Forum Replies Created
-
Replies
-
Rúnar Sigurjónsson
Logi Már
Þórður Helgason
Ómar Wieth
Eyþór Kóngur +2
Eins og fram kemur á forsíðunni verður opið hús í Setrinu laugardaginn tíunda september. Við viljum biðja þá sem hafa hug á koma uppeftir að skrá hérna hversu margir ætla að mæta eða hringa í síma 844-5010 eða 893-6560 og tilkynna sig og ég mun skrá þá inn jafnóðum. En ég ætla að skrá okkur skálanefndarmennina fjóra sem verðum á staðnum fyrsta á listann.
Rúnar Sigurjónsson
Logi Már
Þórður Helgason
Ómar WiethKv. L.
Hef í sjálfu sér enga sérstaka vitneskju um þetta og hef aldrei rekið augun í þennan spjallflokk en reikna með að þetta sé hugsað til þess að nýjir félagsmenn geti kynnt sig, svona einskonar "hæ, ég heiti ………… og jeppinn minn er" …….. og svo framvegis. Kv. L.
Jamm, það er svona með okkur sem fengum að vinna í girðingavinnu í sveitinni hérna í den, við kunnum ennþá á þetta "sex kílóa fornaldarverkfæri" sem Sigurður talar um. Og getum unnið með það án þess að slasa okkur.
Annars er ég sammála Jóni hér að ofan, held að enginn hafi sýnt viðlíka takta í stikurekstri og Húnakóngurinn með "i" bitann þegar við stikuðum Stórasand hér fyrir nokkrum árum, það voru sko jötnataktar sem ég held að fáir leiki eftir. En því miður kemst ég ekki með þetta árið, verð að bíða næstu stikuferðar. Kv. L.
Ef hún hefur verið nýbúin að fá kortið þ.e. nýkomin í viðskifti þá fær hún 10 kr. afslátt í fyrstu tvö eða þrjú skiftin minnir mig. Gæti mögulega verið skýringin. L.
Já sælir, haldiði ekki að Atlantsolía og Orkan hafi verið að lækka bensínverðið um ÞRETTÁN KRÓNUR, segi og skrifa þrettán krónur. Gaman verður að fylgjast með því sem gerist í kjölfarið. Kv. L.
Hef aldrei heyrt um að þessháttar þjóðgarður væri í pípunum, aðeins að skálinn okkar gæti lent innan friðlands. Held að við í stjórn og skálanefnd svo sem félagar allir verði að vera á tánum í þessu máli. L.
Vel sagt Óli, tek undir með þér í öllu.
Logi Már.
Þá fer að líða að almennri vinnuferð skálanenefndar um næstu helgi svo sem auglýst hafði verið á síðunni. Okkur vantar vinnufúsar hendur til ýmissa verka svo sem að taka Setuna í gegn, mála þakið á henni ef veður leyfir, þrífa og taka gluggann í gegn, bera á palla, bera á glugga hússins, klæða sökkulinn á húsinu, pússa og meðhöndla glugga á svefnlofti og eitt og annað fleira. Kamínan, sem tekin var niður um síðustu helgi og sett í viðgerð vegna leka þarf að fara upp aftur og mögulega fer nýja rafstöðin uppeftir líka um helgina en það ræðst á næstu dögum hvort svo verður. Eins og venjulega verður sameiginlegur matur á laugardagskvöldið fyrir þátttakendur ferðarinnar en drykkjarföng taka menn með sér sjálfir. Svo er aldrei að vita nema slegið verði í brennu á laugardagskvöldið fyrir yngri kynslóðina. Vinsamlegast skráið ykkur hérna á þessum spjallþræði fyrir fimmtudaginn þar sem við þurfum að gera rástafanir með matarinnkaup fyrir ferðina.
Kv. Logi Már. Skálanefnd.
Þá verður þú að fara á "short" Runner Alti, kemst þetta engan veginn á "long" Runner og tæplega á "regular" Runner
Kv. Logi Már.
Fjúff, hélt að þú værir að pæla í að slökkva í mér, gott að það sleppur til. Logi.
Og spáir Einar "sól" um helgina,,,? L.
Stefnir í að það verði ýmislegt "baukað" þessa helgina, L.
Hef áreiðanlegar heimildir fyrir því að Logi Már og frú komi og taki þátt í baukahringborðinu hjá Bauk og fjölskyldu.
Kv. Logi Már.
Miðað við óbreyttan bíl á hann að vera að eyða kringum 12 lítra innanbæjar og um 10 í langgkeyrslu. En svo er þetta líka spurningin um sjálfskift eða beinskift, minn gamil óbreytti var allavega á þessum tölum og hann var sjálfskiftur. L.
Fór þessa leið á svona bíl fyrir tveimur árum og það var ekkert sem stóð i manni. Nokkuð um hægfarna hraunkafla og þ.h. en ef bíllin er í góðu lagi á ekkert að stoppa þig á þessari leið. Kv. Logi Már.
