Forum Replies Created
-
Replies
-
Hlynur, að áhuginn á Setrinu sé ekkert að takmarkast meðal félagsmanna heldur að vandamálið sé frekar að menn séu að ferðast minna en áður vegna olíuverðsins og almenns efnahagsástands sem, eins og menn vita, hrundi í haust með ófyrirsjáanlegum afleiðingum fyrir marga. Það er einfaldlega þannig að menn verða frekar að horfa í peninginn í dag, hvort hann fer í brauð handa fjölskyldunni eða olíu á jeppann. Held að þetta sé miklu frekar vandamálið heldur en eitthvað áhugaleysi á Setrinu sem slíku. Kveðjur,Logi.
Því miður er það rétt hjá Barböru að virðing fólks fyrir hlutum fer þverrandi, þess ber margt merki í þjóðfélaginu. Er kannski mögulegt að einhverjir þeir sem hafa fengið lánaða lykla að Setrinu hafi látið smíða sín eigin eintök til að geta haft frjálsan aðgang að húsinu þegar þeir vilja? Ætla ekki að fullyrða um það eða saka nokkurn um slíkt en þessi möguleiki er vissulega fyrir hendi þegar menn hafa lánslykla undir höndum. Því tel ég að því fyrr sem talnalás verður komið á, því betra. Og ég held að af fenginni reynslu af því að hafa komið að innbroti í Setrinu í haust þá væri betra en ekki að smíða skálka fyrir glugga með lásum hvers lyklar væru geymdir inni í húsinu því ég vill heldur koma að húsinu víggirtu og þurfa að taka skálka frá gluggum en að þurfa að lenda í því aftur að koma að húsinu eftir innbrot. Það er ekkert gaman að þurfa að byrja á því þegar maður er kominn á áfangastað að sópa saman glerbrotum, smíða upp í glugga og þrífa upp óhroðann eftir þá sem ekki hafa snefil af virðingu fyrir eigum annarra. Hitt er svo annað mál hvort að þessar aumingjans litlu sálir sem stunda þá iðju að umgangast eigur annarra eins og skít mundu þá kannski taka upp á því að einfaldlega kveikja í kofanum undir því yfirskyni að ef við fáum ekki að njóta, þá skal enginn fá að njóta. Við, sem viljum njóta Setursins á heilbrigðum forsendum og borga okkar skálagjöld þurfum að hugsa þetta mál til enda. Kveðjur, Logi Már.
Sammála Magga, það væri vissulega gott að vita þetta því áhuginn er svo sannarlega fyrir hendi hérna líka og talandi um það, er nokkurn sem vantar kóara í þessa ferð, er ekki með bílinn í þetta ennþá og þarf því far ef einhver á það á lager. Áramótakveðjur, Logi.
Þetta er nú með því betra sem ég hef séð í langan tíma, þvílíkur húmor maður, fyrst drulla yfir félagana og lauma svo inn svona í restina, FÆ
ÉG FAR MEÐ EINHVERJUM? hahahahaha Það verður ekki frá þér tekið Erlingur að húmoristi ertu með afbrigðum. Gleðilegt ár félagar, Logi.
þetta er örugglega Hummer grindin sem þarna var yfirbyggingalaus að vísu. L.
að flesta munar sjálfsagt um krónuna í kreppunni en ég segi fyrir mig að ég er að ná upp í afsláttinn og vel það þannig að fyrir mig er þetta beinn hagnaður en þetta fer að sjálfsögðu eftir viðskiftum hvers og eins. L.
hvað meinarðu með að þú endir með að borga meira fyrir olíuna hjá Shell heldur en Atlantsolíu, ert þú á einhverjum sérafslætti hjá Atlantsolíu? Ef svo er ekki þá held ég að það sé misskilningur að að þú borgir meira hjá Shell, en ef við snúum okkur að upphafi þráðarins þá er þetta sama tala á árgjaldinu og í fyrra þannig að hlutfallslega hefur það þá lækkað, L.
