Forum Replies Created
-
Replies
-
Úlfr, er það nýja prójektið að skella Kíu á 44 ?
Vantaði þig ekki einmitt eitthvað til að smíða?
Kv. Óli
Hverjir eru að selja hraðloka eða hvað það nú heitir sem notað er í felgur í stað hefbundinna ventla ?
Kv. Óli
Sæll
Held að þetta fari nú bara eftir því hvað þú ert vanur að ferðast, hvað þú ert sjálfbjarga og hvað þú ert á góðum bíl. Sprengisandur er nú svo sem ekkert voðalega erfiður, en hann er nokkuð langur og langt að leita aðstoðar ef eitthvað klikkar. Það er nú auðvitað töluverð umferð á þessum tíma og hálendisvakt hjálparsveitanna eru þarna á ferðinni.
Það er nú samt þannig að það er alltaf öruggara að vera á fleiri bílum þegar farið er á fjöll, hef samt sjálfur farið oft einbíla yfir Sprengisand. Ef þú leggur í hann þá ráðlegg ég þér að hleypa svolítið úr og mýkja í dekkjunum þegar þú ert kominn á slóðann, það gerir ferðalagið svo miklu þægilegra.
Góða ferð,
Kv. Óli
Sæll Unnar
Ég þekki Soffíu þessa ekki heldur, en hafði nokkuð gaman af að lesa þessa leiðarlýsingu (blogg). Ég sagði heldur ekki að einhverjir gætu ákveðið það, heldur "gefur það næstum til kynna að …"
Í því samhengi sem þetta er bloggað, þ.e. í tengslum við fréttina um ferð trukksins þarna um þessar slóðir, þá túlka ég bloggið þannig að það sé skrifað milli línanna að það sé svo mikið vesen af þessum aðilum sem keyra um þarna um, að það mætti næstum banna það. Hún segir [i:2el51tg6]"Þarna inni í Vonarskarði er heldur ekkert fjarskiptasamband nema með gervihnattasíma. Þarna næst ekkert gsm, nmt, vhf eða tetra. "If you get in trouble, you stay in trouble" tuðaði ég yfir túristum sem vildu endilega kanna Vonarskarðið akandi."[/i:2el51tg6] Og svo vantar bara að það komi fram að betra sé að hleypa þeim bara ekki þangað nema kannski fótgangandi, en síðar kemur fram [i:2el51tg6]"Að lokum mæli ég með því að fólk upplifi Vonarskarð með samblandi af skynsamlegri ökuferð og gönguferð. Tilvalið er að aka inn í skarðið að norðan og að vörðu sem er rétt sunnan við Valafell. En EKKI lengra"[/i:2el51tg6]. Ég tek undir með þér að þetta kemur ekki beinlínis fram … en ég les þetta á milli línanna. En svo eru auðvitað aðrir sem lesa þetta öðruvísi og hið besta mál með það.
MBL hefur hinsvegar eftir landverðinum að þetta sé "ekki hefðbundin leið" og "alls ekki ætlast til þess að hann (slóðinn) sé ekinn".
Svo er gott að einhver hefur loksins áhuga á að spá í þetta mál, þetta sýnir hvað slóðaverkefnið er mikilvægt fyrir okkur !
Kv. Óli
Hér er bloggar einhver Soffía Sigurðardóttir um fréttina á mbl og gefur til næstum til kynna að skálaverðir/landverðir geti "ákveðið" að ákveðnar leiðir eigi að vera lokaðar…. Því leiðin er svo erfið og illfær … eða kannski má túlka þetta öðruvísi ?
[url=http://fia.blog.is/blog/fia/entry/922308/:3ifdvjw8]Blogg Soffíu[/url:3ifdvjw8]
Kv. Óli
Kannski á morgun, fimmtudag ?
Hér er kannski um óskynsamlegt leiðaval hjá ökumanni trukksins, en mér finnst undarlegt hjá landverði að segja að „ekki sé um hefðbundna leið“ að ræða – hvað er hefðbundin og hvað er óhefðbundin leið?
Eins finnst mér merkilegt að landvörðurinn segi að „ekki sé ætlast til að slóðinn sé ekinn“ – hvernig má landvörður ákveða það, eða var einhver annar sem ákvað það ?
Hvað finnst ykkur um þetta ?
Kv. Óli
Góðan dag
Skv. fjölmiðlum í gær var bíll gripinn við utanvegaakstur á Sprengisandi í gær. Það væri forvitnilegt að vita hversu alvarlegur þessi utanvegaakstur var. Spurning hvort einhver getur útvegað myndir af þessu, eða fengið nánari upplýsingar.
Kv. Óli
Þetta er auðvitað algjör munur, miklu skemmtilegra að opna myndasafnið svona
Kv. Óli
Nú eru menn greinilega farnir að byrja að prófa nýja myndasafnið, en nokkuð hvimleitt þegar maður velur "Nýjast" hvað það er mikið af tómum albúmum. Svo eru líka komnar þar inn auglýsingamyndir, eitthvað sem var illa séð og mér finnst ekki að eigi að vera þar.
