Forum Replies Created
-
Replies
-
Í dag er síðasti dagur skráningar í Litlunefndarferðina. Minni á kynningarfund um ferðina á opna húsinu í kvöld kl. 20:00, en þá verður einnig stutt námskeið fyrir þá byrjendur sem eru skráðir í ferðina.
Kv. Óli, Litlunefnd
Minni á að skráning er enn á fullu í þessa ferð. Allar upplýsingar um skráningu á forsíðunni eða [url=http://www.f4x4.is/index.php?option=com_content&view=article&id=951:skraning-hafin-i-novemberfere-litlunefndar&catid=75:litlanefnd&Itemid=130:13cj50u7]hér[/url:13cj50u7].
Kv. Óli, Litlunefnd
Eins og sjá má á forsíðunni er skráning hafin í nóvemberferð Litlunefndarinnar. Skráningar eru farnar að streyma inn og ég minni á að skráningu lýkur á fimmtudagskvöldið kemur. En á fimmtudagskvöldið verður einnig kynningarkvöld á opna húsinu í húsnæði klúbbsins a Eirhöfða.
Ef einhverjir hafa áhuga á að aðstoða Litlunefndina við þessa ferð eða aðrar, má gjarnan senda tölvupóst á litlanefndin@f4x4.is, eða hringja í mig í 844 4247. Ekki hika við að koma með okkur, þetta eru afskaplega gefandi og skemmtilegar ferðir eins og fararstjórarnir okkar geta vitnað um. Það er hinsvegar svo að ekki er leggjandi á sömu fararstjórana að fara allar ferðir vetrarins, enda komast ekki allir alltaf. Því er gott að geta leitað til ykkar með aðstoð, ágætu félagsmenn.
Látið nú ekki ykkar eftir liggja og skellið ykkur með í ferðir með okkur í vetur.
Með ferðakveðju,
Óli, Litlunefnd
Búið er að setja dagsetningu og grófa ferðaáætlun fyrir næstu ferð Litlunefndar. Farið verður laugardaginn 21. nóvember n.k. og verður stefnan tekin á Þingvöll, Gjábakkaveg, „vörðuna“ og inn á Skjaldbreiðarsvæðið.
Takið daginn frá og komið með okkur í skemmtilega ferð.
Ef einhver hefur áhuga á að aðstoða með fararstjórn eða annað, látið þá vita á litlanefndin@f4x4.is.
Ferðin verður auglýst nánar þegar nær dregur og þegar við opnum fyrir skráningar.
Kv. Óli, Litlunefnd
Benni, það var nú ekki fallega gert að stela þessum þræði svona 😉
En ég held að Litlanefndin taki kannski á móti flestum nýliðum í jeppamennsku í klúbbnum. Í því samhengi þá höfum við ekki skilgreint nýliða í okkar hópi og slíkt stendur alls ekki til, enda eiginlega ekki nauðsynlegt, því ég held að það að vera nýliði sé bara eitthvað sem hver og einn finnur hjá sér. Ef fólk telur sig vanta reynslu eða þekkingu á einhverjum sviðum jeppamennsku þá getur það skilgreint sig sem nýliða. Við tökum amk á móti öllum í ferðir Litlunefndarinnar, hvort sem um er að ræða fólk sem er að fara á fjöll í fyrsta sinn, eða reynsluboltum sem hafa eytt hálfri æfinnni á fjöllum.
kv. Óli sem er á LC80 44" og er kannski nýliði og kannski ekki en finnst amk gaman að ferðast
Góðan dag
Ég minni á og hvet alla félagsmenn til að mæta á aukaaðalfundinn á morgun. Einnig má skoða umræður um lagabreytingatillögurnar á innanfélagsspjallinu. Þá þarf að skrá sig inn á vefinn, síðan að velja „Spjallið“ hér fyrir ofan, þá „Innanfélagsmál“ í rammanum og lokst þráðinn sem heitir „Lagabreytingartillögur fyrir aukaaðalfund „. Svo er einfaldlega hægt að smella hér.
