Forum Replies Created
-
Replies
-
Beggi varst þú í megrun eða 1920 kg he he.
Ástæðan fyrir 44 tommu, þá breyttist ,Er-að-coma, í Beðið eftir hinum.
SNÆLAND laaang flottast. Bara að hann hafi ekki notað of mikinn svamp
skoðunarapparat ríkisins í gamla daga, þá var líka gott að hafa pela með sér, það hjálpaði ótrúlega mikið. Og mestu druslur urðu hreinustu gullmolar
Við stálum ekki kyndingunni, fengum hana bara lánaða. En ég er sammála þér Hlynur. Það er hvergi betra að vera en í Nýadal, í 30 metum, stórhríð og 15 stiga frosti. Þá er næs að sitja við gluggann í Nýadalsskálunum og horfa út um gluggann í ylnum. Maaaaður fer bara í rómantískar hugleiðinga að hugsa til Nýadals.
Ps Kaupum Sprengisandveg
Ég vill nú mótmæla þessari útþenslustefnu ferðaklúbbsins 4×4, með þessum hraða í útþenslu klúbbsins og hjónabandsráðgjöf er hætta á því að hrikti í innviðunum.
En sagan segir: af í parafeð þessari hafi par nokkur fengið drátt frá Hvanngili til byggða, þó ekki fylgdi sögunni hverslags d…. en sagt er að þau hafi verið dreginn í hjónabandi til byggða. Ég vill taka fram að þetta er ritað án allrar ábyrgðar og eru heimildir óljósar.
Ps kaupum Kjalveg
Enn einu sinn, sér maður þennan misskilning þingmanna að frjáls félagasamtök eru ekki sama og frjáls félagasamtök. Hérna verðum við að grípa inn í og koma útivistafélögum á framfæri.
Hlynur Hallsson þingmaður:
Nefndin hefur unnið skýrslu fyrir Umhverfisráðuneytið sem er afar ítarleg og góð og í sumum tilfellum hefði verið jafnvel betra að fara meira eftir þeirri skýrslu við samningu lagatextans, en í ráðgjafarnefndinni voru einmitt mjög margir heimamenn. Það voru fulltrúar Kelduneshrepps, Öxarfjarðarhrepps, Ásahrepps frá Rangárþingi ytra, frá Skútustaðahreppi, Þingeyjarsveit, Fljótsdalshreppi og Fljótsdalshéraði og einnig frá Skaftárhreppi og sveitarfélaginu Hornafirði. Og sérstaklega ánægjulegt var, og það á ekki alltaf við um svona nefndir, að í nefndinni sátu fulltrúar frjálsra félagasamtaka, þ.e. Ingólfur Ásgeir Jóhannesson, formaður Samtaka um náttúruvernd á Norðurlandi og varamaður hans var Ulla R. Pedersen. Þetta finnst mér allt vera til mikillar fyrirmyndar.
Athugasemdir varðandi frumvarp til laga um Vatnajökulsþjóðgarð
SAMÚT – Samtök útivistarfélaga
C/O Útivist
Laugavegi 178
105 ReykjavíkAllar aðgerðir til verndunar náttúru Íslands eru fagnaðarefni fyrir útivistar- og ferðafólk. Stofnun þjóðgarðs felur í sér að tiltekin landssvæði eru tekin til sérstakar verndunar þannig að náttúruunnendur geti um ókomin ár ferðast um viðkomandi svæði og notið þeirrar náttúru sem þau hafa að geyma.