Er vefnefnd að spá í að eyða út tómum albúmum eftir einhvern tíma, t.d. sjálfvirk keyrsla á hverri nóttu … eða á eftir að spá eitthvað í það ?
Verður ekki sami háttur hafður á og áður að auglýsingamyndum er einfaldlega eytt ?
Kv. Óli
Ég prófaði að setja inn mynd úr Picasa3 í gær og gekk það fínt.
Skil heinsvegar ekki Aths fídusinn. Hvað á hann að sýna meira en "Comments" neðst á síðunni? Auk þess fæ ég alltaf meldingu um að ég hafi ekki réttindi, þegar ég nota hann.
Kv. Óli
Svona til að hafa hlutina á hreinu þá fékk ég þessar upplýsingar úr Hálendishandbókinni eftir Pál Ásgeir Ásgeirsson.
Kv. Óli
Sá þetta einhverstaðar:
"Opinberlega hefur þessi foss ekkert nafn en hefur oft verið nefndur Rudolf eftir Rudolf nokkrum Stoltzenwald sem var frumkvöðull í fjallamennsku á Íslandi. Hann byggði m.a. Dalakofann sem er þarna skammt fyrir ofan."
Kv. Óli
Jú Haffi, nú virkar þetta. Var búinn að reyna að skrá mig inn en sá ekki möguleikann að kommenta, en nú er það í lagi.
Varðandi myndastærðir hef ég svo sem ekki sérstaka skoðun á því. En ef maður veit hvaða leið er best að fara, þá ætti það bara að vera leyst þannig og allir happy.
Tók eftir "hraðanum" á síðunni í gær …. Augljóst að það þurfti að laga það… hún er betri í dag.
Kv. Óli
Slakið nú á og hættið að hafa allt á hornum ykkar. Þetta er miklu betra myndasafn en það gamla og ef þið notið tímann í að skoða og prófa, fremur en að nöldra og kvarta (smá skot hehe), þá sjáið þið að það er mun auðveldara að finna myndir í þessu myndasafni heldur en í því gamla.
Neðst á myndasíðunni er að finna tengil sem heitir "Advanced Search". Ef þið veljið hann og skráið inn þar t.d. "arngrímur" þá birtast öll myndasöfn þar sem Arngrímur er eigandi eða kemur þar fyrir. Eintóm snilld !!!
Það er auðvitað ekki nógu gott ef ekki er hægt að setja inn myndir af algengum stærðum, en ég reikna með að Haffi kippi því í liðinn í snatri, er ekki svo Haffi ?
Svo er spurning með hvort hugmyndin er að hægt verði að kommenta á myndir, ég hef enn ekki fundið þann möguleika…
Ég hlakka svo til að sjá hvaða flottu fídusa hægt er að bæta við í framtíðinni.
Kv. Óli
Frábært að myndaalbúmið er komið í loftið. Ég, eins og Addi saknaði þess að geta ekki séð albúm pr. notanda, en með því að nota leitarmöguleikann, þá á það nú ekki að vera neitt stórmál.
Vel gert Haffi og þið hinir í Vefnefnd !
Mig langar að vita hvort það á að vera hægt að skrifa athugasemdir við myndirnar, kommenta á þær og ef svo er hvernig það er þá gert ?
Kv. Óli
Hmm varðandi það atriði geturðu nú kannski bara sent mér tölvupóst olafurmag@gmail.com, eða hringt 844 4247.
Kv. Óli
Ég notaði lítið Magellan handtæki hér áður. Keypti mér hugbúnað sem heitir Fugawi (http://www.fugawi.com) og það virkaði ágætlega. Nú þegar Garmin styður ekki að nroute tengist Garmin 525 tækinu mínu hef ég dustað rykið af Fugawi forritinu og nota það með ágætum árangri með Garmin líka.
Kv. Óli
Var að þvælast um fjallabökin (N og S) um síðustu helgi og er vel fært fyrir minnstu jeppa um nánast allt svæðið. Það var auðvitað mismikið í ánum eftir dögum og dagpörtum, en með því að fara varlega og skoða vöðin, jafnvel vaða þau ef maður er óviss þá á þetta ekki að vera neitt mál. Það þarf heldur ekki að fylgja fordæmi þeirra sem keyra á fullri ferð í vöðin, held að farsælla sé að fara rólega á minnstu jeppunum amk.
Reyndar tel ég ekki að minni jepparnir eigi erindi í Hrafntinnusker yfir Pokahrygg, því nokkuð var enn um snjó og sumstaðar svolítið erfitt að komast þar um.
Annars á mest af þessu að vera vel greiðfært ef farið er um með heilbrigðri skynsemi eins og alltaf
Kv. Óli, Litlunefnd
