Forum Replies Created
-
Replies
-
Tveir til viðbótar hafa boðað forföll þannig að tveir til viðbótar færast upp á listann. L.M.
Takk fyrir það Birgir, gott væri að heyra frá öðrum sem ekki eru skráðir „greiddir“ á listanum svo við getum þá hleypt inn af biðlista. En þetta þýðir að efsti maður á biðlista fer inn á listann. L.M.
Það má svo sem nota þetta líka sem sönghús fyrir þá sem hafa innbyrt mikið af söngolíu. Þá geta hinir farið að sofa í friði inni í skála.
L.M.
Sælir félagar. Það er ánægjulegt til þess að vita að skemman okkar þarna í Setrinu skuli nú vera farin að þjóna félagsmönnum á einn og annann hátt. Sá að það hafði farið 44 tommu Bronco inn til lagfæringar og er það vel. Svo er það hitt málið, málið með „grillskálann“. Skemman var svo sem ekki hugsuð í grunninn undir slíkt not en það er svo sem ekkert nýtt að hugmyndaríkir félagsmenn sjái annað notagildi í hlutunum en þeir voru í fyrstu hugsaðir fyrir. Um það bera jeppabreytingar í heildina gott vitni. Ég fyrir mig sé ekkert að því að menn fari þarna inn með gasgrill og grilli sér eitthvað fóður svo lengi sem það er á gasgrilli. Það er jú gert ráð fyrir að menn vinni þarna inni með slípirokka og rafsuður. Verra væri mér við, og vill reyndar alls ekki að þarna væri notað kolagrill, þar er kominn opinn eldur og kol með langvarandi hitagjafa sem mér finnst einfaldlega of mikil eldhætta af og mikill reykur fylgir þessu yfirleitt líka. Ég held reyndar í ljósi þessa nýja notkunarmöguleika skemmunnar að það hafi verið góð rástöfun að hafa olíutanka og rafstöð inni í gámnum, þannig er það hvorutveggja inni í lokuðu brunahólfi ef illa færi. En menn verða að sjálfsögðu alltaf að gæta varúðar, hvort sem þeir kjósa að grilla þarna inni eða rafsjóða eða slíkt. Ég vil taka fram að hér tala ég ekki fyrir hönd skálanefndar heldur bara sem einn skálanefndarmaður. Annað langar mig til að nefna sem ég hef öllu meiri áhyggjur af. Þegar við í skálanefndinni fórum uppeftir núna í janúar komum við að stóru hurðinni ólæstri. Það má alls ekki undir nokkrum kringumstæðum koma fyrir að menn læsi ekki stóru hurðinni þvi ef að hún opnast og vindurinn kemst inn um opnar dyrnar þarf ekki að spyrja að leikslokum. Ég vil því brýna mjög fyrir mönnum að ganga allaf vel úr skugga um að stóru dyrnar séu örugglega læstar þegar skemman er yfirgefin. L.M.
VDO Borgartúni eru með hraðamælabreytingar. L.M.
Spurning um að kalla beint í Setrið á rás 58. L.M.
Greinilega góð og lífleg starfsemi hjá ykkur á Suðurnesjum. Gaman að sjá svona mikinn áhuga á blótinu hjá ykkur. Verst að ég kemst ekki sjálfur vegna tveggja ferða sem ég verð að fara í (utan stórferðarinnar), buddan bara leyfir ekki meira. Kv. L.M.
Djöfull eru andlitsmyndirnar gríðarlega flottar
Sælir félagar. Er aðeins að laga hjá mér hurð á sendibíl sem ég á og neðst á henni er grjórmassi sem ég þarf að endurnýja. Geta fróðir menn frætt mig um hvort fer á undan á hurðina, stálfylligrunnur eða grjótmassi? Og einnig, með hverju er grjótmassinn grunnaður undir málningu? L.M.
Þessi aumingjans manneskja hefur nú aldrei verið í stóru áliti hjá mér frekar en faðir hennar og ekki eykst álit mitt á henni við þetta. En þetta gerir mig mikið frekar stoltan af því að hafa staðið í hópi þess góða fólks sem stóð að „ferðafrelsi.is“ og börðust gegn frekju og yfirgangi Svandísar Svavarsdóttur sem nú er að reyna að yfirfæra þetta yfir á okkur. Stórmannleg varnarbarátta þarna á ferðinni. Gaman hvað þetta fólk getur notfært sér fjölmiðlana til að koma sínum sjónarmiðum á framfæri, ójafn leikur þarna. Segi bara eins og hún amma mín sáluga, „sveiattan“ . L.M.