Það skiptir því megin máli að lög og reglugerðir um þjóðgarða og öll stjórnun þeirra taki tillit til þarfa þeirra hópa sem sækja í að njóta þeirrar náttúru sem þar er að finna. Löng hefð er fyrir ferðalögum um Vatnajökul og nágrenni hans, bæði jeppaferða, vélsleðaferða, gönguferða og skíðaferða. Vaxandi áhugi er á þessari tegund ferðamennsku. Þeir ferðahópar sem um svæðið hafa farið síðustu áratugi kalla ekki eftir miklum framkvæmdum eða þjónustu, heldur leggja þeir megin áherslu á frelsi til að haga sinni ferðamennsku eftir eigin áætlunum í samræmi við aðstæður hverju sinni og í sátt við náttúrna. Það er mikilvægt að þjóðgarðsstofnun sé í sátt við þessa hópa og slík sátt er vandséð nema fulltrúar þessara hópa hafi sem mesta aðkomu að ákvörðunum er þjóðgarðinn varðar. Þetta á bæði við um lög og reglugerðir er þjóðgarðinn varðar og einnig stjórnunarlegar ákvarðanir er hann varðar eftir stofnun.
SAMÚT , samtök útivistarfélaga, er sameiginlegur vettvangur allra helstu útivistarfélaga landsins. Það er sjálfsögð krafa þessara félagasamtaka að SAMÚT hafi góða aðkomu að gerð reglugerða um þjóðgarðinn. Þannig er hægt að virkja þá sem best þekkja til ferðalaga á Vatnajökli og nágrenni hans. Jafnframt hlýtur að vera eðlilegt að SAMÚT fái fulltrúa í stjórn þjóðgarðsins og sé þar sem fulltrúi stórs hóps notenda.
Hér á eftir eru athugasemdir við einstakar greinar frumvarpsins.
4 grein:
Ekki er gert ráð fyrir að notendur þjóðgarðsins eigi aðild að stjórn hans líkt og aðrir hagsmunaaðilar og er þó óumdeilanlegt að hér er um verulega hagsmuni að ræða. Það hlýtur að vera eðlileg krafa að SAMÚT tilnefni fulltrúa í stjórn Vatnajökulsþjóðgarðs, en slíkur fulltrúi væri sameiginlegur fulltrúi Ferðaklúbbsins 4×4, Ferðafélags Íslands, Vélhljólaíþróttaklúbbsins, Útivistar, Jöklarannsóknafélags Íslands, Landssambands Íslenskra Vélsleðamanna og fleirri félagasamtaka. Að baki þessara félagasamtaka eru um 30.000 félagsmanna og innan þeirra er meginþorri þeirra Íslendinga sem í dag stunda ferðalög á Vatnajökli.
12 grein:
Hér gildir sama og áður að eðlilegt er að fulltrúi Samút komi að gerð verndaráætlunar frá upphafi. Þar ber að geta að kunnátta á svæðinu liggur hjá ferðafólki og mikilvægt að tryggja umferðarétt almennings um svæðið. Verndunaráætlun þarf að miða að því að vernda náttúruna, en jafnframt að taka tillit til þess að almenningur hafi tækifæri til að njóta hennar. Mikilvægt er að almenn og góð sátt ríki um verndaráætlun og er það best tryggt með því að rödd ferðafóllks hafi áhrif á gerð hennar..15. grein
Hér er fjallað um umferð í þjóðgarðinum og er því sú sem hvað mest snertir hagsmuni þeirra sem í dag ferðast um það svæði sem fellur undir þjóðgarðinn eftir stofnun hans.