Kv. Óli, Litlunefnd
Góðan dag
Ég vill byrja á að taka fram að mér finnast þessar lagabreytingatillögur hinar ágætustu og það var orðið tímabært að taka til og fara yfir lögin, lagfæra eitt og annað og samræma. Það geta auðvitað ekki allir orðið sammála um allt og þessvegna heilbrigt að fá fram umræður og kannski aðra sýn á hlutina eins og hér hefur verið gert á (mis)málefnalegan hátt. Ég er sáttur við þessar tillögur þó að þar séu nokkrir hlutir sem ég er ekki endilega alveg sammála um, t.d. í 9. grein er aðalfundi gefin heimild til að fjölga eða fækka í nefnd. Þannig á gengi (fleiri en 5) að geti tekið að sér nefnd, en það er þó ekki beinlínis tekið á því ef t.d. tvö gengi bjóða fram í eina og sömu nefndina. Er þá hægt að kjósa bæði gengin eða á að kjósa á milli þeirra og hvað ræður því þá? Mér finnst þetta samt tilraunarinnar virði og spennandi að sjá hvernig þetta kemur út.
Ég er fullkomlega sammála Benna varðandi 12. greinina enda held ég að hún sé að einhverjum hluta komin úr breytingatillögum sem ég setti fram við síðustu lagabreytingatillögu og er ákvæði sem liðkar fyrir starfi klúbbsins milli aðalfunda, ef eitthvað kemur uppá í nefndum, enda þarf frumkvæði að slíkri beiðni að koma frá meirihluta fastanefndar og ef slík beðini kemur ekki fram, þá hefur stjórn ekkert vald til að breyta neinu.
En þá er komið að 14. greininni sem mér finnst eina greinin í lagabreytingartillögunum sem er raunverulega gölluð. Ég held að allir geti verið sammála um að aukafélagar eru nauðsynlegir í klúbbnum, til að halda uppi aukinni veltu við fyrirtæki sem klúbburinn hefur gert samninga við, t.d. aðalstyrktaraðila klúbbsins. Deilan stendur hinsvegar um réttindi þessara aukafélaga. Mér finnst mjög óeðlilegt að aukafélögum sé boðið uppá að gegna trúnaðarstörfum fyrir klúbbinn, sitja í nefndum eða stjórn, án þess að hafa atkvæðisrétt á aðalfundi klúbbsins, þar sem fjallað er um málefni nefnda og stjórnar og kosið í nefndir og stjórn. Það er semsagt hægt að kjósa aukafélaga til stjórnarsetu og jafnvel formennsku í klúbbnum, en aukafélaginn getur ekki kosið sjálfur. Þetta er mótsögn í sjálfu sér og ég get ekki ímyndað mér að nokkur vilji starfa fyrir klúbbinn undir þeim formerkjum. Við þessu er tvennt til ráða, annarsvegar að aukafélagar hafi sama rétt og aðalfélagar, eða að aukafélagar hafi engan rétt til að starfa fyrir klúbbinn. Mín tillaga gengur út á hið fyrrnefnda og verður lögð fram á aðalfundinum sem slík.
Komið hafa fram rök um að þeir aðalfélagar sem hafa aukafélaga sem starfar fyrir klúbbinn hafi tvöfalt atkvæðavægi. Þetta er alrangt, því ALLIR félagsmenn geta haft aukafélaga og ALLIR aukafélagar geta greitt atkvæði á aðalfundum. En það er hinsvegar þannig að aðeins sumir og reyndar fáir þessara aukafélaga nenna eða hafa áhuga á að starfa fyrir klubbinn, og það segir sig sjálft að aðeins þeir sem eru nógu .
Svo vil ég benda á að í núglidandi lögum hafa aukafélagar sama rétt og aðalfélagar og ekki séð að vandræði hafi orðið vegna þess í starfi klúbbsins.
Að lokum vill ég hvetja félagsmenn til að mæta á aðalfundinn á morgun og gera góða lagabreytingatillögu enn betri með því að samþykkja breytingatillögu við 14. greinina.
Kv. Óli
Enn er rætt um glápgjald, nú í fréttatíma RUV í hádeginu. Hægt er að hlusta á fréttatímann [url=http://dagskra.ruv.is/ras2/4476307/2009/11/04/:15c2iedr]hér[/url:15c2iedr], en þessi umræða og viðtal við Unni Halldórsdóttur nýkjörinn formann ferðamálasamtaka Íslands, er frekar aftarlega í fréttatímanum.
