Forum Replies Created
-
Replies
-
Ég hef hvergi séð að það þurfi að vera eitthvert handfang á vinnuljósum og hef alltaf skilgreint hliðarljósin á toppnum hjá mér sem og að aftan sem vinnuljós. Ég sé ekkert því til fyrirstöðu að raða kösturum framan á bíl og kalla þá alla vinnuljós. Einu skilyrðin eru að þau séu hvít og tengd um eigin rofa með stöðuljósum. Endilega leiðréttið mig ef ég fer með rangt mál.
Kæri Þórir. Þú hlýtur að eiga marga erfiða daga, gerandi þær kröfur að alltaf séu rök fyrir lögum og reglum. Megnið af reglugerð um gerð og búnað er þýtt upp úr samsvarandi reglugerðum á EES svæðinu og viðbæturnar …….., já, þær eru samdar af mjög misvitrum mönnum.Ljósakveðjur,
Klemmi.
Nei, ég var ekki hættur. Ég hef sjaldan séð eins hissa menn eins og þegar þú komst með þrumarann. Helvíti skemmtileg hugmynd.
Kveðja til gamla og gömlu,
Klemmi frændi.
No hard feelings er það nokkuð Stebbi?
Kveðja,
Klemmi ljósálfur.
Var að athuga með mótorinn. Hann er enn til sölu en ég læt ykkur eftir að kanna með verðið á honum (hef það ekki eftir). Svo verða menn líka að verða sér úti um kassa því mér skilst að kassinn sem er við 2,8 gangi ekki við 4,2.
Með Patrol-kveðju,
Klemmi.
Það eru ekki margar bíltegundir sem geta státað af þessari tölfærði. 75% framleiddra Land Rover bíla enn í ökuhæfu ástandi. Spurning reyndar hvað telst ökuhæft ástand. Sumir telja jafnvel nýja Land Rovera ekki standast það að teljast ökuhæfir.
Ég á einn ’68 módelið og bara það að eiga hann gerir mig að betri manni (finnst mér).Með Rover-kveðju,
Klemmi.
Ég er með Safari snorkel á Pattanum mínum. Það er alveg spurning hvort það gæti bara ekki passað á Suburban þar sem hallinn á framrúðunni er svipaður og ekki ólíkir stansar í frambrettunum. Svo yrði bara að redda málunum þegar komið er inn í húdd. Er lofthreinsarinn vinstra megin fremst í Subbanum?
Kveðja,
Klemmi.ps. Hann Kiddi Bergs á Selfossi (8924030) hefur verið að flytja inn Safari snorkel. Myndi örugglega kíkja á þetta með þér ef þú værir á ferðinni fyrir austan.
Ég sé það að þú ert fyrst núna að stauta þig í gegn um reglugerð um gerð og búnað ökutækja og er það vel. Hins vegar átt þú ekki að undrast það að sjá ekki notkunarreglur um þokiljós í reglugerðinni því eins og við hinir vitum (sem lásum umferðarlögin til að ná bílprófi á sínum tíma) þá eru notkunarreglurnar þar í 32. gr. 5. mgr.
"[Í þoku, þéttri úrkomu eða skafrenningi má nota þokuljós í stað eða ásamt lágum ljósgeisla. Hjálparljós má eigi nota til annars en þau eru ætluð.]"
Hins vegar er í málsgreininni þar á eftir akkúrat talað um það sem þessi þráður átti líklega að fjalla um í upphafi en þar segir:
"Ljós má eigi nota þannig að valdið geti öðrum vegfarendum glýju."Með vinarkveðju Tryggvi minn,
Klemmi.
Ísmaðurinn segir hér, framar í þessum þræði, að það sé ólöglegt að nota þokuljós innanbæjar. Ef engu hefur verið breytt á síðustu misserum í umferðarlögunum er þetta rangt. Það er bannað að nota afturvísandi þokuljós (aparass) innanbæjar en framvísandi þokuljós má nota, ef aðstæður eru þess eðlis að þau megi á annað borð nota, þ.e. "í þoku, þéttri úrkomu eða skafrenningi". Hins vegar tek ég undir með það að misnotkun á þessum ljósum er mjög mikil og valda sum þeirra óþægindum. Það er hins vegar ekki til að bæta umferðaröryggi að menn "kveiki á öllum sínum ljósum" til að refsa þeim sem ekki lækkar ljós úti á vegi eins snemma og sumum finnst ástæða til (margir lækka ljós alltof snemma). Það hlýtur að vera skárra að annar ökumaðurinn sjái allavega eitthvað frekar en að báðir blindist af ljósum hvors annars.
Klemmi ljósálfur.
Byrjaðu á að skipta út lokunum. Það brotnaði loka hjá mér og það lýsti sér akkúrat svona, hún hélt oftast en small svo undir álagi.
Gangi þér vel,
Klemmi.
Þetta finnst mér býsna skemmtileg veðurspásíða. Þeir eru líka svo ófeimnir við að spá "possible snow" og eru með alvöru langtímaspá. Það er hins vegar sjálfsagt ekkert mikið að marka þetta, en flott samt.
Sælir og gleðilegt nýár.
Samkvæmt reglugerð um gerð og búnað ökutækja meiga vera aukastöðuljós á bifreiðum, þó ekki fleiri en tvö framvísandi og tvö afturvísandi. Í sömu reglugerð er skýrt tekið fram að framvísandi stöðuljós skulu vera hvít. Þó er undanþága um stöðuljós á bifreiðum frá Bandaríkjum Norður-Ameríku og Kanada en þau meiga vera rauðgul (orange). Eins og Emil bendir réttilega á þá eiga afturvísandi stöðuljós að vera rauð.
Ennfremur segir í reglugerðinni að á torfærubifreiðum megi vera tveir ljóskastarar og skuli þeir vera birgðir þegar þeir eru ekki í notkun og er tekið fram hvenær þá megi nota.
Það að menn skuli komast upp með að vera alltaf með kastarana óbirgða (ég þar á meðal) en eingöngu vegna dugleysis lögreglumanna og starfsmanna á skoðunarstöðvum.Kveðja,
Klemenz
Mjólkurbú Flóamanna fór að nota svona biodiesel í bland við venjulega diselolíu á a.m.k. einn sendibíl frá sér fyrir nærri tveimur árum. Það mætti kannski fá upplýsingar um reynslu þeirra hjá Birgi Guðmundssyni, mjólkurbússtjóra.