Í náttúruverndarlögum er bann við akstri utan vega með undanþáguákvæði um akstur á snjó og frosinni jörð. Samkvæmt ákvæðum greinarinnar er gengið nokkuð lengra innan þjóðgarðisins. Eðlilegt og nauðsynlegt er að vel sé gætt að því að ekki hljótist skemmdir á náttúru innan þjóðgarðsins af völdum umferðar. Á hinn bóginn þurfa reglur að vera þannig úr garði gerðar að þær setji ekki óþarfa takmarkanir á ferðalög innan þjóðgarðsins og samrýmist þeim ferðavenjum sem hafa verið viðhafðar síðustu áratugi í sátt um náttúruna. Besta leiðin til að tryggja góða sátt um reglur um umferð er að þeir sem stunda þá ferðamennsku sem um ræðir komi að gerð reglanna og tillit sé tekið til sjónarmiða þeirra. Hugmyndir um sérstakar leyfðar vetrarakstursleiðir stinga verulega í stúf og samræmast illa ferðalögum á snjó að vetri til. Á hinn bóginn getur vel komið til álita að tiltekin afmörkuð svæði séu lokuð fyrir akstri tiltekin tímabil í því skyni að halda umferð frá vinsælum gönguleiðum, en heppilegast er að tillögur að slíku komi frá útivistarfólki sjálfu og SAMÚT er vettvangur slíkrar umræðu.19 grein
Sérstaklega er tiltekið að umhverfisverndarsamtök eigi kærurétt varðandi ákvarðanir sem teknar eru á grundvelli laganna. Það skýtur mjög skökku við að útivistarsamtök virðast ekki eiga sambærilegan kærurétt, enda eru þau hagsmunasamtök notenda þjóðgarðsins.20 grein
Eins og rökstutt hefur verið hér að framan er full ástæða til að fulltrúar útivistarsamtaka komi að gerð reglugerðar um þjóðgarðinn, enda er innan þeirra veruleg þekking á þessu landsvæði. Aðkoma SAMÚT að þessu hlýtur því að vera verulegur fengur fyrir framgang þessa máls.21 grein
Gjaldtaka af ferðafólki á Íslandi hefur einkum verið fyrir veitta þjónustu en ekki fyrir aðgang að sjálfri náttúrunni. Vatnajökulsþjóðgarður verður víðfemur og stór og væntingar þjóðgarðsgesta um þjónustu af hálfu þjóðgarðsins mismunandi. Æskilegt er að lög um Vatnajökulsþjóðgarð kveði skýrt á um að gjaldtaka í þjóðgarðinum sé með þeim hætti að greitt sé fyrir aðgang að aðstöðu í þjóðgarðinum, upplýsingar og fræðslu, en áfram verði hægt að njóta náttúrunnar á eigin forsendum án þess að fyrir það eitt og sér þurfi að greiða. Á hinn bóginn er eðlilegt að þjóðgarðurinn taki gjald fyrir veitta þjónustu og nauðsynlegt að þau ferðafélög og rekstraraðilar sem reka skála innan þjóðgarðsins geti innheimt sanngjarnt gjald fyrir þjónustu sína.
Það væri nú fróðlega að vita hvort félagsmenn í Jöklarannsóknarfélaginu séu sammála stjórn sinni að fara norsku leiðina. Einhvern veginn hef ég ekki trú á því. Þarna held ég að Magnús Tumi og félagar séu búnir að skjóta undan sér báða fæturna. Nema hérna séu einhvern misskilning að ræða eða, eða orðarugl.
Það má nú bæta því við að ég heyrði einhvern snillan segja það að Kárahnjúkavirkjun væri afturkræf. Þá hlýtur Kjalvegur að vera afturkræfur, samkvæmt þessum skilgreiningum. Og í raun ættu öll mannannaverk að vera afturkræf. Þetta er kannski bara kórrétt hjá þeim. Það mætti t,d örugglega halda því fram að Uppbyggður Kjalvegur hyrfir úr landslaginu. Ef honum væri ekki haldið við á svona 100.000 árum.
Norðurvegsmenn virðast vera búnir að kúka á sig í nánast hverju smáatriðinu varðandi veginn. Ég er eiginlega farinn að vorkenna þeim sem vilja uppbyggðan Kjalveg. Að hafa fengið svona lélega fulltrúa í málið.
Kv Jón Snæland
Ps kaupum Kjalveg
Fréttablaðið í dag 18 febrúar.
Jónína Bjartmarz ráðherra algjörlega andvíg Norðurvegi. Davíð Egilsson forstjóri Umhverfisstofu veit ekki alveg í hvorn skóinn hann á að stíga.Ps mér líst vel á nafni Glanni.
Ps kaupum Kjalveg
Auglýsum eftir nokkrum sumar ferlum:
1 það vantar feril frá Hrafnabjargarvaði upp á Sprengisandsleið.
