Forum Replies Created
-
Replies
-
Þetta er vandað og flott skjal !
Hvernig er svo framvindan? Nú hefur þetta verið lagt til Umbosðmanns Alþingis eða hvað? Og hvað svo?
kv. Óli
Stundum hafa verið leynilegar kosningar um ákveðin málefni, sérstaklega þegar vitað er að þau eru umdeild. Varðandi kosningar í nefndir og stjórn þá minnir mig að þær hafi verið leynilegar þegar fleiri eru í framboði til sömu nefndar, en það er lúxusvandamál og gerist mjög sjaldan. Mér sýnist að stjórn og flestar nefndir rétt skríði í að vera fullmannaðar ef það næst og þá er ekki svo mikilvægt að vera með leynilegar kosningar. eða?
Mikilvægast er auðvitað að sem flestir mæti á aðalfundinn til að taka þátt í áhrifamesta fundi klúbbsins.
kv. Óli, sem ætlar að mæta á mánudagskvöld
Námskeiðahald fyrir nýliða og byrjendur í ferðamennsku er nú ekkert róttæk hugmynd. Litlanefndin hefur staðið fyrir líkum námskeiðum í nokkur ár í tengslum við ferðir nefndarinnar
Kv. Óli
Eru komin nöfn á einhverja af þessum fulltrúum ?
kv. Óli
Stöðin er forrituð í gegn um míkrófóntengið. Nesradíó er með þessar stöðvar og geta forritað hana fyrir þig. Ég er með svipaða stöð og er hún allt í lagi, dregur ágætlega og heyrist vel í henni, þó hún bjóði kannski ekki upp á alla fídusana sem nýrri stöðvarnar hafa.
kv. Óli
Minnum á myndakvöldið í kvöld
kv. Óli
Á morgun, fimmtudag verður myndakvöld á vegum Litlunefndar á opnu húsi. Þá ætlum við að sýna myndir okkar úr Litlunefndarferðinni í Landmannalaugar og skoða myndir annara. Ég hvet alla sem voru með í ferðinni til að mæta á myndakvöldið með sínar myndir.
Myndakvöldið verður á morgun, fimmtudagskvöldið 28. apríl í félagsheimili Ferðaklúbbsins 4×4 að Eirhöfða 11 (sjá mynd). Það hefst kl. 20:00 og stendur eins lengi og stemning er fyrir.
kv. Óli, Litlunefnd
Félagar !!
Eins og sjá má á stöðu mála í stjórn klúbbsins vantar þar gott fólk.
Ég hvet fólk til að hugsa vandlega hvort það er ekki tilbúið að leggja eitthvað af mörkum til þeirrar baráttu sem við stöndum í. Allir félagsmenn, hvort sem þeir hafa verið í klúbbnum frá stofnun eru nýgengnir í klúbbinn eða þar á milli, aðalfélagar sem aukafélagar eru kjörgengir í stjórn og nefndir.
Athugið að sú barátta sem klúbburinn stendur í vinnst ekki af sjálfu sér, það liggja þar á bakvið vinna fólks. Það vantar fleira gott fólk til starfa fyrir klúbbinn og slíkt hefur aldrei verið mikilvægara en einmitt núna. Góðir félagar, standið upp úr sófunum og komið og starfið með okkur. Bjóðið ykkur fram í starf nefnda og í stjórnina.
Með baráttukveðju,
Óli, sem situr enn sem fastast í Litlunefnd – en er líka að vinna í ferðafrelsismálum
Góðan dag
Nú þegar aðeins mánuður er í aðalfund, tel ég rétt að stjórn og nefndir upplýsi félagsmenn um mönnun og hverjir bjóða sig fram í stjórn og nefndir.
Til að ýta þessari umræðu úr vör koma hér upplýsingar um Litlunefnd. Þessir aðilar hafa setið í Litlunefnd í vetur:
Björn Guðmundsson – á 1 ár eftir
Einar Berg Gunnarsson – Hefur lokið sínum 2 árum og gefur ekki kost á sér aftur.
