Forum Replies Created
-
Replies
-
Gjaldtaka hefur verið reynd við Kerið af einkaaðilum, svonefnt [color=#FF0000:275zkypy][b:275zkypy]glápgjald[/b:275zkypy][/color:275zkypy] (þ.e greiðslur fyrir það að horfa á náttúruna) http://mbl.is/mm/gagnasafn/grein.html?grein_id=505499
Ummæli eins þjóðgarðsvarðar í Vatnajökulsþjóðgarði: Ef ég fengi að ráða, þá ætti að [b:1x6aicz0]loka öllum slóðum innan Vatnajökulsþjóðgarðs[/b:1x6aicz0].
( þessi þjóðgarðsvörður hefur mikil áhrif á gang mála í þjóðgarðinum og innan stjórnsýslunnar)
. Í fjárhagsáætlunarspá vegna Vatnajökulsþjóðgarðs, þá var megin þemað í fjárhagspánni orðin “[color=#FF0000:ald4ye63][b:ald4ye63]EF, hugsanlega, kannski[/b:ald4ye63][/color:ald4ye63]” og orðasambönd í svipuðum stíl, samt tóku þeir sem höfðu með málið að gera, spánni sem heilögum sannleika.
. Úr drögum að Verndaráætlun Vatnajökulsþjóðgarðs. Hraunhellar eru lokaðir almenningi og sérstakt leyfi þjóðgarðsvarðar þarf til að fara í þá.
Heimilt er, með almennum reglum sem þjóðgarðurinn setur, að opna fyrir umferð um hellana. Skilyrði er að hún sé á ábyrgð og undir leiðsögn þjálfaðra leiðsögumanna sem uppfylla kröfur sem gerðar eru til slíkrar starfsemi innan þjóðgarðsins. Þessu var reddað á síðustu stundu af skynsömum mönnum, m.a af Degi Bragasyni
Lokun á [color=#FF0000:1sn9ml1k][b:1sn9ml1k]öllu norðausturlandi fyrir öðrum en gangandi[/b:1sn9ml1k][/color:1sn9ml1k]. Steingrímur J Sigfússon ráðherra fékk þá flugu í höfuðið að loka öllu hálendis svæðinu austan Dettifossvega og norðan þjóðvegar 1 um Möðrudalsöræfi fyrir öllum akstri
Vitleysan verður ekki toppuð. Svandís Svavarsdóttir umhverfisráðherra: Hegðun þáttagerðarmanna Top Gear verði rannsökuð http://www.visir.is/article/20100410/FR … 6/20080513
Hvernig skyldi þeirra glæparannsókn miða Svandís ?
Þegar Vatnajökulsþjóðgarðs hugmyndirnar voru á hugmyndarstigi og allt fram til haustsins 2008. Þá voru uppi hugmyndir um fjármögnum Vatnajökulsþjóðgarðs með fjárframlögum frá FL grubb, Fons, Kjalar, Baugi, Exista og fleiri fyrirtækjum sem nú sæta rannsóknum vegna efnahagsglæpa.
Verndun [color=#FF0000:1os7irvj][b:1os7irvj]snigla[/b:1os7irvj][/color:1os7irvj] við Vík í Mýrdal, gott dæmi um hvernig hægt er að missa sig http://myrdalur.is/index.php/component/ … -2009-2013
Bann við akstri um Vonarskarð, hér er hægt að skoða hve fáránleg rökin eru fyrir lokun Vonarskarðs http://blog.eyjan.is/fia/2010/10/04/ann … -jeppum-2/
1 Árósarsamningurinn Í Febrúar 2009
Var Árósasamningurinn fullgiltur af ríkisstjórn ÍslandsRíkisstjórn Íslands
Ríkisstjórn Íslands hefur samþykkt tillögu Kolbrúnar Halldórsdóttur umhverfisráðherra um að Árósasamningurinn verði fullgiltur hér á landi. Samningurinn fjallar um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum.
Samningurinn var gerður árið 1998 og öðlaðist gildi í október árið 2001. Þrjátíu og átta ríki undirrituðu hann auk Evrópubandalagsins, þ.á m. Ísland. Fjörutíu og eitt ríki auk Evrópubandalagsins hafa fullgilt samninginn, öll norrænu ríkin þar á meðal [color=#FF0000:22xs3vq4][b:22xs3vq4]að Íslandi undanskildu[/b:22xs3vq4][/color:22xs3vq4].
