Forum Replies Created
-
Replies
-
Það væri rétti maðurinn. Ertu orðinn jeppaeigandi?
Kveðja,
Klemmi.
Mér sýndust nú sumir vera mjög jákvæðir í garð þessa skjals svo það var nú kannski óþarfi að fjarlægja það. Ég veit að sumir myndu nota það af gamalli reynslu. Ég nefndi Gunna Egils hér fyrr í þessum þræði og er viss um að hann myndi nota þetta eftir þorrablótið fræga. Tjónið hans þá var víst upp á nokkur hundruð þúsund og allt öðrum að kenna en honum sagði hann.
Kveðja,
Klemmi.
Vélin var tekin upp á bílaverkstæði BHS sem er rétt fyrir utan Dalvík og ég keypti bílinn daginn sem hann kom út af verkstæðinu. Verkstæðiseigandinn sem ég ræddi við var afskaplega almennilegur og virtist mjög brugðið við fréttirnar og sagði að í þessari vél hefði ekkert verið skilið eftir öðru vísi en í 100% ástandi og ætlar hann líka að taka á sig tjónið að miklu eða öllu leyti. Vélin er enn í bílnum svo ég veit ekki hvað er farið en það er eitthvað "stórt".
Verst hvað það er dýrt að senda svona vélarhlunk á milli landshluta.
En hvaða verkstæði úti í bæ ertu að tala um? Það væri nú gott að vita það, líka til að þeir sem eru vandvirkir verði ekki grunaðir af þeim sem ekki vita betur.
Kveðja,
Klemmi.
Skemmtilegar umræður þetta. Væri ekki rétt að útbúa skjal fyrir þá sem ætla að hjálpa mér að moka þar sem ég tek á mig ábyrgð á skemmdum sem kunna að verða á skóflunni? Nei, þetta var nú grín. Það væri hins vegar möguleiki, ef þetta á að vera svona formlegt, að á bakhliðinni væru þessi almennu atriði um að athuga festingar og svo framvegis og báðir aðilar fylltu það út sameiginlega og skrifuðu undir. Svo væri hægt að hafa eina undirskrift enn, þegar drætti væri lokið, þar sem báðir aðilar staðfestu að ekkert tjón hefði orðið eða hvaða tjón hefði orðið. Eftir það væri málið dautt. Þetta tæki kannski orðið svo langan tíma að það væri bara fljótlegra að moka:o)
Ég sé hins vegar fyrir mér hvernig ástandið hefði verið hjá Suðurlandsdeildinni í Þorrablótsferðinni fyrir nokkrum árum þegar þeir voru tæpa 60 tíma úr Landmannalaugum í Sigöldu. Hvað ætli Gunni Egils hefði þurft að skrifa undir mörg blöð en mér skilst að hann hafi dregið flesta í ferðinni og marga oft. Hann varð fyrir miklu tjóni og hefði því tjónaskoðun og annað tekið ansi langan tíma. Þeir hefðu kannski ekki komið heim fyrr en um vorið.
Kveðja,
Klemmi.
Sæll Lalli. Vil bara taka það fram, þar sem ég lenti í svona atviki um daginn að það var verið að reyna að hjálpa mér úr festu og bíllinn minn skemmdist og úr varð umræða hér á vefnum, að ég hef ekki krafið þann sem þar átti í hlut um skaðabætur og það hvarflaði reyndar aldrei að mér. Það er bara þannig að kannski þyrfti að nota DV aðferðina og nafngreina eða gera þekkjanlega á annan hátt þá sem eru svona ómerkilegir svo fólk fari ekki að álykta um aðra að ósekju. En annars, ágætt skjal og sniðugt.
Með bestu kveðjum,
Klemmi.
Ég talaði við MMC (Bjarka Clausen) og ætlar hann að leigja mér kerru á sanngjarnan pening. Vandamálið við kerrurnar sem Byko og Húsasmiðjan eru að leigja út er það helst að þær taka ekki nema minnstu fólksbíla en þær eru ekki dýrar í leigu (3750 hálfur dagur). Það er því virðingarvert að hægt sé að nálgast svona kerru hjá greiðviknum 4×4 félaga. Nú á ég bara eftir að finna einhvern til að draga dótið fyrir mig og þá er málið leyst.
Það er bara farin vélin í Patrolnum þó hún væri nýupptekin. Eitthvað klikkað í samsetningu hlýtur að vera.
Kveðja,
Klemenz.
Kærar þakkir Kristján.
Kveðja,
Klemenz.
Jæja, þá skeði það. Er einhver sem veit hvar hægt er að fá lánaða eða leigða bílakerru sem tekur bíl á 38″. Þarf að koma einum vélarvana Patrol (alveg vélarvana, ekki bara venjulega vélarvana) héðan úr bænum og á Selfoss. Þarf að redda þessu sem ódýrast því nægur verður víst kostnaðurinn samt við að koma græjunni í gagnið aftur.
Endilega komið með hugmyndir hvernig ég get gert þetta sem ódýrast. Langar ekki að draga hann.
