Forum Replies Created
-
Replies
-
Mikið af lokunum vegagerðarinnar eiga ekkert skylt með færð vega. Heldur eru lokanirnar vegna fuglafriðunar. Þarna finnst mér þeir vera komnir æði langt út fyrir verksvið sitt. Þannig að það hlýtur að vera snúið að semja við vegagerðina þegar þessi fuglafriðunardeild vegagerðarinnar er enn að störfum.
Magnús bjargaði deginum hjá mér og ég bjargaði honum í staðin og hundinum. Nú er ljóst að Svínaskarð er einungis fært 44 tommu Runner og 35 tommu Patrol.
Prestahnjúkur er skírður eftir séra Helga Grímssyni á Húsafelli og séra Birni Stefánssyni á Snæfoksstöðum í Grímsnesi sem fundu Þórisdal árið 1664.
Datt svona í hug, af því að ég sit heima og nenni ekki í 101=Sódómu. Hérna fyrir ofan spjallið stendur „Virkar umræður“ þarf ekki að uppfæra þetta kæra vefnefnd til veruleikans og nefna þetta „Óvirkar umræður“ eða hvað ? Þið verðið að afsaka þráðar heitið, mér datt bara ekkert annað í hug. Stend mig betur næst, lofa því
Það má í stuttumáli segja að fréttatilkynning Umhverfisráðuneytisins og svo pistill ráðherra í Fréttablaðinu, sé meir og minna hrein þvæla og áróður. Það er þó ekkert auðvelt mál að hrekja alla þessa pistla, greina, fréttir og annað sem koma úr þessum áttum. Enda eru þar ansi margir að verki og flestir á launum við það að setja saman óhróðurinn og bullið. Þetta eru því atvinnubullarar á launum hjá okkur. Það er nú kannski sorglegasti þátturinn í þessu öllu saman.
Þegar Svandís Svavarsdóttir heldur því fram í pistli sínum, að það sé einsdæmi í gervallri veröldinni að slóðar séu ekki ferlaðir eða mældir. Þá gleymir hún því líklega að Ástralía, Arfríka, Suður-Ameríka, Síbería og hellingur af löndum í Asíu tilheyra einnig þessari veröld sem hún er að tala um. Ég dreg það stórlega í efa að þar sé búið að g.p.s mæla hvern spotta. Það sem gerir það enn erfiðara en ella að halda uppi vörnum í þessum málaflokkum eru blaður og fullyrðingar af þessu tagi. Þetta er af sama kaliber og þegar svona fullyrðingar dundu á okkur daglega fyrir 2007, að ísland væri best í heimi í öllu mögulegu, t,d með bestu banka og útrásarvíkinga heims, Svandís er enn föst í þessu.
Svandís Svavarsdóttir segir :
[i:1b5i2ou7]Þó er ekki gefið að þróunin verði áfram í þessa átt á sama tíma og búist er við enn auknum ferðamannastraumi og umferð. Til að mæta þeirri áskorun er brýnt að koma á heildstæðu kerfi óbyggðavega á Íslandi. Nú er vegakerfi landsins um 13.000 kílómetrar, eins og það er skilgreint í vegalögum, en utan þess er kannski annað eins af vegslóðum, sem hafa óljósa stöðu í lögum og skipulagi. Það er líklega einsdæmi í okkar heimshluta að stór hluti leiðakerfis fyrir vélknúin ökutæki sé því sem næst utan skipulags. Umhverfisráðuneytið hefur unnið að því um skeið með viðkomandi sveitarfélögum og Vegagerðinni að skilgreina leiðir á miðhálendinu.[/i:1b5i2ou7]
Í þessum litla pistli eru að ég tel ýmsar rangfærslur. Í fyrsta lagi er vega og slóðakerfi landsins ekki 13000 km + aðrir óþekktir 13000 km einsog talað er um. Eða samtals 26000 km. Ég fullyrði ef allt er talið til, þá sé vegakerfið og slóðakerfið allt að 35000 km. + – eitthvað af kílómetrum. Þarna ber því ansi mikið á milli að mínu viti. Því má bæta við að þessir 13000 km sem eiga að vera utan við skipulag eru einmitt að stórum hluta inn á aðalskipulögum sveitarfélaga og tilgangur og tilurða þeirra þekkt hjá þeim sem láta málið sig varða. Í loka hluta pistilsins segir Svandís að [i:1b5i2ou7]Umhverfisráðuneytið hafi unnið um skeið með sveitarfélögunum og Vegagerðinni að skilgreiningu á leiðum á miðhálendinu [/i:1b5i2ou7]. Þetta er vægt sagt sorgleg fullyrðing í ljósi þess að það voru Landmælinga Íslands og Ferðaklúbburinn 4×4 eiga allan heiðurinn af því sem þó hefur verið gert, Umhverfisráðuneytið hefur lítið annað gert en að þvælast fyrir og sveitarfélöginn einnig, þó með einungis einni undantekningu, sem er Hrunamannahreppur. Önnur sveitarfélög hafa ekki staðið sig.