Guðmundur G. Kristinson – á 1 ár eftir, en ætlar ekki að sitja annað ár.
Kristján Kristjánsson – Hefur lokið sínum 2 árum og gefur ekki kost á sér aftur.
Ólafur Magnússon – á 1 ár eftirÞað eru því 3 sæti laus í Litlunefnd og getur hvaða félagsmaður sem er boðið sig fram. Nú þegar eru komin 3 framboð:
Baldur Steingrímsson
Gnýr Guðmundsson
Sigurður Már ÓlafssonAðrir áhugasamir geta að sjálfsögðu boðið sig fram og væri gaman að heyra af því.
kv. Óli, Litlunefnd
Hehe Hlynur, þó þér sé kunnugt um ástand vega, þá hef ég nú ekki trú á að það dugi Vegagerðinni til að aflétta lokunum … annars væri nú mikill máttur þinn :-)))
Hinsvegar væri nær að þeir sem vita um ástandið ræði við Vegagerðina og beiti sér fyrir því að þeir aflétti. Og einnig að beita sér fyrir því að þeir hafi samband við þá sem eru á ferðinni á þessum leiðum eins og ferðaþjónustuaðila áður en þeir ákveða að loka.
En með því að væla bara hér, þá opnsta ekkert, það er á hreinu
kv. Óli
Ég verð nú að bera aðeins í bætifláka fyrir Vegagerðina. Um síðustu helgi fór Litlanefndin í Landmannalaugar. Nokkrum dögum fyrr kom í ljós að Vegagerðin var búin að loka svæðinu og því var ferðin okkar í uppnámi. Ég fór á stúfana, hafði upp á fólki sem hafði verið þarna á ferðinni, aflaði mér upplýsinga um aðstæður og hafði svo samband við Vegagerðina. Með þær upplýsingar og veðurspá, var ákveðið að aflétta lokuninni og Sigölduleiðin (eina leiðin sem ég var að spá í) var opnuð og er það enn, eftir því sem ég veit best.
Ég legg til að frekar en að menn nöldri hér eða sín á milli að þeir kanni hvernig ástandið raunverulega er og hafi svo bara samband við Vegagerðina. Þeir kaupa rök og geta breytt !
kv. Óli, Litlunefnd
Þetta myndband var tekið í janúar 2010 á Langjökli. Fáir hafa þorað að setja svona myndefni á netið, amk hef ég séð lítið af slíku. Margir hafa tjáð sig um þetta á hinum og þessum spjallsvæðum og gjarnan látið fylgja neikvæðar og hrokafullar athugasemdir um „fíflin“ sem þarna voru á ferðinni. Þeir aðilar voru hinsvega ekki með okkur og vita ekkert um það sem þarna var í gangi. Ferðin var hinsvegar full af ævintýrum og afskaplega skemmtileg. Njótið þeim sem njóta vilja, hinir mega hafa sínar skoðanir fyrir sig
http://www.youtube.com/watch?v=LS_52OnhpRU%5B/youtube:5jah5av4%5D
Góðan dag
Ekki var orka í eftirfaranum í gærkvöldi til að skrifa hér inn uppgjör vegna ferðarinnar, en við vorum komin heim um kl. 1:30 í nótt. Þetta var frábær Litlunefndarferð. Eins og fram hefur komið voru þetta um 45 bílar í 8 hópum sem lögðu af stað í Hrauneyjar frá Select. Ferðin gekk ljómandi vel, sumir stoppuðu í Árnesi til að bæta á eldsneyti, aðrir í Hrauneyjum. Við ákváðum að fara suðurfyrir Hrayneyjalónið, stíflugarðinn og gömlu Sigölduleiðina. Þar var mikið úrrensli og ekki nema á færi 38" og stærri bíla að komast þar yfir og hjáleið var lítið betri.
Var því öllum hópnum snúið frá og farið norður og austurfyrir lónið. Gekk það mun betur og lítið mál fyrir bílana að komast upp á ölduna … fremri Sigöldu þar sem útsýni er yfir hraunið. Þegar eftirfarinn kom þar upp mátti sjá hópa að bardúsa ut um allt hraunið sumir fastir og aðrir að nuddast áfram. Leiðin í gegnum hraunið var seinfarin og þurfti sumstaðar að leita leiða framhjá krapa en gekk þó að mestu vel.
