Forum Replies Created
-
Replies
-
Já, og var ekki hin hendin í fatla ? L.
Þá skortir allavega ekki hugmyndir sem framleiða þetta, þetta með rolluna toppaði náttúrulega allt.
Kveðjur, Logi.
Það hefur viljað brenna við að þegar ég er að sulla í ám hafa rafmagnstengin inn í sjálfskiftinguna viljað blotna, hefur reyndar ekki skeð nema einu sinni en þá ruglaði það boðin inn í skiftinguna þannig að hún festi sig í þriðja og vildi ekki þaðan fyrr en tengin höfðu verið þurrkuð. Getur einhver þarna úti sagt mér hvernig best er að vatnsverja þessi tengi, á að vefja þau með einhverju eða er til eitthvað efni til að úða á þau, (svona bifvélavirki í spraybrúsa) sem virkar vel.
Kveðjur Logi.
Svona hefur þetta verið frá því ég man eftir mér með tímabundinni undantekningu þegar Atlantsolía kom á markað. Eru einhverjir þarna úti tilbúnir í það að stofna olíufélag til að sporna við þessu? L.
Jú jú, vissulega er þetta rétt hjá þér en setti þetta svona fram til að vekja athygli á því hvaða blekkingaleikur er í gangi, ég er nefnilega búinn að vera á lífi nægilega lengi og eiga bíl nægilega lengi til að vita það að það eru engar töfralausnir eins og þessar til í raunveruleikanum. Síðan ég eignaðist bíl í fyrsta skiftið fyrir 35 árum hefur einhver komið fram með reglulegu millibili sem hefur lofað einhverju viðlíka þessu í bensínsparnaði og alltaf hafa einhverjir fallið fyrir gríninu og borið út fagnaðarerindið og reynt að teyma aðra með sér í pittinn vitandi það að þetta skilaði nánast engu en egóið leyfði ekki viðurkenningu á slíku. En þegar öllu er á botninn hvolft þá stendur eftir sú staðreynd að á meðan eldsneytiskerfið og brunakerfið er ekki endurhannað eins og þegar menn fóru úr blöndungum í innspýtingar og allt það sem því fylgdi þá skeður ekkert sem orð er á gerandi í eldsneytissparnaði. Sem sagt, eldsneytissparnaður á óbreyttri vél með einhverjum viðbótarbúnaði skilar sér í langflestum tilfellum í minni hestöflum. Annars finnst mér að þetta,,,
Já næsta bylting í þessum málum verður að selja sérhönnuð sæti í bíla til að virkja þessa "náttúrulegu metan framleiðslu". Með í kaupunum fylgir tunna af rúsínum og bretti af rúgbrauði…
vera það vitrænasta sem komið hefur út úr þessum spjallþræði. L.
HYDRO-ASSIST FUEL CELL … Increases Mileage 50-100%!
Þetta slagorð er tekið af 950$ síðunni sem þú vísar í, flott að geta sparað 100% bensín, hmmmm, heitir það ekki að ganga á loftinu einu? L.
Var að horfa á myndbandið sem fylgir þessu, liðlega 20 mín. fyrirlestur. Þarna sést hvernig einhverjir gaurar hella gosdrykkjum, tómatsósu, rakspíra og einhverju fleiru ótrúlegu á tankinn og fá vélina til að ganga á þessari göróttu blöndu. Það skyldi þó aldrei vera að gamall draumur um að maður geti migið á tankinn sé um það bil að rætast, sé það þó skapa augljóst vandamál fyrir konurnar. En það má kannski sjá viðskiftatækifæri í því fyrir hugmyndaríkan einstakling. Kveðjur, L.
Þessi síðasta færsla er alveg óborganlega fyndin, sé fyrir mér menn japla rúgbrauð og rúsínur landshornanna á milli hahahahahah
Hmmmmm, 100% hreint loft í útblæstri, ef þetta er sannleikanum samkvæmt þá held ég nú að þetta hlyti að hafa ratað á forsíðu Moggans eða sem fyrsta frétt í sjónkanum því með þessu væru menn víst að leysa svona nokkurnveginn öll heimsins vandamál.
"segi það nú líka",,,,,,
Ég hef oft farið nyrðri fjallabakleið einbíla og það er ekkert vandamál, hef ekki farið syðri nema frá Hvanngili og niður í Fljótshlíð, er ekkert mál en það eru einhver vöð sem ég þekki ekki austar, hef ekki heyrt að það séu nein vandamál þar á ferðinni, fara bara varlega, síðan eru yfirleitt einhverjir á ferðinni. Kveðjur, Logi Már.
Gufubilaðir,,,,,,
Fann þetta á þessari heimasíðu http://4x4butikken.dk/shop/safari-snork … 7562p.html Þetta er greinilega notað á Pajero líka en ef þetta er dísilbíll þá er ég með einn slíkan og breytti inntakinu á honum með ágætis árangri, það eru myndir af því inni á myndasafninu mínu sem þú getur skoðað. Er búinn að vaða vel á honum inni í Þórsmörk síðan og hann er ekki dauður enn. Kveðjur Logi Már.