Ef Svandís vill virkilega standa sig í þessum málaflokki. Þá þarf hún sem yfirmaður Landmælinga Íslands, að endurskipuleggja Slóðanefnd ríkisins, og leggja fjármuni í mælingarverkefni Landmælinga Íslands. Ég ætla nú ekki að kryfja þessa fréttatilkynningu Umhverfisráðuneytisins og pistil Svandísar til mergjar, enda fjandi langt mál. En ég vill endilega leiðrétta það sem var í Fréttatilkynningunni, að sveitarfélöginn sem eiga landsvæði innan hálendislínunnar eru ekki 20 heldur 25. Þarna eru skekkjumörkin ekki nema 20%, það verður að segjast eins og er, að það er þó mun betri árangur en prósentu fullyrðingar ýmsar sem koma frá Ust og Umhverfisráðuneytinu, en þar er oftar en ekki farið frjálslega með staðreyndir og ýmsum hampað sem ekki eiga það skilið. En sveitarfélöginn eru 25 og heita : 1 Borgarbyggð 2 Dalabyggð 3 Bæjarhreppur 4 Húnaþing vestra 5 Húnavatnshreppur 6 Sveitarfélagið Skagafjörður 7 Akrahreppur 8 Eyjafjarðarsveit 9 Þingeyjarsveit 10 Skútustaðarhreppur 11 Fljótsdalshérað 12 Fljótsdalshreppur 13 Djúpavogshreppur 14 Sveitarfélagið Hornafjörður 15 Skaftárhreppur 16 Mýrdalshreppur 17 Rangárþing eystra 18 Rangárþing ytra 19 Ásahreppur 20 Skeiða og Gnúpverjahreppur 21 Hrunamannahreppur 22 Bláskógarbyggð 23 Grímsnes og Grafningshreppur 24 Kjósarhreppur 25 Hvalfjarðarsveit
Fréttir af útlendingum
Það er rétt að útlendingar flykkjast inn á hálendið á þessum tímum og (vel að merkja eru hvattir af sumum bílaleigunum) Þessu varð félagi minn var við núna um helgina þegar hann hitt erlendan ljósmyndara á hálendinu sem hefði verði hvattur af bíleigunni af fara inn í Landmannalaugar á slyddu Cherokee þrátt fyrir vor lokanir. Íslendingurinn sjálfur var ólöglegur enda einn af þeim sem skoðar aldrei lokunarkort vegagerðarinnar. Svo þegar búið verður að opna, þá koma í ljós för slyddujeppana sem krækja fyrir polla og skafla, og við vitum svo sem hverjum verður kennt um málið. Það má geta þess að þessi íslendingur sá mikið af mótorhjólaförum, eftir mótorhjól sem virtust alls ekki ná beygjum á veginum og voru víða löng för eftir þau utan við vegin. Við jeppamenn getum auðvita tekið það á okkur líka svona í leiðinni.
Fyrir skemmstu kom frétt frá bílaleigunum sem eru að senda útlendingana á hálendið, að búið væri að gera sérstakt g.p.s kort fyrir útlendingana og væri búið að taka út einhverja þúsundir km af slóðum á korti þeirra. Þetta er hið besta mál, þótti mér. Svo útlendingarnir væru ekki að þvælast leiðir sem slyddar og reynslulaust fólk á ekkert erindi inn á til þess að koma sér í vandræði. Í fréttinni var þó leiðinlega að einmitt þessi forsprakki hjá bílaleigunum þurfti að hnýta í Garminkortið, og hélt hann því fram að þar væru algjörlega ófærar leiðir. Og var sýnt sérstakt myndbrot af leiðinni frá Fljótshlíð yfir Markarfljót í Húsadal sem dæmi um þetta. Ég skal upplýsa það hér og það var ég sem kom þessum ferli inn á Garmin kortið. Sem ég held að hafi komið sér ágætlega í gosunum. Ég get þó ekki borið ábyrgð á því þegar heimskt fólk á slyddujeppum dembir sér út í Markarfljót. Get bætt því við, að næst þegar umhverfisráðherra fer á stúfanna að leita uppi sökudólga fyrir hina ýmsu ferla hér og þar. Þá gert ég vel tekið það að mér að bera ábyrgð á þeim ÖLLUM. Þá þurfa félagar mínir í jeppageiranum ekki að pissa á sig úr hræðslu við umhverfisráðherra.
kær kveðja O
Sæl aftur, í flýtinum hjá mér. Þá láðist mér að geta þess að þessi pistill er frétt frá Umhverfisráðuneytinu. http://www.umhverfisraduneyti.is/frettir/nr/1833
Það sem er kannski helst athyglisvert fyrir útivistarfólk og það alvarlega í þessari frétt, er það að stóra slóðamálið er enn í gangi í skjóli myrkurs, þrátt fyrir endalaus loforð um samráð á þeim vettvangi. Þá fær útivistarfólk hvor að fylgjast með gangi mála eða koma með tillögur.
