Forum Replies Created
-
Replies
-
Mögulega gæti hafa dottið lóð af felgunni og þá fer jafnvægisstillingin fyrir lítið, gæti verið orsök. L.
Er ekki ágætt að fara upp úr Fljótshlíð, Emstrur, Álftavatn og þaðan niður að veginum sem liggur fram hjá Heklu inn á Dómadalsveg, upp í Landmannalaugar og snúa þar við og fara niður í Hrauneyjar, fara síðan niður gömlu Heklubrautina niður að Gunnarsholti og þaðan í bæinn. Gæti orðið fín dagsferð með útlendinga, hægt að bæta Geysi við á heimleiðinni ef menn hafa gott úthald. Kveðjur, L.
Mundi veðja á að lokurnar séu stífar, lentum í þessu í vetur þegar við skruppum í dagsferð á "Subba" að hann tók ekki á nema öðru megin að framan, stífleiki í loku var orsökin og var fljótreddað á staðnum þar sem við vorum með aðra loku. Kveðjur, L.
Um sig nú ógnvænlega
örvænting mikil grípur
bakið niður um bogið
beigurinn kaldur rennur
stigið hann hefur skrefið
sjálfur til óláns mikið
fjárfesting furðulega
fáránleg Yaris kaupin.Bót má samt gera braga
bæta skal nú úr tjóni
auglýsa ötullega
Yarisinn hugumprúða
markhópinn velja mikinn
mið’á hann skotum sínum
fjórhjóladrifs ferðalangar
fullir af áhuga verða.Skeikuðu eitthvað skotin
skakka í átt var miðað
jeppamenn flestir jamla
jákvæðir miður eru
markhópur mislukkaður
mæðist á áreiti þessu
hávegum ekki í hafður
"hálfhjóladrifinn" Yaris.
Kveðjur, L (:
Stefanía, ég skil bara ekkert í þér að þú, þessi skarpasta af öllum skeiðum skulir virkilega leggja það til að menn svari ekki símanum? Þá er ég hræddur um að sálartetrið hjá þeim sumum færi nú fyrst alvarlegt heljarstökk ef þeir létu ekki undan forvitninni að vita hver eiginlega væri að hringja í það og það sinnið. Ég hef nú heldurbetur séð til manna eiga í alvarlegri sálarkreppu þegar þeir standa frammi fyrir þeirri mikilsverðustu af öllum ákvörðunum að svara eða svara ekki í símann, forvitnin hjá þeim sumum virðist vera sterkari en sjálf kynhvötin þegar það kemur að þessu atriði. Þannig að ég held að niðurstaðan hljóti að verða sú að menn séu að skapa sér mest ónæðið sjálfir. Kveðjur, L ((:
Ég skil ekki alveg hvaða fóbía er í gangi hérna, er fólk virkilega með hjartað í buxunum yfir því að á 4×4 vefnum séu birtar upplýsingar um símanúmer þeirra og e-mail ? Það skiftir kannski ekki máli með e-mailið en það er nokkuð augljóst öryggisatriði að öll farsímanúmer félagsmanna ættu að vera aðgengileg, undantekningalaust. Þetta getur skift verulegu máli að hafa þessi númer við hendina lendi menn í vandræðum á fjöllum eða einhversstaðar annarsstaðar. Sem félagsskapur hljótum við að geta treyst hvort öðru fyrir jafn léttvægum upplýsingum um einkalíf okkar og símanúmer eru, annars hlýt ég eitthvað að hafa misskilið hugtakið "félagsskapur".
Þar sem ég er frekar blautur bak við eyrun hvað varðar veru í klúbbnum og því sem fer fram í honum, (hef meira að segja aldrei komið í Setrið) getur þá einhver frætt mig um það hvað skal gera í þessari ferð, er alveg til í að leggja lið ef vinnukraftar mínir geta notast. Og einnig hvort fært er fyrir 33" bíl um þessar mundir, eða hvort þá hægt er að fá far með einhverjum ef mönnum líst ekki á að hafa litludeildarbíl í drætti. Kveðjur, L.
Er ekki komið þarna ærið verkefni fyrir sýsla að taka menn á teppið fyrir utanvegaakstur?
Getur ekki verið að hann hafi ætlað að prófa hvort snorkelið virkaði sem skildi en ekki farið nógu djúpt? Væri alveg svín-amerískt,,,,,,,,,
Ja hvur paurinn, Kalli að fara af landinu, og nýbúinn að sýna hér á öðrum þræði hverskonar atómskáld hann er, gott ef hann verður ekki nóbelskandídat innan tíðar fyrir atómljóðagerð. En þetta er eitthvað búið að vera að bögglast í mér í morgun og að lokum varð þessi kveðja til.