2 Einnig vantar okkur nýju Vatnahjallaleiðina
Svo vantar mikið af almennum þjóðvegum
Kjalvegur taka 349293928
Eygló Harðardóttir sem er í 3 sæti framsókn á Suðurlandi, segir í bloggi sýnu, eftirfarandi:
( Kjalvegur myndi opna mikla möguleika fyrir þetta e-hv annað sem maður heyrir stöðugt í umræðunni um uppbyggingu atvinnulífs á landsbyggðinni. T.d. yrði hugsanlega hægt að gera Kerlingarfjöll að heilsársskíðasvæði og auðvelda almennt aðgang ferðamanna að hálendinu. )Nú er þessi rök um skíðasvæði sennilega kominn frá þeim Kerlingarfjallsmönnum.
Ég er nú vel langt frá því að vera skíða maður, hvað er til í þessari fullyrðingu. Mig minnin að þarna sé lítið annað en klaki og grjót á sumrin. Eða er virkilega hægt að nota Kerlingarfjöll sem skíðasvæði að sumri, er þetta ekki bara en eitt bullið, sem ekki er hægt að treysta ?.
Þið Steratröllin gætuð tekið krók á ykkur þegar þið eruð að nálgast Nautöldu. Og ekið inn í Jökulkrika. En þar er fallegt. Og lítið lón innst í krikanum og stundum íshellir ofan við lónið. Svo er þið farið inn í Kisubotna. Þá er hægt að aka inn Kisugljúfur. Svo er alltaf spennandi að aka inn í Blautukvíslargljúfur. En það er hægt að gera í leiðinni inn í Nautöldu.
Þetta fer nú að verða meiri og meiri sápuóperan hjá þeim Norður-bullsmönnum. Það sem mér finnst merkilegast í þessari umræðu er, að farið er frjálslega með staðreyndir. Og málflutningur mótsagnakenndur. Samanber það sem ég benti á hér að ofan. Þar sem annað hvort stjórnarformaður Norðurvegs er að segja satt, um að enginn skil verði á Kjalvegi. En hinsvegar heldur Kjartan Ólafsson öðru fram í Fréttablaðinu. Sennilega er hér ekki um beina ósannsögli að ræða, heldur aðeins það að hægri höndin veit ekkert hvað sú vinstri er að gera. Það er svona í karakter við allt málið. En í gegnum feril Kjalvegsmálsins, hafa Norðurvegsmenn látið popolista ráða för. Og hefur grunnhyggja verið höfð að leiðarljós, og þar hafa Norðurvegsmenn gengið út frá því að fólk sé fífl. En einhvernvegin hefur málið snúist í höndunum á þeim. T,d gleymdu snillarnir alveg friðlandinu í Guðlaugstungum. Ég held líka að þeir hafi gleymt öllum þessum stór ám, sem þeir ætla að brúa fyrir nokkur hundruð miljónir, nema það eigi að nota til þess gamlar flotbrýr frá kananum ?.
Athyglisverðast finnst mér samt í þessu öllu er að ÞINGMANNINUM Kjartani Ólafssyni ber ekki saman við stjórnarformann Norðurvegs, með skil á veginum.
Annað athyglisver finnst mér að í uppafi Kjalvegsmálsins, þ.a.s á kynningarfundum var hamrað á því að með tilkomu Kjalvegs, kæmi umferð til með að aukast umtalsvert, og það væri lögmál nýrra vega. Og var þessu varpað fram til þess að sannfæra fjárfesta og banka um ágæti hugmyndarinnar, að öllum líkindum. Nú ber hinsvegar svo við að nú blaðra Norðurvegsmenn um það, hversu góð umhverfisáhrif sé af veginum, vegna styttingu milli norður og suðurlands. Þarna átti sem sé að reyna að slá ryki í augu umhverfissinna.