Hér koma 100 ástæður fyrir því að styðja við Ferðafrelsi, sem hægt er að gera með því að hafa samband við Ólaf Magnússon í síma 8444249 eða á netfangið olafurmag@gmail.com, Munið að margar hendur vinna létt verk.
Á liðnum áratug hefur verið markvist þrengt að ferðafrelsi álmennings af ríkinu, einstaklingum og öðrum sérhagsmunahópum. Með lokun á þjóðleiðum og heilum landsvæðum, fjölgun friðlanda og þjóðgarða þar sem reglugerðir þrengja verulega að ferðum almennings hvort heldur hann ferðast ríðandi hjólandi, eða á vélknúnu farartæki. Aðförin hefur gengið svo langt í ofverndun náttúrunnar að tjöldun, gæludýr og fleira er orðið óæskilegt á landsvæðum sem kallaðir eru garðar þjóðarinnar, og er orðið þjóð í þjóðgörðum orðið hreinlega fyndið eða sorglegt. Fjöldi lokanna og hertra reglugerða eru einnig í farvatninu og almenningur kemur ekki til með að átta sig á breytingunum fyrr er hann stendur andspænis lokunarskiltinu. Hérað neðan ætla ég að reyna víkka sjóndeildarhringinn og útskýra heildarmyndina á þeirri vá sem ferðafrelsi almennings er í. Hér eru nokkur dæmi um það sem hefur verið að gerast eða er í farvatninu á næstu misserum ef almenningur vaknar ekki.
Sveinbjörn formaður verður á Útvarpi Sögu á morgun kl 8.00-9.00 Miðvikudag. Hjá Sigga storm.
Ásamt fleirum, t,d úr Skotvís…….frábært
Skúli minn, þú gleymir því að reglugerð er ekki náttúruhamfarir sem ekkert er hægt að gera við. Reglugerðir eru mannanna verk, og það er jafn auðvelt að breyta reglugerðinni einsog það var að setja hana saman, ef viljinn er fyrir hendi. Það er nefnilega hægt að skipta um skoðun ef fyrir því eru góð rök, menn er af því meiri menn að geta keypt góð rök. Það hefur einmitt verið þinn eiginleiki.
Óskar minn samhryggist með konuna, það vill oft gleymast hjá þeim fullfrísku að það eru til þeir sem ekki geta ferðast á sama máta og fullfrískir.
Þessu bréfi var ég beðin um að koma á f4x4.is. það var sent á þingmenn umhverfisnefndar alþingis í kvöld af Stefáni, hægt er að skoða bréfið og inngang á jeppaspjall.is kv Jón G Snæland
Reykjavík 6. mars 2011
Kæri þingmaður
Stefán heiti ég og er náttúrufræðingur og náttúruunnandi. Mig langaði að skrifa ykkur ágætu þingmönnum í umhverfisnefnd alþingis, stutt bréf varðandi þá ósátt sem er orðin að veruleika hjá ferðafólki á Íslandi. Kannski frekar þann fleyg, sem rekinn hefur verið í raðir útivistarfólks, með samþykkt laga um Vatnajökulsþjóðgarð.
Mínar bestu stundir hafa verið með konu minni og börnum í fjallaferðum á hálendi Íslands og veit ég að það á við margan útivistarmanninn. Nú hefur verið samþykkt reglugerð um áðurnefndan Vatnajökulsþjóðgarð sem festir í sessi grófa mismunum milli ferðafólks.
Ég ætla ekki að ræða um umdeildar lokanir á jeppaslóðum innan þjóðgarðsins, ég hef mína skoðun á því en við skulum láta það liggja á milli hluta.
Sú grófa mismunun sem ég er að tala um er þess eðlis að mér, sem ferðamanni á eigin bíl, er meinað að reisa útilegutjald á öræfunum en göngufólki er það hinsvegar heimilt. Nú veit ég ekki hvaða reynslu þið hafið af ferðalögum á öræfum Íslands, en þar er ferðahraðinn á jeppa oft á tíðum rétt rúmlega gönguhraði, á erfiðum slóðum í hrauni, svo dæmi sé tekið. Gróf hraun er býsna algeng vestan- og norðan Vatnajökuls.
