Forum Replies Created
-
Replies
-
Líklega er þrýstingsskynjari á bensíntankinum sem ætlað er að nema hvort tankurinn haldi þrýsting, þar sem ef hann gerir það ekki, þá koma útúr honum bensíngufur og það telst víst sem mengun.
Í það minnsta er þetta svona útbúið í 2004 árgerðinni af GMC pallbíl, en ég er að setja vél úr svoleiðis bíl í annan bíl. Ef Tacoman á að standast sömu mengunarkröfur í USA þá er þetta sennilega svipað.Ég myndi reyna að dæla á milli með dautt á bílnum og bensínlokið opið.
Síðan mætti kannski reyna að samnýta öndun og áfyllingu með aðaltankinum, ef það er ekki búið að reyna það?
Daginn
Hvernig hafa menn verið að skera í 46″ Baja Claw dekkin. Reynslusögur eru vel þegnar!
[quote="Ofsi":1nuwcc6e] Forræðishyggja sprettur upp út um allt í þjóðfélaginu. Það er t,d ástæðan fyrir því að ekki verður leift að aka yfir gömlu vöðin á Skjálfanda við Gæsavötn í Vatnajökulsgarði.[/quote:1nuwcc6e]
Ha? Verður það í alvöru bannað útaf því að það gæti verið hættulegt?
Held ég sé að fara rétt með þegar ég segi að hann sé með Dana 60 og 14 bolta fljótandi.
Þetta er semsagt algjör úlfur í sauðargæru, semsagt, besta kram sem völ er á (Chevrolet, að sjálfsögðu) í Land Rover dulargervi.
Annað leiðindadæmi með varahlutamarkaðinn í dag er pakkdós í legur á Patrol. Nú umgengst ég mikið 2005 bíl sem búið er að setja í stærri hjólalegur. Fyrir helgi þurfti ég að herða upp á legunum og hreinsa þær þar sem vatn hafði komist í. Til þess að hreinsa innri leguna þarf að fjarlæga pakkdósina og er erfitt að gera það án þess að skemma hana. Venjan var að þessar pakkdósir fengjust í lausu og kostuðu svona hámark 2000 krónur en nei… ekki að ræða það. N1, Stilling, Fálkinn, Poulsen… þar er þetta bara selt í setti. Semsagt hjólalegurnar báðar ásamt pakkdós. Agalega hentugt þegar mann vantar bara pakkdósina. Stál og Stansar björguðu þessu hinsvegar en þeir eiga pakkdós í lausu, þó hún sé nú að vísu óþarflega stíf þegar á að setja í…
Langar og mjúkar fjaðrir hefði ég haldið að hentuðu mjög vel í svona. Dreifa álaginu betur en gormar og mikið, mikið einfaldari búnaður í smíði. Í kerru eru heldur engir stórir drifkraftar að verkum eins og í jeppa en það eru einmitt þeir sem gera fjaðrajeppa leiðinlega
Sæll
Ef þú ert með Dana 30 Reverse, þá tekur þú hlutfallið frá Superior.
Ef þú ert með Dana 30 standard (lágur pinion), þá tekur þú hlutfallið frá Motive.kv. Kiddi
Finndu þér Dana 44 undan Musso, þær eru í sömu breidd.
Ég tek undir með Frey. Það vefst nógu mikið fyrir ansi mörgum að nota þessa síðu fyrir og í guðanna bænum ekki flækja það fyrir þeim enn meir. Só vott að þeir fái ekki einhverjar "tilkynningar sem kerfið býður upp á"… ef þeir geta loggað sig inn og tjáð sig svona nokkuð hindranalaust (skulum ekki fara út í það hvað þessi síða er mikið völundarhús!!) þá sé ég ekki nokkra ástæðu til að fara að hræra eitthvað í þessu.
Er það NAUÐSYN að þið fáið tilkynningar þegar þessar tilkynningar berast ekki??? Tilkynningar um tilkynningar og tilkynningar um engar tilkynningar………Ég vil samt taka það fram að ég er með mitt netfang skráð og það virkar bara nokkuð vel. Einu tilkynningarnar sem ég fæ eru útaf þessum svokölluðu "einkaskilaboðum". Sem í raun frá mínum bæjardyrum séð eru óþarfa utanumhald fyrir MIG. Geta menn ekki bara hringt eða sent tölvupóst, að því gefnu að upplýsingar þar að lútandi séu til staðar…
Þetta fer svona svolítið að minna á skrifræði bara til þess að hafa skrifræði en svo man enginn eftir því hvernig það byrjaði allt saman
Mér sýnist nú að miðað við það sem stendur hér: http://en.wikipedia.org/wiki/Toyota_HD_engine
þá skili GM mótorinn TÖLUVERT meira togi…
Hann er ekki sá eini sem langar í gamlan Willys, það er setið um þetta dót 😉
Ertu alveg viss um að olíu slingerinn hafi verið í?
