Forum Replies Created
-
Replies
-
Ég held að jeppafólk hafi mikilla hagsmuna að gæta þarna.
Það er ekki nóg að benda bara á útlendingana og segja „þetta er þeim að kenna.“, á meðan að fræðsla um þetta er lítil sem engin. Skilti um að utanvegaakstur sé bannaður eru allt of lítið áberandi og oft í svipuðum stíl og upplýsingaskilti. Upplýsingaskilti eru svolítið þannig að maður ræður því eiginlega hvort maður lesi þau, yfirleitt er eitthvað sem er gott að vita en ekki endilega bráðnauðsynlegt. Skilaboðin um að utanvegaakstur sé bannaður eiga að vera meira áberandi og þannig að fólk komist eiginlega ekki hjá því að sjá þau. Þarna gæti Ferðaklúbburinn 4×4 komið inn og haft áhrif. Litla skiltið sem var gert hér um árið og sést sumstaðar (Félagsmenn, ökum ekki utanvega og svo framvegis…) dugir engan veginn. Það er allt of lítið og þjónar afskaplega litlum tilgangi á meðan það er bara á íslensku og þar að auki höfðar bara til félagsmanna.
Annað sem þyrfti að gera er að koma hugtakinu „off-road“ driving eða adventure eða what ever, út. Það að aka á íslenskum fjallvegum er ekki „off-road“ heldur meira svona „rough trail“. Það ætti alveg að vera nógu spennandi hugtak og er í raun mikið meira lýsandi fyrir hvað verið er að gera. Ferðaklúbburinn 4×4 gæti haft það sem markmið að breyta þessu, höfða til ferðaþjónustuaðila og fleiri að breyta þessu. Ferðamenn eiga ekki að koma hingað með það í huga að ætla að fara utanvega. Ég hef sjálfur rætt við ferðamenn sem hafa komið hingað með því hugarfari að það megi allt hérna og eru steinhissa þegar þeir komast að öðru.
Hvernig eiga ferðamenn síðan að vita að ef ætlunin er að ferðast á hálendinu þá er það ekkert hægt í maí og fram undir miðan júní? Þetta er hvergi tekið fram á síðu Vegagerðarinnar eða síðu Safe Travel. Ef þetta er þarna þá er það í það minnsta það djúpt að ég fann það ekki. Fólk sem hefur skipulagt ferð og veit þetta ekki, en kemur hingað um miðjan maí til dæmis, það freistast eðlilega til þess að fara framhjá bannskiltunum og koma sér síðan í vitleysu. Það þarf að koma í veg fyrir það.
Þetta eru allt hlutir sem ættu að skipta jeppafólk máli, því það er ansi hætt við að ef þetta minnkar ekki þá gæti þetta alveg haft áhrif á okkar ferðamennsku með frekari boðum og bönnum. Eins ef svæði sem eru núna svo til óspillt fara að skemmast þá er meiri hvati til að leggja uppbyggða vegi og rafmagnslínur, af því að þetta „er hvort sem er“ orðið skemmt.
Auðvitað er margt af þessu eitthvað sem ríkið ætti að gera en það virðist bara vera afskaplega lítill áhugi og sumar stofnanir virðast eyða mestri orku í eitthvert karp um hluti sem skipta engu máli.
Þetta sem Stebbi kemur með hérna frá Umferðarstofu er eins og mér var kennt þetta í ökunámi.
Þannig að í raunninni er það þannig þegar tveir bílar fara samhliða inn í hringtorg þá á sá sem er á ytri akrein ekki að þurfa að búast við því að bíllinn sem er á innri fari strax út. Þannig ætti umferðin að geta gengið smurðar fyrir sig í svona stórum hringtorgum.
Ég man síðan ekki betur en að það sé alfarið bannað að skipta um akrein á gatnamótum á Íslandi hvort sem það eru venjuleg krossgatnamót eða hringtorg. En það er einmitt alveg óþolandi hvað það er algengt að menn aki t.d. á innri hring í hringtorgi og fari síðan út á ytri akrein, og sömu ökumenn muna þá líka sjaldnast eftir því að kanna hvort það sé bíll í veginum áður en þeir skipta um akrein…
Innlegg Arnþórs var kærkomin vonarglæta, gefur smá von um að þessi klúbbur sé ekki algjörlega úti á túni. Nógu mikil vonarglæta til þess að ég gróf upp lykilorðið að þessum vef.
En ekki skil ég hvað það er sem menn hræðast, við alvöru sektum við tjóni af völdum utanvegaaksturs. Sérstaklega þegar tekið er fram að þessar sektir og hugsanlegt eignarnám á við þegar um er að ræða "alvarleg spjöll á náttúru landsins".
Við "vægari" brotum eru samt sem áður sektir (þó þær séu langt frá 350.000 kr.) og þeir sem fylgst hafa með fréttum hafa sjálfsagt heyrt af slíkum málum í sumar.Ef þetta gefur mönnum ástæðu til að hræðast – þá tel ég það vera hið besta mál. Tjón af völdum tanvegaaksturs er óþolandi vandamál, það þýðir ekkert að benda bara á útlendinga þó þeir eigi vissulega stóran þátt í því.
