Forum Replies Created
-
Replies
-
Þetta er til að auðvelda manni hlutina, bestu þakkir fyrir vinnuna sem þið hafið lagt í þetta. L.
Pústþjónusta BJB Hafnarfirði, klárir gaurar þar og kunna allt í sambandi við málið. Kv.. Logi.
Hvaða rör ertu að setja undir Siggi? Annars, ef þú vilt fara í það besta þá kaupir þú Koni, fást hjá N1 og kosta arm og legg en eru eilífðareign þar sem alltaf er hægt að gera við þá. Kv. L.
Sæll Árni. Veit satt að segja ekki hvort það er vænlegt til árangurs að fara með bílinn á stærra en 38 tommur, þessir bílar hafa verið að koma mjög vel út þannig, drífa fínt og eru í raun að gera allt sem þú vilt að þeir geri á þeirri dekkjastærð. Það er að ég held talsvert mikið mál að koma þessum bílum á 44 tommur en eins og að ofan ef bent á þá getur hann Tóti Músso frætt þig um þetta ferli en ég held það séu margir sammála mér um það að það sé verið að teygja bílinn lengra en hann í raun og veru þolir að fara með hann í þessa breytingu. Flestir þeirra bíla sem hefur verið breytt fyrir 38 tommu dekk hafa farið í klafasíkkun upp á 70 mm., hásingarfærslu upp á 120 mm. og boddíhækkun upp á 100 mm. og hafa verið að koma mjög vel út þannig. Ég færði reyndar sjálfur hásinguna um 140 mm. og slepp með hjólskálarnar án þess að taka úr þeim. Þessi uppskrift af breytingu er tiltölulega einföld í framkvæmd og árangurinn betri en margan grunar. Ég er með hann á "Range Rover Police special" gormum að aftan og OME dempurum allan hringinn. Sáttur við hann að aftan en finnst hann helst til svagur að framan og ætla mér að ná í heavy duty vindustangir úr 6 cyl. bílnum og setja hann á Koni dempara að framan. Þannig hefur mér skilist að þeir komi mjög vel út. Hugsaðu málið vel áður en þú ferð út í að taka svona stóra breytingu þvi ég held að þú sért betur settur með 38 tommurnar undir þessum bíl. Kv. L.
Vóóóóóóó mar,,,,, er ekki hægt að para þau saman? Þvílíkt par sem yrði þar á ferðinni. L.
Jææææææja,,, ekki allir klárir í bátana? Vonast til að sjá sem flesta á morgun, er nýkominn í bæinn eftir 12 daga vinnuútlegð og þrælarí og langar að hitta sem flesta af þessu bráðskemmtilega fólki sem er i þessum jeppasértrúarsöfnuði. Svokallaða ásatrúarmenn sem trúa á sveifarása. Og það verður ekket helvítis hálfkák á ferðinni, ekkert að fá sér í glas eitthvað, við erum fullvaxnar mannverur og fáum okkur í FÖTU. Var ekki annars örugglega tekinn frá miði handa Páli Ásgeiri? L.
Takk fyrir það Sigurður, það er vel þegið að fá ykkur í slaginn við pallinn. Kv. Logi Már.
Svo sem fram kemur á forsíðu verður farin vinnuferð í Setur og verður það síðasta vinnuferð sumarsins. Ætlunin er að klára að klæða pallinn fyrir framan bíslagið, klára rennur og niðurföll á bislaginu, ljósavélin fær nýtt púst og verður mögulega tengd á annan dagtank. Þetta eru helstu verkefni og eitthvað verður sjálfsagt hægt að tína til eitthvað meira ef tilefni er til. Gott væri að fá nokkrar vinnufúsar hendur í hópinn og geta menn skráð sig hér. Kv. Logi Már.
Nú þekki ég ekki 100 Cruserinn neitt sérstaklega en meginreglan er sú að þeim mun minna sem þú vilt boddíhækka, þeim mun meira þarftu að klippa úr boddíinu til að koma hjólunum fyrir. Ég fyrir mig mundi frekar boddíhækka og klippa minna úr, þannig sleppurðu líka við að skrúfa framfjöðrunina mikið niður sem er mikill kostur því það raskar fjöðrunarsviðinu að framan verulega að skrúfa mikið niður. Og smíðaðu frekar boddífestingarnar upp frekar en að vera með hann á "stultum",(upphækkunarklossum), það munar verulega í stöðugleika á boddíinu. Mbk. Logi Már.
Er með Ford Focus 2005 og það kvarnaðist úr bakkgírshjólinu í gírkassanum. Hringdi í Brimborg og spurðist fyrir, ekki til en kostar 53.000.- kall ef hann pantar það,,, ööööööö,,, eitt fjandans TANNHJÓL ???? 53.000,- kall ???? Fór á netið, get fengið gírkassa ekinn 30 þús. mílur á 100 pund plús sendingarkostnað sem ég veit ekki alveg hver er en er að bíða eftir tilboði frá seljandanum í flutning. Svo er spurning hvort einhver hérna geti skaffað mér partnúmerið í fjandans tannhjólið svo ég geti pantað það á netinu, númerið á kassanum er 3M5R 7002 NB. Væri ævinlega þakklátur einhverjum þeim sem gæti liðsinnt mér í þessu máli.
