Forum Replies Created
-
Replies
-
Já þetta gæti orðið hin skemmtilegasta ferð…..
kv. Óli, Litlunefnd
Eins og fram kemur í dagatalinu hér á síðunni er næsta Litlunefndarferð laugardaginn 20. febrúar n.k.
Um þesar mundir er erfitt að finna skemmtilegar leiðir á snjó án þess að stefna á jökla eða fara til útlanda. Við höfum hinsvegar ákveðið að taka góðan bíltúr á þessum degi og stefnum á að fara dagsferð í Kerlingafjöll, í þeirri von að á leiðinni þangað verði búið að snjóa eitthvað áður en kemur að ferðadeginum. Þar á svæðinu er líka að finna útúrdúra sem hægt er að skoða ef færð og tími gefst til.
Skráningar eru ekki hafnar enn, en slíkt verður auglýst sérstaklega þegar nær dregur.
Takið frá laugardaginn 20. febrúar n.k. og fimmtudagskvöldið 18. febrúar fyrir kynningarkvöld vegna ferðarinnar.
Kv. Óli, Litlunefnd
Hrós til ykkar í Ofurgenginu. Þetta var skemmtileg, upplífgandi og jákvæð kynning sem hressti verulega uppá mannskapinn. Skemmtilegt myndband líka. Flott hjá ykkur !
kv. Óli, Litlunefnd
Við í stjórn Litlunefndar sendum aðstandendum okkar innilegustu samúðarkveðjur.
Kv. Ólafur Magnússon, formaður Litlunefndar
Þessi auglýsing er greinilega síðan áður en menn fóru að keyra á jeppum á stórum dekkjum á snjó og því slíkur akstur ekki tiltekinn í auglýsingunni. Það leikur enginn vafi á að lög eru sterkari en auglýsingar og því gilda núverandi náttúruverndarlög og þar með heimilt að keyra á jeppum á snjó.
kv. Óli
Þetta er auðvitað ótrúlegt útspil hjá Umhverfisstofnun. Að það skuli vera starfsmaður hjá stofnuninni sem sendir ákveðnum hópi fólks póst sem minnir á hvar skal keyra og hvar ekki. Þetta fordæmi hlýtur að gefa til kynna að Umhverfisstofun verði með fólk á sínum snærum sem fylgist með öllum ferðum á landinu og sendi viðkomandi ferðalöngum viðvaranir fyrir ferðir. Er þetta það sem skattpeningarnir okkar eiga að fara í ? Ég held að Umhverfisstofnun ætti að fara að huga að því hvað starfsmenn þeirra eru að sýsla við !
kv. Óli
Hehe, ég verslaði amk í Húsasmiðjunni.
kv. Óli
Takk félagar, ég fór á nokkra staði. Hæsta verð ca 2400 pr. metra, lægsta verð ca 400 pr. metra og ég er búinn að fá það sem ég þarf í þessu
Kv. Óli
Gott kvöld félagar
Er einhver sem veit hvar ég fæ álímda hálkuvörn til að líma á stigbretti. Ég veit að Kemi er með þetta en er að leita að öðrum lausnum á viðráðanlegu verði.
Kv. Óli
Góða kvöldið
Ég held það sé erfitt að túlka orð mín í eftirfarandi [quote:2ri5omlt]Valur, kannski er það pólitískt en þó er það þannig að gagnvart Litlunefnd skiptir þetta ekki svo miklu máli. Jú auðvitað kemur fyrir að utanfélagsmenn hafi einhverjar spurningar, en það sem skiptir máli í okkar ferðum er að langflestir nýliðar koma á kynningarkvöldin sem við höldum alltaf fyrir ferðirnar og þar er öllum spurningum svarað sem brenna á mönnum. Svo má benda á að þáttakendur í ferðum eru í tölvupóstsamskiptum við fararstjóra og þannig upplýsingamiðlun er algengari en menn halda. Þannig að þessi lokun hefur ekki mikil áhrif á starfsemi Litlunefndarinnar.[/quote:2ri5omlt] þannig að starfsemi Litlunefndar sé ætluð nýliðum eingöngu. Litlunefndarferðir eru og hafa alltaf verið vettvangur fyrir óbreytta og lítið breytta jeppa, félagsmenn sem aðra. Það verður hinsvegar ekki horft framhjá því að í hverri ferð hjá okkur eru nýliðar, mismargir þó og verður auðvitað að taka sérstakt tillit til þeirra og taka vel á móti þeim.