Markvisst starf gegn utanvegaakstri
Vísbendingar eru um að heldur dragi úr utanvegaakstri samkvæmt nýrri samantekt Umhverfisstofnunar, en á síðustu misserum hafa stofnanir á vegum umhverfisráðuneytisins unnið eftir aðgerðaáætlun ráðuneytisins í því skyni að draga úr utanvegaakstri.
Akstur utan vega hefur lengi verið vandamál á Íslandi enda er landið víða viðkvæmt fyrir ágangi. Hjól vélknúinna ökutækja mynda auðveldlega djúp för í jarðveginn og getur tekið ár eða áratugi fyrir náttúruna að komast í upprunalegt horf. Því hefur áhersla verið lögð á að sporna við utanvegaakstri og er unnið að því á mörgum sviðum.
Starfshópur á vegum ráðuneytisins vinnur að því að flokka vegi í samvinnu við sveitarfélög landsins en hann hefur fundað með öllum sveitarfélögum sem eiga land innan miðhálendislínu. Er vonast til að þessi vinna muni skila sér í formi tillagna frá sveitarfélögunum í haust um það hvaða vegir eigi að vera opnir og hverjir lokaðar. Þegar hafa um tíu sveitarfélög skilað inn slíkum tillögum en alls eru sveitarfélög sem eiga land innan miðhálendislínunnar um 20 talsins. Mun Umhverfisstofnun fara yfir tillögur sveitarfélaganna og í framhaldinu munu upplýsingar um þessar leiðir verða settar upp í kortagrunn Landmælinga Íslands (ÍS 50).
Þá er unnið að aðgerðaráætlun í utanvegaakstursmálum en í þeim hópi sitja fulltrúar Landgræðslu ríkisins, Landmælinga Íslands, Umhverfisstofnunar og Vatnajökulsþjóðgarðar. Samkvæmt nýjum tölum frá landvörðum og lögreglustjóraembættum virðist hafa dregið úr utanvegaakstri um 15 – 30% en hafa ber í huga að eftirlit með akstri utan vega er ófullkomið og því eru tölurnar ekki óyggjandi.. Þá er nokkur munur á svæðum hvað þetta varðar og sums staðar virðist þróunin á verri veg. Sömuleiðis hefur hjálparbeiðnum á hálendinu fækkað.
Starfandi er fræðslu- og samráðsvettvangur um utanvegaakstursmál þar sem saman koma fulltrúar hagsmunaaðila, samtaka ferðafólks og opinberir aðilar til að bera saman bækur sínar og vinna að því að upplýsa og fræða ferðamenn um málið. Ráðuneytið og stofnanir þess ásamt hagsmunaðilum og frjálsum félagasamtökum hafa unnið að því að koma fræðslu til vegfaranda með auglýsingum, bæklingum og fræðsluskiltum. Fræðsluskilti við fjallvegi virðast hafa borið árangur því dregið hefur úr umferð smábíla á hálendinu og tilvikum utanvegaaksturs hjá útlendingum hefur fækkað
Við höfum greinilega verið nokkrir í því að dreifa þessu. Hver á annars þessu flottu mynd af Pálsfjalli. ég átti myndina af Hnýflunum í Vonarskarði, þarna vorum við að bíða eftir nokkrum Pat-rollum. Minnir að Hlynur hafi verið að tefja
http://www.dv.is/frettir/2011/6/1/jeppa … althingis/
Umfjöllun á DV fréttir af þessu voru einnig á Bylgju fréttunum.
Kvörtun til umboðsmanns Alþingis
Upplýsingar um þann sem ber fram kvörtun.
1. Ferðaklúbburinn 4×4, kt. 701089-1549 (og fyrir hönd aðildarfélaga), Eirhöfða 11, 110 Reykjavík.
2. Skotveiðifélag Íslands, kt. 620379-0269 (og fyrir hönd aðildarfélaga), Eirhöfða 11, 110 Reykjavík.Nafn þess aðila, stofnunar eða starfsmanns sem kvörtun beinist að.
Umhverfisráðherra, umhverfisráðuneyti, stjórn Vatnajökulsþjóðgarðs, svæðisráð Vatna¬jökuls-þjóð¬garðs.Umkvörtunarefni.