Það er merkilegt hvað menn eru tilbúnir að fókusera á jeppaeign/notkun þeirra sem þessi ágætu farartæki kjósa að eiga/nota. Það virðist sem að við jeppaeigendur séum einir í heiminum þegar kemur að því að leggja land undir fót hér á Íslandi ef marka má umræðuna. Og þá væntanlega líka þeir einu sem göngum illa um landið. En tilfellið er nú samt að um landið þvert og endilangt fara nú menn líka fótgangandi og ríðandi. Sjálfur er ég ekki í hópi þeirra sem fara um landið ríðandi á hestum enda alltaf þótt afskaplega óviðeigandi að vera að hossast mikið ofan á matnum, (jæja, nú verða einhverjir hestamenn brjálaðir) en tvo jafnfljóta á ég, (svona nokkurnveginn jafnfljóta) og hef haft þann skrýtna sið að skjóta þeim fram fyrir hvorn annan sitt á hvað, (það heitir víst að ganga) og merkilegt nokk, þetta þrælvirkar, maður færist úr stað og hraðar eftir því hversu ótt og títt maður færir þá fram og til baka. En þetta er nú smá útúrdúr, gekk á fimmtudaginn hinn fræga Laugaveg frá Þórsmörk og upp að Álftavatni. Og afsakið aðfinnslur mínar, en hafa landverðir og löggæsla ekkert annað og þarfara við tímann að gera en að eltast við jeppamenn? Satt að segja þá blöskraði mér ágangurinn og traðkið sem þúsundir fóta sem troða þessa leið árlega eru búnir að valda, það eru víða komnir djúpir skurðir í landslagið eftir allt þetta traðk og ekki bara einn heldur tveir og þrír hlið við hlið, þetta er svona akkurat það sama og við jeppamenn erum sakaðir um að gera, að búa til ný för til hliðar við þau gömlu þegar þau eru orðin ófær. Og á nokkrum stöðum má líka sjá ummerki um gróður traðkaðan niður og skilinn eftir með verri ummerkjum en vel úrhleyptur jeppi, varlega ekinn myndi skilja eftir sig. Ég hefði að óreyndu aldrei trúað því að ummerkin eftir alla þessa fótgengla væru svona mikil. Ef gengið er frá Álftavatnsskálanum niður að vatninu má sjá ljót för eftir fjölda hesta sem eiga eftir að verða í viðkvæmu landslaginu um ókomna tíð, gekk þarna sjálfur og markaði ekki undan mér en hófförin þóttu mér engin prýði. Og víðar á þessari leið sjást ljót för eftir hesta.
Ég ætla mér með þessum skrifum mínum ekki að reiða hátt til höggs og höggva mann og annann, fótgengla eða hestamenn, krossara, fórhjólamenn eða aðra þá er um landið vilja ferðast frjálsir en við skulum muna það allir, hvernig sem við ferðumst að við skiljum allir, ALLIR, eftir okkar ummerki. Og við verðum allir að reyna að hafa þá skynsemi til að bera að skilja eftir okkur sem minnst ummerki um för okkar með því að velja okkur leiðir við hæfi og eftir aðstæðum. En ég get ekki losað mig við þá tilfinningu að okkur jeppmönnum sé kennt um ansi margt af því sem illa fer.
Kíkið á þennan link, http://www.visir.is/article/20070729/FRETTIR01/70729009 þarna er verið að sóa fé og tíma löggæslunnar vegna fáfræði landvarðar sem ekki er kunnugt um að þetta er margekinn slóði sem hefur verið jeppamönnum og gangnamönnum kunnugur í áratugi. Það er hætt við því að það yrði þröng á þingi í tugthúsinu hjá Ólafi Helga ef allir þeir sem hafa ekið þennan slóða yrðu teknir á teppið.
Áður en menn fara að rækta skóga í stórum stíl hér á landi, jafnvel meðfram öllum þjóðvegum þá væri kannski gott að þeir færu og ækju erlendis inni í þeim "græna vegg" sem maður ekur víða inn í og spyrja sjálfa sig, "er þetta það sem ég vil hér á landi"? Hluti af sjarma og karakter þessa lands er einmitt víðsýnið sem ekki bara ferðamenn heillast af heldur á það líka við um mig og marga fleiri. Var um helgina uppi við Langasjó og ók niður með Skaftá til byggða, hefði ekki viljað skifta á grænum skógarvegg og víðsýninu þar enda guðdómlega fallegt að horfa þar yfir og reyndar á öllu því svæði. Þegar öllu er á botninn hvolft þá er það alveg ljóst að menn ættu ekki að fara út í stórfellda skógrækt nema að vel athuguðu máli og þá hvaða svæði er best að taka til ræktunar og taka þá inn í þann reikning það lífríki sem fyrir er. En það er svona með allar þessar dellur sem Íslendingar fá, hringja fótanuddtæki og fondúpottar einhvejum bjöllum?
Er það ekki bara Mikkagengið, nú eða bara Refagengið?
Er að skríða saman eftir svefnlitla nótt, en hvað það var þess virði maður, ég á eftir að lifa á þessu lengi, vil þakka ferðafélögum úr klúbbnum svo og 5 tinda mönnum fyrir frábæra samveru síðustu nótt. Hefði ekki getað gengið betur, vona að ég fái tækifæri til að ferðast með einhverju af þessu fráæra liði seinna meir. Kveðjur, Logi.
Verðum við ekki bara að bíða eftir nýjustu fréttum af heimasíðu 5 tinda, ekkert að frétta þaðan allavega eins og er.
Kem með, er nýr og þekki sjálfsagt engann en það skiftir ekki máli, áhuginn er fyrir hendi. Sé ykkur við Landvegamót.