Varðandi dagsferðir fyrir meira breytta jeppa, þá er nú ekki mitt að svara því sem formaður Litlunefndar. Hinsvegar hef ég skoðun á því og bendi á að menn hafa nú einfaldlega verið duglegir að rotta sig saman með því að setja inn línu hér á spjallþráð. Margar skemmtilegar ferðir hafa komið upp úr slíku og gríðarlega margar svoleiðis ferðir eru farnar á hverjum vetri. Eðlilegt er að fólk taki sjálft frumkvæði að slíkum ferðum, en leggi það ekki í hendur klúbbsins. Ef óvanir menn eru á breyttum bílum þá er þeim velkomið að koma með í Litlunefndarferðir.
kv. Óli, Litlunefnd
Valur, kannski er það pólitískt en þó er það þannig að gagnvart Litlunefnd skiptir þetta ekki svo miklu máli. Jú auðvitað kemur fyrir að utanfélagsmenn hafi einhverjar spurningar, en það sem skiptir máli í okkar ferðum er að langflestir nýliðar koma á kynningarkvöldin sem við höldum alltaf fyrir ferðirnar og þar er öllum spurningum svarað sem brenna á mönnum. Svo má benda á að þáttakendur í ferðum eru í tölvupóstsamskiptum við fararstjóra og þannig upplýsingamiðlun er algengari en menn halda. Þannig að þessi lokun hefur ekki mikil áhrif á starfsemi Litlunefndarinnar.
Varðandi það að fólk hætti að gerast félagsmenn, vegna þess að skrifaðgangi utanfélagsmanna er lokað, þá finnst mér það hæpið. Ég held að það séu ekkert svo voðalega margir utanfélagsmenn sem byrja starfið á virkri umræðu á spjallþræðinum. Held að það sé frekar að menn fylgist með því sem er að gerast og gangi svo í klúbbinn ef þeim líkar umræðan. En ég veit ekki til þess að neinar mælingar séu til sem styðji hvorki þetta sjónarmið, né hitt, svo það þýðir lítið að koma með fullyrðingar þess efnis.
Nú er ég ekkert endilega fylgjandi því að loka, en set mig samt ekkert sérstaklega á móti því að gera þessa tilraun. Ef þetta reynist illa, þá er einfaldlega hægt að opna aftur. Það leggur samt ábyrgð á vefnefnd og stjórn að fylgjast vel með tölfræði um aðsókn að vefnum, bæði fyrir og eftir lokun og grípa fljótt til viðeigandi aðgerða ef þess er þörf.
Svo er spurning með auglýsingarnar. Hvergi kemur fram að það sé lokað fyrir auglýsingar, aðeins að lokað sé fyrir aðgengi að því að skrifa á spjallvef. Stjórnin mætti kannski skýra þetta nánar.
Kv. Óli, Litlunefnd
Held að sumir séu að misskilja eitthvað hér. Það stendur alls ekki til að loka spjallvef eða auglýsingum á vefnum ! Það eina sem á að gera er það að aðeins greiddir félagsmenn fá að skrifa inn á spjallsvæðið á vefnum, en annars er hann [b:3t95e9wb]opinn öllum til aflestrar.[/b:3t95e9wb]
Varðandi Litlunefndarferðir sem talað var um hér í fyrra innleggi þá sé ég ekki að þetta hafi áhrif á það. Nýliðar geta eftir sem áður lesið fréttir og upplýsingar um ferðir og munu geta skráð sig og tekið þátt í ferðum Litlunefndar hér eftir sem hingað til. Og svo það sé alveg á hreinu þá eru ferðir Litlunefndar opnar öllum, bæði félagsmönnum og utanfélagsmönnum.