Eitt enn – svona til umhugsunar. Það er ekki einu sinni, og ekki tvisvar, heldur mun oftar, sem ég hef heyrt minnst á "freku jeppakallana"… það skildi þó ekki eitthvað liggja að baki því?
Sæll.
Ég myndi skoða það að mixa svokallaða HEI kveikju frá GM á vélina. Ég gerði það á sínum tíma og munurinn í vinnslu fannst vel, samt var allt nýtt í gömlu kveikjunni. HEI kveikjan er mjög þægileg að því leiti að það er allt innbyggt í hana, háspennukeflið er í lokinu og eina sem þarf að gera er að tengja 12V inná.
Hér er eitthvað um þetta: http://www.4x4wire.com/jeep/tech/electrical/hei02/
og auðvelt að finna meira á Google.
Myndi byrja á að kanna skynjarann í millikassanum, þetta lýsir sér þannig.
Þetta er í það minnsta Sanden SD 508, og hún kom í einhverjum Jeep.
Ef einhvern vantar að losna við svona dælu fyrir flatreim þá væri ég til í að kaupa.
Ég myndi nú bara skoða Cruiserinn hans Snæa (gamli Magga Skóg / Tintron) og gera eins. Það er að segja ef þú ætlar á hásingar. Sjálfur held ég að ég myndi láta reyna á klafana með sterkara framdrifi.
Ég hef umgengist svona bíl, sjálfskiptan að vísu 2010 módelið (önnur skipting). Hann er með lækkuð hlutföll og það er hægt að láta hann skríða mjög hægt í lága drifinu einu saman.
Grand Vitara er með 5 x 4.5" deilingu sem er 5 x 114.3mm
Skoda Octavia yngra boddíið er á 5x112mm og þeir eru til á 15" stálfelgum
Veist þú hver tók upp skiptinguna?
Ford fór í millimetra deilingu (8x170mm) þegar nýju Super Duty bílarnir eins og við þekkjum þá komu.
Econoline hélt gömlu deilingunni fram undir 2006.GM og Dodge fóru ekki svo ég viti til í nýju deilinguna þannig að þeir eru enn í 8×6.5".
Ég er einfeldningur sem lifir í voninni
Sko…. nú var ég svo heppinn í sumar að verða strand á flugvelli í London, þökk sé Iceland Express!
Mér leiddist svo svakalega að allt í einu var ég farinn að fletta Land Rover blaði.
Á milli greina um hvernig skal ryðbæta 2001 árgerð af bíl, skipta um stýrismaskínur og öxla og bæta við þéttiköntum var grein um nýja Defenderinn.Samkvæmt því sem þar kom fram var aðalástæðan fyrir þessum breytingum kröfur ESB um að bílar "fari vel" með fólk sem þeir keyra á og gamli Defenderinn er eðlilega LANGT frá því að standast það með sína stálstuðara.
Nú síðan þá voru einhverjar öryggisreglur í USA sem komu í veg fyrir að hægt væri að selja Defender þar.
Þannig að planið var víst að búa til bíl sem stóðst allt þetta öryggis blabla.…og þarf það nokkuð að vera það slæmt ef hann fær "þróaða fjöðrun" ef hún er vel útfærð og sterk
Það hlýtur að vera hægt að viðnámsmæla keflin og athuga hvort þau séu í lagi.
Eru ekki 4 eða 8 háspennukefli á svona mótor?
Það er spurning hvort Toyota vilji ekki selja hann hér útaf mengun, það er að segja að ef það er svona mikill brennisteinn í olíunni þá valdi það vandræðum í hvarfakútum og einhverju slíku? Bara hugdetta, þó þetta væri nú svo sem ekki í fyrsta skipti og ekki annað sem Leó hefði rangt fyrir sér.
Rétt er að benda líka á að það skal ALDREI fara út í straumvatn með kaðal eða línu bundna fasta við sig, nema hún sé fest sérstaklega í þar til gerða quick-release festingu sem hægt er að losa með einu handtaki. Þær festingar má helst finna á flotvestum sem hönnuð eru fyrir straumvatn (ath. flot vesti er ekki það sama og venjulegt björgunarvesti)
Það sem getur gerst ef menn eru bundnir fastir, er að línan getur orðið föst í ánni, og dregið manninn niður með sér. Ef það gerist þá verður maðurinn að geta átt sér undankomuleið.
Það er líka gott að hafa í huga að fara ekki ofanvið bíl sem er fastur í straumvatni. Ef straumurinn tekur menn undir bílinn þarf ekki að spyrja að því hvernig það endar.
Ef þetta er bensínbíll og tankurinn mun koma til með að vera mikið tómur er ekki sniðugt að hafa hann úr járni því þá ryðgar hann að innan, gaman gaman
Ertu stopp eða á hreyfingu þegar þú skiptir á milli?
Ef dekkin fá þetta leiðindabrot á sig sem er svo algengt, þá munu þau rifna þar. Allt niður að þessu broti ætti að vera OK en ég er ekki viss. Ég þori a.m.k. ekki neðar eftir dekkið sem ég sá rifna og það var víst það þriðja undir þeim bíl (LC 80).
Þessi dekk virðast bara tolla almennilega undir léttum bílum.
