Forum Replies Created
-
Replies
-
Þetta hefur verið hausverkur gegnum tíðina. Ýmsar leiðir hafa verið farnar, allt frá því að breyta öllu rafkerfi bílsins úr 12 í 24V og yfir í að nota segulrofa til að kúpla geymunum upp í seríu í startinu t.d a-la LC-80. Hér er ein sem mér datt í hug – ný tækni og ódýr opnar nýjar dyr.
1) Rafkerfi bílsins óbreytt nota áfram 12V alternator.
2) Bæta við auka geymi og fasttengja mínusinn á honum yfir á plúsinn á þeim sem fyrir er. Rétt eins og í hefðbundnu 24 V kerfi og taka 24 volta notendur beint af plúspól aukageymisins.
3) Nota 12->220V spennubreyti til að keyra 220->12V hleðslutæki (venjulegt bíl-hleðslutæki) sem hleður aukageyminn. Alternatorinn í bílnum hleður hinn geyminn og skaffar afl fyrir allt draslið. Þannig eru geymarnir hlaðnir alveg óháð hvor öðrum. Þeir þurfa ekki einu sinni að vera jafn stórir.
< <<<
>>>> 250W spennubreytir ætti að geta keyrt hleðslutæki sem gefur út kringum 15A á 12V. Sem væri líklega yfirdrifið fyrir 24V jeppamótor í hefðbundnu brúki. Tækið þarf að hlaða upp á móti því sem eyðist í starti og mögulega hitun ef hún er 24V e.t.v 24 segulloki fyrir ádrepara. Þarf ekki mikið fyrir þetta.
Athugasemdir?
Fínar myndir hjá ykkur og glæsilegur þessi langi Land Rover.
Hvað var þessi rúntur langur í km og tíma Gunnar?
Rétt athugað með synkro-bremsurnar. Það er ekki að ástæðulausu sem þetta system hefur aldrei náð vinsældum að ráði. Vonandi heldur aftari kassinn slatta í fjórða. Er ekki 1:4 í fyrsta í svona toyota kassa? Það jafngildir því í togi að þú sért með fjórfalt tog. T.d v24 framan á honum við vissar aðstæður. (jebb tuttugu og fjögurra cylendra toyota v mótor með 12 lítra rúmtak) Ég hefði nú smá hnút í maganum yfir því 😉
Hvaða olíuverk er í þessum bíl?
Denso, eða hvað?Varðandi kraftleysið er auðvitað möguleiki að það hafi verið tregða í lögnum, þær klemmdar, eða eitthvað í tanknum. Stífluð sía ef hún er til staðar. (yfirleitt ekki til staðar í diesel bílum original)
Eða að fæðidælan í verkinu sé orðin slöpp. Það gæti munað hana einhverju að þurfa ekki að draga olíuna gegnum lagnirnar og lyfta henni upp úr tanknum. Fá hana í staðinn sjálfrennandi af brúsa sem er ofan á stuðaranum. Ég hef lent í traktor sem var örlítið slappur, koðnaði stundum niður undir fullu álagi, en virkaði annars eðlilega. Það reyndist vera fastur kólfur í fæðudælunni í honum sem var meinið og dælan var alveg óvirk fyrir bragðið. Hann gekk af því að tankurinn var fyrir ofan mótorinn. Smuga..
Atli, ég fæ út að hraðinn í 8mm rörinu (6mm að innan) sé 49,12cm/s annar okkar er að fara kommuvillt einhversstaðar.
Annars, sammála.
Hér er svar sem ég gaf nýlega við svipaðri spurningu, þarna er dæmið útskýrt örlítið með tölum.
https://old.f4x4.is/new/forum/default.aspx?f … 497#106230Málið er að í fyrsta gír í fremri kassanum/skiptingunni er togið frá vélinni margfaldað upp sem nemur niðurgíruninni. Þannig sér aftari gírkassinn margfalt snúningsvægi m.v það sem hann er hannaður fyrir. Hann er að flytja sama afl og hann er hannaður fyrir, en á miklu lægri snúningi og þar með við langtum hærra snúningsvægi. Að þessu leyti er svona mix ólíkt því að mixa milligíra úr millikössum. Munurinn á sverleikanum á inntaks/úttaksöxlum í gírkassa segir alla söguna.