Held að það sé einhver misskilningur þarna á ferðinni hjá þér Bjarki minn. Það er enginn að ætlast til þess að þú borgir fyrir alla sem gista skálann hverju sinni. Þú greiðir fyrir þann hóp sem þu ert í og sérð svo um að þeir borgi þér. Ef einhverjir fleiri koma sem ekki eru á þínum vegum þá að sjálfsögðu greiðir þú ekki fyrir þá en þá væri vel þegið ef þú annaðhvort eða bæði, mundir biðja forsprakka þess hóps að hafa samband við skálanefnd til að gera grein fyrir sér eða að þú mundir hafa samband við skálanefnd og tilkynna um þann hóp sem væri kominn og koma á sambandi milli hans og skálanefndar svo hægt væri að stofna kröfu á forsprakka þess hóps. Þannig er meiningin í þessu. Og ég er ekki alveg að skilja þessa tregðu þegar kemur að innheimtu skálagjalda. Allstaðar annarsstaðar sem menn leigja skála þarf að borga skálagjöld eða leigu fyrirfram að því ég best veit. Við í skálanefndinni getum bara ekki staðið í því sí og æ að vera að eltast við einhverja menn í einhverjum hópum sem við vitum ekki hverjir eru og takmarkaðar uplýsingar er að fá um og rukka þá um skálagjöld því við höfum orðið varir við að þetta er ekki að skila sér að öllu leyti. Þegar okkur er tilkynnt að hópur ætli á fjórum til fimm bílum upp í Setur og við síðar tékkum á innkomu á reikningnum og það hafa kannski skilað sér fjórar til sex gistinætur eftir þessa gistingu þá hringja einhverjar bjöllur í okkar heimsku hausum, varla eru allir einir í bílunum eða þá að bílarnir keyra sjálfir eða hvað? Hef ég kannski misst af þeirri tækniþróun að bílar séu orðnir sjálfkeyrandi á hálendi Íslands?
Varðandi hækkunina sjálfa, þessar fimmhundruð krónur (ein samloka) þá er það ekki mikil hækkun, (ca. 33% ef mér skjöplast ekki í prósentureikningi en ekki 60% eins og einhversstaðar kom hér fram) og ef að par á bíl gistir eina helgi (tvær nætur) þá er þetta hækkun fyrir bæði upp á tvöþúsund kall (fjórar samlokur). Ég byrjaði í skálanefnd 2009 og þann tíma sem ég hef verið í nefndinn hafa skálagjöld verið 1,500 krónur og var haldið þannig þrátt fyrir allar hækkanir á aðföngum og olíu til þess að gera mönnum auðveldara fyrir með ferðalög. Nú er aðeins farið að rofa til í þjóðfélaginu og þá kemur að því að við þurfum að hækka þetta. Menn skulu samt ekki búast við einhverri hækkanaskriðu, það stendur ekki til. Sérstaklega ekki ef skálagjöld innheimtast betur með því að láta einn borga fyrir hópinn því ef skálagjöld innheimtast betur en verið hefur er síður ástæða til að hækka gjöldin. En þeir sem hafa gagnrýnt þetta harðast hérna mega gjarnan svara mér því hver sé þeirra vilji í þessum efnum. Er það að halda skálagjölum í 1,500 kallinum um aldur og ævi? Halda menn virkilega að það gangi upp? Sýnið okkur frekar skilning í því hvað okkur gengur til með þvi að breyta innheimtunni í þá veru sem við erum að gera og þá getum við alveg örugglega haldið aftur af hækkunum í góðan tíma. L.M.
Í mínum augum er þetta ekki vandamál. Öflug rafmagnsvifta með annahvort handstýrðum rofa eða skynjara. Er sjálfur með handstýrðan rofa á sjálfskiftingunni hjá mér og hitamæli til að sjá hvenær ég á að setja viftuna í gang. Klikkar ekki.
L.M.