Ég ferðast á hálendinu á jeppa, enda er ég með lítil börn sem ekki eru líkleg í margra daga gönguferðir um hraun og sanda á öræfum Íslands. Það eru neflilega ekki allir á sama stað í lífinu. Ég gæti vel hugsað mér margra daga hálendisgöngu með konunni eftir kannski 10 ár, þegar ég er orðinn miðaldra.
Nú langar mig að taka stutt dæmi , sem allir fjölskylduferðamenn kannast við:
Segjum sem svo að við fjölskyldan séum á ferðalagi á öræfunum fyrir norðan Vatnajökul, t.d. einhversstaðar á milli Tungnafellsjökuls og Öskju. Þetta er leið sem er mjög gróf og mjög seinfarin á jeppa, ásamt því að vera löng.
Ég stoppa einhversstaðar á miðri leið eftir langan og erfiðan akstur og ákveðið er að taka upp gashelluna og elda kvöldmat, þar sem börnin eru farinn að ókyrrast all verulega. Eftir mat eru allir orðnir frekar uppgefnir og ákveðið er að tjalda (hefbundnu útilegutjaldi) og gista á þessum ágæta stað þarna í miðri hraunsléttunni. Skammt frá sé ég þrjú tjöld og er þar hópur göngufólks á ferðinni. Að svo stöddu förum við fjölskyldan að sofa, en með því erum við að brjóta reglur þjóðgarðsins, en ekki göngufólkið. Mættum við kannski sofa í sætunum í bílnum?
Þar sem við erum stödd á einstaklega heillandi stað, er ákveðið að fara í skemmtilegan göngutúr daginn eftir til að skoða svæðið.
Ef ég hefði fylgt reglum þjóðgarðsins, þá hefði ég þurft að henda krökkunum grenjandi inn í bíl eftir kvöldmat og leggja í margra klukkustunda akstur, lullandi á jeppanum til að finna tjaldsvæði. Svo hefði ég þurft að keyra alla leið til baka daginn eftir, til þess að skoða þetta áhugaverða svæði.
Hvaða þvæla er þetta eiginlega?
Hverjir hafa hag af svona reglum? Kannski ferðaþjónustuaðilar sem geta stundað einokun í skjóli fáránlegra reglna.
Tjaldið mitt skemmir ekki landið meira en tjald göngufólksins og það er ljóst að þessar reglur koma náttúruvernd ekkert við.
Reykjavík 6. mars 2011
Svona reglur eru ekki aðeins frámunalega heimskulegar, þær eru særandi og hrein móðgun við alla þá sem geta ekki komist í margra daga gönguferðir en eru þó að engu leyti minni náttúruunnendur en göngufólkið. Við fjölskyldan sækjumst eftir því sama og göngufólkið, friðar og öræfaþagnar, fjarri tjaldsvæðum. Flestir sem ferðast á eigin vegum á öræfum Íslands forðast einmitt tjaldsvæði, ekki vegna nísku, heldur vegna þess að þeir eru engum háðir og vilja frið og ró. Í framhaldi af því má spyrja hvort tjaldsvæðin í Þjóðgarðinum séu einkarekin eða opinber.
Ég trúi því ekki að þessar reglur sem mismuna fólki svona gróflega, standist jafnræðisreglu stjórnarskrárinnar. Þið getið kannski sagt til um það?
Að sjálfsögðu færi ég ekki eftir þessu, ekki vegna þess að ég telji mig hafinn yfir lög og reglur, heldur vegna þess að ég neita að láta koma fram við mig sem annarsflokks ferðamann og læt ekki fráleitar reglur ræna mig ánægjustundum á fjöllum.
Mig langar að spyrja þig, þingmaður góður, hvað myndir þú gera við þessar aðstæður?
Er hugmyndin kannski sú að fæla burt fjölskyldufólk eins og okkur, með því að setja reglu sem þessa, sem gerir ferðalagið að eilífu stressi um að tjaldsvæði sé nálægt þegar kvölda tekur.
Ekkert tillit er tekið til þess hvort fólk vilji skoða sig um í nokkra daga á áhugaverðum stöðum sem eru fjarri tjaldsvæðum. Nema auðvitað með því að láta það keyra í marga tíma fram og til baka frá tjaldsvæðinu á hverjum degi !
