Forum Replies Created
-
Replies
-
Er ekki einhver þarna úti sem fer í dagsferð á morgun laugardag og langar að leyfa mér að skottast með aftarlega í röðinni? Er á 38″ Patrol með mokara og spotta meðferðis.
Kristófer
869-4443
Er ekki einhver að fara í dagsferð upp á Skjaldbreið eða Langaskafl á morgun sem er til í að leyfa mér að vera memm. Er á 38″ Patról og alveg sjálfbjarga bara vantar félagsskap og einhvern að kjafta við í taltalstöðina. Langar að fara úr Reykjavík kl 10.
Kristófer
8694443
Var það ekki svo að klúbburinn átti að eiga kerru til að flytja bíla sem félagsmenn gætu fengið lánaða/leigða?
Er að hugsa um að fara upp frá þjónustumiðstöðinni Þingvöllum í fyrramálið á Skjaldbreið, yrði þar um kl 10. Kristófer 8694443 Patröl 38
Er með Chevrolet Impala árg 1978 og vantar felgur undir hann. Vita menn hér inni hvaða gatdeiling er og undan hvaða bílum hægt er að nota felgur af?
Eftir að bíllinn fór til þeirra snillinganna í Kistufelli þá hefur hann rokið í gang í hvert sinn. Eina sem þeir hafa sagt mér er að þeir hafi gert er að skpta um síur í eldsneytis lögninni. Ég held hinsvegar að þeir hafi strokið honum með einhverjum þeim hætti sem undrun sæti. Ég hinsvegar athuga þetta ráð þitt ef og vonandi ekki hann taki upp á þessum óskunda á ný. Takk fyrir.
Bilunin lýsir sé þannig að hann startar og gengur í 2-3 sek og drepur því næst ásér. Þegar startað er þá gerist ekkert nema vélin snýst og snýst. Það er búið að lesa og enginn kóði fyrir olíuverk kom heldur einugnis fyrir sveifarásnema, það var lagað. Ók honum viku og þá gerðist þetta aftur. Startaði eðlilega daginn eftir, bílnum var svo ekið eðlilega í tvo daga og þá stoppaði hann aftur. Fyllti tankinn þar sem ég hélt að hann væri farinn að súpa loft eða hreinlega tómur. Staraði og ók bílnum i 3-4 daga. Þá stoppaði hann aftur. Um síðustu helgi að ég fór á sunnudegi snemma í dagsferð kom heim seinnipartinn og 2 tímum seinna ætlaði ég af stað aftur og þá kom þessi bilun fram. Fór daginn eftir með bílinn, sem þá startaði sér í fyrsta, í lestur og ekkert kom fram. Lét skipta um síur og yfirfara eldsneytislagnirnar frá tanki og fram í sílender. Ekkert kom fram óeðlilegt í þeirri skoðun. Hef verið að keyra hann í 3 daga síðan og ekkert gerst. Nú ef ekkert gerist þá er engin ástæða til að skipta um vél. Búinn að tala við sérfræðingan í IH, Bílaverkst Firiðriks og í Kistufelli. Enginn veit hversvegna hann lætur svona. Nægt eldsneyti, nýjar síur og sjáum hvað gerist næstu vikur. Bara gaman að eiga draugabíl
Það er nú ekki mikið sem maður gerir sjálfur nema að rífa úr, smíðavinnu verð ég að kaupa annarstaðar frá. Menn hafa nú verið að láta sér detta í hug að taka vél og húddið úr. Hífa svo nýja í 10m og nota sleppikrók og passa bara tærnar. En að öllu gamni slepptu þá er ég nú að miklu leiti til undir náðu og miskunn kunnáttumanna kominn með smíða vinnu. Ekkert verður hinsvegar gert fyrr en komið er að. Hvar fá menn vél og skiptingu fyrir 350þús?
Þetta er 38" breyttur bíll. Beinskiptur. Ég hef lengi verið að velta því fyrir mér hvaða kostir eru í boði með að breyta í vélarsalnum til að auka aflið og fá sjálfskiptingu. Það sem ég er að fiska eftir er svo sem líka hvaða kostir séu í stöðunni. Pickup s.s. gamall Hilux er ekki endilega að gera sig þar sem við fjölskyldan notum bílinn mikið á sumrin til ferðalaga og svo notum við hann sem dót á veturnar í snjónum.
Þá hefur einnig verið pæling að vera á einum bíl og þá vill ég halda í vetrarferðirnar og því er 38" lágmark. Patrol hentar okkar fjölskyldu verl vegna stærðarinnar en mikið ósköp vildi ég fá meira afl í húddið. Þannig að þegar hugsanlega þarf að setja 400.000,- í nýtt olíuverk þá fer maður nú bara að hugsa, hvað fæ ég fyrir 200.000,- í viðbót? Eða get ég selt vél og kassa úr Patrol og fengið 8 gata orkutröll með sjálfskiptingu?