[quote="grimur":cv39dzqf]Að öllu jöfnu er þetta ekkert svakalegur halli.
Þetta er samt revers drif…sem hendir pinjónslegunum, sérstaklega þeirri aftari, sennilega upp fyrir "smurlínu".
Í millikössum hef ég séð allskyns blikkleiðara og dót, sem hefur þann tilgang að taka skvettur af olíu og beina þeim að legum sem smyrja sig illa annars, ásamt því að hringrása olíunni. Getur verið að svoleiðis dót eigi að vera í þessari keisingu en hafi glatast af einhverjum orsökum?
[/quote:cv39dzqf]Það er venjan að innsta skinnan bakvið leguna á Pinion-inum sé til þess gerð að skvetta olíunni upp. Hins vegar eru allar götur á því hvort menn haldi þeim þegar skipt er um hlutfall þannig að það er alveg ágætis hugmynd að athuga hvort hún sé til staðar! Annars þá er ágætis ráð líka þegar búið er að halla hásingum svona að fylla á drifið, keyra bílinn síðan í bratta brekku og fylla aðeins meira á.
Gallinn sem ég sé er að hafa hærra hlutfall að aftan. Oft eru til tvö hlutföll í hvert drif, t.d. í Dana 44 er til 4,875:1 (39/8) og 4,89:1 (44/9). Þá er hærra hlutfallið haft að framan sem hefur þau áhrif að framdekkin fara hraðar og gerir þetta bílinn stöðugri í hálku. Ef þessu er snúið við, er afturendinn sífellt að reyna að taka fram úr með tilheyrandi skemmtun og ánægju.
Það er því þetta sem gæti verið til vandræða en ekki þvingun
Það er þó kostur við Rockauto að maður sér það áður en gengið er frá pöntuninni hvort hlutirnir komi í einni sendingu eða fleirum. Það er þá vöruhús A, B, C, o.s.frv
5.38:1 er til og það ætti nú að vera nógu fjandi nálægt! Og betra að hafa 5.38 þá að framan upp á akstur í hálku!
Ryðolía
Eitt er líka vert að athuga og það er mismunun eftir uppruna bílsins. Almennt fæst ekki uppgefin losun amerískra bíla á Co2 og þar af leiðandi verða þeir tollaðir þannig að losunin er ákvörðuð miðað við þyngd. "Umhverfisvænir" bílar (t.d. hybrid) frá USA fá þar af leiðandi hærri toll en bílar af evrópskum markaði… sem er kjánalegt. Hversu oft er síðan vísað í Evrópu og ESB í þessu frumvarpi… ég nenni allavega ekki að telja það!
Mikið er síðan ánægjulegt að fá hærri bifreiðagjöld, sérstaklega þegar þetta átti nú bara að vera bráðabirgðaskattur þegar þau voru fyrst sett á…
Síðan flokkast pallbílar ekki lengur sér heldur með öðrum bílum.
Þetta með að fjórhjóladrifnir bílar séu skattlagðir sérstaklega kemur nú bara vegna þess að fjórhjóladrifnir bílar menga meira þannig að já það má segja að þetta sé enn einn landsbyggðarskatturinn
Nú er amk einn Grand Cherokee á götunni með óbreyttar Wagoneer hásingar, þarf eitthvað að mjókka þetta???
"en ég held það séu margir sammála mér um það að það sé verið að teygja bílinn lengra en hann í raun og veru þolir að fara með hann í þessa breytingu."
Þessi rök hreinlega halda ekki vatni, frekar en í flest þau skipti sem menn reyna að halda því fram að 38" sé "nóg" til alls, þegar reynslan sýnir að 44" bílar drífa meira. Það er búið að breyta mörgum bílum í sama stærðarflokki á Musso á 44" dekk og jafnvel stærri!
Einu rökin sem hægt er að beita gegn 44" Musso er kostnaður og það eru jú reyndar mjög sterk rök. Það er eitthvað sem menn verða bara að gera upp við sig, hvort þeir vilji drífa meira en og tvöfalda eða jafnvel margfalda rekstrarkostnaðinn eða halda sig við 38" og þurfa að sætta sig við að vera bara á meðaljeppa.
