafrelsi.is afhentar forseta Alþingis við Alþingishúsið. Afhendingin verður kl. 12:30 eða í hádeginu. Við reiknum með að þetta taki kannski 10 mínútur, varla mikið meira en það.
Allir áhugasamir eru hvattir til að koma á Austurvöll til að fylgjast með og styðja við bakið á okkar fólki. Bílana geymum við samt annarstaðar
Nú þegar hafa safnast nærri 14.500 undirskriftir !
Ánægjulegt væri ef félagar í klúbbnum sjá sér fært að mæta og taka þátt í þessum viðburði.
kv. Óli
Það er búið að laga þetta. Þarf kannski að Refresh-a (F5 eða Ctrl-F5).
Mér fannst þetta góður fundur. Það var held ég gott fyrir þessa þingmenn að mæta útivistarfólki augliti til auglitis. Framsögur voru ágætar, en fyrirsjáanlegar hjá stjórnmálamönnunum, sérstaklega þegar lesið var upp úr stefnuskrá ….
Mér fannst spurningarnar flestar málefnalegar og góðar, en það hefði mátt vera meiri tími í að svara beinum spurningum og diskútera stóru spurningarnar aðeins. Þingmenn sluppu nokkuð létt frá t.d. hvað leggur gagnagrunnurinn til, til náttúruverndar. Það var enginn sem var látinn beinlínis svara því, heldur var dansað aðeins í kring um það.
Það var bara eitt sem mér fannst verulega ábótavant, þarna hefði átt að vera fjölmiðlafólk. Skipuleggjendur og umsjónaraðilar hefðu kannski átt að vinna betur í því. Kannski var það gert … en mætti væntanlega vinna betur.
En línur skýrðust svo sannarlega í því hverjir eru hæfir til að fá atkvæði mitt og hverjir alls ekki í næstu þingkosningum
kv. Óli
Gunni, þetta var könnun sem Reykjavík síðdegis gerði á Bylgjunni fyrir nokkru. Ég finn þetta ekki í fljótheitum á síðunni þeirra en mögulega er þetta þarna einhverstaðar.
Ef ég man rétt þá voru 84% á því að náttúruverndarstefna stjórnvalda gengi allt of langt.
kv. Óli
Góð ábending Kristján og gott hjá þér að skrá þig á listann.
Ég veit það var mikið að gera hjá fólki og kannski varð þetta útundan í allri vinnunni. Nú er verið að lagfæra þetta, ætti að vera orðið betra eftir skamma stund.
Allir eru jafnframt hvattir til að skrá sig á listann og dreifa boðskapnum til fjölskyldu og vina.
Allir að skrá sig á [url=http://www.ferdafrelsi.is:276z0yo1]ferdafrelsi.is[/url:276z0yo1].
kv. Óli
Það er kosningaár Bjarni. Hún verður nú að gera amk eitt sem gæti verið vinsælt.
kv. Óli
Ég myndi nú stefna annað en á Skjaldbreið, því það er örugglega of lítið af snjó þar amk miðað við [url=http://www.liv.is/webcam/vardan:1um1tc3p]vefmyndavélina hjá vélsleðamönnum í Mosaskarði[/url:1um1tc3p].
Líklega má finna meira af snjó á Langjökli.
kv. Óli
Fékk stutt skilaboð frá Pétri á Kommanum, þar sem hann sagðist vera í Setri og allt í góðu gengi. Hafa aðrir heyrt eitthvað af gangi mála?
Kv. Óli, sem er sófariddari um þessa helgi
Hér að ofan setti ég inn texta sem ég sendi til umhverfisráðuneytis vegna frestunar á athugasemdum. Fékk rétt í þessu eftirfarandi svar:
——————————————-
Tilvísun í mál: UMH12080026Vísað er til beiðni yðar um aukinn frest til að skila inn umsögn um drög að frumvarpi til náttúruverndarlaga sem áformað er að leggja fram á Alþingi í haust.
Frestur til að leggja fram umsögn eða athugasemdir vegna frumvarpsins rennur út þann 25. september nk.
Ekki er unnt að verða við beiðni um aukinn frest en ráðuneytið bendir hins vegar á að hægt er að senda umsögn eða athugasemdir til Alþingis þegar frumvarpið verður tekið til umfjöllunar í umhverfis- og samgöngunefnd þingsins.
Með kveðju,
Lára.
———————————————-Það er greinilega ekki mikill vilji til að fá inn athugasemdir á þeim bænum.
kv. Óli
Heyrði aftur í Gný seinnipartinn, þá voru allir á heimleið. Ekki reyndist hægt að fara yfir Krossá með hópinn þar sem aðeins of mikið vatn var, líklega skemmtu menn sér þó við að sjá stærri bílana spreyta sig, þeir fóru að sögn upp undir húdd í ánni. Til stóð að fara inn í Stakkholtsgjá, en ekki reyndist það mögulegt þar sem ekki var hægt að komast yfir ánna og héldu menn þá af stað til byggða.
Fréttaritarinn þakkar þar með fyrir sig í dag.
Góðan dag
Í morgun kl. 9 lögðu af stað um 30 bílar frá Stöðinni og var ferðinni heitið í Þórsmörk. Núna rétt upp úr kl. 11 heyrði ég í Gný, en hann var þá kominn út af malbiki með sinn hóp, fremstu bílar voru komnir eitthvað lengra. Siggi Pálma er aðalfararstjóri og Baldur er eftirfari og síðan eru öryggisbílar með í ferð ásamt hópstjórum og öðrum ferðalöngum. Á leiðinni úr bænum hefur verið rigning alla leið, en Gnýr sagði að hjá honum væri sól og regnbogi og veðrið liti afskaplega vel út.