Nú er svo komið fyrir að kannski þarf að fara í kostnaðarsama viðgerð á Patrolnum mínum þ.e. að grunur er um að olíuverkið sé að bila. Þá var ég að velta fyrir mér hvaða kostir séu í stöðunni. Bíllinn er 3,0L beinskiptur með nýlega vél ekki mikið meira ekna en ca 50.000 km. Mig langar til að fá í hann sjálfskiptingu og frískari vél. Þetta þarf ekki endilega að vera sami bíllinn en þó af þessarri stærðargráðu. Hvað segja spekingarnir?
[quote="soli":197s5xd9]………..og ef oliuverkið gefur sig getum við bent þér á síðu sem gerir við þetta fyrir einn þriðja af verði hér heima(með vaski og tollum)[/quote:197s5xd9]
Hvernig væri að splæsa þessarri síðu þó svo oíuverkið sé ekki farið. Þá geta menn haft hana til handargagns fari olíuverkið einhvern tímann.
Hjá mér er sami þrýstingur á kútnum allan tímann og þarf að vera á loftlæsingunni. Allt tengt saman Viair 400 föst í bílnum og Fini þegar farið er í vetrarferð og þörf á læsingu og lofti á dekk.
Efri mynd til hægri er af Óperuhúsinu í Kaupmannahöfn. Neðri mynd til hægri er Óperuhúsið í Sidney, Neðri mynd til vinstri er Óperuhúsið í Osló og efri mynd til vinstri er Óperuhúsið tilvonandi í Reykjavík. Og mig langar til að þakka fyrir þessar mörgu ólíku og skemmtilegu getraunir/spurningar
Hvert á að fara?
Ég lenti í svipuðu máli með mína læsingu. Frammi í vélarhúsi eru að mig minni tveir litlir kútar sem eru hluti af kerfinu. Gegna hlutverki ,,vakúm forða" (á þeim er undirþrýstingur og einstreimislokar þannig að kerfið virki einnig þó dautt sé á vélinni t.d. með kúplingu og bremsum fyrir ræsingu) Þegar ég var búinn að gera allt það sem þú lýsir þ.e. skipta um rofa á drifkúlu. Lagnir fram í vél. Báða rofana sem stýra vakúminu þá virkaði læsingin illa. Eftir mikla pælingu komst ég að því að kúturinn var orðinn fullur af vatni sem tottast hafði í gegnum kerfið hægt og bítandi, eðlilega fraus vatnið og virknin var engin. Þessi kútur er að mig minnir síðasta tenging frá vakúmdælu á vél að rofunum fyrir læsingu. Athugaðu það.
[quote="Hansi":36rhvqlx]Svo hefur hann tvisvar í örfáar sekundur misst afl, koðnað aðeins niður en heldur svo áfram eins og ekkert sé.
Hvað er málið með það?[/quote:36rhvqlx]Minn gerir þetta einnig annað slagið. Fyrst fann ég það þegar ég var á jafnslettu en síðar einungis uppímót s.s. í Kömbunum og þá nálægt 3000 snún/mín. Alla vega kemur þetta við mikið álag á vélina og langvarandi. Getur mótstaða í olíulögn valdið (sía) er með nýja hráolíusísu við vél. Er hugsanlega önnur á leiðinni frá tanki?
kv
Kristófer
Hef stundum fundið til þessa afleysis, ef Intercoolerinn er sprunginn hvar og hvernig sést það? Bara svo ég geti kíkt í húddið hjá mér.
Mér finnst öll umræða sem með einhverjum hætti tengist farartækjum á 4 hjólum alveg jafn viðeigandi. Ég sem dæmi er búinn að liggja hér inni á þráðunum meira og minna sl 2 ár og lesið mér til um allann fjandann tengd jeppum, breytingum, vélum, drifum ofl. margs fróðari er ég um bílinn minn eftir það. Þessar litlu getraunir frá MHN gera spjallið bara skemmtilegra lestrar og þeir sem ekki hafa gaman af þeim sleppa þá bara að lesa. Hitt er annað að mér þykir meira um vert að auglýsingar og spjall rati í rétta flokka. Td. jeppar til sölu séu einungis auglýstir í jeppa dálki smáauglýsinga osfrv. Hiklaust á að fjarlægja auglýsingar og spjall úr röngum flokkum. Meiri umferð um vefinn gerir hann áhugaverðari og tryggir að spekúlerandi menn leiti meira í vefinn því fátt er leiðinlegra en staðnaður vefur.
Þetta er Vacumlæsing sem virkar þannig að í pungnum á drifkúlunni er teinn sem festur er á plötu, þegar loft er dregið úr pungnum nær kúlunni gefur platan eftir og rennur teinninn inn og læsir. Þegar loft er dregið úr pungnum fjær kúlunni fer læsingin af. Þennan búnað er að finna í nýja boddýinu bæði 2.8 og 3,0 bílnum. Veit ekki hvort hægt sé að setja í aðrar hásingar. Ekki er mikill undirþrýstingur á kerfinu en það er samtengt vakúm með bremsum, kúplingu og túrbínu. Þannig að ef vakúm kerfi er í bílnum hlýtur það að afkasta nægu til að vinna með þessu kerfi.
Er enginn sem getur sett hér inn einhverjar tillögur að skemmtilegum leiðum út frá Flúðum sem ekki taka um 6-7 klst í keyrslu?
