Forum Replies Created
-
Replies
-
Uxahryggir, þar er fólksbílafært. Kaldidalur er í lagi, nema smáleiðindi nyrst. Þar varð 33" bíll frá að hverfa.
kv. Óli
Ég þakka Loga fyrir fréttaritarastarfið. Þar sem þetta var létt ferð var ekki mikið fréttnæmt að gerast og því rólegt á vaktinni hjá fréttaritaranum í þetta sinn. Hinsvegar reyndi á suma aðila að læra á gps tækin sín og til þess var leikurinn gerður í þetta sinn, en ekki endilega að hafa erfiða ferð. Þó fengu allir að spreyta sig í brekkunni ofan Jaka í Langjökli.
Þakka góðum fararstjórum og skemmtilegum ferðalöngum.
kv. Óli, Litlunefnd
Ég held nú að flestir þeir sem skrifað hafi á þessum þræði gegn lokunum og forræðishyggju hafi ekki endilega verið að beina spjótum sínum að eldgosasvæðinu eingögnu, heldur gegn lokunum almennt. En lokunar- og forræðishyggjan endurspeglast svo sterkt á þessu eldgosasvæði að athyglin beinist þangað. Margir hefðu getað sett nánast sömu póstana á þráðinn um Vatnajökulsþjóðgarð enda lítill munur á þeirri lokunarstefnu sem verið er að beita á þeim stöðum og fleiri, þó aðstæður séu kannski aðrar.
Ef jeppafólk hefur ekki áttað sig á því þá eru mörg svæðin sem við þurfum að berjast fyrir rétti okkar til að ferðast á. Það nýjasta og mest áberandi er gossvæðið og kannski þessvegna sem það fær mestu athyglina.
Það er rétt Stefanía að við þurfum að gera mjög alvarlegar athugasemdir við þessari undurfurðulegu skýrslu um Vatnajökulsþjóðgarð, en það minnkar ekki þörfina fyrir að gagnrýna lokanirnar við gossvæðið og annarstaðar … nema kannski að sumar lokanir séu betri en aðrar lokanir ?
Kv. Óli
Athugið að lokað verður fyrir skráningu í kvöld. Einnig minni ég á kynningarfund vegna ferðarinnar í kvöld kl. 20:30 í félagsheimili klúbbsins að Eirhöfða.
Allar upplýsingar um skráningur er að finna [url=http://www.f4x4.is/index.php?option=com_content&view=article&id=1071:skraning-hafin-i-marsfere-litlunefndar&catid=75:litlanefnd&Itemid=130:23mnfra2]hér.[/url:23mnfra2]
Kv. Óli, Litlunefnd
Skemmtileg mynd hjá Óskari og góð lýsing hjá Skúla
En varðandi umræðuna um opið eða lokað þá snýst hún ekki um það hvort einhver er af illgirni að loka, eða að verið sé að ásaka einhverja um að vinna ekki vinnuna sína, heldur er þetta allt önnur umræða. Þær ástæður að verið sé að tryggja almennt öryggi fólks, eru bara ekki mjög sterk rök. Þau rök að tryggja öryggi fólks og ríkisins hafa verið notuð í gegnum söguna og það jafnvel í siðmentuðum ríkjum. Í sumum ríkjum var jafnvel til eitthvað sem hér "öryggislögregla". Starfsmenn þar sinntu sínum störfum mjög vel til að tryggja öryggi borgaranna og ríkisins, eða hvað? Nú er ég ekki að segja að slíkir starfshættir séu hafðir hér, aðeins að benda á það að við þurfum ekki endilega að gleypa það gagnrýnislaust þegar einhverjir sérfræðingar segja okkur að eitthvað sé ákveðið fyrir okkur, öryggis okkar vegna.
Með því að láta aðra aðila ákveða þessa hluti fyrir okkur er verið að taka af okkur frelsi sem við höfum notið í áratugi eða árhundruð. Þessu frelsi fylgir að sjálfsögðu ábyrgð líka og við höfum fyllilega staðið undir þeirri ábyrgð hingað til, Íslendingar. Það er auðvitað voðalega þægilegt að láta aðra bara ákveða fyrir sig hvað á að gera og sleppa jafnframt ábyrgðinni, gera bara eins og manni er sagt, kannski hætta að hugsa sjálfstætt…. En viljum við það?
Miðað við þann málflutning sem ég hef heyrt hjá nokkrum félögum hér á þessum þræði er jafnvel búið að sannfæra þá um að best sé að sérfræðingarnir ráði fyrir okkur, hvað við eigum að gera og að við eigum bara að hlýða. Ég get bara ekki verið sammála því, tel að boð og bönn séu komin allt of langt og tími til kominn að stoppa. Slaka á í bannstefnunni, eyða meiri orku í að leyfa, en jafnframt að nýta fræðingana í að leiðbeina og fræða, því það er miklu sterkara vopn heldur en boð og bönn.
