Forum Replies Created
-
Replies
-
Ég er með 3" púst og mér vitanlega er enginn sensor á því. Loftsían er ný. Magnað ef enginn hefur lent í svona sem getur miðlað af reynslu sinni.
Please, hjálp.
Klemmi höktandi.
Sælir félagar. Ausið nú úr viskubrunni ykkar. Pattinn minn er að stríða mér. Þegar ég kem upp í 1700 til 1800 snúninga í álagslausum akstri fer hann að fúska og láta öllum illum látum eins og hann sé að missa olíu eða draga loft. Þetta er þó alls ekki alltaf og aldrei undir álagi. Svo hættir þetta þegar ég er kominn í ca 2600 snúninga. Komið endilega með einhverjar tilgátur því ég veit ekkert hver andsk….. þetta er. Ég get þó útilokað olíusíuna, hún er ný.
Með von um góðar hugmyndir,
Klemmi.ps. Þetta á náttúrulega ekkert að vera undir færð á fjöllum, lenti þar óvart.
Ég er búinn að leggja inn pöntun fyrir miklum snjó á þessu svæði í vetur. Verður bara gaman. Kíkið við í Landmannahelli og athugið hvort ég verð á staðnum og kannski með heitt á könnunni. (Varðarhúsið)
Kveðja,
Klemmi.
Ég myndi byrja á því að skipta um litla rafmagnskubbinn sem skrúfaður er ofan á háspennukeflið. Ég veit ekkert hvað hann gerir annað en það að ef hann bilar þá virkar það akkúrat svona. Steindeyr og fer ekki í gang meir. Lenti í þessu með minn gamla 1992 bíl og var þá náttúrulega á reginfjöllum. Prófaðu þetta fyrst, tekur enga stund. Tvær skrúfur og eitt plögg.
Gangi þér í haginn.
Það er nú ekki alveg fyrir hvern sem er að lesa úr reglugerðinni hvað þá að skilja hana. Hins vegar ef þú getur komist yfir þessar EBE reglugerðir getur verið að þú finnir lausnina. Hins vegar veit ég ekki til þess að það sé svosem mikið skoðað hvernig þetta er fest enda myndi maður aldrei kasta til þess höndunum. Hins vegar er þetta það sem sagt er um festingar öryggisbelta í reglugerð um gerð og búnað ökutækja.
24.10 Bifreið.
(1) Öryggisbelti og tengdur búnaður skal vera viðurkenndur skv. EBE-tilskipun nr. 77/541 með síðari breytingum, ECE-reglum nr. 16.04 eða FMVSS-staðli nr. 209. Einnig skal beltið vera e-, E- eða DOT-merkt og merkt framleiðanda.
(2) Öryggisbelti skal vera tryggilega fest við styrkta hluta bifreiðar. Festur fyrir öryggisbelti teljast vera fullnægjandi ef ákvæði EBE-tilskipunar nr. 76/115 með síðari breytingum eða sambærileg ákvæði eru uppfyllt.
Ég verð að vera sammála Þóri að það er með ólíkindum hvað þessi tiltekni bíll virðist hreyfa við miklum tilfinningum hjá fólki. Ég held að þetta sé allt saman öfund. Mér finnst þetta einn al flottasti bíllinn sem sést á fjöllum en ég get alveg hamið öfund mína án þess að vera með skítkast.
Áfram Þórir,
áfram Hummer.
Kveðja, Klemmi.
Ég verð að vera sammála Þóri að það er með ólíkindum hvað þessi tiltekni bíll virðist hreyfa við miklum tilfinningum hjá fólki. Ég held að þetta sé allt saman öfund. Mér finnst þetta einn al flottasti bíllinn sem sést á fjöllum en ég get alveg hamið öfund mína án þess að vera með skítkast.
Áfram Þórir,
áfram Hummer.
Kveðja, Klemmi.
Ég verð að játa að mér finnast þessar tölur ótrúlega lágar. Ég er ekki að rengja ykkur, hélt bara að þetta væri meira. Hvernig er það, þessir bílar sem nefndir eru hér að ofan og eru að eyða svona litlu eru þeir beinskiptir?
Kveðja,
Klemmi forvitni.
Smá leiðrétting. Ökuréttindin miðast við 3500 kílóa heildarþyngd. Það skiptir engu máli hvernig þyngdin skiptist milli eigin þyngdar og burðargetu.
Kveðja,
Klemenz.