Þegar komið var í gegn um hraunið var þrætt með hlíðum fram hjá sléttunum og lenti enginn í vandræðum þar. Það tók svo góðan tíma að komast framhjá skiltunum norðan Frostastaðavatns, því þar þurfti að taka mikið af myndum. Haldið var áfram yfir jarðfallið sem var pakkfullt af snjó og sem leið lá í Laugar. Þangað komist allir sem vildu, en örfáir snéru við skömmu áður, vildu komast fyrr til byggða. Eftir stutt stopp í Laugum þar sem nokkrir skelltu sér í laugina var farið til baka og gekk það mjög vel, þrátt fyrir eina affelgun og komust allir heilu og höldnu til byggða.
Það er skemmtileg nýjung að hafa depilinn í svona ferð. Vonandi hafa einhverjir af þeim sem sátu heima geta notið þess að sjá hvar við vorum, á hverjum tíma.
Ég vill þakka hóp- og fararstjórum fyrir frábæra vinnu og fréttariturum fyrir þeirra framlag. En fyrst og fremst þáttakendunum í þessari ferð.
Á næstunni verður myndakvöld úr þessari ferð og er það frábært tækifæri til að hitta aftur þá sem voru á ferðinni og sýna þær myndir sem teknar voru og sjá myndir annara.
Þetta var síðasta ferð Litlunefndar á þessu starfsári. Við förum nú í sumarfrí og hefjum starfið aftur með haustinu, en líklega verður fyrsta ferðin í haust farin í september.
Kv. Óli, Litlunefnd
Búið er að aflétta lokun á leiðinni í Landmannalaugar um Sigölduhraun. Litlanefnd stefnir því ótrauð í Laugar á morgun eins og áætlað var.
kv. Óli, Litlunefnd
Það er rétt að Vegagerðin hefur lokað Fjallabakssvæðinu. Við höldum þó enn við fyrri áætlun okkar um að fara í Landmannalaugar. Við munum heyra í Vegagerðinni í dag og fá nánari upplýsingar um þessa lokun.
Svo eins og staðan er núna, þá hefur þetta engin áhrif á ferðatilhögunina.
Við hlítum að sjálfsögðu lokunum Vegagerðarinnar ef þær halda um helgina og erum með skemmtilega varaleið.
kv. Óli, Litlunefnd
Nú eru aðeins örfá pláss laus í ferðina um helgina. Ég bendi á að hægt er að skrá sig á kynningarfundinum í kvöld, en að loknum fundinum verður lokað fyrir skráningar.
Kv. Óli, Litlunefnd
Í kvöld verður kynningarfundur vegna Litlunefndarferðarinnar.
Fundurinn verður haldinn í [url=http://www.f4x4.is/g2/main.php?g2_view=core.DownloadItem&g2_itemId=292239&g2_serialNumber=2:1mbb3elj]Félagsheimili Ferðaklúbbsins 4×4[/url:1mbb3elj] og [b:1mbb3elj]hefst kl. 20:30 í kvöld [/b:1mbb3elj].
Farið verður yfir helstu öryggisatriði og ferðatilhögun kynnt. Einnig verður stutt námskeið fyrir byrjendur í jeppamennsku eftir kynningarfundinn.
Mikilvægt er að fólk mæti og kynni sér það sem til stendur.
Kv. Óli, Litlunefnd
Hjörtur þið félagarnir eruð velkomnir með. Við getum þá komið þér og þínu fólki til byggða ef Jakinn bilar aftur 😉
Láttu okkur bara vita þegar nær dregur hvernig staðan er.
kv. Óli
Líkurnar aukast á að Landmannalaugar verði fyrir valinu. Það er köld spá á svæðinu alveg fram að helgi.
Skráningar hafa verið góðar í ferðina, en ennþá eru nokkur pláss laus.
Kv. Óli, Litlunefnd