Einnig minnir mig að það hafi verið talað heldur frjálslega um h.y.s á Kjalvegi. En Kjalvegur nær yfir 700 metra hæð. Þetta hafa svo einhverjir borið saman við vegi í Noregi ( vá af hverju ekki vegi á Chile eða Colombíu ). Einnig hafa bullustamparnir borið veginn saman við veginn yfir Möðrudalsöræfi, sem er mun lægri. Samt er sá vegur oft til vandræða og held ég að Vill félagi okkar í Möðrudal. Hafi farið ófáar ferðirnar til þess að redda ferðafólki á veginum. Og veit ég ekki hvernig ástandið gæti orðið á Kjalvegi. Ef skylli á slæmt veður og 100-200 fólksbílar væru þar á ferðinni. En svoleiðis gerist nú bara. Sérstaklega vegna þess að venjulegt 101 lið er löngu hætt að horfa á veðrið í sjónvarpinu. Þeir einu sem liggja yfir slíkum þáttum eru við, bændur og sjóarar, og nokkrir sérvitringar. Jæja nóg af bulli í bili svo maður verði ekki sjanghæjaður í Norðurvegsgengið.Aksturstölur Kjalvegur á tímabilinu Júní-September óku 70 bílar daglega Kjöl.
Árs meðaltalið er hinsvegar 26 bílar á dag.Kv Ofsi ( ps kaupum Kjalveg )
4 NAUTÖLDULAUG ( ÓLAFSLAUG ).
G.P.S 6438765-1846200. Í Þjórsárverum. Laugin er staðsett undir Hofsjökli sunnanverðum undir Nauthagajökli. Jeppamenn höfðu byggt upp laug með sandpokum í kringum hita uppsprettu, en í vorleysingum 2003 skolaði henni burt. 2004 var komið fyrir fiskikeri í laugarstað og er hún því nothæf á ný. Aðkoma að lauginni er erfið og er einungis hægt komast þangað á breyttum jeppum að vetri. Eða gangandi að sumri, en það er talinn vafasöm gönguleið og ekki á færi annarra en og vanra göngumanna að ganga þá leið, vegna margra straumþungra jökulfalla. Fleiri laugar og hitasvæði eru í Þjórsárverum og er hægt er að fara inn með Ólafsfelli að vestanverðu. En inn að þeim laugum er um klukkustundar gangur frá Nautöldu skála. Þegar starfsmenn Orkustofnunar unnu þar við rannsóknir á árunum 1970-1974, völdu þeir frekar að nota laugarnar vestan við Ólafsfell, þrátt fyrir erfiðari en í Nautöldulaugina. Einnig eru hita uppsprettur í Sílalækjum. Nánari lýsingu á hitasvæðum í Þjórsárverum er hægt að lesa um í Árbók Útivistar frá 1987 númer 13.
Morgunblaðsfrétt | 15.2.2007
Samgönguráðherra segist ekki vilja taka af skarið um heilsársveg yfir KjölSturla Böðvarsson samgönguráðherra kveðst hafa áhyggjur af áhrifum
mögulegs heilsársvegar yfir Kjöl. Segist hann ekki vilja taka af
skarið um það verkefni fyrr en fram hefur farið mat á áhrifum af
lagningu slíks vegar á umhverfi, skipulag hálendisins og á
ferðamennsku.Öll fréttin á mbl.is:
/mm/morgunbladid/blad_dagsins/grein.html?grein_id=1129799
Ég veit að Pétur Snæland í svampinum átti Willis sirka 1942 módelið. Og var það sjóbíll og gerði hann garðinn meðal annars frægan þegar hann sigldi út á ytrihöfnina á móti Gullfoss þegar hann kom til Landsins. Einnig á Jóhann Árnason Amphicar sjóbl sem er 1960-65 módelið u.þ.b
Stjórnarformaður Norðurvegs sagði í sjónvarpi að Kjalvegi yrði ekki skilað aftur til ríkisins. En Kjartan Ólafsson segir í Fréttablaðinu í gær að veginum verði skilað. Því spyr maður sig hvor lýgur.