Kvartað er yfir því að umhverfisráðherra hafi hinn 28. febrúar 2011 staðfest stjórnunar- og verndar¬áætlun Vatnajökulsþjóðgarðs eins og sú áætlun lá þá fyrir.Kvartað er yfir því að stjórn Vatnajökulsþjóðgarð og svæðisráð innan þjóðgarðsins hafi hundsað Ferðaklúbbinn 4×4 (og aðildarfélög) og Skotveiðifélag Íslands (og aðildarfélög), sem hagsmuna-aðila við vinnslu stjórnunar- og verndaráætlunar fyrir þjóðgarðinn.
Svæðisráð og síðan stjórn Vatnajökulsþjóðgarðs vann stjórnunar- og verndaráætlun sem var lögð fyrir umhverfisráðherra og umhverfisráðuneytið til staðfestingar. Í vinnuferli stjórnar Vatnajökuls¬þjóðgarðs og svæðisráða innan hans gerðu þau félög sem hér kvarta fjölmargar og ítrekaðar athuga¬semdir um mörg atriði. Athugasemdunum var ekki sinnt hjá stjórn þjóðgarðsins. Þau félög sem hér kvarta gerðu einnig athugasemdir til umhverfis¬ráðherra. Ráðherra sinnti í engu fram komnum athugasemdum heldur staðfesti hina umdeildu stjórnunar- og verndaráætlun, þrátt fyrir að viðurkenna á sama tíma að máls¬meðferð hafi ekki verið í samræmi við góða stjórnsýsluhætti.
Rökstuðningur fyrir kvörtun.
Í greinargerðum aðila til stjórnar Vatnajökulsþjóðgarðs og til umhverfisráðherra koma fram helstu atriði sem kvartað er yfir.Stjórn Vatnajökulsþjóðgarðs svaraði framkomnum athugasemdum með dreifibréfi í stað þess að svara hverjum og einum beinskeytt með tilvísun til þeirra athugasemda sem viðkomandi hafði gert. Þau félög sem hér kvarta gerðu sjálfstæðar athugasemdir og bar því að fá umfjöllun um þær.
Með stofnun Vatnajökulsþjóðgarðs er verið að setja á stofn þjóðgarð sem nær yfir um 13% landsins. Þetta er stærsti þjóðgarður í Evrópu. Þó ekki væri nema vegna stærðar þess land¬svæðis sem þjóðgarðurinn nær yfir væri full ástæða til þess að vanda eins vel til verka og nokkur kostur er á. Það hefur umhverfisráðherra ekki gert þegar hún staðfesti fyrir¬liggjandi stjórnunar- og verndar¬áætlun fyrir þjóðgarðinn.
Ráðherra skýlir sér á bak við það að haft hafi verið samráð við fulltrúa frjálsra félaga¬samtaka. Ljóst er að svokölluð frjáls félagasamtök eru samtök fólks með sérstakan áhuga á náttúrvernd. Þessi samtök eru ekki sérstaklega með útivist á stefnuskrá sinni. Þetta samráð er því alls ekki það sama og samráð við fulltrúa útivistarfélaga.
Órökstutt er hvernig fyrirliggjandi stjórnunar- og verndaráætlun Vatnajökulsþjóðgarðs á að minnka álag á vegi og umferðarleiðir, þegar haft er í huga að í áætluninni er gert ráð fyrir að umferð einkabíla verði takmörkuð en á sama tíma á að auka umferð fólks¬flutninga¬bifreiða. Rútur eru miklu þyngri en jeppar og eru þess vegna líklegri til að skemma vegi þótt breyttir jeppar gætu ekið sömu leiðir án þess að valda skemmdum.
Kvörtunaraðilar hafa aldrei ætlast til þess að allar umferðarleiðir verði opnar öllum eða á öllum tímum árs. Hins vegar er ætlast til þess að lokun leiða sé rökstudd. Það hefur ekki verið gert.
Rökstyðja þarf hvers vegna loka eigi tiltekinn leið, á hvaða tíma árs, fyrir hverja lokun gildi, í hvaða tilgangi, hvaða verndun fáist fram með því að loka (hvaða hagsmuni er verið að vernda með því að loka umferðarleið). Þetta hefur ekki verið gert.
Upplýsingum og ábendingum umkvörtunaraðila hefur ekki verið sinnt. Þetta er verulega ámælis-vert þar sem innan þessara félaga eru til afar viðamiklar upplýsingar um fjölmargt sem skiptir máli varðandi aðgengi að, umferð um og nýtingu á svæði innan Vatnajökuls¬þjóðgarðs.
Samráð hefur ekki verið haft við umkvörtunaraðila. Fulltrúar umkvörtunaraðila hafa ekki fengið umbeðnar upplýsingar, hafa ekki verið boðaðir til funda þrátt fyrir óskir um fá að koma að vinnslu stjórnunar- og verndaráætlunar, hafa ekki verið hafðir með í ráðum um umferðar¬leiðir og veiði þrátt fyrir að hafa miðlað upplýsingum um hvernig aðstæður voru áður en hin kærða ákvörðun var tekin.
