Forum Replies Created
-
Replies
-
hugna.is
Er þetta fyrirtæki ennþá til. Svarar ekki í síma þegar þetta er skrifað. Hér eru auglýstar handstöðvar.
Suðurlandsdeildin ætlar að fara með fatlaða í ferð þann 9. nóv. nk. Óli Hauks er/verður aðalforsprakki ferðarinnar og er búinn að hafa sambandi við forsvarsmenn fatlaðra. Nú vantar bara bíla og bílstjóra. Látið vita hér, á fésinu eða hafið samband við Óla Hauks ef þið eru til í að koma með. Brottför að morgni og komið heim síðdegis….
Sælir félagar. Samkvæmt hefðbundnu plani ætti að vera félagsfundur fyrsta þriðjudag í september. Stjórnin hefur ákveðið að fyrsti fundurinn verði haustferð í september. Sett verður auglýsing í héraðblöðin og öllum jeppaeigendum boðið með í ferðina. Hvort sem menn eiga breytta eða óbreytta jeppa. Þetta verður svona litla deild Suðurlands.
Dagsetning er ekki ákveðin ennþá en verður auglýst fljótlega. Við vonumst eftir góðri þátttöku félagsmanna og annarra og þetta verður vonandi til þess að fleiri gangi í hópinn.
Mín reynsla er að jafnvægisstöngin er stundum orsakavaldur í svona banki. Þú segist hafa skipt um endana en var skipt um gúmmíin utan um sjálfa jafnvægisstöngina.
Kemst því miður ekki með í ferðina.
"Jóhann Stefánsson (+1) 8641235"
Kv. Jói Stef.
Jóhann Stefánsson (+1) 8641235
Vantar hjálp við að sjúkdómsgreina bílinn minn sem er Suzuki Grand Vitara á 35 tommu dekkjum. Um daginn kom nokkuð skyndilega í hann leiðinda skjálfti sem erfiðlega gengur að útrýma. Hann lýsir sér þannig að bíllinn víbrar og skelfur líkt og ekið sé á þvottabretti þó ekið sé á rennisléttu malbiki. Þó skjálftinn sé nokkuð stöðugur kemur hann í óreglulegum bylgjum eða gusum. Þetta er verst á milli 60 og 80 km hraða en finnst bæði neðar og ofar. Skjálftinn er alveg hljóðlaus, þessu fylgir enginn hvinur, högg eða urg. Bíllinn bara hristist. Þetta virðist koma frá afturhásingu þó erfitt sé að átta sig á því. Skjálftinn leiðir lítið sem ekkert upp í stýrið né gírstangir. Handvirku lokurnar að framan eru ekki á þannig að framdrifsdótið og skaftið að framan snýst ekki með.
Það sem búið er að prófa er:
Önnur dekk skrúfuð undir…. breytti engu.
Afturskaftið tekið undan og skipt um krossa. Annar krossinn var með smá slagi en hinn var mjög stífur á annan veginn. Bíllinn lagaðist nokkuð við þetta en er ekki batnað.
Skipt um þreyttan gírkassapúða… breytti engu.
Þriðji dekkjagangurinn reyndur… breytti engu.
Skipt um neðri stífur að aftan þar sem fóðringar voru þreytulegar. Breytti engu varðandi skjálftann en bíllinn samt mun stöðugri á malbikinu og steinhættur að elta hjólför.Demparar að aftan virðast vera þéttir og góðir, framdemparar eru nýir síðan fyrr í sumar og þá var bíllinn líka hjólastilltur.
Allt virðist eðlilegt í afturhásingu, ekkert slag eða neitt í hjólalegum.
Skjálftinn breytist ekkert þó aðeins sé stigið á bremsur.
Skjálftinn er eins hvort sem er í átaki, upp brekkur(kambana) eða þegar hægt er á eða farið niður brekkur.Einhverjar málefnalegar hugmyndir vel þegnar….
Jói.
Datt bara í hug að athuga hvort einhverjir væru á leiðinni eitthvað á morgun sunnudaginn 6. feb. hér sunnanlands. Væri alveg til í skrepp eitthvað. Veðurspáin er alveg sæmileg og væntanlega eitthvað af snjó. Endilega hafið samband hér eða síma …..Jói Ste. 864-1235
Er á Selfossi…
Hugmyndin var að keyra allavega upp að Fúkka og ganga svo að Magna og Móða (nýju fellunum) Á maður eitthvað að þurfa gera grein fyrir því við bóndann??
Sælir.
Hafa einhverjir farið nýlega upp á Fimmvörðuháls frá Skógum og geta miðlað upplýsingum um færð og annað.
Kv.
Sótti þessa uppfærslu. Þetta er algjörlega togað og teygt austur vestur.
Var áður með gamla þar sem hlutföllin voru rétt… þetta er bara afturför.Búinn að restarta og allt… þarf maður þá að fara aftur í gamla farið til að fá rétt hlutföll.
[quote="freyr":32qvyeog]Sæll
Væri fróðlegt að fá að vita bílategund, dekkjastærð og hvaða loftþrýsting þurfti til að drífa, þá gerir maður sér betur grein fyrir því hvernig snjórinn var.
Freyr[/quote:32qvyeog]
Við vorum á 35" Suzuki og 38" Hilux. Það dugði alveg að fara í 4 pund. Færið var mjög skemmtilegt, nokkuð hart á köflum með mjúkum sykurpyttum inn á milli.
Fyrir þá sem hafa áhuga.
Fórum í dag, sunnudag á tveimur bílum í könnunarleiðangur upp að Skjaldbreiði. Og okkur til nokkurrar undrunar en mikillar ánægju er fínt færi þar. Fórum upp að norðanverðu og þar er dálítið grýtt neðst en síðan eykst snjórinn og við tekur bara fínt færi. Fórum alveg upp á topp í frábæru skyggni.
Hæ.
Langar að skella mér með þar sem flestir mínir ferðafélagar eru uppteknir eða bilaðir.
Myndi þá hitta ykkur á Þingvöllum ca. kl. 9:00
Kv. Jói.
Ætlið þið ekki Kaldadal. Langar nú dálítið að kíkja eitthvað. Myndi þá hitta á ykkur við Þingvelli. Ca. 8:30 ?
Bílabúð Benna og mögulega IB bílar á Selfossi
Fórum á laugardaginn var á nokkrum bílum upp frá Jaka í hita og sólskini. Snjór alveg niður að skálanum en nokkuð blautur neðst, samt enginn krapi. Fórum alveg upp á hábungu, ætluðum að Þursaborgum en þar sem jökullinn var mjög ósléttur þá snerum við við og fórum upp á Geitlandið. Fínt færi og engar sprungur sjáanlegar.
Jói.
Fórum í gær á tveimur bílum upp á Skjaldbreið. Fórum inn línuveginn frá Kaldadalsvegi og upp á fjallið norðanmegin. Nokkrir krapapyttir eru á línuveginum en ekkert alvarlegt. Frábært færi á fjallinu sjálfu þó dálítið þungt efst. Keyrðum í kringum gíginn og sömu leið til baka. Mæli með þessu um páskana.
Ég var með Vitara V6 fyrir nokkrum árum og setti undir hana bæði 265/70-16 og 245/75-16. Þetta eru nánast jafn há dekk.
Sá bíll var bara með þessa venjulegu hækkun.
Vantar þetta fyrir helgina ef einhver á.
Er kannski bara málið að elta förin?