Kv. Óli
Gott kvöld, þá er þessari góðu ferð Litlunefndarinnar lokið. Þetta var með allra bestu ferðum okkar, mjög krefjandi en skemmtileg og ótrúlega falleg leið.
Ferðin gekk í alla staði vel, við áttum frekar von á léttu sumarfæri, höfðum frétt að aðeins væru 2 skaflar á leiðinni en annað átti eftir að koma í ljós. Fyrsti skaflinn varð á vegi okkar strax norðan í fellinu sem liggur austan Einhyrnings. Það tók dágóðan tíma að koma öllum þar yfir, enda svolítill hliðarhalli, og gil beint niðuraf. En allir komust þar í gegn nema einn bíll sem var fylgt til baka, en í ljós kom að framdrifið virkaði ekki, líklega vegna bilaðrar drifloku.
Nokkrir fleiri skaflar urðu á leið okkar að Markarfljótsgljúfrinu og töfðu þeir suma hópana nokkuð, þannig að ekki fóru allir niður að gljúfrinu sjálfu. Fórum svo inn á Hungurfitsleiðina og er alltaf jafn gaman að keyra þar niður í og eftir gljúfrunum. Það var spennandi að vita hvernig gengi að komast á milli klettanna frægu en allir komust þar í gegn, meira að segja stærstu bílarnir á 44 og 46 tommu dekkjum. Það mátti reyndar ekki muna nema nokkrum millimetrum hjá þeim breiðustu.
Frábært er að stoppa í nesti á flötunum í Þverárgljúfri og áttum við þar góða stund við nestisát og spjall. Eftir það tóku við brekkur og gil eins og menn þekkja og þar var nokkuð af sköflum sem reyndust mis erfiðir. Sumir náðu að festa sig vandlega en aðrir laumuðust yfir án vandkvæða. Að lokum skiluðu allir sér að að Hungurfitsskála þar sem stoppað var svolitla stund. Frá skálanum og til byggða var einnig slatti af sköflum sem töfðu svolítið, en ekkert til vandræða.
Undir kvöld, eða milli kl. 18 og 19 var komið til byggða, pumpað þar í dekk og ferðinni slitið.
Mig langar að þakka fararstjórunum okkar fyrir frábært starf, án þeirra hefði þessi ferð ekki verið svona góð. Félagar mínir í litlunefnd standa alltaf fyrir sínu, það eru forréttindi að fá að vinna með svona frábærum hóp. Einnig þakkir til fréttaritarans og þeirra sem heima sátu og voru á bakvakt vegna okkar.
Ferðalangarnir voru heldur ekki af verri endanum, jákvæðir og skemmtilegir, alltaf til í að hjálpa til og nutu lífsins á fjöllum eins og við öll.
Á opnu húsi á fimmtudagskvöldið kemur verður svo myndasýning úr ferðinni þar sem allir koma með sínar myndir og deila með okkur hinum.
Kær kveðja,
Óli sem var aðalfararstjóri í þessari ferð.
Ferðafélagar í Litlunefndarferðinni um helgina, munið að við verðum með kynningarkvöld nú í kvöld kl. 20:30.
Kv. Óli, Litlunefnd
Þetta er að mörgu leyti mjög til batnaðar frá síðustu tillögum, flest mjög gott. Það er þó eitt sem ég er ósáttur með og mun leggja fram breytingatillögu, ef ekki verður búið að breyta því í lagatillögunni, en það varðar aukafélagana. Það eru dæmi þess að bæði aðal- og aukafélagi leggi fram töluvert mikið starf fyrir klúbbinn jafnvel að báðir aðilar sitji í nefndum og er ekkert réttlæti í að aðeins annar sá aðili hafi atkvæðisrétt. Ég held að mikilvægara sé að umbuna þeim sem leggja fram starf fyrir klúbbinn, t.d. með þessari auka-aðild, heldur en að reyna að stoppa að aukafélagar hafi atkvæðisrétt. Ég hef reyndar ekki sé nein rök fyrir því. Ég mun því leggja til að 14. grein verði breytt:
14. grein
Félagi getur hver sá orðið sem áhuga hefur á markmiðum félagsins. Inntökubeiðni skal vera skrifleg og send stjórn félagsins. Sæki félagi um flutning milli deilda skal það tilkynnt skriflega til stjórnar og tekur flutningurinn gildi við upphaf næsta starfsárs.