Þetta þýðir að menn verða að skipta þeim aftari til að halda snúningsvæginu inn í hann við sömu stærðargráðu og hann er hannaður fyrir. Þá er líka ekkert því til fyrirstöðu að hann endist eðlilega.
Einmitt þessvegna hefur reynst erfitt að nota gírkassa aftan á sjálfskiptingar, af því að hún er jú látin sjá um skiptinguna í daglegum akstri. Ef gírkassinn aftan á henni er hafður í fjórða (beinn í gegn) þá þolir hann nú talsvert, en ef menn gleyma sér og setja í 3, 2 og nota ekki lágadrifið í millikassanum þá fer allt í steik nema gírkassinn sé þeim mun öflugri. Menn hafa smallað trukkaboxum aftan á sjálfskiptingum eins og að drekka vatn.
Nú er bara að finna stæðilegan Labrador hund í aftursætið og byrja að þjálfa hann í gírskiptingum.
Þetta er alvöru, maður þarf að prófa þetta.
Ég legg áherslu á að þú pælir vel í þessu því að það þarf ekki nema stuttan jeppatúr til að stúta aftari kassanum ef þú passar hann ekki. Ein þrykkja getur dugað til að brjóta hann.
Dæmi, þú tappar úr og keyrir í þungu færi. Hefur millikassann í háadrifinu. Aftari gírkassann í 2-3 eða jafnvel 5 gír og þann fremri í 1. gír og stendur græjuna hraustlega. Þá er það bara game over undir eins fyrir aftari gírkassann. Þetta er það sem hefur gerst aftur og aftur hjá þeim sem hafa reynt þetta system. Það er skemmtilegt á vissan hátt en afar brothætt nema menn passi upp á það.
Góða skemmtun
Þetta snýst allt um snúningsvægi. Aðalatriðið er að aftari kassinn þolir ekki það snúningsvægi sem þetta fyrirkomulag getur sett á hann ef sá fremri er í lágum gír. Það er einfalt reikingsdæmi. Þessvegna ætti notkunin að miða við að lágmarka það. Það þýðir að hafa fremri kassann í sem hæstum gír og nota þann aftari til að gíra niður.
Ég mundi aka bílunum með fremri gírkassan beinan í gegn. Nota þá fjórða gírinn í honum. (hann er yfirleitt beinn í gegn í 5 gíra kössum). Það er óþarfi að vera að gíra snúninginn upp með því að hafa hann í fimmta. Hann endist betur í fjórða og stelur minna afli. Semsé, í nánast allri notkun að skipta þeim aftari en láta þann fremri vera í fjórða.
(til að flækja aðeins málið þá skiptir litlu hvorn kassann þú notar ef annar er í fjórða en hinn í fimmta eins og t.d á vegkeyrslu)
Ef það þarf meiri niðurgírun þá er fyrsta vers lága drifið í millikassanum. Ekki nota fremri gírkassan í dæmigerða snjókeyrslu, notaðu lágadrifið alveg á sama hátt og í venjulegum bíl. Þegar þú ert kominn í lágadrifið og fyrsti gír í aftari kassanum er of hár, þá notar þú þann fremri til að fá lolo.
Semsagt, ef þú villt láta aftari kassan endast eitthvað þá notar þú þann fremri eingöngu í fjórða gír nema þú þurfir að fara enn hægar en lágadrifið býður uppá. Og ég tel vissara að bakka alltaf í þeim aftari.
Hugmyndin er líklega að einhver verði pirraður yfir þessari off-topic umræðu og fari að kvarta. Þá getur þráðastofnandi vísað til þess að hann sé eingöngu að fylgja fordæmi annarra hér á spjallinu sem hann hefur sjálfur gagnrýnt. Svarið sem liggur í loftinu er – þið viljið hafa þetta svona, þessvegna geri ég …
Manni dettur í hug íslensk pólitík, slíkur er barnaskapurinn. Klassískur sandkassi.
Í amerísku deildinni er það nokkurnveginn þannig að eldri stálkassarnir koma með gírolíu, en ál-kassarnir með sjálfskiptivökva. Hann er þynnri en gírolían og hefur það ég best veit reynst með ágætum á millikassa.
