Forum Replies Created
-
Replies
-
Það er orðið fullt í ferðina.
Mæting á Stöðina við Vesturlandsveg kl. 8:30 í fyrramálið.
kv. Óli
Það eru örfá pláss laus (ca 3) í þessa ferð á laugardaginn. Þeir sem hafa hug á að koma með geta sent tölvupóst á olafurmag@gmail.com með eftirfarandi upplýsingum:
Nafn þess sem er að skrá sig
Bíltegund
Bílnúmer
Dekkjastærð
GSM símanr.
Ertu með VHF talstöð?
Er gps tæki í bílnum?
TölvupóstfangVið áskiljum okkur rétt til að takmarka bíla í þessa ferð og miða við bíla á 35″ dekkjum og stærri og einnig að taka tillit til annara þátta skv. ákvörðun fararstjóra.
Kv. Óli
Þessi ferð verður farin á laugardaginn kemur. Þeir sem voru skráðir um síðustu helgi ganga fyrir, verið er að kanna hvort eitthvað er laust.
Góðan dag. Þetta var ágætis stikuferð eins og mun líklega koma fram á félagsfundi í kvöld.
Mér finnst samt frekar vandræðalegt fyrir svona stóran og fjölmennan klúbb að aðeins 7 hræður skuli mæta í eina af þeim aðal vinnuferðum sem klúbburinn stendur fyrir.
Klúbburinn þyrfti eitthvað að endurskoða hvort það sé raunverulegur vilji fyrir svona vinnuferðum og leggja þá það sem þarf til að þetta verði veglegar, fjölmennar og flottar ferðir, sem hægt er að vera stoltur af.
Ekki var hægt að vera stoltur af klúbbnum í þessari ferð, þó þessir 7 sem mættu hafi unnið þrekvirki.
kv. Óli
Væntanlega fer öll umhverfisnefndin með, svo skráningarnar hér eru líklega ekki tæmandi…. eða hvað?
kv. Óli
Við stikuðum þessa leið fyrir nokkrum árum síðan. Það var afar skemmtilegt. Eftir að hafa farið þarna um í sumar mátti sjá að þörf er á endurstikun og reikna ég með við við Didda tökum þátt í þeirri vinnu um helgina.
kv. Óli
Ætla ekki örugglega allir að mæta í bongóblíðuna í Þjórsárdalnum? Amk í landgræðsluvinnuna á morgun, laugardag? Þetta verður frábær dagur
Sæll Árni, ef læsingin fer á, en ljósið blikkar samt, þá er það líklega annaðhvort skynjarinn sem er bilaður, eða eitthvað í víralúmminum tengt læsingunni/skynjaranum. Hvorttveggja þekkt amk í lc80 sem er svipað eða eins.
kv. Óli
Hún er nú orðin býsna flott nýja síðan. Nú þarf bara að klára að tryggja uppitíma og góðan hraða. Svo þarf líklega að fara í gang með eitthvað sprell eða einhverskonar markaðssetningu á síðunni fyrir félagsmenn. Það verður gaman að sjá fullt af lífi á síðunni aftur
Rétt í þessu voru síðustu bílar að renna að Geysi, þar sem ferðinni er slitið.
Nú bíðum við spennt eftir ferðasögu og myndum frá félögum í Litlunefnd og öðrum ferðalöngum í þessari ferð.
Nú eru semsagt allir komnir til byggða og fréttaritarinn stimplar sig út.
Allir bílar komust í Kerlingarfjöll. Aðalfararstjóri skoðaði leiðina inn að hverasvæðinu og sá fram á mikið basl við að koma minni bílum þangað, en jafnvel þeir stærri áttu í erfiðleikum með snjóinn þar. Var því ákveðið að halda heim sömu leið, en menn sáu fyrir sér að skaflar í giljum gætu valdið töfum á heimleiðinni.
Nú rétt um kl. 17 voru fyrstu bílar komnir að Gullfossi og þeir síðustu voru uþb. við Árbúðir og hefur allt gengið áfallalaust. Þó var veruleg hálka á malbikinu ofan við Gullfoss, en þar hafði verið ísrigning.
Fleiri fréttir síðar.