Engin vandræði hafa komið upp og allir kátir með ferðina.
Fleiri fréttir koma síðar, en ég bendi á að hægt er að sjá hvar hópurinn er á http://www.depill.is/f4x4.
Fréttaritarinn
Eru ekki örugglega allir búnir að senda póst á postur@uar.is og óska eftir fresti á umsögnum við þetta frumvarp. Sjálfur sendi ég eftirfarandi texta:
—————————-
Frestur sá er þið veitið vegna athugasemda við ný náttúruverndarlög er óeðlilega stuttur. Aðeins er veittur frestur til 25. september, en eins og flestir ættu að vita er þessi tími undirlagður haustverkum til sveita, auk þess sem félagasamtök og aðrir eru á þessum tíma í óða önn að undirbú vetrarstarf sitt.Sé ætlunin að fá vandaðar athugasemdir væri eðlilegt að hafa þennan umsagnartíma amk til áramóta.
—————————Bæði einstaklingar og félagasamtök eiga að senda inn og láta heyra í sér, nema auðvitað ef svo ólíklega vill til að einhverjir séu sáttir við þetta…..
kv. Óli
Svona svona, það er nú kannski óþarfi að sleppa því að mæta á fundinn. Það er spennandi að vita hvert stjórnin ætlar með klúbbinn í vetur, en þeir hljóta að hafa markað stefnuna varðandi starfið og ekki síst ferðafrelsismálin. Ekki er síður spennandi að heyra hvað nefndirnar sjá fyrir sér í sínu starfi í vetur.
Ef fólki misbýður ákveðin fundarefni eða ræðumenn, þá er nú ekkert flókið að víkja af fundinum um stundarsakir á meðan slíkt efni fer fram. Ég sé amk fram á að víkja þegar höfundur refsivandarins ætlar að segja frá labbitúrnum sínum.
kv. Óli
Sælir félagar
Er ég einn um að finnast fundarefni komandi mánudagsfundar sérkennilegt ?
Á félagsfundi hjá Ferðaklúbbnum 4×4, er verið að fjalla um gönguferð um Vonarskarð! Því fá menn ekki einhvern/einhverja sem hafa ekið þessa leið og/eða Vikrafellsleið geta lýst henni/þeim út frá því sjónarhorni? Fyrirlestur um gönguleiðina ætti frekar erindi hjá Ferðafélagi Íslands. Og að fá Róbert Marshall til að halda það, manninn sem vann gegn okkur síðastliðin vetur, m.a. með refsivendinum sem hann átti skuldlausan….
Er þetta ekki örugglega bara grín ?
kv. Óli
Fínar minningargreinar hjá ykkur.
kv. Óli
Góðan dag
Var að fá hringingu frá fyrrverandi formanni Umhverfisnefndar. Nú er hópur fólks frá F4x4 og Útivist við lagfæringar á veginum norðan Hungurfitsafleggjarans. Hópurinn telur nú um 12-14 manns á 8 bílum og er nokkuð um för utan vegarins. Einnig einhverjir villuslóðar. Mannskapurinn er að ganga með veginum, raka yfir förin og loka villuslóðunum. Enn eru þau ekki komin að mýrarakstrinum frá í fyrra, en þangað er stefnan að sjálfsögðu tekin til að vinna þar að lagfæringum.
Kv. Óli
Flottar myndir hjá þér Sigurður að vanda. Og afbragðs góð ferð hjá okkur, þó fáir hafi mætt. Það er skemmtilegt að sjá hvað landgræðsla síðustu ára hefur skilað miklum árangri. Það verður áhugavert að fylgjast með þessu svæði næstu ár og áratugi, vonandi verða 4×4 félagar duglegir að mæta í landgræðslu í framtíðinni, því það eru fáir aðrir sem sinna þessu svæði.
En flott ferð og frábært fólk.
kv. Óli
Það er magnað með marga félagsmenn í þessum klúbbi. Þeir þreytast ekki á að tala um mikilvægi landgræðslu fyrir landið og fyrir orðspor klúbbsins en þegar kemur að framkvæmd landgræðslunnar ríkir þögnin ein.
Nú er í boði fyrir félagsmenn árleg landgræðsluferð Umhverfisnefndar, en undarlegt nokk, eru nánast bara meðlimir nefndarinnar skráðir til leiks, auk örfárra annarra góðra félaga. Hvar er allur fjöldinn núna, sem talar um mikilvægi landgræðslunnar?
Þeir sem ekki þora að tjalda í Þjórsárdalnum geta mætt á laugardagsmorgninum og tekið þátt í landgræðslustarfinu, hinir tjalda auðvitað bara og taka þátt í öllu saman.
Koma svo félagar, látið hendur standa fram úr ermum og takið þátt í starfi klúbbsins, þetta er orðspor okkar út á við sem hér er um að ræða.
kv. Óli
Flott útileguveður:
[img:csj0rjzq]http://www.f4x4.is/g2/main.php?g2_view=core.DownloadItem&g2_itemId=318463&g2_serialNumber=1[/img:csj0rjzq]Kv. Óli