Þú þarft að lengja stýrisarminn. Einfaldasta leiðin til þess er að fá stýrisarm úr Korando, hann passar í Mussoinn að öðru leyti en því að hann er of langur. Með því að stytta hann losnar þú við að láta lengja arminn úr Mussoinum og ert með heilan orginal arm í staðinn fyrir samansoðinn lengdan arm. Klafasíkkun er ekkert svo rosalegt mál, mál þó en þú græðir heilan helling á því. Haðfu samband ef þú vilt fá uppýsingar um það mál. Kv. Logi Már.
Þetta er kannski spurning um mat. Því meira sem þú skrúfar bílinn upp þeim mun minna verður niðurslagið á fjöðruninni og bíllin missir framhjólið á loft mjög fljótlega í skaki og þar af leiðandi grip. Einnig skeður það að spennan á vindustöngunum verður meiri og fjöðrunin þar með hastari þannig að ef þú nærð þér í HD vindustangir ertu bara ennþá verr settur. Og einn ókosturinn enn er það að öxlarnir verða mjög hallandi og þar af leiðandi reynir miklu meira á liðina í þeim ásamt því að stýrirsarmar verða mjög skásettir og stýrið verður ekki eins nákvæmt þegar bíllinn fjaðrar mikið saman. Að mínu mati er það eina raunhæfa í þessu að klafalækka bílinn, þá færðu rétt álag á vindusatangirnar og öxlarnir verða láréttir eins og þeir eiga að vera í venjulegum akstri ásamt því að stýrisarmar réttast af og stýrið verður betra. Og ef þú vilt hafa bílinn stífari að framan eftir klafalækkun, þá fyrst er vit í því að fá sér HD vindustangir. Kv. Logi Már.
Það er margt í þessari umræðu hérna. Og í mörgu er ég sammála því sem Guðmundur setur fram í sínum pistli. En svolítið skondið er þó samt að sjá hann tala um að við eigum að velja úr mönnum og ekki kjósa menn aftur ef okkur finnast þeir ekki hafa staðið sig nógu vel. Tilfellið er nefnilega það að mjög oft kemur ekki til kosninga vegna þess að ekki næst nægur mannskapur til að manna stjórn og nefndir. Því miður. Að standa í því að vera í stjórn Ferðaklúbbsins er síður en svo eitthvað sem menn hrista fram úr erminni. Og tilfellið er að það þyrfti í raun eins og tímarnir og málefnin eru nú um stundir að hafa formann í fullu starfi og á fullum launum. Þetta er mikil og stanslaus PR vinna sem þarf að fara fram, mynda þarf tengsl við fullt af aðilum innan opinbera geirans og það er þeim annmörkum háð að það fólk vinnur yfirleitt bara frá átta til fjögur og er svo farið heim. Sifellt er verið að skifta um fólk í stofnunum og ráðuneytum og þá þarf að byrja á að koma sér í tengsl við þann sem tekur við o.s.frv. M.ö.o. menn eru að taka af vinnutíma sínum til að eiga fundi með hinum og þessum aðilum og það eru ekkert margir hæfir menn í boði sem eru tilbúnir eða hreint og beint geta tekið af vinnutíma sínum í svona lagað. Og annað er svo að það er ekkert öllum gefið að standa í málum sem þessum, málum, sem ég kalla óáþreifanlegu málin. Sjálfur var ég í umhverfisnefnd fyrir þremur árum og ætlaði að láta gott af mér leiða þar en komst fljótt að því að þessi svokölluðu „bírókratamál“ voru mál sem ég var ekkert að höndla, bæði hvað varðaði það að geta hlaupið úr vinnu einhverntíma dags þegar einhverjum „átta til fjögur“ manninum hentaði að eiga fundartíma eða yfirleitt að höndla öll þessu samskifti manna á milli sem stöðugt urðu að eiga sér stað. Menn brenna fljótt upp í svona skaki. Og ég tek ofan fyrir þeim mönnum sem hafa verið að gefa af dýrmætum tíma sínum í þessi mál og eru yfirleitt færir um að höndla þau. Eins og staðan er núna get ég séð fyrir mér fáeina einstaklinga innan klúbbsins sem væru hæfir í að leiða klúbbinn í gegnum þá brotsjói sem framundan eru. Hvort svo þeir einstaklingar eru svo tilbúnir til að setja sig út í þann ólgusjó sem starfið krefst, og fyrir ekkert nema áhugann og eldmóðinn og litlar þakkir yfirleitt er svo annað mál og ætla ég ekki að lá þeim þó að þeir gefi ekki kost á sér í slíkt. Ég get ekki annað en vonað að einhver af þessum mönnum sem ég horfi til gefi kost á sér, klúbbnum til heilla.
Mbk. Logi Már.
Sæl öll. Hjá skálanefndinni er staðan eftirfarandi:
Logi Már Einarsson. Er búinn með sín tvö ár en gefur kost á sér aftur
Jón Emil Þorsteinsson Er búinn með sín tvö ár en gefur kost á sér aftur
Rúnar Sigurjónsson Er búinn með eitt ár
Ómar Wieth Er búinn með eitt ár
Þórður Helgason Er búinn með eitt árSkálanefnd mun þvi sitja áfram að því gefnu að ekki komi til kosninga um sæti Loga og Jóns Emils.
Kv. Logi Már.