Þeir sem bent hafa á þetta hafa ekki verið svaraverðir í augum stjórnar Vatnajökulsþjóðgarðs, enda erum við ekkert nema heimtufrekjan. Það er neflilega auðvelt að stimpla alla mótmælendur sem freka jeppamenn sem vaða yfir allt og alla.
Það er álíka mikil sátt um Vatnajökulsþjóðgarð og kvótakerfið okkar.
Þessar reglur eru greinilega sniðnar að þörfum ákveðins hóps, sem er þó aðeins lítill hluti ferðamanna á hálendi Íslands, þ.e. miðaldra og eldra fólks, sem hefur aðeins sjálft sig til að hugsa um. Þar að auki útlendingum sem vilja ekki sjá ökutæki í sinni öræfagöngu.
Hér kemur smá bútur úr símafundi stjórnar þjóðgarðsins, sem haldin var þann 2. Júlí 2010.
http://www.vatnajokulsthjodgardur.is/media/fundagerdir/stjornar/fundargerd-34-020710.pdf
Þar kemur m.a. eftirfarandi fram:
Ýmsar athugasemdir
Tjöldun
(Tilvitnun hefst)
Andmælt er mismunun sem kemur fram í því að akandi gestir mega ekki tjalda til einnar nætur
utan skipulagðra tjaldsvæða. Það skerði verulega möguleika akandi gesta til að upplifa
Reykjavík 6. mars 2011
náttúruna og ferðast með fjölskyldur. Ennfremur sé gisting á þjónustusvæðum aðeins í boði
eins ferðaþjónustuaðila sem ráði verðlagningu að vild. Ákvæðið útiloki trússferðir sem njóti
vaxandi vinsælda.
Allmargir gerðu athugasemd við það að aðeins göngufólki væri heimilt að tjalda til einnar nætur
utan skipulagðra tjaldsvæða. Þannig væri gestum þjóðgarðsins mismunað eftir ferðamáta og
gert að kaupa þjónustu þess ferðaþjónustaðila sem starfar á hverjum slíkum stað. Ákvæðið
útiloki líka trússferðir innan þjóðgarðsins (tilvitnun lýkur).
Hér kemur skýrt fram að þetta skerði verulega ferðafrelsi mitt og ég sé þar að auki skikkaður á einkarekið tjaldsvæði sem geti rukkað mig að vild! Mismununin og vandamálið er sem sagt viðurkennt.
Á fundinum kemur einnig fram að stjórn þjóðgarðsins muni fara fram á það við Umhverfisráðuneytið að reglurnar verði rýmkaðar.
Þann 28. Febrúar síðastliðin, samþykkti Umhverfisráðherra, Stjórnunar- og verndaráætlun um Vatnajökulsþjóðgarð. Ekkert hafði breyst þar hvað varðar mismunum á milli ferðafólks þegar kom að rétti fólks til að haga sinni eigin næturdvöl.
Ég get ekki annað en krafist þess að umhverfisnefnd alþingis fari fram á það, við stjórn Vatnajökulsþjóðgarðs eða Umhverfisráðherra, að þessum ósanngjörnu og vanhugsuðu reglum verði breytt, svo að annar hver ferðamaður í Vatnajökulsþjóðgarði verði ekki gerður brottrækur vegna brota á reglum Þjóðgarðsins.
Reglum, sem settar eru til þess að skemma hálendisferðalög langflestra Íslendinga.
Með von um svör.
Virðingarfyllst,
Stefán Þ. Þórsson, náttúrufræðingur
Esjugrund 17, Kjalarnesi
Muna svo eftir því að skilja gps og svoleiðis nútíma dót eftir heima. Allt eins og það var 1987
Takk fyrir þetta Skúli. Það verður áhugavert að heyra frá stjórn Vatnajökulsgarðs. Líkurnar eru því miður ljósár frá því að vera innsláttarvilla eða misskilningur. Þarna er heldur betur slagsíða á fulltrúa útivistarfólks í þjóðgarðsráði
Vatnajökulsþjóðgarður, stjórnarfundur
Stjórnunar- og verndaráætlun (sogv)
Símafundur haldinn þann 30. apríl 2010 kl. 8:00 – 9:30
Anna Kristín setti fundinn.