Þetta verður spennandi, kannski kem ég til með að hjálpa eitthvað til í þessu sjálfur vegna þess að þetta er bíll (og eigandi) sem ég hef ferðast mikið með og ég vill endilega að hann komist sem fyrst á hjólin aftur. Skil svo sem vel að hann hlakki til að ferðast með hinu hraðfara Wagoneer gengi þar sem hann hefur verið að ferðast með hinum hægfara Musso og öðrum hægfara grútarbrennurum um nokkurt skeið. En í mínum huga er þetta langflottasti Wagoneerinn sem er í umferð í dag (eða ekki). Hlakka til að sjá hann aftur á götunni.
Öööööö,,, TækninefndarSIGURJÓN,,, ?????? Ertu ekki í einhverri villu þarna Nafni? Varstu að hugsa um einhvern Wagoneer mótor þegar þú varst að skrifa þetta? L.M.
Þetta stefnir í eðalfólk þarna uppfrá um helgina. Hlakka til að sjá ykkur öll. L.M.
Rúnar: Veistu, ég er farinn að halda að við séum svona djöfull leiðinlegir við félagarnir eða þá að einhver hafi kjaftað frá því hvað við erum djöfull harðir húsbændur þegar við erum í vinnuferðum þarna uppfrá. Skildi Sveinbjörn nokkuð vita af þessu? L.M.
Veit ekki til þess að það sé kominn neinn snjór að ráði, var það allavega ekki á landsfundinum fyrir hálfum mánuði síðan. L.M.
Sælir félagar. Helgina 18-20 okt. ætlum við skálanefndarmenn að fara í vinnuferð og er meiningin að búa skemmuna endanlega fyrir veturinn. Okkur vantar því fjóra til sex samstarfsmenn, þar af einn rafvirkja þar sem við ætlum að setja upp vinnuljós í skemmunni. Þeir sem geta ljáð okkur lið í þessu eru beðnir að tilkynna sig hérna á þræðinum eða senda póst á skalanefnd@f4x4.is Þetta er kannski upplagt tækifæri fyrir nýja félaga til að koma og taka þátt í starfi klúbbsins og kynnast nýju fólki ásamt því að skoða skálann og nánasta umhverfi hans. Með von um góðar undirtektir.
Logi Már. Skálanefnd.
Það er gaman að sjá þessa frjóu umræðu hérna ini, „reminds me of the old times“. Mig langar að tæpa á nokkrum atriðum hér. Fyrst, þessi umræða með nýja félaga. Það er ekki langt síðan ég kom inn í klúbbinn, byrjaði á að sækja um félagsaðild og fá aðgang að heimasíðunni og fór að skrifa um hitt og þetta sem verið var að ræða á spjallinu. Fór svo að mæta á opin hús niðri í gömlu félagsaðstöðu í Mörkinni, hitti þar fyrir fullt af fólki sem ég hafði aldrei séð áður og fyrstu kallarnir sem ég tók tali þar voru Stebbi Baldvins og MHN, kallar sem mér fannst forvitnilegir og við nánari kynni hinir bestu félagar. Fór í stikuferð haustið 2007 og kynntist þar félögum sem ég held enn kynnum við. Þetta vatt síðan upp á sig, ég fór að taka fleiri tali, fór á aðalfund, kom mér í Umhverfisnefndina, var þar í eitt ár en fann mig ekki þar og kom mér inn í Skálanefndina þar sem ég er enn og hef enn gaman af því starfi. Í gegnum þetta starf allt saman hef ég síðan kynnst fullt af góðu og skemmtilegu fólki, staðið í uppbyggingu í Setrinu, tekið þátt í baráttunni gegn náttúruverndarlögunum og fullt af öðrum hlutum sem of langt yrði að telja upp hér. En grunnlínan sem ég er að reyna að koma að hér er þessi! Þú getur ætlast til þess að það sé tekið vel á móti þér þegar þú kemur á opin hús og átt alveg hiklaust rétt á því. En það er alveg klárt að þar eru fyrir menn sem jafnvel eru búnir að þekkjast lengi og spjalla lengi saman og þekkjast. Jafnvel ferðast saman um lengri eða skemmri tíma. Það er ekki víst að það sé öllum létt að koma inn í slíkan hóp en ef þú sest niður og ferð að spjalla við menn þá er ég viss um að þér verður vel tekið. Þú verður dálítið að leggja það á þig að brjóta ísinn sjálfur, þetta gerði ég á sínum tíma og þetta geta aðrir gert. Ég var sem sagt ekki mataður þegar ég lét sjá mig þarna í fyrsta skiftið, ég þurfti sjálfur að hafa fyrir því að ná mér í matinn og hér er ég í dag, tek þátt í innra starfi klúbbsins og er mjög sáttur með það og þekki orðið slatta af mönnum sem tilbúnir eru að ferðast með mér.
