Forum Replies Created
-
Replies
-
Þakka daginn i dag, vildi gjarnan koma með þér á morgun en það er nú þannig að það er heldur lítið undir……………??????bílnum, (33") og ekki mjög Langjökulvænt, tja, nema þú viljir vera með mig í spotta eins og priklausa rakettu alla leið, það ætti kannski ekki að þvælast fyrir svona Ofur Tacomu en ég held samt að ég bíði fram á næsta vetur þegar ég verð kominn með vagninn á 38 tommurnar að koma með þér á jökul, þakka samt góða áskorun. L.
Veit eiginlega ekki hvað ég gerði til að verðskulda svona fallegan dag á Reykjanesinu í dag, get bara ímyndað mér hvað þeir hafa upplifað sem voru á jöklum í dag. En þessi ferð í dag bauð upp á allt sem góðviðrisdagsferð gat boðið upp á, affelgun, spilfestu og akstur i hliðarhalla þar sem ég gekk með bílnum hluta leiðarinnar svona eins og til að styðja við hann i hliðarhallanum, n.b. Musso er óvenju lágdrifaður í lága drifinu, tala nú ekki um þegar hann er á 33" og 5:38 drifum, nálgast lóló drif. Kveðjur til allra ferðafélaga, L.
Ég var svo sem búinn að koma auga á hættuna við að sjóða spyrnurnar við öxulinn en tilfellið er að veltifjöðrunin til hliðanna fer að mestu fram á dráttarkúlunni á svona litlum og léttum vagni. Er samt búinn að vera að velta fyrir mér að hafa spyrnurnar með snúning til að taka vinduálagið af þeim, kem bara ekki alveg auga á heppilega lausn á því eins og er. Kv. Logi.
Ég er kannski að ganga of langt hérna en eru konurnar ekki bara vanari að taka varlega á "skaftinu"?
Það er nokkuð til í þessu með blökkina, að vera með einfalda blökk gerir all mikið en að vera með tvöfalda eða þrefalda blökk gerir enn meira og ef þú margfaldar blökkina nægilega oft þá getur þú í sjálfu sér dregið bílinn upp á höndunum. Þetta er þá komið út í spurninguna um lengdina á spottanum, ergo, þú getur valið milli þessa að vera með sterkt spil og stuttan spotta eða veikara spil og langan spotta. Ég held að grunnlínan hér sé sú að þegar átakið sem þú þarft að beita til að ná bílnum upp úr festunni yfirvinnur þyngdina á bílnum sem er að draga upp þá gerist ekkert annað en það að dráttarbíllinn dregur sjálfan sig í átt að fasta bílnum. Nema að til komi eitthvað aukið hald dráttabílsins, svo sem að festa hann í annan bíl eða snjóakkeri eða eitthvað slíkt, tré eða eitthvað slíkt er víst ekki að finna á hálendi Íslands. Nema vera skildi grjót. Kveðjur, L.
Örugglega með. Kveðjur, L.
Er ekki kominn tími til að við förum út að spóla saman? Er áhugi fyrir því að fara áleiðis á Skjaldbreið á sunnudaginn, bara að sjá hvert við komumst, enginn sérstakur endapunktur, bara að snúa við þegar við erum komnir í vandræði og komumst ekki lengra? Er sjálfur til í þetta dæmi ef ég fæ einhvern með mér sem getur togað í spottann og ef til vill getur þegið sömu hjálp frá mér. Takið nú fram spottann og skófluna og látið heyra í ykkur ef þið hafið áhuga. Kexið, kakóið og góða skapið með í för takk fyrir. Kveðjur, L.