Kv. Óli
Menn þurfa nú ekkert að vera mannvondir til að ofskipuleggja og vera með forræðishyggju eins og nú er í gangi. Menn halda að það sé best fyrir alla að stóribróðir ráði og allir hinir hlýði bara og telja því örugglega að þeir séu að gera rétt. Ég er ósammála því að þetta sé rétt, mannvonska eða ekki. Hér er verið að kalla úlfur, úlfur yfir litlu að mínu mati og misnota þetta vald sem mönnum er falið til að tryggja öryggi fólks.
Sjáið bara fréttaflutning t.d. á ruv, þar sem "Forvitnir ferðamenn" eru gerðir að einhverjum sem eru nánast að þvælast fyrir, þó þeir séu langt frá eldgosinu sjálfu. En "vísindamenn" og fréttamennirnir sjálfir sem ganga upp að gossprungunni eru gerðir að einhverskonar hetjum. Hvar er Íslendingurinn í fólki? Íslendingurinn sem þykir vænt um landið sitt og vill skoða og fylgjast með því sem þar er að gerast? Íslendingurinn sem vill fá að upplifa það sjálfur hvernig það er að vera í einstöku landi elds og íss? Íslendingurinn sem hefur búið við frelsi á þessu landi frá landnámi? Nei Íslendingurinn er "Forvitinn ferðamaður" sem skal vísa frá og hunskast heim. Eða vill Íslendingurinn kannski bara sitja í sófanum og glápa á landið sitt í sjónvarpinu ?
Ef einhver alvöru hætta er á ferðum þá vantar klárlega upplýsingar um slíkt til almennings. Ef alvöru hætta er á ferðum þá þarf að útskýra það og láta fólk vita og afmarka það svæði sem er raunverulegt hættusvæði en hafa annað opið. Ef þessi hætta er ekki á ferðum, þá á bara að opna og leyfa okkur að upplifa landið okkar, hvort sem er gangandi eða akandi.
kv. Óli
Ég er hjartanlega sammála þér Benni. Þessi ofurskipulagning og forsjáhyggja er allt of langt gengin. Það hefði auðvitað átt að opna svæðið allt í gær þegar í ljós kom að þetta er svona lítið "túristagos". Frekar að leyfa fólki að skoða og sjá hvað er að gerast spennandi í eigin landi. Núverandi staða gerir það að verkum að fólk hreinlega leitar annara leiða til að komast í sjónfæri, og eins hitt að loksins þegar eitthvað alvarlegt gerist þar sem þörf er á miklum aðgerðum, þá tekur fólk því ekki alvarlega, því það "veit" að það er lokað bara til að … ja ég veit ekki hversvegna verið er að loka … kannski til að hafa þetta sem einkaeldgos vísindamanna og fréttamanna? Nema þeir sem ákveða lokanir viti meira en gefið er upp. Maður spyr sig?
Þarf ekki bara að gera út "vísindaleiðangur" ?
kv. Óli – sem þolir ekki að láta aðra ákveða hvað má og hvað má ekki
Minni á að skráning er í fullum gangi. Ekki er eftir neinu að bíða, það er frábær veðurspá fyrir laugardaginn og þessi ferð lofar virkilega góðu.
Upplýsingar um ferðina og skráningu má finna [url=http://www.f4x4.is/index.php?option=com_content&view=article&id=1071:skraning-hafin-i-marsfere-litlunefndar&catid=75:litlanefnd&Itemid=130:1xljlzit]hér.[/url:1xljlzit]
Kv. Óli, Litlunefnd
Hlynur, heldurðu að þetta sé kannski bara allt í plati gos ? Amk var nógu mikið unnið í að halda fólki frá svæðinu svo enginn myndi örugglega sjá ekki neitt … eða þannig.
kv. Óli
Þessa staðsetningu sá ég hjá "vini" á Facebook. Þetta er óstaðfest og ekki opinber staðsetning, en þó kannski hægt að nota til viðmiðunar:
N63 38.000 W19 26.000Kv. Óli
Á vef rúv stendur eftirfarandi:
[quote:178qs3z0]
Lögreglan hefur lokað Suðurlandsvegi á þremur stöðum vegna eldgossins í Eyjafjallajökli; Við Hvolsvöll, við Markarfljót og Vík. Þá hefur Fljótshlíðarvegi verið lokað við Sunnuhvol.Lögreglan biður íbúa höfuðborgarsvæðisins og nágrennis að gera sér ekki ferð austur yfir fjall. Þetta er gert til þess að íbúar á hættusvæðum geti rýmt heimili sín og komist í öruggt skjól. Þjóðveginum verður lokað í austurátt við Selfoss. Víðir Reynisson, deildarstjóri Almannavarna, segir að um leið og fer að birta verði fólki bent á hvar hægt verður að sjá gosið.
[/quote:178qs3z0]Svo þetta er nú örugglega tímabundin lokun. Svo er nú ekkert sérstakt skyggni á þessum slóðum núna, en veðurspáin gerir ráð fyrir að birti eitthvað til þegar líður á vikuna. Kannski endist gosið lengur en í 4-5 klst.