Bjarni Harðarsson sá ágæti maður, skipar annað sætið á lista framsóknarflokksins á suðurlandi. Bjarni hefur haf sig mjög í frammi í umhverfismálum og oft bent á ýmislegt sem miður fer í nánast umhverfi okkar. Þar mætti t,d nefnd það að verið er að moka Ingólfsfjalli burt smátt og smátt. Ég gæti kannski verið sammála honum en einhvernvegin hef ég vilja fórna minni hagsmunum fyrir meiri. Þ.a.s ég hef viljað fórna Reykjarnesinu og nágrenni til þess að við fáum frekar frið með hálendið. Því er ég mjög sáttur við virkjanir á Reykjarnesi, ég er einnig ánægður með væntanlegar virkjanir við neðanverða Þjórsá. Svona einhvernvegin, einhverstaðar verður vondur að vera og þá er gott að hafa hann þar sem hann veldur sem minnstum skaðanum. Enda er Reykjarnes í mínum huga, eitt stórt athafnarsvæði. Og ég sé fyrir mér að eftir 50 ár verður vart lófastór blettur á Reykjarnesinu óhreyfður af mannanna höndum. Bjarni Harðarsson er hinsvegar á þeirri línu að það sé ekkert tiltöku mál að byggja hálendisvegi og í raun bara smá mál. Eitthvað sem nánast ætti að leifa uppsveitarmönnum á suðurlandi að græja, svo þeir geti skotist norður á skömmum tíma ef þeir eiga erindi. Bjarna finnst sem sé að það sé verið að setja fótinn fyrir framþróun og auðgunarsköpum. Bjarna finnst að mammon eigi að ráða för.
Ef hann á að ráða för, þá eigum við ekki heldur að vera elta ólarnar við byggðarmál. Því það segir sig sjálft, að vera púkka upp á steindauð smá þorp á vestfjörðum er ekki arðbært til lengdar. Flytum hyskið bar í blokk í Reykjarvík. Þetta gæti verið undirtóninn í þeim sem vilja allt gera fyrir peninga. En þeir koma ekki hreint fram með það sem þeir vilja.
Bjarna finnst líka að við séum fámennar klíkur sem viljum sölsa undir okkur landið. Það getur svo sem vel verið að félagar í Samút 30.000 talsins séu fámenn klíka. Bjarni bentir enn á að á íslandi sé hvort eð er eingin ósnortin víðerni nema Vatnajökull. Og því sé í raun allt í lagi að hrófla við hálendinu. Það getur vel verið rétt að ekki séu til mörg svæði sem eru ósnotin. Þeim mun mikilvægara að þessi svæði sem þó eru til, sem ekki hefur verið hróflað mikið við fá að njóta vafans.
Framtíðarsýnin er ekki sérlega björt í þessum málaflokki, þegar náttúruverndarsamtök. Sem því miður fá mikið aðgengi að ráðamönnum þjóðarinnar, eru orðin ógn við náttúruna. Náttúruverndarfólk sat í ráðgjafarnefnd umhverfisráðuneytisins. Svo ég árétti það. Og þegar menn einsog Bjarni umhverfissinni eru ornir talsmenn lálendisvæðingar, þá erum við í slæmum málum. Það þarf að fara að hreinsa til og henda þessu mussuliði út úr nefndum og ráðum, enda eru þetta ekkert nema hálf atvinnu mótmælendur af 101 svæðinu. Sem hrópa og kallar er hróflað er hrauni í Hafnafirði.
Þetta hyski sér ekki heildarmyndina, það sér ekki fyrir sér Kjalvegssvæðið og Sprengisand framtíðarinnar, kannski af því að það veit ekki hvernig þetta lítur út í dag. Því finnst í lagi að malbika Sprengisandsleið, fá þjónustumiðstöð í Nýadal og víða.
Agnes getur skráð okkur Þóru í ferðina.
Kv Jónína