Ég minntist hér áðan á náttúruverndarlögin. Það hefur á undanförnum árum staðið yfir hörð barátta fyrir ferðafrelsi okkar Íslendinga. Þetta hefur verið meiri vinna en nokkur sá sem ekki hefur nálægt komið getur gert sér grein fyrir. Hámarkinu náði baráttan með baráttunni gegn náttúruverndarlögum Svandísar Svavarsdóttur þar sem allt var undir. Og við skulum gera okkur grein fyrir því að hefði sú barátta tapast illilega væri úti um jeppasportið okkar að miklu leyti. Klúbburinn lagði mikla fjármuni í þessa baráttu og þó svo að nú hafi aðeins dregið niður í baráttunni þá er henni langt frá því að vera lokið. Og ég tel víst að klúbburinn eigi eftir að þurfa að setja stóra peninga í þessa baráttu í framtíðinni. Ég borga glaður mín félagsgjöld, vitandi það að ekki aðeins fæ ég þau til baka í formi áfslátta heldur veit ég að þau fara líka í þessa baráttu klúbbsins. Þessu verða menn að gera sér grein fyrir. Það sem ég er að reyna að koma orðum að hérna er að allt innra starf klúbbsins hefur liðið fyrir þessa baráttu og það að taka á móti nýjum félögum hefur því miður setið á hakanum. Allir starfskraftar stjórnar og að stórum hluta nefndarmanna líka hafa farið í þessa baráttu. Þetta er virkilega leitt og klúbburinn líður fyrir þetta. Við verðum því að sýna þolinmæði og vona að þessari baráttu ljúki sem fyrst og á sem ásættanlegastan máta fyrir okkur alla. Að öðrum kosti er úti um okkar jeppasport.
Hér í upphafi þráðarins kom hugmynd frá félagsmanni um húsnæði. Mér hefur fundist menn óþarflega viðkvæmir þegar þeir tala um að skjóta niður nýjar humyndir. Það er svona eins og allt sé rifið niður sem nýtt kemur frá ungum mönnum. Mér finnst það ekki vera svo. Hér hefur verið bent á bæði jákvæðar og neikvæðar hliðar þessa máls. Mér persónulega finnst grunnhugmyndin góð. En eftir að hafa starfað á fimmta ár í umsýslu Setursins þá veit ég því miður neikvæðu hliðarnar á því hvernig menn ganga um húsnæði sem þeir eiga ekki sjálfir. Það verður að segjast eins og er að umgengnin er ekki alltaf til fyrirmyndar. Það er að minnsta kosti undarlegt þegar menn geta komið með varahluti með sér og gert við í Setrinu að þeir geti þá ekki tekið með sér ónýtu hlutina með sér í bæinn aftur. Það er einfaldlega ætlast til að Skálanefndin hirði þetta upp og fargi þessu. Það eru ófá kerruhlössin af drasli sem skilið hefur verið eftir við skálann sem við höfum fjarlægt á þeim tíma sem liðinn er frá því að við tókum við umsýslu skálans fyrir rúmlega fjórum árum. Þetta er ég hræddur um að yrði raunin með það húsnæði sem um hefur verið rætt hér og að það mundi kosta fastan eftirlitsmann að reka svona húsnæði. Því miður, allt of margir menn hafa bara ekki þroska til að umgangast svona húsnæði þó svo að aðrir hafi það. Ég man eftir viðgerðaraðstöðu sem komið var upp á einni sendibílastöð hér í bæ á sínum tíma. Þetta sannaðist rækileg þar og ég held því miður að það mundi gera það líka hér. Þannig að ég held að hversu góð sem þessi hugmynd er og já, hún er virkilega góðra gjalda verð, þá sé þetta því miður ekki framkvæmanlegt þrátt fyrir allt.
Ætla ekki að hafa þetta lengra að sinni. L.M.
Ef þetta eru keyrsludekk sem þú ert að leita að mundi ég raðleggja þér að fara í „Toyo“ dekkin sem Bílabúð Benna er að selja. Henta að ég held mjög vel undir svona bíl. L.M.