Ég er ævaforn Patrol aðdáandi en nú er svo komið að ég er farinn alvarlega að spá í að losa mig við Pattann, bara fyrir eitthvað sem Ingvar Helgason er EKKI með umboð fyrir. Þar liggur stóri munurinn á þessum tveimur bílum. Annars vegar færðu fína þjónustu í Kópavogi en þarft að sækja hana til Ástralíu í hinu tilfellinu.
Kveðja,
Klemenz.
ps. Báðar þessar bíltegundir bila, eins og allar aðrar tegundir en uppitíminn er lengri á Cruiser því það þarf ekki að bíða eftir öllum varahlutum í 10 daga+.
því miður hef ég séð ljót dæmi um misnotkun á kunningskap í svona málum. Fyrir allmörgum árum var Bens vörubíll, sem notaður var í meiraprófskennslu, skráður upp (yfir 5 tonna burðargetu á þeim tíma) meðan á kennslunni stóð en svo niður aftur og notaður í vinnu sem minnaprófsbíll. Einu tilfelli man ég líka eftir þar sem Chevrolet Suburban var skráður niður fyrir 3500 kílóa heildarþyngd þegar eigandinn krafðist þess enda hafði hann ekki meirapróf.
Í þessu bananalýðveldi okkar virðist kunningskapur og peningar geta komið mönnum ótrúlega langt hvað svo sem reglurnar segja.
Kveðja,
Klemmi.
Ég er búinn að koma því til manns, sem við þekkjum báðir, að þig langi mikið að fræðast um skyndihjálp. Sá sagðist myndi hjálpa þér með það og var að velta fyrir sér svona þremur tímum á dag í hálfan mánuð. Hljómar það ekki vel?
Kveðja,
Klemmi.
Það er nú einu sinni þannig að það er nánast undantekningarlaust ákært í málum þar sem banaslys verða. Það er jú einu sinni þannig að umferðarlögin eru þannig upp sett að sé farið eftir þeim í einu og öllu eiga ekki að verða alvarleg slys. Sama á við um sjólög. Það eru ófá banaslysin í umferðinni sem hafa leitt af sér dóma fyrir manndráp af gáleysi og eru sýknumálin færri en sakfellingarnar. Yfirleitt byggist ákæran á 4. mgr. sem fjallar um almenna aðgát og tillitssemi en oft er líka byggt á fleiri greinum eins og t.d. ef um ölvunarakstur eða hraðakstur er að ræða.
Akstur er alvara. Dauðans alvara.
Kveðja,
Klemmi.
Mín skoðun er sú að það borgi sig bara að kaupa nýja hurð frá UK. Þetta kostar bara klink þar úti. Kíktu t.d. á https://www.connectstores.com/lr/sp_35111.html
LandRover kveðja,
Klemmi.
Er nokkuð annað að gera Hlynur en að hringja í þá sem koma til greina? Eru ekki nema fjórir sýnist mér.
Kveðja,
Klemmi.
Loksins var upplýst af hverju Land Rover hefur svona frábæra "aksturseiginleika".
Kveðja,
Klemmi Land Rover eigandi.
Nú held ég að sé búið að víxla rásum á Háskerðingi og í Reykjafjöllum. Háskerðingur held ég að sé núna á 42 og Reykjafjöll á 46. Leiðréttið mig ef þetta er rangt.
Kveðja,
Klemmi.
Ég fæ kannski bara svona tímabundinn aðgang að Druslugenginu. Það heðfi nú verið brekka hjá þér Kalli minn að taka af mér bílinn meðan hann var vélarvana! En annars er nú komin í hann ný vél og svo á nú að rétta skrjóðinn eftir helgi þannig að kannski ég missi sénsinn á inngöngu.
Til hamingju Ísland,
Klemmi.
Sælir piltar. Mér finnst alveg vanta Patrol í gengið. Ég held að ég uppfylli þær kröfur sem þarf, með klesstan afturenda eftir dráttartóg og krók og svo var ég dreginn ÚR bænum í gær. Það er ekkert að láta draga sig í bæinn en úr bænum, það hlýtur að vera alvöru drusla:-)
Kveðja,
Klemmi.
Ef þú ætlar að setja eitthvað annað en orginal Patrol ofan í húddið þá verður alltaf einhver fyrirhöfn. Mig langaði mest að flytja mér inn létt tjúnnaða 350 small block Chevy (ca 500 hö) og setja í minn en gugnaði á fyrirhöfninni.
Kveðja,
Klemmi orginal.