Annars er þessi frétt sem ég vísa til á [url=http://www.ruv.is/frett/eldgos-fimmvorduhalsi:178qs3z0]fréttavef ruv, hér.[/url:178qs3z0]
Kv. Óli
Nú er skráning í fullum gangi í marsferðina. Sjá frétt á forsíðunni, en hægt er að fara [url=http://www.f4x4.is/index.php?option=com_seminar&Itemid=246:cbhc7c8p]beint hingað[/url:cbhc7c8p] til að skrá sig.
Athugið að takmarkaður fjöldi kemst með í þessa ferð, en eftir að ferðin fyllist verður skráð á biðlista. Öruggast er að skrá sig strax til að tryggja pláss.
Kv. Óli, Litlunefnd
Góðan dag
Ég fékk símhringinu áðan þar sem mér var bent á að í þessari skrá má heyra Snorra Ingimars (TF3IK) lýsa færð og aðstæðum norðan Vatnajökuls. Lýsingin er í tveimur bútum um miðja og í síðari hluta skráarinnar.
[url=http://he.klaki.net/hlustun/3.637MHz-2010-03-19-16:02:34.ogg:1de4xzl1]Hljóðskrá[/url:1de4xzl1]Kv. Óli
En þetta var frétt samt og gaman að sjá umfjöllun. Svo voru fréttamenn á staðnum frá Stöð 2 og viðtal tekið og eitthvað …..
Gæti orðið eitthvað í fréttum í kvöld.
kv. Óli
Þá er komin frétt um málið á [url=http://mbl.is/mm/frettir/innlent/2010/03/18/um_160_manns_yfir_halendid/:28rpqk1l]mbl.is.[/url:28rpqk1l]
kv. Óli, sem verður sófariddari um helgina
Sæll Hans
Það eru eiginlega tvær spurningar eða athugasemdir í pistlinum þínum. Annarsvegar varðandi stóru bílana í litluferðunum. Það er mjög einfalt að þessar ferðir hafa verið, eru og verða miðaðar við lítið breytta og óbreytta jeppa. Þó að einhver aukning hafi verið í þátttöku stærri bíla í síðustu ferðum, þá þýðir það ekki að ferðirnar séu að breytast í "stórubílaferðir". Stærri bílarnir koma einfaldlega með á þeirri forsendu að ferðirnar séu ætlaðar minni bílum.
Hinsvegar spyrðu um gps tækin, en ekki er nauðsynlegt að hafa gps tæki í bílnum í ferðinni. Hópum verður raðað þannig saman að í hverjum hópi eru bílar með gps tæki og ef margir bílar í hverjum hópi eru með tæki, þá fá allir að spreyta sig með sín tæki. Það eykur aðeins skemmtanagildið að vera með tæki sjálfur, en það er ekkert skilyrði fyrir þátttöku.
Til að hita upp og til gamans má geta þess að upphaf ferðarinnar verður á "N64 07.434 W21 48.206"
Kv. Óli, Litlunefnd
Vaskur hópur áhugasamra jeppamanna mætti á fund hjá Litlunefndinni í kvöld. Það er frábært að fá svona góða aðila til að koma og veita okkur aðstoð, við erum mjög þakklátir fyrir það.
Búið er að ákveða stóru drættina í komandi gps-ratleik, sem verður 27. mars n.k., svo nú er um að gera að læra vel á gps-tækin sín til að undibúa sig vel. Minni ég á námskeið Arctic Trucks í því samhengi, sjá [url=http://www.arctictrucks.is/Forsida/Fraedsla/Jeppaskolinn:2fbdk07y]hér[/url:2fbdk07y].
Á næstunni verður opnað fyrir skráningar í gps-ratleikinn.
Kv. Óli, Litlunefnd
Allir sem vilja hjálpa okkur með ratleikinn eru velkomnir á fundinn í kvöld kl. 20:00 á Eirhöfðanum.
kv. Óli
Minni á að í kvöld er fundur un ratleik Litlunefndar. Þeir sem vilja aðstoða mæta í húsnæði klúbbsins kl. 20:00 í kvöld.
Ég var í sambandi við Arctic Trucks undir lok dags í gær og þá var næstum fullbókað á GPS námskeiðið, aðeins örfá sæti laus. Svo þeir sem vilja tryggja sig ættu að skrá sig sem allra fyrst á [url=http://www.arctictrucks.is/Forsida/Fraedsla/Jeppaskolinn:af3wr57r]vefsíðu Arctic Trucks.[/url:af3wr57r]
Kv. Óli, Litlunefnd
Félagar, við minnum á að Litlanefndin fundar annaðkvöld, þriðjudag kl. 20:00 til undirbúnings ratleiknum. Þeir sem vilja rétta okkur hjálparhönd hvort sem er við undirbúning eða framkvæmd eru hjartanlega velkomnir.
Kv. Óli, Litlunefnd