Það hefur talsvert verið prófað af því að setja gírkassa aftan á skiptingar/gírkassa. Vandinn er sá að gírkassar eru hannaðir fyrir eitthvað x snúningsvægi inn á kúplingsöxulinn og eiga erfitt með að melta eitthvað margfeldi af því án þess að fá varanlega tannpínu.
Ef við tökum sem dæmi að þú sért með gírkassa sem kemur aftan á vél sem skilar 400 pundfetum í snúninsvægi og kassinn þolir það bæði vel og lengi og þessvegna talsvert meira. En síðan setur þú framan við hann skiptingu/gírkassa með 1:3 í fyrsta gír aftan á sömu vél. Það þýðir að snúningsvægið inn í aftari gírkassann er 1200 pundfet við þrykkju í fyrsta gír í skiptingunni. Ef fyrsti gír í skiptingunni er 1:4 þá getur snúningsvægið orðið 1600 pundfet.
455 og 400 geta líklega framleitt 1500 pundfet í tog aftur úr skiptingunni, ég held að jafnvel hraustustu trukkabox eigi erfitt með að éta það. (er raunar viss um að það gera það alls ekki) Millikassar eru gerðir fyrir tog af þessu tagi, gírkassar eru hannaðir fyrir að flytja aflið á hærri snúningi og lægra snúninsvægi sem samsvarar því.
Nei, ég held að slífar séu fín lausn, original framleiðendur nota þær stundum undir pakkdósir. Góðar slífar ættu að endast öxlana, eða bílinn þessvegna.
Það er mun betra að henda öxlum strax en að sjóða á þá. Þeir eru yfirborðshertir og suðan spillir herslunni, veldur spennuhækkun í yfirborðinu sem leiðir alltaf til brots.
Svona aumingjar eiga ekki að hafa mannaforráð.
Ekkert meira um það að segja.
Jú, það lítur út fyrir að hringirnir séu þá fastir. Ég tel af og frá að þú eigir að finna blásturinn í 30 cm hæð yfir gatinu í hægagangi.
…….
Gísli, andar mótorinn mikið upp um olíuáfyllinguna í hægagangi? Gætir þú hellt á hann olíu í hægagangi?
Ef svarið við seinni spurningunnu er já – þá eru hringirnir ekki vandamálið.
Var að velta fyrir mér þessari þjöppumælingu. Þori ekki alveg að fara með það en EF hún er rétt þá held ég að vélin færi ekki í gang köld, jafnvel alls ekki. Það er eitthvað skrítið við mælinguna. 210 psi er eitthvað sem maður sér í háþrýstri bensínvél með þjöppu 11:1 eða svo. (fleira spilar inn í) Ég hefði haldið að diesel næði ekki að sprengja á svo lágri þjöppu. Hvað segja jeppakarlar um þetta?
Manni dettur í hugt tvennt sem tengist kjallaranum og lágri þjöppu. Bognar stimpilstengur (allar), eða stimpilhringir. Fyrst að vélin var ekki í gangi þegar hún fór í sjóinn þá eru varla bognar í henni stengurnar, nema þær hafi bognað við ræsingartilraunir með vélina fulla af sjó!? Hinsvegar eru það hringirnir sem gætu vel verið fastir inni í raufunum, en það er sérkennilegt ef hann þjappar jafnt á öllum.
Ef stimpilhringir eru fastir og þjappan svona lág þessvegna þá ætti það ekki að leyna sér. Mótorar sem eru orðnir svoleiðis pústa þvílíkt niður í sveifarhúsið að ef t.d olíuáfyllingarlokið er tekið af þá stendur þar strókurinn upp. Það er auðvelt að tékka á því. Það er heldur ekki skýring á öllu kraftleysinu, vélar glata furðulega litlu afli þó að stimpilhringirnir séu í döðlum. Ég segi fyrir mig mér þykir afar ólíklegt að þú finnir lausn á þessu vandamáli í kjallaranum.
Þó að manni finnist það rökrétt að finna út af hverju þessi þjöpputala sé svona lág þá eiga svona mælingar til að plata mann illa. En það er erfitt að horfa framhjá þeim engu að síður. Ég held að það sé búið að telja upp það helsta sem gæti verið – rangt hedd, vitlaus tími o.s.frv. Eitt skaltu hafa bak við eyrað – ef pústkerfið hefur fyllst af sjó og staðið svoleiðis gæti það verið stíflað eftir volkið.