Í greinargerð umhverfisráðherra vegna staðfestingar á verndaráætlun Vatnajökuls¬þjóðgarðs 28. febrúar 2011 kemur fram að orðið hafi verið óskum nokkurra aðila um viðtal við ráðherra. Umkvörtunaraðilar fengu ekki viðtal við ráðherra. Fulltrúar Ferða¬klúbbsins 4×4 fengu hins vegar viðtal við starfsmenn ráðuneytisins einu sinni.
Í greinargerð umhverfisráðherra 28. febrúar 2011 er fullyrt að aðkoma ráðherra að breytingum á stjórnunar- og verndaráætlun sé takmörkuð við mjög afmörkuð atriði sem talin eru upp í lögum um Vatnajökulsþjóðgarð, nánar tiltekið ef áætlunin eða einstakir hlutar hennar fara í bága við lögin, reglugerð um þjóðgarðinn eða verndarmarkmið þjóðgarðsins. Þessu er mótmælt. Ráðherra er æðra stjórnvald og getur því samkvæmt almennum stjórnsýslureglum endursent mál til lægra setts stjórnvalds (í þessu tilviki til stjórnar Vatnajökulsþjóðgarðs) með fyrirmælum um önnur og betri vinnubrögð. Það er ekkert í lögum sem bannar ráðherra eða bindur hendur hans að endur¬senda áætlunina og krefjast endurupptöku innan stjórnar Vatnajökulsþjóðgarðs og gera kröfu um nánara samráð við hagsmunaaðila, meðal annars um umferðarleiðir og veiðar.
Í greinargerð umhverfisráðherra 28. febrúar 2011 kemur fram að langflestar athuga¬semdir við áætlunina hafi varðað samgöngukafla hennar. Þegar af þeirri ástæðu bar ráðherra að láta endur-vinna þann kafla, enda ljóst að fjölmargir hagsmunaaðilar telja sig hafa verið hundsaða við máls-meðferð stjórnar Vatnajökulsþjóðgarðs.
Í greinargerð umhverfisráðherra 28. febrúar 2011 er því haldið fram að almennar stjórn-sýslureglur eigi ekki við um setningu stjórnunar- og verndaráætlunar Vatnajökuls¬þjóðgarðs, meðal annars vegna þess að hún hafi ígildi reglugerðar, sé setning stjórnvalds¬fyrirmæla. Með þessum athuga¬semdum er litið fram hjá ákvæðum 3. mgr. 12. gr. laga nr. 60/2007 um Vatna-jökulsþjóðgarðs, sem mæla fyrir um að samráð skuli haft við hagsmuna¬aðila á svæðinu. Jafnframt er með þessum athuga¬semdum litið fram hjá því að auglýst var eftir athugasemdum og kallað eftir tillögum hags¬muna¬aðila, án þess að sinna þeim síðan. Þá er með þessum athugasemdum litið fram hjá því að hagsmunaaðilar eins og Ferðaklúbburinn 4×4 og Skotveiðifélag Íslands voru beinlínis hundsaðir við vinnslu stjórnunar- og verndaráætlunarinnar. Stjórn Vatna¬jökuls¬þjóðgarðs og umhverfisráðherra bar að hafa samráð og þeim ber að sýna fram hvernig samráð hafi verið haft við hagsmuna¬aðila eins og umkvörtunaraðila.
Í greinargerð umhverfisráðherra 28. febrúar 2011 er því haldið fram að lögin um Vatna-jökulsþjóð¬garðs leggi ekki þá skyldu á stjórn þjóðgarðsins að svara sérstaklega fram komnum athugasemdum eða tilkynna þeim aðilum sérstaklega hvort tekið verði tillit til athugasemda þeirra. Með þessum málflutningi er litið fram hjá almennum stjórnsýslu¬reglum og viður¬kenndum meginreglum um vandaða stjórnsýslu. Athugasemdin er greini¬lega ætluð sem rökstuðningur fyrir þau ámælisverðu vinnu¬brögð stjórnar Vatnajökuls¬þjóðgarðs að hafa aðeins haft áhuga á samráði við aðila sem sér¬stak¬lega var umhugað um náttúruvernd, en hundsa samráð við aðra hagsmunaaðila.