Kv. Óli, Litlunefnd
Þá er fólk líklega flest komið til síns heima eftir ágæta ferð á jökulinn. Þrátt fyrir lítið skyggni og snjókomu á jöklinum komust næstum allir bílarnir upp á hábunguna. Færið var fremur gott, sumstaðar var jökullinn alveg ber, en neðst niður undir jöklröndina var smávegis snjór og svo voru skaflar ofarlega þegar nálgaðist hábunguna.
Á jöklinum var aðeins keyrt eftir gps og eitthvað voru sumir að vandræðast með gps tækin sín, en það kennir okkur að æfa okkur í notkun þeirra þannig að vitað sé hvernig á að nota þau þegar á reynir.
Við komum í bæinn um Kaldadalinn á stærri bílunum en litlu bílarnir fóru malbikið í bæinn. Kaldidalur var nokkuð blautur og krapi norðan til, en snjólaus og drulla í honum sunnantil. Ekki mjög erfitt að fara hann samt á 35" og stærri bílum.
Ég þakka frábærum fararstjórum okkar fyrir sitt framlag og þátttakendum fyrir þáttökuna, en þetta er söguleg ferð, því auk þess að marka 7 ára afmæli Litlunefndarinnar er þetta fjölmennasta ferð nefndarinnar frá upphafi.
Ég þakka líka Loga Má fyrir góðan og ábyrgan fréttaflutning sem er það sem við viljum sjá í tengslum við ferðir Litlunefndar
kv. Óli, Litlunefnd
Farið var yfir alla ferðatilhögun á fundi í gærkvöld, en allir skráðir þátttakendur voru boðaðir á þann fund. Þar kom einnig fram að allir fá sendan tölvupóst með upplýsingum um ferðatilhögun og hefur sá póstur verið sendur. Þessu til viðbótar hafa upplýsingar um ferðina verið settar hér inn á forsíðuna.
Góða skemmtun á morgun,
kv. Óli, Litlunefnd
Athugið að lokað hefur verið fyrir skráningar. Sjá nánar í frétt á forsíðu.
kv. Óli, Litlunefnd
Ég minni á að skráning er enn í gangi. Nánari upplýsingar um skráninguna er [url=http://www.f4x4.is/index.php?option=com_content&view=article&id=981:skraning-hafin-i-januarfere-litlunefndar&catid=75:litlanefnd&Itemid=130:vapoz58k]á forsíðunni[/url:vapoz58k].
Ef einhverjir góðir félagar vilja koma í skemmtilega ferð og vera okkur innan handar með hópstjórn eða aðstoð, þá má gjarnan senda okkur tölvupóst á litlanefndin@f4x4.is.
Kv. Óli, Litlunefnd
Minni á að enn er opið fyrir skráningar.
Allar upplýsingar um skráningu má finna [url=http://www.f4x4.is/index.php?option=com_content&view=article&id=981:skraning-hafin-i-januarfere-litlunefndar&catid=75:litlanefnd&Itemid=130:q7qfqk3f]hér.[/url:q7qfqk3f]
Kv. Óli, Litlunefnd
Já við förum annaðhvort Kaldadalinn eða malbikið. Það verður ákveðið fyrir kynningarfundinn á fimmtudagskvöld
kv. Óli, Litlunefnd
Minni á að skráning er enn í fullum gangi í ferð Litlunefndarinnar. Nú þegar eru skráðir um 22 bílar svo þetta stefnir í flotta ferð. Nánari upplýsingar um skráningu er að finna í frétt hér á forsíðunni.
Kv. Óli, Litlunefnd
Já þú ert alveg "seif" …
Skráðu þig bara og komdu á kynningarkvöldið hjá okkur.
kv. Óli, Litlunefnd