Er nú síðasta vígið að falla? Þetta er nú ljóti krypplingurinn,,,,
Er mjög sammála Val með það sem hann setur fram hér á undan, eina leiðin til að vita hvað við erum að fara inn í er að lesa sig í gegnum þessar tugþúsundir af blaðsíðum sem esb hefur sent frá sér og það sem meira er, reyna að skilja það. Það er allavega mér ofviða og ég efa að nokkur geti bent á þann mann sem er það vel inni í regluverki esb að hann geti svarað öllu rétt sem þar er að finna, þess vegna er ekki nokkur leið að taka almennilega afstöðu til þessa reglugerðarskrímslis sem esb er. Og ef menn halda að það að ganga í esb verði einhver alsherjarlausn á öllum okkar peningavandamálum þá eru þeir að einfalda málin verulega. Vinnum okkur út úr þessu, uppistandandi með uppbrettar ermar eins og okkur sem þjóð er tamt. Og ef okkur er ekki velkomið að taka upp evru án þess að ganga í þetta heilaga bandalag þeirra þá geta þessir blýantanagandi flatrassar þarna í esb bara átt sína evru og þið vitið hvað,,,,.
Stöndum utan esb og tökum upp dollar, við erum velkomin inn í það myntkerfi án einhverra ofurkosta. Logi.
held að þetta nái ekki til neðanjarðarhagkerfisins, aldrei þó að vita hverju þeir taka upp á þegar þeir eru komnir á flug, L.
auðvitað má hafa samband um þessi númer þó ekki sé það líklegt til árangurs, verst að hafa ekki persónulega gemsann hans, svo er best að drekkja honum í ímeilum líka, eru ekki einhverjir þarna úti tilbúnir að taka þátt í leiknum og gera ráðuneytinu lífið leitt? L.
Væri í sjálfu sér alveg til í að fara um helgina, þó mundi sunnudagurinn henta mér betur, ef þú hefur áhuga þá getur þú haft samband, upplýsingar um mig í fælnum mínum, Logi.
alveg brill hugmynd Lella, ef einhver getur skaffað mér símanúmerið hjá Geirharði þá skal ég sko hringja til hans á hverjum morgni og spyrja hann hvort við getum orðið samferða í dag. Efast reyndar um að ég væri á sömu leið og hann þar sem ég á sjaldnast nokkurt erindi í forsætisráðuneytið en what the heck, hann yrði að minnsta kosti verulega hissa þegar ég færi að troða heilu parketslípingajúníti með öllum fylgihlutum í bílinn hjá honum, myndi sennilega enda með því að hann mundi ekki komast fyrir sjálfur, L.
Tek það fram að þessi er ekki eftir mig.
.
Þótt veraldargengið sé valt
og úti andskoti kalt
Með góðri kellingu
í réttri stellingu
bjargast yfirleitt allt.
.
Góða helgi öll, Logi
Hann Erlingur er ekki þetta að fatta
og allra handa ranghug-myndir hefur
hann myndakvöldi lítinn gauminn gefur
því glauminn vill hann sækja í baukaskratta
.
Og hann vill hafa kassa tvo af baukum
svo hugmyndirnar fái hann sem flestar
feiknastórar, frumlegar og mestar
sem engir fá að sjá af norðangaukum
.
Og kjaftbrúk síðan vill hann stunda mikið
samkomunni allri tóninn senda
ég von’að hann í einhver hús að venda
hafi ef fer hann stórlega yfir strikið
.
Með von um gott myndakvöld hjá ykkur norðlendingum, Logi.
Hef séð einn mann með digital mæli hér á landi, hafa menn almennt séð svoleiðis mæla hér og þá í framhaldi, er vitað hvort einhver er að selja svoleiðis hér á landi? L.
ná samkvæmt ofangreindu yfir ákveðið vaxtarlag, L.
mín reynsla með ódýr dekk, “ if you buy cheap you buy tvice“ Allt í lagi þó ef menn eru að redda sér til skamms tíma, L.
hálf finnst mér þetta nú klén mæting hverju sem um er að kenna en við sem mætum skemmtum okkur bara vonandi þeim mun betur og etum vel, drekkum og verðum glöð, góðglöð.
.
Glaumi í glöð
glösum lyftum
guðveigar góðar
gremju burt víkja
gleðjast þá góðir
glaumsmenn og konur
fáir er fagna
ferðamenn víðförlir.
.
L.
Það var einmitt þess vegna sem ég lenti í vandræðum með að senda póstinn á ykkur, L.