Um einstakar akstursleiðir innan þjóðgarðsins er í greinargerð umhverfisráðherra 28. febrúar 2011 á bls. 5 fjallað um málsmeðferð stjórnar Vatnajökulsþjóðgarðs án þess að sett sé ofan í við stjórnina, þótt viðurkennt sé að skiljanlegt sé að aðilar sem sendu inn ítarlegar og rökstuddar athuga¬semdir skuli hafa orðið fyrir vonbrigðum að fá ekki efnislegt svar varðandi umferðar-leiðirnar, eða tækifæri til að ræða kosti og galla út frá þeim viðmiðum sem höfð voru til grund-vallar. Hér slær ráðherra úr og í. Viðurkennt er að málsmeðferðin hafi verið ámælisverð af hálfu stjórnar Vatnajökulsþjóðgarðs, en samt bregst ráðherra ekki við með neinum hætti. Ráðherra hefði átt að vísa málinu aftur til stjórnar Vatnajökulsþjóðgarðs til að láta vinna þetta betur.
Á bls. 5-6 í greinargerð ráðherra er fjallað á yfirborðskenndan hátt um það leiðakerfi sem til er innan þjóðgarðsins. Aðeins er dregið fram það sem neikvætt er, ekkert er getið um að margar leiðir eru smalaleiðir, leiðir að vatnamælingastöðum, rannsóknarstöðum, o.fl. Viðurkennt er að Ferðaklúbburinn 4×4 hefur um árabil lagt fram mikla vinnu við að mæla og merkja vegslóða og verið í samstarfi við opinberar stofnanir við það verk. Síðan er sagt að í þeirri vinnu felist auðvitað ekki viðurkenning á því að merktir slóðar séu eðlilegar sam¬göngu¬leiðir. Með þessum athuga-semdum er verið að kasta blautri dulu í andlit hagsmunaaðila eins og Ferðaklúbbsins 4×4. Klúbburinn hefur aldrei haldið því fram að allar mældar og merktar leiðir eigi að vera opnar öllum allt árið. Því hefur hins vegar verið haldið fram að nauðsynlegt sé að mæla og merkja leiðir, meðal annars í því skyni að taka ákvarðanir um þær og eins til þess að ákvarða hvar sé um utanvega¬akstur að ræða og hvar ekki. Ferðaklúbburinn 4×4 hefur um árabil talað fyrir daufum eyrum opinberra aðila þegar bent hefur verið á að nauðsynlegt sé að koma í veg fyrir utanvegaakstur. Það er meðal annars hægt að gera með því að mæla og merkja leiðir sem nú þegar eru til – og þá taka ákvarðanir um lokun leiða sem hafa verið gerðar án nokkurrar heimildar og/eða tilgangs. Með því að upplýsingar liggi fyrir um hvar núverandi leiðir eru og í hvaða ástandi þær eru, má rannsaka sem utanvegaakstur ef ný ummerki um akstur finnast utan þessara leiða.
Á bls. 6 í greinargerð ráðherra segir að æskilegt sé að ákvörðunartaka um leiðir fari fram í samráði við helstu aðila sem hafa hagsmuna að gæta og menn gefi sér tíma til að fara yfir tillögur um einstakar leiðir, kosti þeirra og galla út frá sjónarmiðum náttúruverndar og útivistar. Í framhaldinu telur ráðuneytið rétt að stjórn þjóðgarðsins fari betur yfir sam¬göngu¬¬mál í þjóðgarðinum með hagsmunaaðilum. Samt sem áður staðfestir ráðherra áætlunina eins og hún liggur fyrir og sam¬þykkir þannig þau ámælisverðu vinnubrögð sem liggja fyrir.
Á bls. 7 í greinargerð ráðherra er enn höggvið í sama knérunn. Fram kemur að ferðafrelsi geti vart átt við það að akstur sé alls staðar leyfilegur innan marka þjóðgarðsins. Hér er enn verið að reyna að afvegaleiða lesandann um að Ferðaklúbburinn 4×4 hafi hvatt til þessa. Því fer fjarri. Eins og áður hefur komið fram hefur klúbburinn aldrei haldið því fram að allar núverandi leiðir eigi alltaf að vera opnar öllum til aksturs. Umræða hefur hins vegar ekki farið fram um það hvaða leiðir eigi að vera opnar, fyrir hverja, hvenær og í hvaða tilgangi. Það er viðurkennt í greinargerð ráðherra.
Því er haldið fram í greinargerð ráðherra að það sé ekki takmörkun á ferðafrelsi að sýna á korti hvaða leiðir megi aka og taka um leið fram að bannað sé að aka utan þeirra vega. Þvílík öfugmæli. Auðvitað felst í þessu takmörkun á því ferðafrelsi sem þjóðin hefur búið við. Með þessari takmörkun er verið að loka fjölmörgum ferðaleiðum sem hafa verið eknar um árabil, sumar um áratugabil, án þess að umræða hafi farið fram um kosti og galla hverrar og einnar út frá sjónarhóli umhverfisverndar og útivistar. Hagsmunaðilar eins og umkvörtunaraðilar hafa verið algerlega hundsaðir og þeim virðist hafa verið vísvitandi haldið frá umræðu um stjórnunar- og verndar-áætlun Vatnajökulsþjóðgarðs.