Vonarskarð – vegalagning og opnun vegar
• Tekin upp umræða frá síðasta fundi, þar sem ný gögn hafa borist stjórn víðsvegar að.
• Anna Kristín opnaði umræðuna og kvað að erfitt gæti orðið að halda vegi um Vonarskarð opnum
hluta af sumri. Kvað sannfærandi rök fyrir því að málamiðlun gangi ekki.
• Í umræðunni kom fram að [color=#FF0000:1aqof2nm][b:1aqof2nm]Samút hefur samþykkt einróma að vegurinn verði alveg lokaður[/b:1aqof2nm][/color:1aqof2nm] og að
Vonarskarð verði gönguland. Þó eru enn skiptar skoðanir innan vébanda 4×4. Magnús lagði
áherslu á að hagur garðsins væri hafður að leiðarljósi í þessu sambandi og tók Þórunn undir það.
• Niðurstaða að Þórður taki saman umsagnir sem fyrir liggja í dag og sendi stjórnarmönnum,
þannig að stjórnin hafi öll gögn sem borist hafa. Umræðu frestað til næsta fundar.Á þessum fundir var Magnús Hallgrímsson sem er fulltrúi Samút í þjóðgarðsráði. Hann vissi að ekki var samstaða innan Samút um að loka Vonarskarði. Af hverju kemur þá hið gagnstæða fram í fundargerðinni. Svör óskast frá formanni Samút
Mótmælum brottrekstri almennings úr Vatnajökulsþjóðgarði
Á þessari síðu getur þú tekið þátt í því að styðja baráttu þeirra sem vilja ekki loka landinu fyrir almenningi.
http://www.facebook.com/home.php?sk=gro … 6804191951
Þar sem Birgitta Jónsdóttir í umhverfisnefnd alþingis virtist koma af fjöllum í málefnum Vatnajökulsgarðs þá sendi ég henni þennan pistil í morgun.
Er það ekki brot á jafnræðisreglu að gangandi maður megi tjalda en ekki akandi! Í Vatnajökulsþjóðgarði. Í Vatnajökulsþjóðgarði er fólki á ökutækjum beint í gistingum hjá Ferðafélagi Íslands, „sem vel að merkja eru með dýrustu skálagistingu á íslandi“. Ferðafélag Íslands er að ná algjörri einokunaraðstöðu í Vatnajökulsþjóðgarði og eru þeir með skála sem raða sér í þjóðgarðinum. Þeir sem sjá um að reka fólk í gistingu hjá Ferðafélagi Íslands eru þjóðgarðsverðir, og það vill svo vel til fyrir Ferðafélag Íslands að Þjóðgarðurinn greiðir hluta af launum skálavarðanna. Þeir sitja því beggja vegna borðsins. Hæ þú manst nýja ísland og spillingin burt, hér á þessum rottuklaka norður í ballarhafi hefur ekkert breyst. Ferðfélag Íslands er með Þjóðgarðsráðið í vasanum enda er forseti Ferðafélags Íslands atvinnu plottari (fyrrverandi þingmaður X-B Ólafur Örn) og stjórnarmaður Ferðafélags Íslands nýlega hætt er Sigríður Anna fyrrverandi umhverfisráðherra. FÍ eiga þjóðgarðinn og svæðisráðin enda er FÍ með 75% af fulltrúum útivistarfólks í svæðisráðunum. Svo er einhver hissa á því að aðrir útivistahópar sé brjálaðir.
Ég get líka sagt þér Birgitta að allar tölur um kílómetra í þjóðgarðinum (sorrý ég meina í Vatnajökulsgarði FÍ) er tóm þvæla. Og rökin um að vegakerfið sér eitthvað sérlega stórt innar garðsins heldur ekki vatni. Ég get líka bætt því við að blaðabunkinn sem formaður þjóðgarðsins hafði undir höndum, og átti að vera sönnun um samráð er tóm STEYPA, við höfum séð svona vinnubrögð áður. Einhver vísir af samráði var einungis á einu svæði af 4, þ.e í vestursvæðinu, reyndar kom nákvæmlega ekkert út úr því annað er 100% tap. Öll undirbúningsvinnan við garðinn er hreint og klárt raðklúður, klíkuskapur og ofstæki.
Kv Jón G Snæland jeppakarl