Kv. Logi Már.
Keyra með þá upp að Miðju og láta þá labba í bæinn. Kv. L.
Ég mæli hiklaust með að þú látir setja olíuhitamæli á sjálfskiftinguna þ.e. ef hann er ekki fyrir í bílnum til að fylgjast með hitanum á skiftingunni. Það getur verið alvarlegt mál ef sjálfskifting ofhitar sig, vökvinn brennur og verður mjög dökkur og missir smureiginleika sína og þá er stutt í vandræði. Ef þú sérð að skiftingin er að hita sig óeðlilega, settu þá hilaust aukakæli í hann og jafnvel öfluga viftu líka því skifting er fljót að hita sig ef þú ert í einhverju skaki, t.d. í snjó með vindinn í bakið. Sjálfur er ég með stóran kæli og öfluga viftu og er með viftuna á rofa þannig að ég geti hent henni inn hvenær sem er, virkar fínt.
Kv. Logi Már.
Hef fullan hug á að koma með en get því miður ekki svarað því alveg á þessari stundu hvort ég kemst. En það eru samt meiri líkur en minni. Þetta eru góðar ferðir og gagnlegar og allir hafa gott af smá útiveru. Sýnum í verki að við séum tilbúin að leggja okkar af mörkum til að halda landinu í rækt. Kv. Logi Már.
Þarf ekki að jarða það fyrst Rúnar? SVO höldum við erfidrykkju.
Jæja, þá er það endanlega komið, búið að loka nmt kerfinu. Þá geta menn endanlega farið að hreinsa þetta dót úr bílunum hjá sér, á sjálfur tvo slíka inni í geymslu hjá mér, einn Nokia og einn Dancall. Er búinn að vera á leiðinni undanfarin ár að setja annan þeirra í bílinn hjá mér en alltaf hafa komið tilkynningar um að það ætti að loka kerfinu þegar ég hef um það bil verið að fara að framkvæma málið en núna er þetta semsagt endanlegt. Átti sjálfur síðasta nmt símtalið í Setrinu um síðustu helgi þegar Einar Sól hringdi í símann í skálanum. Þar með er það skjalfest. Gengið er á enda tímabil nmt símans. Kv. Logi Már.
Sæl öll. Þessar stikuferðir hafa verið fastur liður í hauststarfinu hjá mér á undangengnum árum og eru þetta einhverjar skemmtilegustu ferðir sem ég fer í, góðir ferðafélagar, líf og fjör og afbragðs líkamsrækt. Því miður er það svo að ég kemst ekki þetta árið og þykir mér það mjög miður að grái Mussoinn skuli ekki verða sýnilegur á myndum úr ferðinni þetta árið. Ég vil hvetja alla félaga, nýja sem gamla að skrá sig í þessa ferð, þarna er t.d. kjörinn vettvangur fyrir nýja félaga að kynnast öðrum klúbbmeðlimum og mynda tengsl sem geta leitt af sér góða ferðahópa í framtíðinni. Svo er alltaf þessi góða tilfinning sem fylgir þessum ferðum að maður sé að gera gagn og það er vissulega verið að gera gagn í þessum ferðum. Koma svo félagar, skrá sig.
Kv. Logi Már.
Jææææææja, þetta stefnir í góðmenna vinnuferð, þetta verða þá skálanefndin ásamt Sigurði, bróður Rúnars í skálanefnd og Maggi "Magnum" ásamt tveimur af börnunum sínum, samtals 7 manns, eitt barn og einn unglingur. Oft verið betri þáttaka en þetta er í fínu lagi, góður hópur og nóg að starfa. Kv. L.
Jæja, eru ekki fleiri hetjur þarna úti? Koma svo og vera með í góðri ferð og láta gott af sér leiða, þetta eru alltaf skemmtilegar ferðir, lendum kannski "snjó" á leiðinni heim, það er að koma haust,,,,, eða ekki,,, Kv. L.
Eins og fram kom i fréttapistli skálanefndar ætlar nefndin að fara í vinnuferð upp í Setur helgina 28-29 ágúst. Þá ætlum við að reyna að klára eitthvað af því sem eftir er á verkefnalista sumarsins, sérstök áhersla verður lögð á að reyna að klára þakmálningu þar sem vetur fer í hönd og tíminn styttist og vonandi fáum við veður til þess verks. Vinnufúsar hendur eru vel þegnar í þessa ferð og geta menn skráð sig hérna í þessum spjallþræði ef þeir sjá sér fært að leggja þessu lið.
Kveður, Skálanefnd.
Verður það ekki frekar ratleikur Hlynur, sem gengur út á að finna yfirveðsettasta bílinn? En það verður allavega opið hús á fimmtudagskvöldið að venju. Kv. L.