Í umfjöllun um takmörkun á veiðum hefur ekki á nokkurn hátt verið rökstutt hvers vegna veiðar að hausti eigi að geta haft truflandi áhrif á ferðamennsku. Öllum er ljóst að almennir ferðamenn eru ekki á ferð á svæði Vatnajökulsþjóðgarðs norðan Vatnajökuls á þeim tíma sem veiðar á gæs eða hreindýrum eru leyfðar. Þá er hinn almenni ferðatími liðinn á þessu svæði. Veiðimenn trufla því alls ekki ferðamennsku, ekki frekar en þeir hafa gert um áraraðir. Lokanir veiðisvæða standast því engin rök og virðast fyrst og fremst háðar duttlungum, hugsanlega fordómum, en eru augljóslega umfangsmeiri en nauðsyn ber til. Með fyrirliggjandi stjórnunar- og verndaráætlun Vatnajökuls¬þjóðgarðs hefur meðalhófsregla stjórnsýslulaga og stjórnsýsluréttar verið brotin vegna þessa.
Skotveiðar eru eðlilegur þáttur í nýtingu náttúrunnar og þess vegna er ljóst að fyrirliggjandi stjórnunar- og verndaráætlun Vatnajökulsþjóðgarðs gengur lengra en nauðsyn rekur til og með áætluninni eru ákveðnir hlutar hagsmunaaðila, meðal annars veiðimenn, hindraðir í að taka þátt í eðlilegri nýtingu svæðisins. Umferð og nýting veiðimanna á svæðinu er sett fram sem neikvæð, á sama tíma og umferð og nýting t.d. göngufólks er talin jákvæð. Engin rök eru fyrir þessari mismunun.
Vegna umfjöllunar í stjórnunar- og verndaráætlun Vatnajökulsþjóðgarðs um hættu á skemmdum á vegslóðum vegna umferðar veiðimanna er bent á að á þeim tíma sem veiðar eru leyfðar innan svæðis Vatnajökulsþjóðgarðs er komið frost í jörð, svo hátt uppi sem veiðimenn eru á ferð. Hætta af vegarskemmdum er þess vegna afar lítil. Umfjöllun um þessi atriði í stjórnunar- og verndar¬áætlun Vatnajökulsþjóðgarðs er dæmi um hvernig ekki hefur tekist að leiðrétta rangfærslur sem hafa átt þátt í því að niðurstaða byggist á röngum upplýsingum.
Athyglisvert er að fylgjast með umræðu um frumvarp til náttúruverndarlaga, sem nú fer fram. Í þeirri umræðu gagnrýna skógræktarfélög í landinu umhverfisráðherra harðlega og halda því bæði fram að samráð hafi ekki verið haft við þau og að þau hafi verið höfð að leiksoppi við undirbúning frumvarps til náttúruverndarlaga. Þetta er gagnrýni af svipuðum toga og umkvörtunaraðilar halda fram vegna undirbúnings og setningar stjórnunar- og verndaráætlunar Vatnajökulsþjóðgarðs. Gagnrýni skógræktarfélaga vegna vinnslu frum¬varps til náttúrverndarlaga bendir til þess að vinnu¬lag í umhverfisráðuneytinu og stofnunum þess sé vísvitandi haft með þessum ámælisverða og löglausa hætti.
Hefur áður verið kvartað yfir þeim ákvörðunum eða annarri háttsemi sem lýst er hér að framan?
Nei.Hefur kvörtunarefnið verið lagt fyrir dómstóla?
Nei.Skrá yfir skjöl og önnur gögn sem fylgja kvörtun.
1. Tillaga stjórnar Vatnajökulsþjóðgarðs til umhverfisráðherra að Stjórnunar- og verndar-áætlun Vatnajökuls¬þjóð¬garðs 8. september 2010.
2. Greinargerð umhverfisráðherra um staðfestingu Stjórnunar- og verndaráætlun Vatnajökuls¬þjóðgarðs 28. febrúar 2011.
3. Greinargerð Ferðaklúbbsins 4×4 til stjórnar Vatnajökulsþjóðgarðs 23. júní 2010.
4. Athugasemdir Ferðaklúbbsins til umhverfisráðherra 5. október 2010.
5. Athugasemdir Eyjafjarðardeildar F4x4 til stjórnar Vatnajökulsþjóðgarðs 20. júní 2010.
6. Athugasemdir Skotveiðifélags Reykjavíkur til stjórnar Vatnajökulsþjóðgarðs 18. júní 2010.
7. Greinargerð Þórhalls Borgarssonar, formanns Skotveiðifélags Austurlands.
8. athugasemdir Samút, samtaka útivistarfélaga, til stjórnar Vatnajökulsþjóðgarðs 21. júní 2010.