Kveðja,
Klemenz.
Keðjan veldur engu höggi því að sjálfsögðu er teygjan ennþá í spottanum. Það er heldur engin teygja í dráttarkróknum sem venjulega er bundið í og keðjan er bara festing í krókinn.
Kveðja,
Klemmi.
Kaðallinn góði er gefinn upp með tæp 16 tonn í slitþol keyptur í Ísfelli. Kannski ég muni ekki sverleikann rétt. Hann er 17 metra langur en þar sem ég var svo kyrfilega fastur þá er ég ekki alveg dómbær á rjómatilfinninguna. Helst að Arnar geti lýst henni. Er ljósið á Pæjunni ónýtt Stebbi?
Kveðja,
Klemmi.
Fyrirgefðu hvað ég svara seint en ég hef ekki verið við tölvu síðustu daga. Varðandi það hvað tógið var sterkt, þá var það allavega nógu sterkt. Það slitnaði ekki heldur kom dráttarkrókurinn úr Pajeronum (sterklegt auga boltað beint í grindina með 4 boltum) í heilu lagi, ásamt kaðlinum, í afturendan á Pattanum hjá mér. Spottinn var nýr 46mm með 30% teygju og splæstum augum á báðum endum. Var hann festur í pajeroinn með keðju.
Ég veit að nú hugsar einhver að ég hefði átt að setja eitthvað á tógið og það er alveg rétt. Það er bara stundum þannig að þegar manni finnst allt vera svo voða sterkt og ekki geta klikkað, þá einmitt klikkar eitthvað.
En hvaða hugmynd ertu annars með? Ég þigg alltaf góðar hugmyndir.
Kveðja,
Klemmi með klessta rassinn.
Það var ekki gott að sjá þetta á staðnum og ég er búinn að hafa smá áhyggjur. Skilaðu bestu kveðjum til Arnars og Jónasar með ítrekuðu þakklæti fyrir aðstoðina. Þú getur sagt Jónasi frá mér að ég sé búinn að gera ráð fyrir honum í öðru toppboxinu hjá mér (reyklaus bíll) og ætla ekki á fjöll án hans oftar. Þvílíkur hörku skóflumaður;o)
Klemmi frændi.
Jú, vissulega þekkti ég sauðasvipinn en það er nú einu sinni þannig að ég kynntist alltof mörgum með sauðasvip í gömlu vinnunni minni. Nei, ég ætla sko ekki að biðja hann um að borga neitt. Ég ætlaði bara að vita hvort hefði nokkuð meira verið skemmt hjá honum heldur en leit út fyrir í fyrstu. Það væri þá frekar að ég reyndi að bæta honum það. Eru þeir ekki báðið úr þinni sveit Stebbi?
(Ég man nú sauðasvipinn á þér þegar þú kysstir Wranglerinn á Hellisheiðinni um árið).
Kveðja,
Klemmi.
Kveðja,
Klemmi.
Takk sömuleiðis fyrir síðast. Þetta fór nú þannig að það þurfti 3 spil til að ná mér upp úr kvíslinni. En það fór allt vel. Hins vega þá varð náttúrulega svolítið tjón hjá mér þegar Pajeroinn slitnaði og kom í afturendann á Pattanum, búið að meta það á 230.000. Þó kostar litla afturhurðin á Patrol "ekki nema" 54000 sem virðist vel sloppið miðað við verðið í póstinum hér að framan.
Sjáumst vonandi aftur á fjöllum.
Kveðja,
Klemenz.ps. Ert þú nokkuð með email eða símanúmer hjá Pajeroeigandanum. (Ég ætla ekki að sekta hann neitt:o)
Það er nú spurnig hvernig á að reikna út verðmæti bíla. Hins vegar er ég viss um að þjónustan sem Toyota eigendur njóta skilar sér í verði bílanna. Þeir eru eftirsóttari, eðlilega, ef það er alvöru umboð fyrir viðkomandi tegund.
Kveðja,
Klemmi.
Ég verð að taka undir með því að munurinn á þessum bílum sé kannski ekki endilega í gæðunum. Mín reynsla af Toyotu var sú að hún bilaði rétt eins og aðrir bílar (og meira fannst mér reyndar) en það var alveg fyrirgefið þar sem umboðið var svo gott. Það meira að segja innkallaði bílinn reglulega til að skipta um legur, hringi og þess háttar.
Ég sem Patrol eigandi og aðdáandi vildi óska þess að Ingvar Helgason stæði við bakið á okkur ens og P. Samúelsson stendur með sínum mönnum. Svo mættu þeir líka taka upp verðlagninguna hjá Toyota.Kveðja,
Klemmi.
Ráðfærðu þig við Sigurð í BJB. Hann smíðaði undir Súkku hjá vinum mínum um daginn (held það hafi verið 2") og mun bíllinn vera miklu skemmtilegri á eftir.
Kveðja,
Klemmi.
Bendi enn á Kidda 8924090. Hann seldi mér snorkelið og setti það á og var sanngjarn í verði.
Vatnakveðja,
Klemmi.