Í gærkvöldi komu menn og konur saman í hinu nýja húsnæði félagsins og héldu gott housewarming með tilheyrandi stöðluðum siðum sem felast í glasalyftingum, samræðum góðum og einstaka stemmusöng, að því er mér skilst aðallega borinn uppi að leynigesti kvöldsins, Robert nokkrum Marshall, missti því miður af því enda komst ég ekki á staðinn fyrr en seint og um síðir, þurfti þar af leiðandi að ná í hælana á þeim sem fyrir voru hvað mjöðdrykkju varðar, naut þar dyggrar aðstoðar Glanna nokkurs sem sá um að ég kæmist aldrei nema niður í 1/3 af glasinu og þá, eins og fyrir einhver töfrabrögð var það alltaf orðið fullt aftur. Menn geta bara ímyndað sér hvað skeði, þetta er svona eins og hlaupari sem er alltaf að koma í mark og herðir alltaf á sér en markið er alltaf fært jafnóðum þannig að hann nær því aldrei. Og í dag er mjög vel sóttur aðalfundur hjá trésmiðafélaginu en mér er ekki nokkur leið að skilja þá ráðstöfun að þeim hafi verið uppálagt að mæta hver með sinn fundarhamar og nota þá svo óspart sem raunin er. Jafnvel þessi gamli, þið vitið, fúli með yfirvaraskeggið og vinstihandarsögina sem aldrei hefur getað lamið neitt hamast nú sem óður væri á fundarhamrinum. Og virðist ekkert vera á því að fara í mat eða kaffi, hvað þá reykpásu, kallskrattinn. En engu að síður, þakka fyrir gott kvöld, öllum sem að stóðu til mikils sóma og nýja húsnæðið glæsilegt og býður upp á góða möguleika hvað varðar félagslíf klúbbmeðlima. Ætla hér með að fara upp í Heiðmörk og sjá hvort ég geti ekki labbað af mér alla trésmiðina, þeir hljóta að fara að þreytast á þessum hamagangi.. Bestu kveðjur, L.
Sæll, er sjálfur með Kenwood stöð frá Radíóraf, hefur komið vel út, er með 1/4 bylgju loftnet á miðjum toppnum og mér hefur skilist að það sé mikilvægt að vera með það þar til að samband sé sem best. Reynsla mín af þjónustu og upplýsingagjöf hjá Radíóraf er góð, þurfti t.d. að fá rás 58 inn á stöðina hjá mér og tók það ekki nema nokkrar mínútur og kostaði ekki neitt, hef ekki samanburð við aðra söluaðila í þessu tilliti. Þessi 105 rása stöð og loftnetspakkinn sem ég keypti hjá þeim kostaði eitthvað liðlega 50,000,- kall. Kveðjur, L.
Er þetta ekki bara spurningin um að vera með tappann út um aðra hliðarrúðuna og bífurnar út um hina?
L.
Það var mikið að eitthvað kom á spjallið sem hægt er að lesa með gleði í hjarta og sól í sinni, þakka þér kærlega Ofsi fyrir að bjarga spjallinu um stund með þessari snilldar ferðasögu, vona svo að fleiri sjái sér fært að skrifa eitthvað úr þessari áttinni svo eitthvað birti yfir spjallinu eftir þá dimmu tíma sem ríkt hafa á því um tíma. Kveðjur, L.
Frá hvaða verði ertu að reikna 6 kr. afslátt? Þú verður alltaf að miða afsláttinn við hæsta auglýsta verð, er í augnanblikinu kr. 142,40 þannig að þú átt að vera að fá lítrann á kr. 130,40 L.
Aldrei lent í þessu, fæ alltaf þennan 12 króna afslátt miðað við hæsta uppgefna verð sem er að finna á heimasíðu Skeljungs sama hvort ég nota viðskiftakortið eða læt renna gráa 4×4 kortinu í gegn. L.
Ertu þá í raun ekki bara kominn með hefðbundið vökvastýri Bazzi? L.
Hvað áttu við með tvöfalt tjakkstýri?
Án þess að vera mjög fróður um þessi mál þá held ég að að inn í þetta geti spilað hversu mikið bíllinn er ekinn og ýmislegt annað en ef þú hefur átt bílinn innan við mánuð og upp kemur galli þá held ég að ábyrgð seljanda sé allnokkur. Leitaðu álits lögmanns, þeir vita mest um þessa hluti. L.
Þú færð ekki skoðun á bíl með þessum útbúnaði, þetta er einfaldlega bannað á götunni.
Sé nú ekki stóra muninn á því svona í fljótu bragði að semja við þessa hópa annars vegar eða okkur hins vegar, ég veit ekki betur er að samningur við N1 hafi nánast verið í höfn þegar samið var við Skeljung þannig að mér finnst þetta nú koma úr hörðustu átt, eplin eru kannski bara svona súr,,,, L.
Fékk það sent rétt eftir áramót, bý í Hafnarfirði, L.
Stærsti jeppaklúbbur landsins? Hvað eru eiginlega margar stjörnur hér á landi? Þeir hljóta að ætla að nota einhverjar hálfstjörnur til að ná að verða fjölmennari en 4×4, svona einhverskonar stjörnulíki. (svona sambærilegt við bjórlíki) Ef svo er þá hlýtur að verða pláss fyrir marga félaga úr 4×4 í þessum jeppaklúbb, spurning hvort stjórnin ætti ekki að útbúa eitthvað staðlað umsóknareyðublað fyrir félagana. L.