Um kl. 12 fékk ég hringingu frá einum hópnum sem staddur var skammt frá Árbúðum. Þar var þá logn og 10 stiga frost. Þeir lentu í því óhappi að það kviknaði í einum bílnum. Virtist vera sem ófrágengnir vírar aftur í bílnum hafi ollið íkveikju, en hópstjórarnir voru fljótir að slökkva eldinn áður en mjög mikið tjón hlaust af. Mun þó aftursæti og loftklæðning þess bíls vera ónýtt en bíllinn ökuhæfur. Engum varð meint af.
Núna kl. 13:10 fékk ég hringingu frá aðalfararstjóra og voru fyrstu bílar komnir að skálunum í Kerlingarfjöllum í frábæru veðri. Mjög lítill snjór er á leiðinni, helst aðeins í veginum þar sem hann er niðurgrafinn og fengu minni bílarnir að spreyta sig á snjó þar. Stefnan er hjá hópnum að borða nesti í Kerlingarfjöllum, halda svo að hverasvæðinu áður en lagt verður af stað heim á leið.
Rétt í þessu var hópurinn við Geysi, bæta við eldsneyti oþh. áður en lagt er á hálendið. Siggi aðalfararstjóri var að fara að leggja í hann á undan hópnum til að skoða aðstæður áður en sjö ferðahópar koma í kjölfarið. Veður er hið ákjósanlegasta, logn og háskýjað.
Meira síðar.
Góðan dag. Nú um kl. 9:00 héldu ferðalangar af stað frá Stöðinnni og var stefnan sett á Kerlingarfjöll. Í hópnum eru um 90 manns á 43 bílum. Mikið um börn og fjölskyldufólk svo þetta stefnir í góða ferð. Leiðin liggur um Þingvelli, Lyngdalsheiði, Geysi, Kjalveg og í Kerlingarfjöll. Ferðinni á svo að slíta í kvöld við Geysi. Nánari fréttir koma af ferðinni síðar í dag.
Hefur komið fram klukkan hvað árshátíðin hefst ?
Það mætti amk alveg koma fram svo maður viti hvenær maður á að mæta
Ég er ekki sammála því að grunnur laganna sé góður.
Þetta er svo sem ekkert vandamál
En vert að ræða, því þetta tengist okkar sporti. Keðjurnar sem hafa verið notaðar að undanförnu eru misheppnuð framkvæmd. Þær loka veginum alveg og oftast þegar maður kemur að slíkri keðju liggur hún annaðhvort niðri, eða menn hafa keyrt út fyrir veg til að komast framhjá.
Kannski er bara betra að hafa slá, en ég velti fyrir mér hvort sé skárra að keyra á slá eða keðju í blindu og vondu veðri … á jeppa / vélsleða. Verður „bakhlið“ slánna líka merkt svo maður sjái þær þegar maður kemur til byggða í myrkri? Kannski væri amk hægt að fá staðsetningu allra keðjuhliða og sláa hjá Vegagerðinni þannig að hægt væri að setja þær staðsetningar inn í gps-tækið hjá sér.
Það er augljóslega gott að geta keyrt framhjá slá á vegslóða, en á móti þá gæti verið slæmt að keyra á svona slá ef hún sést ekki. Það eru kostir og gallar við allt. Upplýsingar og samráð er amk alltaf af hinu góða og því áhugavert að fá góða kynningu á þessu hjá Vegagerðinni, t.d. á mánudagsfundi.
kv. Óli
Góðan dag
Nú hefur Vegagerðin ákveðið að nota slár til að loka ákveðnum leiðum. Spurning hvort þetta verður sett á helstu vetrarferðaleiðiðir okkar. Verða slár sumstaðar og sumstaðar keðjur? Hvað á að gera þegar maður kemur að slá? Það væri áhugavert að fá frá Vegagerðinni hvaða leikreglur þeir hafa hugsað sér gagnvart okkar félagsmönnum. Frétt um málið má sjá á vefsíðu Vegagerðarinnar.
kv. Óli
Hvernig verður eiginlega sýningartíminn? Á veggspjöldunum sem sýnd voru á mánudagsfundinum síðasta stendur 18-20, 12-18 og 12-18. Á fundinum var sagt að það væri ekki rétt, það rétta væri 18-22, 12-22 og 12-18. Nú er farið að dreifa mynd á FB þar sem sýningartíminn er 18-22, 12-20 og 12-22. Hvað er eiginlega rétt í þessu?
kv. Óli