Hver félagi getur skráð einn aukafélaga sem hefur sama lögheimili og aðalfélagi án sérstakrar aukagreiðslu fyrir hann. Aukafélagar hafa öll sömu réttindi og skyldur og aðalfélagar.Jafnframt verði 29 grein breytt þannig að:
"frá fullgildum félagsmanni" verði "frá félagsmanni". Sem þýðir auðvitað að aukafélagi geti lagt fram lagabreytingatillögur.Kv. Óli sem er í Litlunefnd og aukafélagi Didda sem er í Umhverfisnefnd
Enn stendur skráning yfir í Litlunefndarferðina og lýkur ekki fyrr en annaðkvöld. Á morgun, fimmtudagskvöld kl. 20:30 verður einnig kynningarkvöld fyrir þátttakendur í ferðinni og svolítið námskeið í jeppamennsku fyrir byrjendur.
kv. Óli, Litlunefnd
Sælir
Allar upplýsingar um ferðatilhögun og skráningu er að finna á frétt um málið [url=http://www.f4x4.is/index.php?option=com_content&view=article&id=930:oktoberfere-litlunefndar&catid=75:litlanefnd&Itemid=130:2l0nqeay]hér.[/url:2l0nqeay]
Upplýsingar um hverjir eru skráðir, koma hér á þráðinn á eftir eða í fyrramálið.
Kv. Óli, Litlunefnd.
Enn fjölgar skráningum og þetta ætti að verða frábær ferð. Hægt er að skrá sig fram á fimmtudagskvöld, en þá verðum við með kynningarkvöld um ferðina og einnig stutt námskeið fyrir þá sem það vilja/þurfa.
Nánari upplýsingar og leiðbeiningar um skráningu er að finna [url=http://f4x4.is/index.php?option=com_content&view=article&id=930:oktoberfere-litlunefndar&catid=75:litlanefnd&Itemid=130:559aea8p]hér.[/url:559aea8p]
Kv. Óli, Litlunefnd
Ulfr, við förum nú létt í gegn á Rav bílunum okkar sko ….
Annars er varaleið fyrir þá sem þora ekki á milli … er með trakk af henni og alles.
Þess má geta að nú eru 17 bílar skráðir til leiks
Kv. Óli, Litlunefnd
Þar sem þú ert svo duglegur að fylgjast með alþingi, Jón, þá vona ég að þú skellir svarinu hennar Svandísar hér inn þegar það kemur, eða amk link á það.
kv. Óli
Jú þetta er einmitt sú leið. En fyrir bíla sem eru of breiðir, þá erum við með aðra leið til að sleppa þar framhjá, svo það verður ekkert mál. Það er um að gera að skrá sig, nú þegar eru 14 bílar skráðir í ferðina.
Kv. Óli, Litlunefnd.
Hmmm Jón, ég á eina ónotaða hækju sem þú gætir fengið lánaða ……..
kv. Óli
Sælir félagar
Ef einhver hefur áhuga á að vera aðstoðarfararstjóri eða öryggisbíll hjá Litlunefnd, í komandi ferð eða öðrum ferðum í vetur, sendið þá endilega tölvupóst á litlanefndin@f4x4.is um reynslu ykkar af ferðalögum og hvernig þið eruð búin til vetrarferða, bæði bíl og annan búnað.
Kv. Óli Litlunefnd
Nú styttist í að skráning hefjist í þessa ferð, en opnað verður fyrir skráningar síðar í vikunni.
Það er um að gera að láta sig hlakka til þessarar ferðar, leiðin er mjög falleg og spennandi og þar að auki höfum við sérpantað gott veður, svo það er ekkert sem ætti að geta stoppað okkur
Kv. Óli, Litlunefnd