9. Ályktun Skotveiðifélags Íslands 15. mars 2010.
10. Ályktun Skotveiðifélags Austurlands 6. apríl 2010.
11. Athugasemdir Skotveiðifélags Íslands til svæðisráðs austursvæðis Vatnajökulsþjóðgarðs 13. apríl 2010.
12. Athugasemdir Skotveiðifélags Íslands til umhverfisráðherra 28. febrúar 2011.
13. Ályktun aðalfundar Félags leiðsögumanna með hreindýraveiðum 26. febrúar 2011.Reykjavík, 23. maí 2011,
______________________________ ______________________________
f.h. Ferðaklúbbsins 4×4,
Sveinbjörn Halldórsson, formaður f.h. Skotveiðifélags Íslands,
Elvar Árni Lund, formaður
Algjört vanhæfi í lokaundirbúningi meints einkagarðs útvalinna mun kosta skattborgarana, og félög í útivist ansi margar miljónir þegar upp verður staðið í þessu raðklúðri sem Vatnajökulsgarður er.
Næst er það endurskoðun náttúruverndarlaga, þar sem enn ver hefur verið staðið að samráði. Þar hefur samráðið verið O og er þar engu af síður mun stærra mál í gangi en leikvöllur elítugöngugarpana við Vatnajökul
Bílinn að ofan til hægri er Volvo P 1800 og var m.a í eign dýrlingsins að neðan er ?????humm hum huXa huXa De loren og var nefndur kókain bílinn, þó ekki viss.
Úps sá að það var hægt að stækka myndina og sá þá að hinn meinti De loren er úr myndinni aftur til framtíða. tegundin vefst þó fyrir mér gæti verið Gremlin
Það má geta þess að öllum þessum málum, tapaði Ólafur Helgi sýslumaður á Selfossi. Sennilega var þetta allt með vilja gert til þess að geta haldið því fram síðar að slóðamál væru í meiri ólestri en þau eru í raun. Ef vilji hefði verið fyrir hendi að reina virkilega að negla einhverja fyrir utanvegaakstur, þá hefði verið vænlegra að taka menn á öðrum stöðum. T.d við Kvíslarvötn, þar sem sannarlega er stundaður utanvegaakstur af veiðimönnum.
Vikunni fyrir meint brot var fjöldinn allur af fólki á þessum slóðum, þar á meðal ráðherrar, þingmenn, sveitarstjórnarmenn og félagar í FÍ. Því verið var að víga nýja göngubrú yfir Farið. Allar myndir af þeim viðburði hafa verið fjarlægðar af heimasíðu FÍ.
Þegar meintir stórglæpamenn voru teknir, þá má segja að flest hafi farið úrskeiðis. Ljósmyndir af meintum glæp voru klúður eitt. G.p.s staðsetning var ábótavant. Rétt landakort vantaði ofl ofl. Þetta raðklúður kostaði margar miljónir.
Þessi hugmynd er reyndar ekki ný af nálinni. Við heyrðum af henni fyrst fyrir nokkrum árum. Hugmyndin hefur t,d dúkkað upp hjá Umhverfisstofnun og fleirum. En veltum frekar fyrir okkur hvernig hún gæti nýst okkur á jákvæðan hátt. Þar að segja ef farið vær mestu öfgaleiðina. Þá tækjum við að sjálfsögðu að okkur að halda þessi námskeið. Og svo myndi draga verulega úr umferð á hálendinu af 101 lopapeisuliði og pakki sem væri eingöngu á breyttum jeppa vegna flottræfilsháttar. Ja hérna hér, nú er maður kominn heilann hring. F4x4 myndir græða heilann helling á námskeiðahaldi
Annars þegar maður veltir fyrir sér þessum málum almennt. Þá er mikil forræðishyggja í gangi víða. Það á ekki eingöngu við hjá ríkisstofnunum þar sem starfsfólkið er að reyna að finna sér eitthvað að gera til þess að drepa tímann. Forræðishyggja sprettur upp út um allt í þjóðfélaginu. Það er t,d ástæðan fyrir því að ekki verður leift að aka yfir gömlu vöðin á Skjálfanda við Gæsavötn í Vatnajökulsgarði.
Nú er þessi hugmynd kominn frá Ferðamálaráði. Því segi ég aftur, þetta er ekki grín
Þú hlærð dátt Atli, Held að þú verðir nú fölur í framan þegar þyrlan lendir hjá þér og þú ekki með hálendisskírteinið upp á vasann
Nú eru upp kröfur um það að enginn fari inn á miðhálendið nema vera búin að ganga í gegnum sérstakt miðhálendisnámskeið. Hvað finnst mönnum um það. PS þetta er ekki grín ef einhver skildi halda það, þetta er fúlasta alvara.