Landfestar brátt mun leysa
landsfrægur kafteinn Kalli
Óð hann einn orti mikinn
atóms, ei allra færi
Huga skal nú og hjörtu
hagmæltra Svía vinna
Sett er á nóbel stefnan
sigurinn vís er honum.Söknuður sár mun verða
"Snælands"er mikill tregi
Hálendiskóngi hæfir
harm sinn í hljóði bera
Römm, þótt honum sé raunin
rottur ei músum vatna
Hugarró vís er honum
heim, þá er sækir fjöllin.Hafðu það gott hvar sem þú lendir, Kveðjur, Logi Már.
Ég gæti ekki verið meira sammála Haffa hvað varðar "þenna ágæta mann". Margir þeir sem horfa á þennan þátt virðast einfaldlega ekki sjá í gegnum blekkinguna í þessu öllu, þarna er verið að framleiða eitthvað afþreyingarefni fyrir sjónvarp sem einfaldar sálir geta svo tekið sem sjálfsögðum hlut og ætla að feta í fótspor hetjunnar þegar þeir koma til Íslands. (Ætla reyndar ekki íslendingum það að sjá ekkí í gegnum blekkinguna) En hvað varðar allt reglugerðarfargan þá held ég að það eitt að setja reglur um hlutina leysi lítinn vanda. Staðreyndin er einfaldlega sú að á meðan settar eru reglur, sem kannski í aðra röndina falla mönnum ekki í geð, og síðan ekki hægt að fylgja þeim eftir með þeirri eftirfylgni sem þarf þá eru þær reglur betur ósettar. Við þurfum ekki annað en að keyra í umferðinni til að sjá að ekki er farið mikið eftir farsímabanni í umferð og það er einfaldlega vegna þess að embættið hefur ekki afl og mannskap til að fylgja þessu eftir. Og þeim mun fleiri svona reglur sem ekki er hægt að fylgja eftir eru settar því meiri verður óvirðing okkar fyrir lögunum. Ég hallast því að áróðursaðferðinni, reyna að höfða til skynsemi manna. Þetta þarf að gerast í gegnum ferðaskrifstofur, bílaleigur, f.í.b. og yfirleitt alla þá sem að ferðamálum koma. Þetta er sjálfsagt mikið og kostnaðarsamt ferli og þungt í vöfum í fyrstu en skilar sér sjálfsagt á langri leið. Hitt er svo annað að skynsamir menn og óskynsamir verða ekki flokkaðir eftir þjóðernum og þetta þarf líka að beinast að okkar eigin fólki. Fræðsla ferðaklúbba og hjálparsveita hefur í gegnum tíðina sjálfsagt bjargað mörgum frá vandræðum og jafnvel slysum. Þetta starf þarf að efla og styrkja svo sem hægt er til að ná til sem flestra sem hyggja á ferðamennsku á fjöllum. Hvað svo varðar þessa slyddujeppa sem mönnum hefur orðið tíðrætt um hér í þræðinum þá er það hugtak sem ég hef aldrei fengið almennilega skilgreiningu á en skynsamur einstaklingur getur farið nokkuð víða á litlum jeppa ef hann pælir aðeins í því hvað hann er að gera og lætur ekki vaða út í hvað sem er án athugunar. Hitt er svo annað að hvort sem menn eru á litlum eða stórum jeppum þá geta þeir staðið frammi fyrir aðstæðum sem þeir sáu ekki fyrir þrátt fyrir athugun á aðstæðum, mörg dæmi um það líka. Þegar öllu er á botninn hvolft þá eru það sennilega fræðslan, áróðurinn og heilbrigð skynsemi sem ráða mestu um það hvort menn koma heilir heim eftir fjallaferðir. Ekki reglugerðir. Með kveðju, Logi.
Er bara einn maður og einn bíll, ekki tveir og einn eins og kemur fram á samantektinni, kveðjur, L.
Það er flestir hlutir í vélinni ómissandi, þú verður að þrengja þetta eitthvað.
Mæti með sleggjuna og álkarlinn, einn bíll, einn maður. Kveðjur, Logi
"Ökumaður"
Þetta er þarft og gott málefni, skrái mig hér með, kem einn til tveir, Kveðjur, Logi.
Er ekki kunnugur þessum málum þar sem ég er tiltölulega nýr, út á hvað gengur stikuferð, er þetta eitthvað sem gamall tréhaus getur ljáð krafta sína, L.
Næstum eins og framleiddur á Íslandi, ýmislegt í þess veru hefur sést hér, L.
Nei þú segir ekki,,,,,,,(:
Þakka fyrir þetta Freyr, ætla að prófa þetta. Kveðjur, L.
